[
ОКОЗ:
1.
09.00.00.00 Тадбиркорлик ва хўжалик фаолияти / 09.07.00.00 Стандартлаштириш. Метрология. Сертификатлаш / 09.07.03.00 Сертификатлаштириш / 09.07.03.04 Мажбурий ва ихтиёрий сертификатлаштириш;
2.
09.00.00.00 Тадбиркорлик ва хўжалик фаолияти / 09.10.00.00 Саноат / 09.10.22.00 Озиқ-овқат саноати / 09.10.22.01 Алкоголь ва тамаки маҳсулотлари]
[
ТСЗ:
1.
Иқтисодиёт / Стандартлаштириш. Сертификатлаш]
Ўзбекистон Республикаси Соғлиқни сақлаш вазирлиги
Ўзбекистон стандартлаштириш, метрология ва сертификатлаштириш агентлигининг
Қарори
Озиқ-овқат маҳсулотларига, уларни ишлаб чиқариш воситаларига ва халқ истеъмоли молларига санитария-эпидемиологик хулоса бериш тартиби тўғрисида йўриқномага ўзгартиришлар ва қўшимча киритиш тўғрисида
[Ўзбекистон Республикаси Адлия вазирлиги томонидан 2018 йил 8 ноябрда рўйхатдан ўтказилди, рўйхат рақами 1525-2]
Ўзбекистон Республикаси Президентининг 2018 йил 12 апрелдаги ПФ-5414-сон «Ўзбекистон Республикаси Давлат божхона хизмати органлари фаолиятини тубдан такомиллаштириш чора-тадбирлари тўғрисида»ги
Фармонига
мувофиқ Ўзбекистон Республикаси Соғлиқни сақлаш вазирлиги ҳамда Ўзбекистон стандартлаштириш, метрология ва сертификатлаштириш агентлиги қарор қилади:
1. Ўзбекистон Республикаси Соғлиқни сақлаш вазирлиги ҳамда Ўзбекистон стандартлаштириш, метрология ва сертификатлаштириш агентлигининг 2005 йил 30 сентябрдаги 01-1/54, 1-сон қарори (рўйхат рақами 1525, 2005 йил 28 ноябрь) (Ўзбекистон Республикаси Қонун ҳужжатлари тўплами, 2005 й., 47-48-сон, 360-модда) билан тасдиқланган Озиқ-овқат маҳсулотларига, уларни ишлаб чиқариш воситаларига ва халқ истеъмоли молларига санитария-эпидемиологик хулоса бериш тартиби тўғрисида
йўриқномага
иловага
мувофиқ ўзгартиришлар ва қўшимча киритилсин.
2. Мазкур қарор расмий эълон қилинган кундан эътиборан кучга киради.
Соғлиқни сақлаш вазири А. ШАДМАНОВ
Тошкент ш.,
2018 йил 22 октябрь,
49-сон
Ўзбекистон стандартлаштириш, метрология ва сертификатлаштириш агентлиги бош директори Д. САТТАРОВ
Тошкент ш.,
2018 йил 22 октябрь,
323-сон
Ўзбекистон Республикаси Соғлиқни сақлаш вазирлиги ҳамда Ўзбекистон стандартлаштириш, метрология ва сертификатлаштириш агентлигининг 2018 йил 22 октябрдаги 49, 323-сон
қарорига
ИЛОВА
Озиқ-овқат маҳсулотларига, уларни ишлаб чиқариш воситаларига ва халқ истеъмоли молларига санитария-эпидемиологик хулоса бериш тартиби тўғрисида йўриқномага киритилаётган ўзгартиришлар ва қўшимча
1.
9-бандда
:
тўртинчи хатбошидаги
«нусхалари тақдим этилади.» деган сўзлар «нусхалари;» деган сўз билан алмаштирилсин;
қуйидаги мазмундаги бешинчи хатбоши билан тўлдирилсин:
«айнан бир хил маҳсулот бир ташқи савдо шартномаси (контракти) доирасида четдан олиб келинаётган ҳолларда ушбу ташқи савдо шартномаси (контракти) нусхаси тақдим этилади.».
2.
51-банд
қуйидаги таҳрирда баён этилсин:
«51. Ишлаб чиқарилаётган маҳсулотларга санитария-эпидемиологик хулоса — 3 йил муддатга, четдан олиб келинаётган маҳсулотга — маҳсулотнинг яроқлилик даврига, яроқлилик муддатига эга бўлмаган маҳсулотга эса — муддати кўрсатилмасдан берилади.
Бир ташқи савдо шартномаси (контракти) доирасида четдан олиб келинаётган айнан бир хил маҳсулотга санитария-эпидемиологик хулоса — бир календарь йилидан ошмаган муддатга берилади.».
3. Мазкур ўзгартиришлар ва қўшимча Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Савдо-саноат палатаси, Давлат ветеринария қўмитаси, Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси билан келишилган.
Хусусийлаштирилган корхоналарга кўмаклашиш ва рақобатни ривожлантириш давлат қўмитаси раиси биринчи ўринбосари Н. ШАРИПОВ
2018 йил 18 октябрь
Савдо-саноат палатаси раиси А. ИКРАМОВ
2018 йил 18 октябрь
Давлат ветеринария қўмитаси раиси Б. НОРКОБИЛОВ
2018 йил 19 октябрь
Вазирлар Маҳкамаси ҳузуридаги Ўсимликлар карантини давлат инспекцияси бошлиғи И. ЭРГАШЕВ
2018 йил 19 октябрь
(Қонун ҳужжатлари маълумотлари миллий базаси, 09.11.2018 й., 10/18/1525-2/2171-сон)