Хорижий давлатлар ҳудудида содир бўлган фавқулодда вазиятлар оқибатида жабрланган Ўзбекистон Республикаси фуқароларига тезкор ёрдам кўрсатишни ташкил этиш мақсадида Вазирлар Маҳкамаси қарор қилади:
1. Хорижий давлатлар ҳудудида фавқулодда вазиятлар оқибатида жабрланган Ўзбекистон Республикаси фуқароларига ёрдам кўрсатиш тартиби тўғрисидаги низом иловага мувофиқ тасдиқлансин.
2. Белгилаб қўйилсинки, хорижий давлатлар ҳудудида фавқулодда вазиятлар оқибатида жабрланган Ўзбекистон Республикаси фуқароларига ёрдам кўрсатиш ишларини молиялаштириш Ўзбекистон Республикаси Вазирлар Маҳкамасининг захира жамғармаси маблағлари ҳисобидан, белгиланган тартибда амалга оширилади.
3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов ва Ўзбекистон Республикаси Фавқулодда вазиятлар вазирининг биринчи ўринбосари К.М. Арипов зиммасига юклансин.
1. Ушбу Низом хорижий давлатлар ҳудудида содир бўлган фавқулодда вазиятлар оқибатида жабрланган Ўзбекистон Республикаси фуқароларига ёрдам кўрсатиш ҳамда уларни ва ҳалок бўлганларни эвакуация қилиш чора-тадбирларини (кейинги ўринларда махсус тадбирлар деб аталади) амалга ошириш тартибини, шунингдек, ушбу жараёнга жалб этилган вазирликлар, идоралар ва маҳаллий ижро этувчи ҳокимият органларининг асосий вазифалари ва функцияларини белгилайди.
2. Ушбу Низомнинг амал қилиши хорижий давлатлар ҳудудида бошқа ҳолатларда жабрланган Ўзбекистон Республикаси фуқароларига татбиқ этилмайди.
3. Вазирликлар, идоралар ва маҳаллий ижро этувчи ҳокимият органлари махсус тадбирларни амалга оширишда Ўзбекистон Республикасининг қонун ҳужжатларига, Ўзбекистон Республикасининг ушбу соҳадаги халқаро шартномаларига, шунингдек, мазкур Низом талабларига амал қиладилар.
Кейинги таҳрирга қаранг.
фавқулодда вазият — одамлар қурбон бўлишига, уларнинг соғлиғига зарар етишига ҳамда ҳаёт фаолияти шароити издан чиқишига олиб келиши мумкин бўлган ёки олиб келган авария, ҳалокат, хавфли табиий ҳодиса, табиий ёки бошқа офат натижасида муайян ҳудудда юзага келган ҳолат;
фавқулодда вазиятларда жабрланувчи — фавқулодда вазият содир бўлиши оқибатида шикастланган ёки моддий зарар кўрган шахс;
фавқулодда вазият ҳудуди — фавқулодда вазият манбаларининг пайдо бўлиши ёки унинг оқибатлари бошқа жойлардан тарқалиши натижасида фавқулодда вазият юзага келган ҳудуд ёки акватория.
5. Махсус тадбирларни ташкиллаштириш ва амалга оширишга умумий раҳбарлик қилиш Ўзбекистон Республикаси Президентининг «Фавқулодда вазиятларнинг олдини олиш ва уларни бартараф этиш тизими самарадорлигини тубдан ошириш чора-тадбирлари тўғрисида» 2017 йил 1 июндаги ПФ-5066-сон Фармонига асосан ташкил этилган Фавқулодда вазиятларнинг олдини олиш ва уларни бартараф этиш бўйича Ҳукумат комиссияси ҳамда тегишли ҳудудий комиссияларга юкланади.
Алоҳида ҳолатларда Ўзбекистон Республикаси Президентининг топшириғига асосан махсус Ҳукумат комиссияси шакллантирилиши мумкин.
