Т/р | Тадбирлар номланиши | Ижро механизми | Ижро муддатлари | Масъул ижрочилар |
I. Аҳоли бандлигини таъминлаш бўйича қонунчиликни такомиллаштириш | ||||
1. | Ўзбекистон Республикаси Маъмурий жавобгарлик тўғрисидаги Кодексига қуйидагилар учун иш берувчининг жавобгарлигини кучайтиришни назарда тутган ўзгартириш ва қўшимчалар киритиш: | Қонун лойиҳаси | 2018 йил ноябрь | Бандлик ва меҳнат муносабатлари вазирлиги |
2. | «Аҳоли бандлигини таъминлаш тўғрисида» ги Қонуни янги таҳрирда ишлаб чиқиш, унда шу жумладан аҳолини иш билан таъминлашнинг замонавий самарали шаклларини, аҳоли бандлигини таъминлашда хусусий ташкилотларнинг ролини ошириш,жамоат ишларини ташкил қилиш ва ташқи миграция масалаларини кўзда тутиш. | Қонун лойиҳаси | 2019 йил март | Бандлик ва меҳнат муносабатлари вазирлиги |
3. | Қуйидагиларни ташкил қилиш бўйича таклифлар киритиш: Халқаро тажрибани инобатга олиб, Ўзбекистон Республикаси Бандлик ва меҳнат муносабатлари вазирлиги тасарруфига ўтказилган касб-ҳунар коллежларда замонавий касб-ҳунар таълими марказларини; мамлакатимиз минтақаларида касаначи хотин-қизлар меҳнатига кўмаклашиш, шунингдек бизнес-режаларни тузиш, давлат рўйхатидан ўтказиш, кредит олиш, солидар жавобгарлик гуруҳларини шакллантириш, керакли кичик жиҳозлар, хом Аше ва материаллар сотиб олиш, ҳунармандчилик ва касбий кўникмаларга ўқитиш бўйича марказлар ташкил қилиш. | Норматив-ҳуқуқий ҳужжат лойиҳаси | 2018 йил октябрь | Бандлик ва меҳнат муносабатлари вазирлиги |
4. | Меҳнат органларида фуқароларни рўйхатга олиш, ишга жойлаштириш, касб-ҳунарга ўқитиш ва ижтимоий ҳимоя қилиш Тартибини Янги таҳрирда ишлаб чиқиш ва тасдиқлаш. | Идоравий норматив-ҳуқуқий ҳужжат | 2018 йил сентябрь | Бандлик ва меҳнат муносабатлари вазирлиги |
II. Замонавий ахборот-коммуникацион технологиялари ва аҳоли бандлигини таъминлаш бўйича самарали шаклларини татбиқ қилиш | ||||
5. | Ўзбекистон хотин-қизлар қўмитаси ва Ўзбекистон ёшлар иттифоқи ҳудудий бўлинмалари, ўзини-ўзи бошқариш органлари уланишини таъминлаб, «Ўзини ўзи бошқариш органларида аҳолини ишга жойлаштириш» маълумотлар ахборот базасини жорий этиш. | Ташкилий тадбирлар | 2018 йил сентябр | Бандлик ва меҳнат муносабатлари вазирлиги |
6. | Уяли алоқа операторлари томонидан «Ish.mehnat.uz» ва www.olx.uz ресурсларидан фойдаланишнинг «нолланган» жадвалини тақдим этиш эҳтимолини кўриб чиқишни назарда тутган ҳолда, вакант жойлар тўғрисида маълумотлар Билан ўзаро алмашинувини инобатга олиб, вакант ишчи ўринлар тўғрисида эълонлар жойлаштириш учун онлайн-майдончаларни тақдим этаётган бошқа интернет ресурслар билан «Ish.mehnat.uz» бўш иш ўринлари базаси ҳамкорлиги механизмини жорий этиш. | Ташкилий тадбирлар | 2018 йил октябрь | Бандлик ва меҳнат муносабатлари вазирлиги |
