[
ОКОЗ:
1.
05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.30.00 Алоҳида тоифадаги ходимлар учун дам олиш вақтининг хусусиятлари]
[
ТСЗ:
1.
Ижтимоий-маданий масалалар / Меҳнат. Аҳолининг бандлиги]
Ўзбекистон Республикаси Парвозлар хавфсизлигини назорат қилиш давлат инспекцияси бошлиғининг
буйруғи
Ўзбекистон Республикасининг «Ўзбекистон Республикаси фуқаро авиациясининг ҳаво кемалари экипаж аъзоларининг иш вақти ва дам олиш вақтини нормалаштириш» авиация қоидаларига (ЎзР АҚ-94) ўзгартиришлар киритиш тўғрисида
[Ўзбекистон Республикаси Адлия вазирлиги томонидан 2018 йил 7 сентябрда рўйхатдан ўтказилди, рўйхат рақами 2141-2]
Ўзбекистон Республикаси Вазирлар Маҳкамасининг 2017 йил 2 сентябрдаги 692-сон «Ўзбекистон Республикаси Парвозлар хавфсизлигини назорат қилиш давлат инспекцияси тўғрисидаги низомни тасдиқлаш ҳақида»ги
қарорига
мувофиқ, буюраман:
1. Ўзбекистон Республикаси Парвозлар хавфсизлигини назорат қилиш давлат инспекцияси бошлиғининг 2010 йил 18 августдаги 96-сон буйруғи (рўйхат рақами 2141, 2010 йил 15 сентябрь) (Ўзбекистон Республикаси қонун ҳужжатлари тўплами, 2010 й., 37-сон, 324-модда) билан тасдиқланган Ўзбекистон Республикасининг «Ўзбекистон Республикаси фуқаро авиациясининг ҳаво кемалари экипаж аъзоларининг иш вақти ва дам олиш вақтини нормалаштириш»
авиация қоидаларига
(ЎзР АҚ-94)
иловага
мувофиқ ўзгартиришлар киритилсин.
2. Мазкур буйруқ расмий эълон қилинган кундан кучга киради.
Бошлиқ Т. ЎЛЖАЕВ
Тошкент ш.,
2018 йил 15 август,
121-Н-сон
Ўзбекистон Республикаси Парвозлар хавфсизлигини назорат қилиш давлат инспекцияси бошлиғининг 2018 йил 15 августдаги 121-сон
буйруғига
ИЛОВА
Ўзбекистон Республикасининг «Ўзбекистон Республикаси фуқаро авиациясининг ҳаво кемалари экипаж аъзоларининг иш вақти ва дам олиш вақтини нормалаштириш» авиация қоидаларига (ЎзР АҚ-94) киритилаётган ўзгартиришлар
1. Қоидаларнинг
муқаддимаси
қуйидаги таҳрирда баён этилсин:
«Мазкур Қоидалар Ҳалқаро фуқаро авиацияси тўғрисидаги Конвенциянинг (Чикаго, 1944 йил 7 декабрь) 6-иловаси ва Ўзбекистон Республикасининг Ҳаво кодексига мувофиқ Ўзбекистон Республикаси фуқаро авиациясининг ҳаво кемалари экипаж аъзоларининг иш вақти ва дам олиш вақтини нормаллаштириш тартибини белгилайди.».
2.
10-банд
ўз кучини йўқотган деб топилсин.
3. Мазкур ўзгартиришлар Бандлик ва меҳнат муносабатлари вазирлиги, Соғлиқни сақлаш вазирлиги, Ўзбекистон авиация ходимлари касаба уюшмаси Республика Кенгаши ва «Ўзбекистон ҳаво йўллари» миллий авиакомпанияси билан келишилган.
Бандлик ва меҳнат муносабатлари вазири Ш. КУДБИЕВ
2018 йил 15 август
Соғлиқни сақлаш вазири А. ШАДМАНОВ
2018 йил 15 август
Ўзбекистон авиация ходимлари касаба уюшмаси Республика Кенгаши раиси Ш. МИНГАЛИЕВ
2018 йил 15 август
«Ўзбекистон ҳаво йўллари» миллий авиакомпаниясининг Бош директори в.б. Б. ХАКИМОВ
2018 йил 15 август
(Қонун ҳужжатлари маълумотлари миллий базаси, 08.09.2018 й., 10/18/2141-2/1855-сон, )