LexUZ шарҳи
Мазкур қарор Ўзбекистон Республикаси Президентининг 2017 йил 18 мартдаги ПҚ-2847-сонли «Молия органлари фаолиятини янада такомиллаштириш чора-тадбирлари тўғрисида»ги қарорига асосан ўз кучини йўқотган.
Келишилган молия, солиқ ва нарх сиёсатини ўтказишни таъминлаш, молия тизимини мустаҳкамлаш, бюджет маблағларидан мақсадли фойдаланиш ва нархлар устидан назоратнинг таъсирини ошириш, шунингдек, Ўзбекистон Республикаси Президентининг «Ўзбекистон Республикасида молия бошқаруви органлари ва нарх белгилаш тизимининг ташкилий тузилишини такомиллаштириш тўғрисида»ги Фармонига мувофиқ Вазирлар Маҳкамаси қарор қилади:
Кейинги таҳрирга қаранг.
Ўзбекистон Республикаси ҳудудида ягона молия, солиқ ва нарх қўйиш сиёсатини шакллантириш ва ўтказиш, бозор иқтисодиётига ўтиш шароитларида республикани ижтимоий-иқтисодий ривожлантиришнинг ва аҳолини ижтимоий ҳимоя қилишнинг барқарор молиявий негизини барпо этиш бўйича ишларни мувофиқлаштириш;
молия органлари, уларнинг тасарруфидаги ташкилотлар ва муассасалар фаолиятига умумий раҳбарлик қилиш, уларга ўз вазифаларини амалга оширишда методик ва амалий ёрдам кўрсатиш;
республика бюджетини тузиш ва бажариш, даромадларни сафарбар қилиш, халқ хўжалиги тармоқлари ва ижтимоий-маданий соҳанинг республика ва минтақавий мақсадли комплекс дастурларини молиявий таъминлаш, республиканинг йиғма молиявий балансини тузиш ишларини ташкил этиш;
давлатнинг молияни бошқаришини, молия-кредит механизмини, молия ва бюджетни режалаштириш усулларини, солиқ олиш ва нарх белгилаш тизимларини такомиллаштириш, узоқ муддатли молиявий нормалар ва нормативлардан кенг фойдаланиш, бюджет ресурслари ва бошқа молиявий ресурслардан фойдаланишнинг харажатларнинг ўсишига қарши кўрсатилганлигини ошириш юзасидан таклифлар ишлаб чиқиш;
нарх белгилаш масалалари юзасидан вазирликлар, идоралар, уюшмалар, концернлар, маҳаллий бошқарув органларининг фаолиятларини мувофиқлаштириб бориш;
Кейинги таҳрирга қаранг.
маҳсулотларнинг (ишлар, хизматлар) айрим турларига нархлар ва тарифларнинг чегаравий даражаларини белгилаш (уларни аста секин эркинлаштира бориб) йўли билан нархлар ва тарифларни бошқариш юзасидан чора-тадбирларни амалга ошириш;
республика концернлари, уюшмалари, корхоналари ва ташкилотлари томонидан нархлар ва тарифларнинг тури белгиланиши ва қўлланилиши, уларнинг молия интизомига риоя қилишлари устидан назоратни таъминлаш;
Кейинги таҳрирга қаранг.
молия бозорини барпо этиш, қимматдор қоғозлар чиқариш, мулкни давлат тасарруфидан чиқариш ва хусусийлаштириш дастурларини амалга оширишнинг молиявий жиҳатлари, республика давлат ички заёмларини жойлаштириш, лотереялар ўтказиш юзасидан таклифлар ишлаб чиқиш;
молия-валюта сиёсатининг асосий қоидаларини, республиканинг валюта ресурсларини кўпайтириш ва улардан самарали фойдаланиш бўйича таклифларни тайёрлаш;
Кейинги таҳрирга қаранг.
республика ҳудудида тузиладиган хорижий инвестициялар иштирокидаги корхоналарни, халқаро бирлашмалар ва ташкилотларни, шунингдек, уларнинг таркибий бўлинмаларини рўйхатга олиш;
Кейинги таҳрирга қаранг.
нархлар ва тарифларнинг тасдиқланган прейскурантларини, молия, солиқ олиш ва нарх белгилаш масалалари бўйича маълумотномалар ва методик материалларни чиқариш;
Кейинги таҳрирга қаранг.