7. | Бюджетдан ташқари Пенсия жамғармаси, маълумотлар базаси, солиқ тўловчилар — жисмоний ва юридик шахслар тўғрисида маълумот базаси ҳамда Ish.mehnat.uz «бўш иш ўринлари миллий базаси Билан интеграллаштирилган меҳнат бозори тўғрисида тўлиқ маълумотлар олиш имконини берувчи» Ягона миллий меҳнат бозори тизими ахборот тизимини жорий қилиш. | Ташкилий тадбирлар | 2019 йил март | Бандлик ва меҳнат муносабатлари вазирлиги |
8. | Меҳнат инспекциялари ҳамда меҳнатни муҳофаза қилиш инспекциялари томонидан корхоналарда текширувлар ўтказишнинг унификациялашган механизмини назарда тутган, шу жумладан Мобил илова кўринишида «Текширув модули» ахборот тизимини жорий этиш концепциясини ишлаб чиқиш. | Концепцияни ишлаб чиқиш | 2018 йил ноябрь | Бандлик ва меҳнат муносабатлари вазирлиги(Ш. Кудбиев), |
9. | «Бандлик хизмати» ахборот базасига ишга жойлаштириш бўйича инспекторлар томонидан уйма-уй юриш маълумотларини онлайн режимда киритиш имконини берувчи «Меҳнат бозори диагностикаси» Мобил илова яратиш. | Ташкилий тадбирлар | 2019 йил март | Бандлик ва меҳнат муносабатлари вазирлиги |
10. | Иш берувчиларнинг буюртмалари ҳамда фрилансерлар томонидан кўрсатилаётган хизматларни бепул жойлаштириш имконини берувчи, ишга ёллаш бўйича (болалар, беморлар ва кексаларни парвариш қилиш, репетиторлик, турар жой биноларини тозалаш, уй хўжалигини юритиш хизматлари) бўйича хусусий фаолият олиб бораётган фрилансерлар учун «freelancer.mehnat.uz» махсус веб-сайт яратиш. | Ташкилий тадбирлар | 2019 йил январь | Бандлик ва меҳнат муносабатлари вазирлиги(Ш.Кудбиев), |
11. | Туркия меҳнат ва ижтимоий таъминот вазирлиги ўқув курсларида ва Италиянинг Турин шаҳрида Халқаро Меҳнат ташкилотининг Халқаро ўқув марказида меҳнат органлари ва бошқа мутахассислар касбий малакаси даражасини ошириш. | Ташкилий тадбирлар | 2019 йил давомида | Бандлик ва меҳнат муносабатлари вазирлиги |
12. | Сергели тумани аҳоли бандлигига кўмаклашиш марказида тадбиркорлар учун экспериментал коворкинг-марказни ташкил қилиш. | Ташкилий тадбирлар | 2018 йил октябрь | Бандлик ва меҳнат муносабатлари вазирлиги |
13. | Кўрсатилаётган хизматлар рўйхатини ҳамда Фрилансинг хизматлари ҳамда бошқа ташкилотларга ишчи кучини тақдим қилиш бўйича аутсортинг ва аутстаффинг хизматларини ривожлантириш бўйича чора-тадбирлар дастурини тасдиқлаш. | Чора-тадбирлар дастури | 2018 йил декабрь | Бандлик ва меҳнат муносабатлари вазирлиги |
III. Ишсизлар касб-ҳунар таълими тизимини ривожлантириш | ||||
