[
ОКОЗ:
1.
03.00.00.00 Фуқаролик қонунчилиги / 03.06.00.00 Вакиллик. Ишончнома;
2.
09.00.00.00 Тадбиркорлик ва хўжалик фаолияти / 09.15.00.00 Транспорт / 09.15.06.00 Автомобиль транспорти]
[
ТСЗ:
1.
Иқтисодиёт / Транспорт. Йўл хўжалиги. Ҳаракат ва парвозлар хавфсизлиги]
Ўзбекистон Республикаси
Адлия вазирлиги
томонидан
2000 йил 29 майда
01-526-сон билан
«ТАСДИҚЛАНГАН»
Ўзбекистон Республикаси
Ички ишлар вазирлиги
томонидан
2000 йил 29 майда
24/8-855-сон билан
«ТАСДИҚЛАНГАН»
Қорақалпоғистон Республикаси
Адлия вазирлиги, вилоятлар ва
Тошкент шаҳар адлия
бошқармаларига
Қорақалпоғистон Республикаси
Ички ишлар вазирлиги, вилоятлар
ва Тошкент шаҳар ички ишлар
Бош бошқармаларига
АВТОТРАНСПОРТ ВОСИТАЛАРИНИ ТАСАРРУФ ЭТИШ ВА УЛАРНИ БОШҚАРИШ ҲУҚУҚИНИ БЕРУВЧИ ИШОНЧНОМАЛАРНИ РАСМИЙЛАШТИРИШ БЎЙИЧА
кўрсатма
[Ўзбекистон Республикаси Адлия вазирлиги томонидан 2000 йил 31 майда 929-сон билан давлат рўйхатидан ўтказилган]
LexUZ шарҳи
Мазкур кўрсатма Ўзбекистон Республикаси Адлия вазирлиги, Ички ишлар вазирлигининг 2019 йил 30 июлдаги 4, 63ҚҚ-сонли ««Автотранспорт воситаларини тасарруф этиш ва уларни бошқариш ҳуқуқини берувчи ишончномаларни расмийлаштириш бўйича» кўрсатмани ўз кучини йўқотган деб топиш ҳақида»ги
қарорига
(рўйхат рақами 929-1, 13.08.2019 й.) асосан ўз кучини йўқотган.
Тегишли идоралар томонидан кўрилаётган чора-тадбирларга қарамасдан автомототранспорт воситалари билан боғлиқ жиноий хатти-ҳаракатлар сони кескин камаймаяпти. Ушбу жиноятларни тезда очиш уларнинг бир қисми ишончнома орқали бошқарилаётганлиги ва ўзгага ўтказилаётганлиги сабабли эгаларини аниқлаш масаласида бирмунча қийинчиликлар вужудга келмоқда. Бунинг оқибатида эса, айбдорларни топиш ва уларни белгиланган тартибда жавобгарликка тортиш даври асоссиз чўзилиб кетмоқда.
Қайд этилганларни инобатга олган ҳолда қуйидагилар топширилади:
1. Автотранспорт воситаларини тасарруф этиш (олиш-сотиш, алмаштириш, ҳадя этиш) ва уларни бошқариш ҳуқуқини берувчи ишончномалар расмийлаштирилганида ваколатнома олувчига унинг икки нусхаси берилади. Ишончноманинг бир нусхаси ҳудудий ДАН бошқармаларининг «Рўйхатлаш ва имтиҳон бўлим (бўлинма)ларида» қолдирилади. Нотариус томонидан мазкур ваколатнома матнида: «у тегишли автомобиль назорати идорасида 10 кун ичида белгиланган тартибда рўйхатдан ўтказилади ва рўйхатдан ўтказилмагунга қадар ҳақиқий эмас деб ҳисобланади» деб ёзилиши шарт.
2. Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари раҳбарларига қайд этилганларни барча нотариусларга ва улар орқали «Нотариат тўғрисида»ги
Қонунда
назарда тутилган нотариал тасдиқланган ҳужжатларга тенглаштириладиган ишончномаларни гувоҳлантирувчи шахсларга етказиш вазифаси юклатилади.
Ўзбекистон Республикаси адлия вазири A.А. ПОЛВОН-ЗОДА
Ўзбекистон Республикаси ички ишлар вазири З.А. АЛМАТОВ
(Ўзбекистон Республикаси вазирликлари, давлат қўмиталари ва идораларининг меъёрий ҳужжатлари ахборотномаси, 2000 й., 10 сон)