6. Махсус тадбирларни амалга оширишни таъминлаш мақсадида Ўзбекистон Республикаси Фавқулодда вазиятлар вазирлиги (кейинги ўринларда ФВВ деб аталади), Ташқи ишлар вазирлиги, Ички ишлар вазирлиги, Мудофаа вазирлиги, Соғлиқни сақлаш вазирлиги, шунингдек, фавқулодда вазиятнинг хусусиятига кўра бошқа вазирлик ва идораларнинг масъул вакилларидан иборат махсус гуруҳ ташкил этилади.
7. Хорижий давлатлар ҳудудида содир бўлган фавқулодда вазиятлар оқибатида жабрланган Ўзбекистон Республикаси фуқароларига ёрдам кўрсатиш ҳамда уларни ва ҳалок бўлганларни эвакуация қилиш тадбирлари ушбу Низомга илова қилинган схемадаги тартибда амалга оширилади.
Фавқулодда вазиятлар оқибатида жабрланганларни эвакуация қилиш, фуқароларнинг хорижий давлатларда бўлиши шароитларини (меҳнат фаолияти, ўқиш ва бошқаларни) ҳамда уларнинг хоҳишини ҳисобга олиб белгиланган тартибда амалга оширилади.
8. Қуйидагилар давлат органлари ва бошқа ташкилотларнинг махсус тадбирларни ўтказишдаги асосий вазифалари ҳисобланади:
хорижий давлатларнинг давлат органлари билан ўз фаолияти йўналиши бўйича ҳамкорликни ташкил этиш ва амалга ошириш, тезкор маълумотлар билан алмашиш;
Ўзбекистон Республикаси фуқаролари иштирокида хорижий давлатлар ҳудудида фавқулодда вазиятлар юзага келиши хавфи ёки содир бўлганлиги тўғрисида маълумот келиб тушганда, манфаатдор вазирликлар, идоралар ва маҳаллий ижроия ҳокимияти органларига тезкор маълумот алмашинувини амалга ошириш;
фавқулодда вазиятлар (хавфи) юзага келган хорижий давлатларга жўнаб кетиш мақсадида, бириктирилган куч ва воситаларнинг йиғилиш жойига тезкор келишини таъминлаш;
фавқулодда вазият ҳудудида жабрланганларга ёрдам кўрсатиш бўйича юкланган вазифаларни ўз вақтида ва сифатли бажариш;
жабрланган фуқароларни ва ҳалок бўлганларни Ўзбекистон Республикасига эвакуация қилиш (ташиш) бўйича тадбирларни ташкил қилиш ва ўтказиш;
ҳалок бўлганларни оила аъзоларининг яшаш жойларига етказиш, уларни дафн этишда ёрдам бериш, оила аъзоларига тиббий ва ижтимоий ёрдам кўрсатиш бўйича комплекс чора-тадбирларни амалга ошириш;
жабрланганларни ижтимоий-иқтисодий ва ҳуқуқий муҳофаза қилиш, шунингдек, тиббий реабилитация масалаларини ҳал этиш;
жабрланганларга, уларнинг ҳамда ҳалок бўлган фуқароларнинг оила аъзоларига тушунтириш ишларини ва психологик ёрдам кўрсатишни, шунингдек жамоат тартибини сақлашни таъминлаш.
9. Давлат органлари ва бошқа ташкилотлар махсус тадбирларни ўтказиш бўйича асосий вазифаларга мувофиқ қуйидаги функцияларни амалга оширади:
хорижий давлатлар ҳудудида содир бўлган фавқулодда вазият оқибатида жабрланган (вафот этган) Ўзбекистон Республикаси фуқаролари тўғрисида тегишли вазирликлар ва идораларга тезда хабар ва маълумот беради;
фавқулодда вазият хусусияти ва даражаси, жабрланганлар ва ҳалок бўлганлар тўғрисида маълумотларни йиғади, умумлаштиради, таҳлил қилади ва тезкор маълумот алмашади;
махсус гуруҳ таркиби, куч ва воситаларни фавқулодда вазият ҳудудига етказиш (тегишли вазирлик ва идораларнинг ҳаво йўллари, темир йўллари ва автомобиль транспортларини жалб қилиш)ҳамда эвакуация тадбирларини амалга ошириш тартиби бўйича таклифлар тайёрлайди ва Ўзбекистон Республикаси Президент девонига келишиш учун тақдим қилади;
Кейинги таҳрирга қаранг.
