Ёш истеъдод эгаларининг жамиятимиз маънавий ҳаётини юксалтиришдаги муҳим ўрнини инобатга олиб, ўзининг мусиқа, матн ва ижро маҳорати билан одамларнинг юрагига етиб борадиган, эзгуликка чорлайдиган, ирода ва имон-эътиқодини мустаҳкамлашга хизмат қиладиган асарлар яратишда фаоллик кўрсатаётган иқтидорли ёшларни мунтазам рағбатлантириб бориш мақсадида Вазирлар Маҳкамаси қарор қилади:
1. Маданият ишлари вазирлиги, ижодий уюшмалар ва санъат жамоатчилигининг ёш истеъдодларни қўллаб-қувватлаш учун «Ниҳол» мукофотини таъсис этиш ҳақидаги таклифлари маъқуллансин.
«Ниҳол» мукофоти якка ва туркум мусиқий асарлар яратиш ва ижро этишда юксак бадиий маҳорат кўрсатган, 30 ёшгача бўлган ижодкорларга ҳар йили Мустақиллик байрами арафасида тантанали вазиятда топширилади.
Кейинги таҳрирга қаранг.
2. «Ниҳол» мукофоти совринининг рамзи, Низоми ва мукофотга тавсия этилган номзодларнинг ижодий ишларини кўриб чиқувчи Кенгаш таркиби 1 ва 2-иловаларга* мувофиқ тасдиқлансин.
Кейинги таҳрирга қаранг.
3. Ўзбекистон Республикаси Молия вазирлиги «Ниҳол» мукофоти совриндорларига ҳар йили энг кам иш ҳақининг 70 баробари миқдорида 10 та пул мукофоти ажратилишини, совринларни тайёрлаш, матбаа, реклама ва ташкилий ишлар билан боғлиқ тегишли сарф-харажатларнинг қопланишини таъминласин.
Кейинги таҳрирга қаранг.
4. Мазкур қарорнинг бажарилишини назорат қилиш Бош вазир ўринбосари Ҳ. Кароматов зиммасига юклансин.
1. «Ниҳол» мукофоти ёш истеъдод эгаларининг жамиятимиз маънавий ҳаётини юксалтиришдаги муҳим ўрнини инобатга олиб, ўзининг мусиқа, матн ва ижро маҳорати билан одамларнинг юрагига етиб борадиган, эзгуликка чорлайдиган, ирода ва имон-эътиқодини мустаҳкамлашга хизмат қиладиган асарлар яратишда фаоллик кўрсатаётган иқтидорли ёшларни мунтазам рағбатлантириб бориш мақсадида берилади.
2. «Ниҳол» мукофоти якка ва туркум мусиқий асарлар яратиш ва ижро этишда юксак бадиий маҳорат кўрсатган, 30 ёшгача бўлган ижодкорларга ҳар йили Мустақиллик байрами арафасида тантанали вазиятда топширилади.
3. «Ниҳол» мукофоти ўз рамзи акс эттирилган соврин ва энг кам иш ҳақининг 70 баробари миқдоридаги пул маблағидан иборатдир.
Олдинги таҳрирга қаранг.
4. «Ниҳол» мукофотига тақдим этиш тўғрисидаги таклифлар ижодий уюшмалар, жамоат ташкилотлари ва алоҳида шахслар томонидан Маданият ва спорт ишлари вазирлигига киритилади. Вазирлик номзодларнинг ҳужжатларини расмийлаштириб, номзодларнинг ижодий ишларини кўриб чиқувчи Кенгашга тақдим этади.
(4-банд Ўзбекистон Республикаси Вазирлар Маҳкамасининг 2005 йил 6 июлдаги 157-сонли қарори таҳририда — ЎР ҚҲТ, 2005 й., 27-сон, 192-модда)
5. Кенгаш «Ниҳол» мукофотига тавсия этилган номзодларнинг ижодий ишларини кўриб чиқади ва танлов асосида совриндорларни белгилайди. Совриндорлар Кенгашнинг махсус қарори билан тасдиқланади.
6. «Ниҳол» мукофотига сазовор бўлган ёшлар маданият, санъат олий ва ўрта махсус ўқув юртларига имтиёзли равишда қабул қилинадилар, мамлакатнинг атоқли санъаткорларидан сабоқ олиш, хорижий мамлакатларнинг нуфузли даргоҳларида малака ва маҳоратларини ошириш имкониятларига эга бўладилар.
8. «Ниҳол» мукофоти совриндорларининг рўйхати Мустақиллик байрами арафасида оммавий ахборот воситаларида эълон қилинади.
Кейинги таҳрирга қаранг.