Ўзбекистон Республикаси Молия вазирлиги
ЎЗБЕКИСТОН РЕСПУБЛИКАСИ ДАВЛАТ СОЛИҚ ҚЎМИТАСИ
ЎЗБЕКИСТОН РЕСПУБЛИКАСИ ДАВЛАТ МУЛКИНИ БОШҚАРИШ ВА ТАДБИРКОРЛИКНИ ҚЎЛЛАБ-ҚУВВАТЛАШ ДАВЛАТ ҚЎМИТАСИНИНГ
Қарори
ИНВЕСТОРЛАРГА БЕПУЛ БЕРИЛГАН ПАСТ РЕНТАБЕЛЛИ, ЗАРАР КЎРИБ ИШЛАЁТГАН, ИҚТИСОДИЙ НОЧОР ДАВЛАТ КОРХОНАЛАРИНИНГ БЮДЖЕТГА ВА БЮДЖЕТДАН ТАШҚАРИ ФОНДЛАРГА ТЎЛОВЛАР БЎЙИЧА ОЛДИНГИ ЙИЛЛАРДАГИ ТЎЛАНИШИГА ИШОНЧ БЎЛМАГАН ҚАРЗЛАРИ, ШУ ЖУМЛАДАН УЛАР БЎЙИЧА ҲИСОБЛАНГАН ПЕНЯ ВА ЖАРИМАЛАР СУММАЛАРИНИ АНИҚЛАШ ВА ҲИСОБДАН ЧИҚАРИШ ТАРТИБИ ТЎҒРИСИДА НИЗОМНИ ТАСДИҚЛАШ ҲАҚИДА
[Ўзбекистон Республикаси Адлия вазирлиги томонидан 2004 йил 25 декабрда 1436-сон билан давлат рўйхатидан ўтказилди]
Ўзбекистон Республикаси Солиқ кодекси ва Ўзбекистон Республикаси Вазирлар Маҳкамасининг 2003 йил 26 декабрдаги 368-сон «Паст рентабелли, зарар кўриб ишлаётган, иқтисодий ночор давлат корхоналарини ва объектларни хусусийлаштиришни жадаллаштиришга доир қўшимча чора-тадбирлари тўғрисида»ги ва 2004 йил 5 майдаги 209-сон «Давлат мулки айрим объектларини инвестиция мажбуриятлари эвазига бепул беришни жадаллаштириш чора-тадбирлари тўғрисида»ги қарорларига мувофиқ қарор қиламиз:
1. Инвесторларга бепул берилган паст рентабелли, зарар кўриб ишлаётган, иқтисодий ночор давлат корхоналарининг бюджетга ва бюджетдан ташқари фондларга тўловлар бўйича олдинги йиллардаги тўланишига ишонч бўлмаган қарзлари, шу жумладан улар бўйича ҳисобланган пеня ва жарималар суммаларини аниқлаш ва ҳисобдан чиқариш тартиби тўғрисида низом иловага* мувофиқ тасдиқлансин.
* Илова рус тилидаги матнда берилган.
2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.
Молия вазири С. РАҲИМОВ
Тошкент ш.,
2004 йил 13 декабрь,
119-сон
Давлат солиқ қўмитаси раиси Б. ПАРПИЕВ
Тошкент ш.,
2004 йил 13 декабрь,
2004-63-сон
Давлат мулкини бошқариш ва тадбиркорликни қўллаб-қувватлаш давлат қўмитаси раиси М. АСҚАРОВ
Тошкент ш.,
2004 йил 13 декабрь,
01/06-20-сон

(Ўзбекистон Республикаси қонун ҳужжатлари тўплами, 2004 й., 52-сон, 527-модда)