учиш (жўнаб кетиш) учун буюртма беради, ҳаво кемасининг (темир йўл/автомобиль транспортининг) парвоз этиш (ҳаракатланиш) йўналишига аниқлик киритади ва келишади, парвознинг (ҳаракатланишнинг) вақти ва давомийлигини аниқлайди;
махсус гуруҳни жўнаб кетиш жойига ўз вақтида йиғиш ва етказишни ҳамда зарур мол-мулкларни (дорилар, қуруқ овқатлар, иссиқ кийим ва бошқаларни) олиб кетиш учун тайёрлашни ташкил қилади;
хорижий давлатларнинг қутқарув бўлинмалари билан ҳамкорликда, заруратга кўра, қутқарув ва бошқа кечиктириб бўлмайдиган ишларни, шунингдек, жабрланган фуқароларни ва ҳалок бўлганларни Ўзбекистон Республикасига эвакуация қилиш тадбирларини амалга оширади;
Ўзбекистон Республикасининг ваколатли органларини хорижий давлатда содир бўлган фавқулодда вазият ҳудудидаги Ўзбекистон Республикаси фуқаролари, шунингдек, ушбу ҳудуддаги вазиятнинг ривожи тўғрисида хабардор қилади;
хорижий давлатлар ҳудудида фавқулодда вазиятлар хавфи юзага келганда ёки содир бўлганда Ўзбекистон Республикасининг ваколатли органлари билан биргаликда Ўзбекистон Республикаси фуқароларининг хавфсизлигини таъминлаш чораларини кўради;
фавқулодда вазият содир бўлган хорижий давлатларнинг давлат органлари билан биргаликда жабрланганларга тиббий ва бошқа ижтимоий ёрдам кўрсатилишини таъминлайди;
Ўзбекистон Республикасининг ваколатли органлари билан биргаликда Ўзбекистон Республикаси фуқароларини хавфсиз жойларга эвакуация қилишда ва Ўзбекистон Республикаси ҳудудига қайтиб келишларини ташкил этиш ишларини мувофиқлаштиради;
Консуллик уставига, ушбу соҳадаги қонун ҳужжатларига ҳамда Ўзбекистон Республикаси халқаро шартномаларга мувофиқ бошқа вазифалар ва функцияларни амалга оширади;
Кейинги таҳрирга қаранг.
Ўзбекистон Республикаси Мудофаа вазирлигининг жалб этиладиган тузилмаларини фавқулодда вазият тўғрисида хабардор қилади, шунингдек, тегишли вазирликлар ва идоралар билан ҳамкорликни амалга оширади;
ФВВнинг талабномасига асосан, махсус гуруҳ куч ва воситаларини (махсус техника ва мулкларини) юбориладиган мамлакатга етказиш ва қайтариб олиб келиш, шунингдек, жабрланганлар ва ҳалок бўлганларни Ўзбекистон Республикаси ҳудудига эвакуация қилиш учун ҳаво транспортини тайёрлайди ва ажратилишини таъминлайди;
ФВВга ҳаво транспортининг жўнаб кетиш санаси, жойи, тайёргарлик муддати, вақти, шунингдек, ҳаракатланиш йўналиши тўғрисида олдиндан маълумот беради;
зарур ҳолатларда, ФВВнинг талабномасига асосан, ҳалок бўлганларни улар оила аъзоларининг яшаш манзилларига етказиб беришни таъминлайди;
идоравий мансуб бўлинмаларини содир бўлган воқеа тўғрисида хабардор қилади ва маълумотлар тўплашни амалга оширади;
хорижий давлатларнинг тергов органларига зарур тезкор-қидирув ва тергов тадбирларини ўтказишда кўмаклашади;
фавқулодда вазиятнинг юзага келиши ҳолатини аниқлаш, ҳалок бўлганларнинг шахсини аниқлаш, жабрланганлар ва ҳалок бўлганларнинг яқинлари ва қариндошларини республика ҳудудида қидириш бўйича зарур тезкор-тергов тадбирларини олиб боради;