давлат ижтимоий суғуртаси соҳасидаги сиёсатни амалга ошириш, янги талабларни ҳисобга олган ҳолда уни такомиллаштириш вазифалари юклансин.
2. Ўзбекистон Республикаси Молия вазирлиги мазкур қарорнинг 1-бандидан келиб чиқувчи вазифаларга мувофиқ назорат-тафтиш ишини аниқ ташкил этишни ва уни ўтказишни мувофиқлаштиришни таъминласин, унинг амалийлигини ва натижадорлигини оширсин. Шу муносабат билан вазирлик марказий аппаратида назорат-тафтиш Бош бошқармаси, шунингдек, вазирликнинг назорат-тафтиш бошқармаси, унинг жойлардаги органлари ҳамда республика вазирликлари ва идораларининг назорат-тафтиш хизматлари негизида Молия вазирлигининг Қорақалпоғистон Республикаси, вилоятлар ва Тошкент шаҳри бўйича назорат-тафтиш бошқармалари тузилсин.
Республика вазирликлари ва идоралари бир ой муддат ичида назорат-тафтиш хизматларининг 454 нафардан иборат ходимлари сонини тегишли йиллик иш ҳақи фонди билан 1-иловага мувофиқ Ўзбекистон Республикаси Молия вазирлигига берсинлар.
3. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимлари жойлардаги нарх органларининг ходимлари сонини ва тегишли иш ҳақи фондларини 2-иловага мувофиқ Қорақалпоғистон Республикаси Молия вазирлигига, вилоятлар ва Тошкент шаҳар молия бошқармаларига берсинлар.
4. Ўзбекистон Республикаси Молия вазирлиги марказий аппаратининг тузилиши 3-иловага мувофиқ тасдиқлансин. Молия органларининг энг кўп ходимлар сони 5323 нафардан, шу жумладан, Молия вазирлиги марказий аппарати ходимлари сони 307 нафардан иборат қилиб белгилансин (бинони қўриқловчи ва хизмат кўрсатувчи ходимлардан ташқари).
Вазирликнинг Ўзбекистон Республикаси Молия вазирлиги ҳузуридаги давлат суғуртаси бош бошқармаси тўла хўжалик ҳисобида ва ўз харажатларини ўзи қоплаб ишлаши тўғрисидаги таклифи қабул қилинсин.
5. Ўзбекистон Республикаси Молия вазирлигига вазирнинг етти нафар ўринбосари, шу жумладан, бир нафар биринчи ўринбосари ва вазирнинг ўринбосари — вазирлик ҳузуридаги давлат суғуртаси бош бошқармаси бошлиғи бўлишига рухсат берилсин. Вазирлик ҳайъати 11 кишидан иборат қилиб белгилансин, унинг шахсий аъзоларини Ўзбекистон Республикаси Президенти ҳузуридаги Вазирлар Маҳкамаси тасдиқлайди.
5-бандга Ўзбекистон Республикаси Вазирлар Маҳкамасининг 1992 йил 9 мартдаги 116-сонли қарори билан ўзгартириш киритилган. Мазкур банднинг рус тилидаги матнига қаранг.
Кейинги таҳрирга қаранг.
6. Ўзбекистон Республикаси Молия вазирлиги ўзига берилган янги функциялар ва вазифаларни ҳисобга олиб, Ўзбекистон Республикаси Молия вазирлиги тўғрисидаги Низомни 10 кун муддат ичида ишлаб чиқсин ҳамда Ўзбекистон Республикаси Президенти ҳузуридаги Вазирлар Маҳкамасига тасдиқлашга тақдим этсин.
7. Молия органлари ва назорат-тафтиш аппарати ходимларини кўп йиллик хизматлари ва иш стажи учун 4-иловага мувофиқ миқдорларда бир марталик тақдирлаш тартиби белгилансин. Йиллик иш якунлари юзасидан ойлик лавозим маошидан келиб чиқиб ҳақ тўлансин.
8. Ўзбекистон Республикаси Молия вазирлигига тафтишлар ва текширишлар натижаси бўйича талон-торожлик, ўғирлаш, камомад ва ғайриқонуний харажатлардан ундириб олинган бюджет даромадларига тушумларнинг 15 фоизи ҳисобига молия тизимини ижтимоий ривожлантириш ва ходимларни моддий рағбатлантириш фондини тузишга рухсат берилсин.
Молия вазирлиги бир ой муддат ичида кўрсатилган фондни тузиш ва ундан фойдаланиш тартибини тасдиқласин.