14. | Зарурият туғилганида, касб-ҳунар таълим муассасалари ва ишлаб чиқариш корхоналарининг ўқув дастурларини шакллантириш ва ўқув-ишлаб чиқариш ускуналар харидини Бандликка кўмаклашиш давлат жамғармаси маблағлари ҳисобидан амалга оширишни назарда тутган, ишлаб чиқариш корхоналарида, касб-ҳунарга ўқитиш марказлари ва касб-ҳунар коллежларида ишчи касблар бўйича касб-ҳунарга ўқитиш ва малака беришда касб-ҳунар таълимининг дуалтизимини жорий қилиш масаласини ўрганиш. | Давлат таълимининг концепциясини ишлаб чиқиш. | 2018 йил октябрь | Бандлик ва меҳнат муносабатлари вазирлиги |
15. | Тартибли ташқи миграциясини кенгайтириш мақсадида Ташқи меҳнат миграцияси масалалари бўйича агентлиги ҳузурида хорижий иш берувчиларнинг буюртманомалари асосида ўқув марказларини ташкил этиш, уларда касб-ҳунарга ўқитиш Билан бирга талабгор хорижий тилларга, жумладан корейс тилига ўргатишни йўлга қуйиш. | Ташкилий тадбирлар | 2018-2019 йиллар | Бандлик ва меҳнат муносабатлари вазирлиги |
16. | Нодавлат таълим муассасаларида ишсизларни касб-ҳунарга ўқитиш, қайта тайёрлаш ва малакасини оширишни Бандликка кўмаклашиш давлат жамғармаси маблағлари ҳисобидан молиялаштиришни кенгайтириш | Ташкилий тадбирлар | доимий | Бандлик ва меҳнат муносабатлари вазирлиги |
17. | Энг намунали касб-ҳунар таълими муассасаси республика танловини ўтказиш. | Ташкилий тадбирлар | 2019 йил июнь | Бандлик ва меҳнат муносабатлари вазирлиги |
18. | Ходимларни оммавий равишда бўшатиш ҳолатларда, меҳнат бозорида талабгор касблар бўйича касб-ҳунарга ўқитиш ва малака ошириш курсларини молиялаштириш масаласини ўрганиш. | Ташкилий тадбирлар | 2018-2019 йиллар | Бандлик ва меҳнат муносабатлари вазирлиги |
19. | «Микрокредитбанк» АТБ томонидан Бандликка кўмаклашиш давлат жамғармаси маблағлари ҳисобидан қуйидаги шартларда ҳунармандчилик, касаначилик ҳамда аёллар тадбиркорлигини микрокредитлаш тизимини жорий этишни ўрганиш: фаолиятнинг бита турига бирлашган, жумладан 5 кишигача бўлган аёллар гуруҳларининг солидар жавобгарлиги асосида гаровсиз кредитлар ажратиш; маркетинг, бухгалтерия, солиқ ва молиявий ҳисоб ва ҳисоботлар, бизнес-режани тузиш асослари ва молиявий саводхонлик курсларида аҳоли бандлигига кўмаклашиш марказлари ва Савдо-саноат палатаси ҳудудий бўлимлари томонидан Бандликка кўмаклашиш давлат жамғармаси грантлари ҳисобидан кредит олаётган хотин-қизларни дастлабки ўқитиш. | Ташкилий тадбирлар | 2018 йил давомида | Бандлик ва меҳнат муносабатлари вазирлиги |
Ўзбекистон Республикаси Президентининг Қарори, 14.07.2018 йилдаги ПҚ-3856-сон
Кучга кириш санаси
17.07.2018
Рус
Ўзб
O’zb
Ўзб|Рус
Ҳужжат 17.07.2018 санаси ҳолатига
Амалдаги версияга ўтиш |
Республикада ҳар йили аҳоли бандлигини таъминлаш бўйича тасдиқланадиган дастурларни амалга ошириш, бўш ва квоталанадиган иш ўринларига ишга жойлаштириш механизмларини такомиллаштириш, ўзини ўзи банд қилишнинг самарали шаклларини ривожлантириш борасида таъсирчан чора-тадбирлар кўрилмоқда.