зарур ҳолатларда махсус гуруҳ аъзолари учун четга чиқиш ҳужжатларининг дарҳол расмийлаштирилишини таъминлайди;
жамоат тартибини сақлаш ҳамда жабрланганларни ва ҳалок бўлганларни белгиланган жойларга етказиб боришда транспорт воситаларини кузатиб боришни ташкиллаштиради ва таъминлайди;
тегишли тиббиёт хизматлари ва муассасаларини фавқулодда вазият содир бўлганлиги тўғрисида огоҳлантиришни амалга оширади;
жабрланганларга шошилинч тиббий ёрдам кўрсатиш ҳамда хорижий ҳамкасбларига консультатив кўмаклашиш учун малакали мутахассислар гуруҳини тайёрлайди;
хорижий давлатларнинг тегишли тиббиёт муассасалари билан биргаликда, ҳодиса содир бўлган жойда жабрланганларга зарур тиббий ёрдам кўрсатишда иштирок этади;
жабрланганларни Ўзбекистон Республикаси ҳудудига эвакуация қилиш тадбирларининг тиббий таъминотини амалга оширади;
ташиш мумкин бўлмаган жабрланганларга чет элда тиббий ёрдам тадбирларини амалга оширишда хорижий давлатнинг тегишли тиббиёт муассасаларига кўмаклашади;
жабрланганларга малакали ва ихтисослашган тиббий ёрдам кўрсатишни, шунингдек, уларнинг тиббий реабилитациясини таъминлайди;
махсус тадбирларни ўтказиш даврида махсус гуруҳни узлуксиз алоқа (мобиль алоқа, маълумотларни узатиш) билан таъминлаш ишларини ташкил этади ва амалга оширади;
махсус тадбирларни ўтказаётган махсус гуруҳни умумий фойдаланишдаги телекоммуникация воситалари ва идоравий телекоммуникация тармоқлари билан устувор тартибда таъминлайди;
ФВВнинг талабномасига асосан эвакуация тадбирларини ўтказиш даврида «Ўзбектелеком» АК телекоммуникация тармоқлари орқали «Тезкор алоқа»ни ташкил этиш ва фаолиятини таъминлашда кўмаклашади;
Ўзбекистон Республикаси Вазирлар Маҳкамасининг топшириқлари асосида, хорижий давлатлар ҳудудида содир бўлган фавқулодда вазиятлар оқибатида жабрланган Ўзбекистон Республикаси фуқароларига ёрдам кўрсатиш ҳамда уларни ва ҳалок бўлганларни эвакуация қилиш тадбирларини, мутахассисларни хорижий давлатга воқеа жойига етиб боришини ва Ўзбекистон Республикасига қайтиб келишини молиялаштиради;
идоравий мансуб бўлинмаларини содир бўлган воқеа тўғрисида хабардор қилади, шунингдек, тегишли вазирлик ва идоралар билан ҳамкорликни амалга оширади;
Ўзбекистон Республикаси фуқаролари иштирокида фавқулодда вазият содир бўлган хорижий давлатнинг божхона органлари билан ушбу давлатга махсус гуруҳни жўнатишда (қайтиб келишида), шунингдек, жабрланганларни ва ҳалок бўлганларни Ўзбекистон Республикаси ҳудудига эвакуация қилишда тегишли божхона назорати тадбирларини соддалаштирилган тартибда ўтказиш бўйича ҳамкорлик қилади;
идоравий мансуб тегишли бўлинмаларини хабардор қилади, шунингдек, тегишли вазирлик ва идоралар билан ҳамкорликни амалга оширади;
четга чиқувчилар чегара назоратидан ўз вақтида ўтказилишини, шунингдек, жабрланган фуқаролар етиб келганда (олиб келинганда) тегишли чегара назорати тадбирларининг соддалаштирилган тартибда амалга оширилишини таъминлайди;
идоравий мансуб тегишли бўлинмаларини хабардор қилади, шунингдек, тегишли вазирлик ва идоралар билан ҳамкорликни амалга оширади;
