LexUZ шарҳи
Мазкур қарор Ўзбекистон Республикаси Вазирлар Маҳкамасининг 2012 йил 25 апрелдаги 119-сонли «Гербли гувоҳномалар шаклларини ва уларни берганлик учун герб йиғими миқдорини тасдиқлаш тўғрисида»ги қарорига мувофиқ ўз кучини йўқотган.
Фуқаролик ҳолатлари далолатномаларини ёзиш (ФҲДЁ) органлари томонидан аҳолига бериладиган гербли гувоҳномалар шакли ва мазмунини «Давлат тили ҳақида»ги Ўзбекистон Республикаси Қонунига мувофиқлаштириш ҳамда ФҲДЁ органларини гербли гувоҳномалар билан таъминлашни тартибга солиш мақсадида Вазирлар Маҳкамаси қарор қилади:
1. Туғилганлик, никоҳ қайд этилганлиги ва ўлим ҳақидаги гербли гувоҳномалар шакли 1-3а-иловаларга* мувофиқ тасдиқлансин.
Кейинги таҳрирга қаранг.
Олдинги таҳрирга қаранг.
2. Гербли гувоҳномалар тайёрлаш билан боғлиқ харажатлар Судлар ва адлия органларини ривожлантириш жамғармаси ҳисобидан амалга оширилсин.
(2-банд Ўзбекистон Республикаси Вазирлар Маҳкамасининг 2003 йил 30 апрелдаги 197-сонли қарори таҳририда — ЎР ҚҲТ, 2003 й., 7-8-сон, 66-модда)
Кейинги таҳрирга қаранг.
3. Белгилансинки, 1997 йил 1 июлдан бошлаб фуқароларга гербли гувоҳномалар беришда (ўлим ҳақидаги гербли гувоҳнома бундан мустасно) энг кам ойлик иш ҳақининг 5 фоизи миқдорида герб йиғими ундирилсин.
Кейинги таҳрирга қаранг.
4. Герб йиғимидан тушадиган маблағлар гербли гувоҳномалар ва фуқаролик ҳолатлари далолатномаси ёзувлари шаклларини тайёрлаш билан боғлиқ харажатларни қоплаш ва ФҲДЁ органларини ривожлантиришга сарфлаш учун Адлия вазирлиги ихтиёрида қолдирилсин.
5. Мазкур қарорнинг бажарилишини назорат қилиш Ўзбекистон Республикаси Адлия вазири С. Мирсафоев зиммасига юклансин.
Кейинги таҳрирга қаранг.