Аҳолининг ишчанлик фаоллигини ва тадбиркорлик ташаббусларини рағбатлантиришга, ижтимоий заиф қатламлар бандлигини таъминлашга, аҳоли бандлигини таъминлаш бўйича давлат хизматларидан фойдаланиш имконияти, сифати ва тезкорлигини оширишга қаратилган бир қатор норматив-ҳуқуқий ҳужжатлар қабул қилинди.
Шунга қарамай, ҳудудлардаги меҳнат бозорида ҳали-ҳамон юқори даражада кескинлик сақланиб қолмоқда, доимий иш ўринларини ташкил этиш, ёшлар, хотин-қизлар, кам таъминланган оилалар аъзолари бандлигини, айниқса, қишлоқ жойларда таъминлаш, шунингдек, ташқи меҳнат миграцияси жараёнларини тартибга солиш масалалари ҳал этилмаяпти.
Ишга жойлаштириш соҳасида аҳоли ва тадбиркорлик субъектлари учун кредит, молиявий, маслаҳат-ахборот бериш хизматлари ва бошқа зарур хизматлар даражаси пастлигича қолмоқда.
Ишлаб чиқариш кадрлари кўпинча иқтисодиёт тармоқларининг жорий ва истиқболдаги эҳтиёжларини, уларнинг имкониятлари ва ресурсларини ҳисобга олмаган ҳолда касбга тайёрланмоқда ва қайта тайёрланмоқда. Оқибатда меҳнат бозорида айрим мутахассисликлар бўйича малакали кадрлар тақчиллиги кузатилмоқда.
2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ижросини, аҳоли бандлигини таъминлаш бўйича давлат органлари ишлари самарадорлигини ошириш, аҳолини меҳнат фаолиятига жалб қилиш учун қулай шарт-шароитлар яратиш, шунингдек, янги иш ўринларини ташкил этувчи тадбиркорлик субъектлари фаолиятини рағбатлантириш мақсадида:
1. Ўзбекистон Республикаси Бандлик ва меҳнат муносабатлари вазирлиги ҳамда Молия вазирлиги томонидан ишлаб чиқилган Аҳоли бандлигини таъминлаш бўйича ишларни такомиллаштириш ва самарадорлигини оширишга доир «Йўл харитаси» иловага мувофиқ маъқуллансин.
Ўзбекистон Республикаси Бандлик ва меҳнат муносабатлари вазирлиги ҳузуридаги Бандликка кўмаклашиш давлат жамғармаси (кейинги ўринларда Бандликка кўмаклашиш жамғармаси деб юритилади) учун 2018 йилда Республика бюджетига қўшимча тушумлар ҳисобига 150 миллиард сўм ажратилади, 2019 йилдан бошлаб эса бюджет параметрларида 300 миллиард сўмдан кам бўлмаган миқдорда қўшимча маблағлар ажратиш назарда тутилади;
2018 йил 15 июлдан бошлаб Меҳнат органлари ходимларининг меҳнатини рағбатлантириш ва моддий-техника базасини мустаҳкамлаш жамғармаси (кейинги ўринларда — Меҳнатни рағбатлантириш жамғармаси) маблағларини шакллантириш манбалари Бандликка кўмаклашиш жамғармасининг Меҳнатни рағбатлантириш жамғармасига ажратмалари ҳажмларининг 5 фоиздан 10 фоизгача оширилиши ҳисобига кенгайтирилади;
Ўзбекистон Республикаси Бандлик ва меҳнат муносабатлари вазирлиги ҳузуридаги бюджетдан ташқари жамғармалар маблағларининг бўш қолдиқларини тижорат банкларидаги депозитларга жойлаштиришдан тушадиган 50 фоиз миқдордаги даромадлар Меҳнатни рағбатлантириш жамғармасига йўналтирилади.
3. Ўзбекистон Республикаси Бандлик ва меҳнат муносабатлари вазирлиги, Иқтисодиёт вазирлиги, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг давлат муассасалари шаклида Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузурида янги иш ўринлари ташкил этишни рағбатлантириш ҳудудий жамғармаларини (кейинги ўринларда — ҳудудий жамғармалар) ташкил этиш тўғрисидаги таклифига розилик берилсин.
Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари даромадларининг прогноз параметрларини ошириб бажаришдан ҳар ойда тушадиган 40 фоизгача бўлган миқдордаги даромадлар;
Кейинги таҳрирга қаранг.
хайрия қилувчилар — жисмоний ва юридик шахслар, Ўзбекистон Республикаси резидентлари ва норезидентларининг белгиланган тартибда тақдим этиладиган маблағлари;
айниқса, қишлоқ жойларда доимий иш ўринлари ташкил этувчи тадбиркорлик субъектларини кредитлар билан қўллаб-қувватлаш учун республиканинг тижорат банкларида кредит линиялари очиш;
ишчи кучи кўп бўлган ҳудудларда давлат-хусусий шериклик шартлари асосида, айниқса, аҳолининг ижтимоий эҳтиёжманд қатламлари учун янги иш ўринлари ташкил этишни назарда тутувчи корхоналарни ташкил этиш, бунда ҳудудий жамғармаларнинг ташкил этилган корхоналардаги улушини хусусий шерикларга кейинчалик реализация қилиш шартини назарда тутиш;
Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари қарорлари бўйича иш ўринлари ташкил этишга ҳамда аҳоли бандлигини таъминлашга қаратилган бошқа чора-тадбирларни амалга ошириш.
5. Ҳудудий жамғармалар даромад қисми бўйича барча турдаги солиқлар ва давлат мақсадли жамғармаларига мажбурий ажратмалар тўлашдан озод этилсин, бўшаб қолган маблағлар ҳудудий жамғармаларнинг асосий вазифаларини амалга оширишга йўналтирилсин.
Ўзбекистон Республикаси Бандлик ва меҳнат муносабатлари вазирлиги Молия вазирлиги билан биргаликда икки ҳафта муддатда ҳудудий жамғарманинг намунавий устави тасдиқланишини таъминласин.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бир ой муддатда ҳудудий жамғармалар уставларини тасдиқланган намунавий устав асосида тасдиқласин.
а) ушбу қарорнинг 2 ва 3-бандларига мувофиқ шакллантириладиган Бандликка кўмаклашиш жамғармасига Республика бюджетидан ажратиладиган маблағларнинг камида 50 фоизи ва ҳудудий жамғармаларнинг маблағлари, асосан, «Микрокредитбанк» АТБ, «Агробанк» АТБ ва Халқ банки АТБда кредит линияларини очиш ва кейинчалик мазкур банклар томонидан республика туманлари ва шаҳарларида янги иш ўринлари ташкил этишни назарда тутувчи кичик ва мини-лойиҳаларни амалга ошириш учун микрокредитлар ажратиш мақсадида йўналтирилади;
б) микрокредитлар кичик тадбиркорлик субъектларига, фермер ва деҳқон хўжаликларига, оилавий тадбиркорлик субъектларига қуйидагилар учун ажратилади:
шахсий томорқа ва деҳқон хўжаликларида ишлаб чиқаришни ривожлантириш мақсадида иссиқхоналар ташкил этиш, уруғликлар, кўчатлар, чорва моллари ва паррандалар, қишлоқ хўжалиги инвентари ва ускуналари, суғориш мосламалари (насослар, артезиан қудуқлари ва бошқалар) харид қилиш;
қишлоқ хўжалиги маҳсулотларини қайта ишлаш, сақлаш ва қадоқлаш, қурилиш материаллари, озиқ-овқат ва ноозиқ-овқат истеъмол моллари ишлаб чиқариш учун замонавий мини-ускуна ва хом ашё харид қилиш;
хизмат кўрсатиш соҳасида, айниқса, маиший, таъмирлаш, таълим, тиббий, ахборот-коммуникация ва бошқа талаб юқори бўлган соҳаларда фаолият кўрсатадиган корхоналар ташкил этиш ва жиҳозлаш;
туман ва шаҳарларнинг ишлаб чиқариш ихтисослашуви, мавжуд минерал хом ашё, ер, қишлоқ хўжалиги ва бошқа ресурсларни ҳисобга олган ҳолда бошқа йўналишлар;
в) микрокредитлар энг кам иш ҳақининг 500 бараваригача бўлган миқдорда 3 йиллик муддатга, 6 ойлик имтиёзли давр билан, Ўзбекистон Республикаси Марказий банки қайта молиялаштириш ставкасининг 50 фоизи миқдоридаги фоиз ставкаси, шу жумладан, тижорат банкининг ажратиладиган кредит ставкасининг 50 фоизи миқдоридаги маржа билан тақдим этилади.