Кейинги таҳрирга қаранг.
Молия вазирлигининг янги тузилган таркибий бўлинмаларини 20 қаватли маъмурий бинодаги давлат бош солиқ бошқармаси эгаллаб турган жойга;
давлат бош солиқ бошқармасини илгари Давлат нархлар қўмитаси ва Нарх белгилаш илмий-тадқиқот институтининг Ўрта Осиё бўлими эгаллаб келган Абай кўчаси, 4-уйдаги жойга жойлаштирсин.
Ўзбекистон Республикаси Иқтисодиёт қўмитаси, Моддий-техника таъминоти давлат-кооператив қўмитаси ҳар йили Ўзбекистон Республикаси Молия вазирлигига биркитилган номлардаги моддий-техника ресурсларини республиканинг молия органлари учун белгиланган тартибда ажратишни назарда тутсинлар.
10. Ўзбекистон ССР Министрлар Советининг 1979 йил 9 октябрдаги 700-сон қарори билан тасдиқланган Ўзбекистон ССР давлат суғурта органлари тўғрисидаги Низом 14-бандининг биринчи хатбоши, Ўзбекистон ССР Министрлар Советининг 1988 йил 4 майдаги 159, 1988 йил 3 ноябрдаги 413, 1989 йил 27 июлдаги 241-сон қарорлари ва Вазирлар Маҳкамасининг 1991 йил 15 октябрдаги 257-сон қарори, Ўзбекистон ССР Министрлар Советининг 1988 йил 27 декабрдаги 469-ф-сон фармойиши ўз кучини йўқотган деб ҳисоблансин.
11. Мазкур қарорнинг бажарилишини назорат қилиш Вазирлар Маҳкамаси Раисининг ўринбосари ўртоқ Б. С. Ҳамидовга юклансин.
Назорат-тафтиш аппарати ходимларининг сони | Шу жумладан, республика аппарати ходимларининг сони | Йиллик иш ҳақи фонди (минг сўм) | ||
Олий ва ўрта махсус таълим вазирлиги | 2 | 2 | 21,2 | |
Соғлиқни сақлаш вазирлиги | 209 | 7 | 1550,7 | |
Маданият вазирлиги | 44 | 4 | 361,1 | |
Халқ таълими вазирлиги | 192 | 4 | 1522,8 | |
Меҳнат вазирлиги | 2 | 2 | 18,9 | |
Давлат телерадио компанияси | 3 | 3 | 27,9 | |
Давлат табиатни муҳофаза қилиш қўмитаси | 1 | 1 | 7,6 | |
Давлат жисмоний тарбия ва спорт қўмитаси | 1 | 1 | 13,3 | |
Жами: | 454 | 24 | 3517,9 |
Нарх белгилаш органлари ходимларининг сони | Йиллик иш ҳақи фонди (минг сўм) | ||
Қорақалпоғистон Республикаси | 34 | 419,5 | |
Андижон вилояти | 39 | 648,0 | |
Бухоро вилояти | 38 | 402,1 | |
Жиззах вилояти | 24 | 225,4 | |
Қашқадарё вилояти | 38 | 438,5 | |
Наманган вилояти | 40 | 447,6 | |
Самарқанд вилояти | 53 | 588,0 | |
Сурхондарё вилояти | 26 | 348,4 | |
Сирдарё вилояти | 18 | 221,1 | |
Тошкент вилояти | 24 | 267 | |
Фарғона вилояти | 54 | 399,8 | |
Хоразм вилояти | 27 | 227,7 | |
Тошкент шаҳри | 38 | 406,0 | |
Жами: | 453 | 5039,1 |
Кейинги таҳрирга қаранг.
7. Бошқарув, ижтимоий ривожланиш ва аҳолига ижтимоий мадад бериш органларини молиявий таъминлаш бошқармаси
Кейинги таҳрирга қаранг.
Молия органларидаги иш стажига боғлиқ хизмат йиллари учун | Назорат-тафтиш органларидаги иш стажи учун | Ойлик лавозим маошининг улушида йиллик тақдирлаш миқдори |
— | 3 дан 5 йилгача | 0,6 |
5 дан 10 йилгача | 5 дан 10 йилгача | 0,8 |
10 дан 15 йилгача | 10 дан 15 йилгача | 1,0 |
15 дан 20 йилгача | 15 дан 20 йилгача | 1,2 |
20 йилдан ортиқ | 20 йилдан ортиқ | 1,5 |