Машина-трактор паркларининг моддий-техника базасини янада мустаҳкамлаш ва қишлоқ хўжалигига ишлаб чиқариш-техника хизмати кўрсатишда уларнинг аҳамиятини ошириш мақсадида Вазирлар Маҳкамаси қарор қилади:
1. Ўзбекистон Республикаси Давлат мулки қўмитаси ва Ўзқишлоқхўжаликтаъминоттузатиш» давлат-кооператив қўмитасининг фаолият кўрсатаётган машина-трактор парклари ва қишлоқ хўжалиги техникасига ишлаб чиқариш-техник ва сервис хизмати кўрсатиш корхоналари негизида давлат-акциядорлик машина-трактор парклари ташкил этиш тўғрисидаги таклифига розилик берилсин.
давлат улуши | — устав жамғармасининг 35 фоизи; |
жамоа улуши | — устав жамғармасининг 15 фоизи; |
қишлоқ хўжалиги корхоналари ўртасида жойлаштириш | — устав жамғармасининг 30 фоизи; |
эркин сотиш, шу жумладан, чет эл инвесторларига | — устав жамғармасининг 20 фоизи. |
2. Давлат-акциядорлик машина-трактор паркининг намунавий ташкилий тузилмаси ва унинг ижро этувчи аппаратининг намунавий тузилмаси 1 ва 1а-иловаларга мувофиқ тасдиқлансин.
3. «Ўзқишлоқхўжаликтаъминоттузатиш»» давлат-кооператив қўмитаси, Давлат мулки қўмитаси, Адлия вазирлиги давлат-акциядорлик машина-трактор паркининг намунавий уставини икки ҳафта муддатда ишлаб чиқсинлар ва тасдиқласинлар.
машина-трактор паркларининг айланма маблағларини тўлдиришга 1997 йилда республика бюджетидан 1314 млн. сўм ажратиш назарда тутилган;
«Ўзқишлоқхўжаликтаъминоттузатиш» давлат-кооператив қўмитаси 1997 йилда республика бюджетига 685 млн. сўм қарзни қайтаришдан озод қилинган, кўрсатиб ўтилган сумма ўз айланма маблағларини тўлдиришга йўналтирилади.
Олдинги таҳрирга қаранг.
(4-банднинг тўртинчи хатбоши Ўзбекистон Республикаси Вазирлар Маҳкамасининг 2009 йил 17 июндаги 168-сонли қарорига асосан чиқарилган — ЎР ҚҲТ, 2009 й., 25-сон, 288-модда)
5. «Ўзқишлоқхўжаликтаъминоттузатиш» давлат-кооператив қўмитаси Ўзбекистон Республикаси Қишлоқ ва сув хўжалиги вазирлиги, Давлат мулки қўмитаси, Молия вазирлиги билан биргаликда бир ой муддатда:
хўжаликлардан қишлоқ хўжалиги техникасини, уларни кейинчалик сотиб олиш ҳуқуқи билан ижарага олиш тартибини;
машина-трактор парклари томонидан хорижий техникадан фойдаланган ҳолда бажариладиган механизациялаштирилган ишлар (хизматлар) қийматини, улардан фойдаланишнинг ҳақиқий муддатларини ҳисобга олган ҳолда, аниқлаш методикасини ишлаб чиқсин ва тасдиқласин;
Олдинги таҳрирга қаранг.
Қишлоқ хўжалиги маҳсулотлари етиштирувчи майда товар ишлаб чиқарувчиларга, фермер ва деҳқон хўжаликларига уларнинг буюртманомалари бўйича сервис хизмати кўрсатиш масалалари «Ўзқишлоқхўжаликтаъминоттузатиш» давлат-кооператив қўмитасига юклансин. Бунинг учун машина-трактор парклари таркибида ихтисослаштирилган бўлимлар ташкил этилсин, уларни шакллантиришнинг аҳволи алоҳида назорат остига олинсин.
(5-банднинг бешинчи хатбошиси Ўзбекистон Республикаси Вазирлар Маҳкамасининг 1999 йил 30 апрелдаги 202-сонли қарори таҳририда)
6. «Ўзқишлоқхўжаликтаъминоттузатиш» давлат-кооператив қўмитаси «Кейс-Корпорейшн» корпорацияси билан республикада хорижий қишлоқ хўжалиги техникасига сервис хизмати кўрсатиш бўйича «ЎзКейссервис» қўшма корхонаси ташкил этиш тўғрисида шартнома тузганлиги, муассислар улушлари белгиланганлиги (51 фоиз — «Кейс-Корпорейшн» корпорацияси улуши, 49 фоиз — ўзбекистонлик муассислар улуши) ва шу йил май ойида корхонани ташкил этиш бўйича таъсис йиғилиши ўтказиш мўлжалланганлиги маълумот учун қабул қилинсин.
7. «Ўздавнефтмаҳсулот» бирлашмаси «Ўзқишлоқхўжаликтаъминоттузатиш» давлат-кооператив қўмитаси буюртманомалари бўйича амалдаги нормалар асосида машина-трактор паркларига фойдаланиш эҳтиёжлари ва техникага техник хизмат кўрсатиш учун мойлаш материаллари етказиб берилишини таъминласин.
8. «Ўзқишлоқхўжаликмаш-холдинг» компанияси, «Ўзмашсаноат» ва «Ўзавтосаноат» уюшмалари «Ўзқишлоқхўжаликтаъминоттузатиш» давлат-кооператив қўмитаси билан биргаликда қишлоқ хўжалиги техникасига эҳтиёт қисмлар, узеллар ва агрегатлар ишлаб чиқаришни ташкил этиш дастурини бир ой муддатда ишлаб чиқсинлар ва Ўзбекистон Республикаси Вазирлар Маҳкамасига киритсинлар.
9. «Ўзқишлоқхўжаликтаъминоттузатиш» давлат-кооператив қўмитаси машина-трактор парклари механизаторлари ва муҳандис-техник ходимлари чет эл техникасини ишлатиш ва уларга хизмат кўрсатиш қоидалари бўйича мунтазам ўқитилишини ташкил этсин ва таъминласин.
10. Қорақалпоғистон Республикаси Вазирлар Кенгаши, вилоятлар ҳокимликлари машина-трактор парклари шаклланиши ва улар фаолияти ташкил этилишига ҳар томонлама ёрдам кўрсатсинлар ҳамда уларни қўллаб-қувватласинлар. Қорақалпоғистон Республикаси Вазирлар Кенгаши Раиси ва вилоятлар ҳокимлари машина-трактор парклари фаолияти учун шахсан жавоб беражаклари тўғрисида огоҳлантирилсин.
Олдинги таҳрирга қаранг.
(11-банд Ўзбекистон Республикаси Вазирлар Маҳкамасининг 2021 йил 22 февралдаги 87-сонли қарорига асосан ўз кучини йўқотган — Қонун ҳужжатлари маълумотлари миллий базаси, 22.02.2021 й., 09/21/87/0134-сон)
12. Мазкур қарорнинг бажарилишини назорат қилиш Бош вазирнинг биринчи ўринбосари Қ. Ғ. Обидов зиммасига юклансин.
Олдинги таҳрирга қаранг.
(1а-илова Ўзбекистон Республикаси Вазирлар Маҳкамасининг 1998 йил 27 февралдаги 84-сонли қарорига асосан ўз кучини йўқотган)