LexUZ шарҳи
Мазкур қарор Ўзбекистон Республикаси Вазирлар Маҳкамасининг 1997 йил 31 мартдаги 165-сонли «Товар бозорларида монополистик фаолиятни чеклаш ва рақобат тўғрисида»ги Ўзбекистон Республикаси Қонунини амалга ошириш чора-тадбирлари ҳақида»ги қарорига мувофиқ ўз кучини йўқотган.
Республикада рақобатни ривожлантириш, хўжалик юритувчи субъектларни монополиядан чиқаришни кенгайтириш ва иқтисодий ислоҳотларни чуқурлаштириш мақсадида Вазирлар Маҳкамаси қарор қилади:
1. Вазирлар Маҳкамасининг 1993 йил 30 мартдаги 160-сон қарори билан тасдиқланган «Ўзбекистон Республикасининг товар бозорларида монополистик мавқеини эгаллаган хўжалик юритувчи субъектларнинг Давлат реестри тўғрисида Низом» 2-бандининг биринчи, иккинчи ва учинчи хатбошилари қуйидаги таҳрирда баён қилинсин:
«2. Монополист реестрга агар унинг муайян товар бозоридаги улуши 65 фоизни ёки ундан кўпроқни ташкил этса, ёхуд ушбу улуш Ўзбекистон Республикаси Молия вазирлиги ҳузуридаги Монополиядан чиқариш ва рақобатни ривожлантириш қўмитаси томонидан қуйидаги ҳолатларга боғлиқ равишда 35 фоиздан 65 фоизгача бўлган диапазонда белгиланган тақдирда киритилади:
хўжалик юритувчи субъектнинг товар айланиши шароитларига мустақил равишда ёки хўжалик юритувчи бошқа субъектлар билан биргаликда ҳаракат қилган ҳолда ҳал қилувчи таъсир кўрсата олиш имконияти;
хўжалик юритувчи субъект хатти-ҳаракатлари (хатти-ҳаракатсизлигининг монополияга қарши қонунчиликни бузиши ва бошқа хўжалик юритувчи субъектларнинг бозорга киришини қийинлаштириши».