Сув таъминоти оғир бўлган ҳудудлардаги аҳоли томорқаларига сув етказиб беришни яхшилаш учун суғориш қудуқларини қазишни ташкил этиш мақсадида Вазирлар Маҳкамаси қарор қилади:
Олдинги таҳрирга қаранг.
1. 2019-2020 йилларда сув таъминоти оғир, истеъмолга яроқли ер ости сув захиралари етарли бўлган маҳалла фуқаролар йиғинлари ҳудудларидаги аҳоли томорқаларига сув етказиб бериш мақсадида суғориш қудуқларини қазиш дастури (кейинги ўринларда Дастур деб аталади) ва уни амалга ошириш учун Ўзбекистон фермер, деҳқон хўжаликлари ва томорқа ер эгалари «Томорқа хизмати» МЧЖга кенгаши (кейинги ўринларда Кенгаш деб аталади) ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармаси томонидан фермер, деҳқон хўжаликлари ва томорқа ер эгаларига ажратиладиган имтиёзли кредит ресурслари 1-иловага;
(1-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 9 сентябрдаги 751-сонли қарори таҳририда — Қонун ҳужжатлари маълумотлари миллий базаси, 10.09.2019 й., 09/19/751/3720-сон)
Кейинги таҳрирга қаранг.
сув таъминоти оғир ҳудудларда артезиан қудуқларни бурғулаш ишларини ташкил этиш схемаси 2-иловага мувофиқ тасдиқлансин.
2. Кенгаш Ўзбекистон Республикаси Сув хўжалиги вазирлиги, Қишлоқ хўжалиги вазирлиги, Ер ресурслари, геодезия, картография ва давлат кадастри давлат қўмитаси, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда Дастурга киритилган маҳалла фуқаролар йиғинларидаги аҳоли томорқаларини ҳар томонлама ўрганиб, ушбу томорқалардаги боғларни ва бошқа қишлоқ хўжалиги экинларини суғоришни замоновий ресурс тежовчи илғор технологиялар асосида ва муқобил энергия воситаларидан фойдаланишни ташкил этилишини назарда тутсинлар.
Дастурни амалга ошириш доирасида давлат ва хўжалик бошқаруви органлари, маҳаллий ижро этувчи ҳокимият органлари ва бошқа ташкилотлар фаолиятини мувофиқлаштирсин;
Дастурнинг амалга оширилиши юзасидан тизимли мониторинг олиб борсин, юзага келадиган муаммоларни ўз вақтида ҳал қилиш учун зарур чораларни кўрсин;
зарур ҳолларда, Қорақалпоғистон Республикаси Вазирлар Кенгаши ва вилоятлар ҳокимликлари билан келишилган ҳолда мазкур Дастурга тегишли ўзгартириш ва қўшимчалар киритсин.
4. Дастурга мувофиқ суғориш қудуқларини бурғулаш учун Ўзбекистон Республикаси Экология ва атроф-муҳитни муҳофаза қилиш давлат қўмитаси қудуқларни қазиш лойиҳаларига экологик экспертиза хулосалари ва Давлат геология ва минерал ресурслар қўмитаси гидрогеологик хулосалар белгиланган тартибда берилишини таъминласин.
5. «Ўзбекэнерго» акциядорлик жамияти 2019-2020 йилларда сув таъминоти оғир бўлган аҳоли масканларида қуриладиган суғориш қудуқларининг электр тармоқларига белгиланган тартибда уланишини ҳамда уларга электр энергияси узлуксиз етказиб берилишини таъминласин.
6. Кенгашнинг Дастурдаги сув таъминоти оғир, истеъмолга яроқли ер ости сув захиралари етарли бўлган маҳалла фуқаролар йиғинлари ҳудудларидаги аҳоли томорқаларига сув етказиб бериш учун суғориш қудуқларини қазиш ишларини ташкил этиш бўйича «Томорқа хизмати» МЧЖ ҳамда «Сувқурилишинвест» давлат унитар корхоналарини буюртмачи этиб белгилаш тўғрисидаги таклифи маъқуллансин.
