Ватанимиз тиббиёт ва фармацевтика саноатини жадал ривожлантиришни таъминлаш, тармоқда иқтисодий ислоҳотларни чуқурлаштириш, дори-дармон воситалари ва тиббий анжомлар ишлаб чиқариш соҳасини кенгайтириш мақсадида Вазирлар Маҳкамаси қарор қилади:
1. «Ўзистиқболстат» давлат қўмитаси «Ўзфармсаноат» концерни, бошқа манфаатдор вазирликлар ва идоралар билан биргаликда хорижий инвесторларни жалб этган ҳолда «Ўзфармсаноат» концернининг импортнинг ўрнини босувчи дори-дармон воситалари ва тиббий анжомлар ишлаб чиқариш дастурини ишлаб чиқсин ҳамда уни республиканинг 1997 йилги инвестиция дастурига киритсин.
2. «Ўзкимёсаноат» уюшмаси «Ўзфармсаноат» концерни билан биргаликда ўзига қарашли корхоналарнинг мавжуд ишлаб чиқариш қувватларидан фойдаланган ҳолда маҳаллий ўсимлик хом ашёси ва технологиялар асосида дори-дармон воситалари субстанцияларини саноат йўли билан ишлаб чиқариш дастурини бир ой муддатда ишлаб чиқсин ва тасдиқласин.
Олдинги таҳрирга қаранг.
3. Ташқи иқтисодий фаолият миллий банкига ва «Агробанк» АТБга, Ўзбекистон Республикасининг бошқа тижорат банкларига тиббиёт ва фармацевтика саноати корхоналарини техника билан қайта жиҳозлаш мақсадлари учун устувор тартибда имтиёзли кредитлар бериш тавсия этилсин.
(3-банд Ўзбекистон Республикаси Вазирлар Маҳкамасининг 2009 йил 20 майдаги 142-сонли қарори таҳририда — ЎР ҚҲТ, 2009 й., 21-сон, 252-модда)
«Ўзфармсаноат» концерни корхоналари ва ташкилотларига солиқларнинг барча турлари бўйича бюджетга тўланиши керак бўлган сумманинг 50 фоизи миқдорида 3 йил муддатга имтиёзлар берилсин, ушбу сумма фармацевтика индустриясини ривожлантиришга йўналтирилсин;
LexUZ шарҳи
Ўзбекистон Республикаси Вазирлар Маҳкамасининг 1999 йил 21 декабрдаги 538-сонли «Республикада дори-дармон воситалари ва тиббиёт буюмлари ишлаб чиқариш турлари ва ҳажмини янада кенгайтириш чора-тадбирлари тўғрисида»ги қарорининг 2-бандида мазкур имтиёзлар 2000 йил 1 январдан бошлаб 3 йил муддатга узайтирилиши ва бўшаб қолган маблағлар фармацевтика маҳсулотлари ишлаб чиқаришни ривожлантириш дастури доирасида мавжуд ишлаб чиқаришларни замонавийлаштириш ва янгиларини барпо этишга мақсадли йўналтирилиши белгиланган.
Олдинги таҳрирга қаранг.
(4-банднинг учинчи хатбошиси Ўзбекистон Республикаси Вазирлар Маҳкамасининг 2013 йил 12 мартдаги 71-сонли қарорига асосан чиқарилган — ЎР ҚҲТ, 2013 й., 11-сон, 143-модда)
«Ўзфармсаноат» концерни корхоналари, шу жумладан қўшма корхоналар томонидан ишлаб чиқарилаётган тайёр маҳсулотга қўшилган қиймат солиғини ҳисоблаб чиқишда импортдан олинаётган хом ашё ва бутловчи материаллар қиймати 3 йил муддатга солиқ солинадиган базадан чиқарилсин.
Олдинги таҳрирга қаранг.
(5-банд Ўзбекистон Республикаси Вазирлар Маҳкамасининг 2003 йил 6 ноябрдаги 490-сон қарорига мувофиқ ўз кучини йўқотди)
Олдинги таҳрирга қаранг.
Асосий дори воситалари рўйхатига киритилган дори воситалари, шунингдек тиббий буюмлар рўйхатига киритилган тиббий буюмларнинг давлат буюртмасини шакллантирсин ва уларнинг давлат тиббиёт муассасаларида бир ойлик захираси мавжуд бўлишини таъминласин.
(6-банд Ўзбекистон Республикаси Вазирлар Маҳкамасининг 2017 йил 6 апрелдаги 185-сонли қарори таҳририда — ЎР ҚҲТ, 2017 й., 14-сон, 228-модда)
LexUZ шарҳи
(6-бандга киритилган ўзгартиришлар Ўзбекистон Республикасининг 2017 йил 6 апрелдаги 185-сонли қарорига асосан 2017 йилнинг 1 июлидан эътиборан кучга киради.
7. «Ўзистиқболстат» давлат қўмитаси, «Ўзулгуржибиржасавдо» уюшмаси, Ўзбекистон Республикаси Молия вазирлиги марказлаштирилган капитал маблағлар ва моддий ресурслар лимитлари прогнозларини, қурилишнинг аниқ мақсадли дастурларини тузишда тиббиёт ва фармацевтика саноати объектлари уларга биринчи навбатда киритилишини назарда тутсинлар.
8. «Ўзистиқболстат» давлат қўмитаси, «Ўздавпахтасаноатсотиш» уюшмаси ҳар йили тиббий боғлаш материалларини кооперация асосида қайта ишлаш ва ўзимизда ишлаб чиқаришни ривожлантириш учун «Ўзфармсаноат» концернига пахта толаси лимитларини назарда тутсинлар.
9. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари фармацевтика саноатини ривожлантиришга, дори-дармон хом ашёси, тайёр дори-дармон воситалари, тиббий анжомлар ва тиббий техника ишлаб чиқариш ва қайта ишлаш корхоналарини техника билан қайта жиҳозлаш, реконструкция қилиш ва янгиларини қуришга мулкчиликнинг барча шаклларидаги корхоналар маблағларини жалб этиш ишларини ташкил этсинлар.
Олдинги таҳрирга қаранг.
10. Пул-кредит сиёсати бўйича республика комиссияси улгуржи операциялар бўйича дори воситалари, тиббий буюмлар харид қилишга йўналтириладиган пул маблағлари устувор конвертация қилинишини таъминласин.
(10-банд Ўзбекистон Республикаси Вазирлар Маҳкамасининг 2017 йил 6 апрелдаги 185-сонли қарори таҳририда — ЎР ҚҲТ, 2017 й., 14-сон, 228-модда)
LexUZ шарҳи
(10-бандга киритилган ўзгартиришлар Ўзбекистон Республикасининг 2017 йил 6 апрелдаги 185-сонли қарорига асосан 2017 йилнинг 1 июлидан эътиборан кучга киради.
11. Вазирлар Маҳкамасининг «Ташқи иқтисодий фаолиятни янада эркинлаштириш ва такомиллаштириш чора-тадбирлари тўғрисида» 1995 йил 25 июлдаги 287-сон қарорига 5-илованинг «Дори-дармон воситалари» 1-бандидан ТИФ ТН 3003 ва 3004 товар кодлари чиқариб ташлансин.