Бунда микрокредитлар аҳоли бандлигига кўмаклашиш марказларида рўйхатга олинган ишсиз шахсларга, меҳнат миграциясидан қайтган фуқароларга, турмушида оғир ҳаётий вазиятга тушиб қолган хотин-қизларга, кам таъминланган оилаларнинг аъзоларига ва аҳолининг бошқа ижтимоий эҳтиёжманд қатламларига гаров таъминотисиз энг кам иш ҳақининг 100 баравари миқдоридан ошмаган ҳажмда ажратилиши мумкин.
Ўзбекистон Республикаси Бандлик ва меҳнат муносабатлари вазирлиги манфаатдор вазирлик ва идоралар билан биргаликда бир ой муддатда мазкур банднинг «в» кичик банди иккинчи хатбошисида назарда тутилган микрокредитларни ажратиш тартибини тасдиқласин.
Кейинги таҳрирга қаранг.
Кейинги таҳрирга қаранг.
қишлоқ туманларида, бундан аҳоли сони 5 минг кишидан кўп бўлган аҳоли пунктлари мустасно, сартарошхона хизматларини, якка тартибдаги буюртмалар бўйича кийим тикиш хизматларини, пойабзал таъмирлаш хизматларини кўрсатиш бўйича фаолиятни ташкил этган, шунингдек, жамоат ҳаммомларини ташкил этган якка тартибдаги тадбиркорлар 2023 йил 1 июлгача барча турдаги солиқлар тўлашдан озод этилади;
якка тартибдаги тадбиркорлар ҳар бир ёлланган ходимга тўланадиган қатъий белгиланган солиқни тўлашдан озод этилади;
юридик шахс ташкил этмаган ҳолда оилавий тадбиркорлик субъектлари 3 нафаргача доимий ишчиларни ёллашга, улар билан меҳнат шартномаси тузишга, шунингдек, меҳнатга лаёқатли ёшга тўлган бошқа яқин қариндошларини, шу жумладан, меҳнатга лаёқатли ёшга тўлган болалари ва невараларининг эр-хотинларини, меҳнатга лаёқатли ёшга тўлган ака-укалари ва опа-сингилларини, уларнинг эр-хотинларини юридик шахс ташкил этмаган ҳолда оилавий тадбиркорлик субъекти иштирокчилари сифатида жалб қилишга ҳақли;
ушбу қарорнинг 6-бандига мувофиқ биринчи марта микрокредит олган якка тартибдаги тадбиркорлар уни олган санадан бошлаб 6 ой мобайнида қатъий белгиланган солиқ тўлашдан озод этилади;
якка тартибдаги тадбиркорлар 3 тоннадан ортиқ юк кўтарувчи автомобиль транспортида юкларни энг кам иш ҳақининг 2 баравари миқдоридаги ставка бўйича ташиш хизматларидан ҳар ойда олинадиган қатъий белгиланган солиқ тўлайди.
Кейинги таҳрирга қаранг.