7. Қорақалпоғистон Республикаси Вазирлар Кенгаши ва вилоятлар ҳокимликлари Дастурда назарда тутилган қудуқларни қазиш ва бурғулаш учун, шу жумладан энергия манбалари ускуналарини ўрнатиш ва уларни келгусида эксплуатация қилиш учун зарур ер майдонларини ўрнатилган тартибда ажратиб берилишини таъминласин.
8. Дастурга киритилган суғориш қудуқларини қазиш ҳамда сувни аҳоли томорқаларига етказиб бериш ишларини молиялаштириш:
Олдинги таҳрирга қаранг.
Фермер, деҳқон хўжаликлари ва томорқа ер эгаларини, «Томорқа хизмати» МЧЖларни қўллаб-қувватлаш жамғармаси томонидан фермер, деҳқон хўжаликлари ва томорқа ер эгаларига, «Томорқа хизмати» МЧЖларга имтиёзли кредитлар бериш мақсадида «Микрокредитбанк» АТБ, «Агробанк» АТБ ва «Халқ банки» АТБга жойлаштириладиган ресурслар ҳисобидан;
(8-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 9 сентябрдаги 751-сонли қарори таҳририда — Қонун ҳужжатлари маълумотлари миллий базаси, 10.09.2019 й., 09/19/751/3720-сон)
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузурида янги иш ўринлари ташкил этишни рағбатлантириш ҳудудий жамғармаларининг фермер ва деҳқон хўжаликлари, шахсий томорқа эгаларига суғориш мосламалари (насослар, суғориш қудуқлари ва бошқалар) харид қилиш учун ажратиладиган имтиёзли кредитлар;
белгиланган тартибда ҳамкорлик дастурлари доирасида жалб қилинадиган халқаро молия институтларининг маблағлари;
«Томорқа хизмати» МЧЖларнинг ва ташаббускорларнинг (суғориш қудуғидан фойдаланувчилар) ўз маблағлари ҳамда қонунда тақиқланмаган бошқа манбалар ҳисобидан амалга оширилади.
Олдинги таҳрирга қаранг.
Жамғарма Дастурга киритилган туманлардаги фермер, деҳқон хўжаликлари ва томорқа ер эгаларига, шунингдек, «Томорқа хизмати» МЧЖларга бурғулаш ускуналари харид қилиш, қудуқ қазиш ҳамда мавжуд қудуқларни таъмирлаш учун маблағ ажратиши мумкин.
(8-банд Ўзбекистон Республикаси Вазирлар Маҳкамасининг 2019 йил 9 сентябрдаги 751-сонли қарорига асосан олтинчи хатбоши билан тўлдирилган — Қонун ҳужжатлари маълумотлари миллий базаси, 10.09.2019 й., 09/19/751/3720-сон)
9. Ўзбекистон Республикаси Инновацион ривожланиш вазирлиги фундаментал, амалий инновацион тадқиқотлар бўйича давлат илмий-техник дастурларни шакллантиришда аҳоли томорқаларига сув етказиб бериш бўйича инновацион ишланмалар ва замонавий технологиялар ишлаб чиқишни назарда тутувчи илмий лойиҳалар киритилишини назарда тутсин.
10. Ушбу қарорнинг ижросини назорат қилиш Ўзбекистон фермер, деҳқон хўжаликлари ва томорқа ер эгалари кенгаши раиси вазифасини бажарувчи А.А. Хаитов ва Сув хўжалиги вазири Ш.Р. Хамраев зиммасига юклансин.
Олдинги таҳрирга қаранг.
(1-илова номи Ўзбекистон Республикаси Вазирлар Маҳкамасининг 2019 йил 9 сентябрдаги 751-сонли қарори таҳририда — Қонун ҳужжатлари маълумотлари миллий базаси, 10.09.2019 й., 09/19/751/3720-сон)
Олдинги таҳрирга қаранг.
(1-илова Ўзбекистон Республикаси Вазирлар Маҳкамасининг 2019 йил 9 сентябрдаги 751-сонли қарорига асосан изоҳ билан тўлдирилган — Қонун ҳужжатлари маълумотлари миллий базаси, 10.09.2019 й., 09/19/751/3720-сон)