ФВВнинг талабномасига асосан, махсус гуруҳ куч ва воситаларини (махсус техника ва мулкларини) юбориладиган мамлакатга етказиш ва қайтариб олиб келиш, шунингдек, жабрланганлар ва ҳалок бўлганларни Ўзбекистон Республикаси ҳудудига эвакуация қилиш учун ҳаво транспортини тайёрлайди ва ажратилишини таъминлайди;
ФВВга ҳаво транспортининг жўнаб кетиш санаси, жойи, тайёргарлик муддати, вақти, шунингдек, ҳаракатланиш йўналиши тўғрисида олдиндан маълумот беради;
зарур ҳолатларда, ФВВнинг талабномасига асосан, ҳалок бўлганларни улар оила аъзоларининг яшаш манзилларига етказиб беришни таъминлайди;
идоравий мансуб тегишли бўлинмаларини хабардор қилади, шунингдек, тегишли вазирлик ва идоралар билан ҳамкорликни амалга оширади;
ФВВнинг талабномасига асосан, махсус гуруҳ куч ва воситаларини (махсус техника ва мулкларини) юбориладиган мамлакатга етказиш ва қайтариб олиб келиш, шунингдек, жабрланганлар ва ҳалок бўлганларни Ўзбекистон Республикаси ҳудудига эвакуация қилиш учун темир йўл транспортини тайёрлайди ва ажратилишини таъминлайди;
зарур ҳолатларда, ФВВнинг талабномасига асосан, ҳалок бўлганларни улар оила аъзоларининг яшаш манзилларига, шунингдек, жабрланганларни доимий яшаш жойларига етказишни таъминлайди;
Кейинги таҳрирга қаранг.
идоравий мансуб тегишли бўлинмаларини хабардор қилади, шунингдек, тегишли вазирлик ва идоралар билан ҳамкорликни амалга оширади;
ФВВнинг талабномасига асосан, жабрланганларни ва ҳалок бўлганларни ҳамда уларнинг кузатувчиларини тегишли манзилларга етказишни устувор равишда белгиланган тартибда таъминлайди;
ФВВ талабномасига асосан, фавқулодда вазият содир бўлган ҳудудга кетаётган мутахассислар, шунингдек, жабрланган шахслар учун озиқ-овқат маҳсулотлари ва биринчи навбатдаги моддий бойликлар билан таъминлашни ташкил этади ва таъминлайди;
тегишли вазирликлар ва идоралар билан биргаликда, жабрланганларни ва ҳалок бўлганларни Ўзбекистон Республикаси ҳудудига олиб келинган жойдан уларнинг оилалари истиқомат қилаётган жойларгача етказиш учун етарли миқдорда транспорт воситалари жалб этилишини таъминлайдилар;
ўзини ўзи бошқариш органларини жалб этган ҳолда ҳалок бўлганларнинг оила аъзоларига дафн маросимларини ўтказишда ёрдам берадилар;
нодавлат нотижорат ташкилотларини жалб этган ҳолда жабрланганларга ва ҳалок бўлганларнинг оила аъзоларига белгиланган тартибда ижтимоий ёрдам кўрсатадилар;
фавқулодда вазиятларнинг олдини олиш чоралари ва улар содир бўлганда ҳаракат қилиш бўйича аҳоли ўртасида тушунтириш ишлари доимий равишда олиб борилишини ташкил этадилар;
манфаатдор вазирликлар ва идоралар билан биргаликда телевидение, радиоканаллари ва интернет орқали аҳоли ўртасида фавқулодда вазиятларда биринчи навбатда бажариладиган ишлар тўғрисида тушунтиришлар олиб борилишини таъминлайдилар.
10. Ушбу Низом талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.
Кейинги таҳрирга қаранг.
Хорижий давлатлар ҳудудида фавқулодда вазиятлар оқибатида жабрланган Ўзбекистон Республикаси фуқароларига ёрдам кўрсатиш тартиби тўғрисидаги Низомга
ИЛОВА
ИЛОВА
Кейинги таҳрирга қаранг.