8. Ўзбекистон Республикаси Бандлик ва меҳнат муносабатлари вазирлиги, Молия вазирлиги 2018 йил 1 августдан бошлаб Бандликка кўмаклашиш жамғармаси маблағлари ҳисобига қуйидагиларга бир марталик субсидиялар берилишини назарда тутадиган ишсизлик бўйича суғурталаш тизимини жорий этсин:
аҳоли бандлигига кўмаклашиш марказларида рўйхатдан ўтган ва тадбиркорлик фаолиятини бошлашни хоҳловчи ишсиз шахсларга якка тартибдаги тадбиркор сифатида рўйхатдан ўтиш, кичик корхоналар ва микрофирмаларни давлат рўйхатидан ўтказиш учун харажатларни энг кам иш ҳақининг 2 баравари миқдорида тўлаш;
аҳолининг ижтимоий эҳтиёжманд қатламларига мансуб шахсларни, шу жумладан, ногиронлиги бўлган шахсларни захираланган (квоталанган) энг кам сондан ортиқ миқдорда ишга қабул қилган ташкилотларга — ҳар бир қабул қилинган ходим учун ҳар ойда энг кам иш ҳақининг 2 баравари миқдорида тўлаш. Бунда ишга қабул қилинган мазкур тоифадаги шахсларнинг бандлигини энг кам сон (квота) ошган санадан бошлаб камида 12 ой давомида сақлаш шарти назарда тутилади;
иш берувчиларга — аҳоли бандлигига кўмаклашиш марказларининг йўлланмаси бўйича ишга қабул қилинган аҳолининг ижтимоий эҳтиёжманд қатламларига мансуб ходимларни, шу жумладан, ногиронлиги бўлган шахсларни касбга қайта ўқитиш ва уларнинг малакасини оширишга сарфланадиган харажатларни молиялаштиришга ҳар бир ходим учун энг кам иш ҳақининг 3 баравари миқдорида тўлаш.
Кейинги таҳрирга қаранг.
аҳоли бандлигига кўмаклашиш марказларида рўйхатдан ўтган ишсиз шахсларни, айниқса, кам таъминланган оилаларда яшовчи хотин-қизларни касбга қайта ўқитишга сарфланадиган харажатларни молиялаштириш учун Бандликка кўмаклашиш жамғармасидан касб-ҳунар таълими муассасаларига грантлар ажратилишини;
Ўзбекистон Республикаси Халқ таълими вазирлиги билан биргаликда 2018/2019 ўқув йилидан бошлаб умумий ўрта таълим муассасаларида катта синф ўқувчилари учун улар эгаллашни хоҳлаган касбларнинг асосий хусусиятлари ва касб стандартларини таърифловчи мультимедиа воситалари билан жиҳозланган ситуацион хоналарни ташкил этган ҳолда касбга йўналтириш курсларини ўтказишни назарда тутадиган касбга йўналтириш дастурини жорий этиш масаласи ишлаб чиқилишини;
Ўзбекистон Республикаси Давлат статистика қўмитаси билан биргаликда 2018 йил 1 сентябрдан бошлаб ижтимоий-иқтисодий ривожлантириш секторлари, фуқароларнинг ўзини ўзи бошқариш органлари раҳбарларининг тасдиқловчи маълумотлари ва фуқароларнинг аризалари асосида шахсий томорқа хўжаликларида ишловчи фуқароларни банд бўлган шахс сифатида ҳисобга олиш механизми жорий этилишини;
аҳоли ва тадбиркорлик субъектлари орасида, шу жумладан, оммавий ахборот воситаларида мазкур қарорнинг мазмун-моҳияти кенг тушунтирилишини таъминласин.
10. Ўзбекистон Республикаси Бандлик ва меҳнат муносабатлари вазирлиги манфаатдор вазирликлар ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Бош вазир ўринбосари — Ўзбекистон Республикасининг молия вазири Ж.А. Қўчқоров ва Ўзбекистон Республикаси бандлик ва меҳнат муносабатлари вазири Ш.Д. Кудбиев зиммасига юклансин.
LexUZ шарҳи