LexUZ шарҳи
Мазкур қарор Ўзбекистон Республикаси Вазирлар Маҳкамасининг 2019 йил 24 июндаги 520-сонли «Ўзбекистон Республикаси Энергетика вазирлиги ҳузуридаги Нефть маҳсулотлари ва газдан фойдаланишни назорат қилиш инспекцияси фаолиятини ва Ўзбекистон Республикаси Энергетика вазирлиги ҳузуридаги Электр энергетикада назорат инспекцияси фаолиятини ташкил этиш чора-тадбирлари тўғрисида»ги қарорига асосан ўз кучини йўқотган.
Ўзбекистон Республикаси Президентининг «Республика давлат бошқаруви органлари тизимини такомиллаштириш тўғрисида» 2003 йил 9 декабрдаги ПФ-3358-сон Фармонини бажариш юзасидан ҳамда нефть маҳсулотлари ва газни қазиб олиш, ишлаб чиқариш, сотиш ва улардан фойдаланишда белгиланган тартибга ва технология талабларига риоя этилишини назорат қилиш даражасини ошириш мақсадида Вазирлар Маҳкамаси қарор қилади:
нефть маҳсулотлари ва газ сотиш ҳамда улардан фойдаланиш бўйича қонун ҳужжатлари ва бошқа норматив-ҳуқуқий ҳужжатларнинг бажарилишини назорат қилиш;
энергияни тежовчи давлат дастурларини, нефть, газ, газ конденсати ва уларни қайта ишлаш маҳсулотларидан фойдаланиш масалалари бўйича лойиҳалар ва тадбирларни амалга ошириш;
нефть, газ ва газ конденсатини қазиб олиш, қайта ишлаш, узатиш, сақлаш объектларини (қурилмаларини) монтаж қилиш ва улардан фойдаланишда технология талабларига риоя этилишини назорат қилиш;
нефть маҳсулотлари ва газдан фойдаланиш, уларни сотиш, шунингдек нефть, газ ва газ конденсатини қазиб олиш, қайта ишлаш, узатиш, сақлаш объектларини (қурилмаларини) монтаж қилиш ва улардан фойдаланиш бўйича норматив ҳужжатларни ишлаб чиқиш.
«Ўздавнефтгазинспекция»нинг ташкилий тузилмаси, унинг марказий аппарати ва ҳудудий бўлимлари тузилмаси 1—3-иловаларга мувофиқ;
Ўзбекистон Республикаси Вазирлар Маҳкамаси ҳузуридаги Ўзбекистон нефть маҳсулотлари ва газдан фойдаланишни назорат қилиш давлат инспекцияси тўғрисидаги низом 4-иловага мувофиқ тасдиқлансин.
3. «Ўздавнефтгазинспекция» марказий аппарати ходимларининг чекланган умумий сони 37 нафар, шу жумладан бошқарув ходимлари сони 8 нафар этиб белгилансин.
«Ўздавнефтгазинспекция» бошлиғига, зарурат бўлганда, ходимларнинг белгиланган чекланган сони доирасида «Ўздавнефтгазинспекция» марказий аппарати ва унинг ҳудудий бўлимлари тузилмасига ўзгартириш киритишга рухсат берилсин.
4. «Ўздавнефтгазинспекция» фаолиятини маблағ билан таъминлашнинг Ўзбекистон Республикаси Молия вазирлиги билан келишилган ҳолда ҳар йили тасдиқланадиган харажатлар сметасига мувофиқ:
«Ўзтрансгаз» акциядорлик компанияси, «Ўзнефтмаҳсулот» акциядорлик компаниясининг нефть базалари, «Ўзбекнефтгаз» миллий холдинг компаниясининг «Шўртаннефтгаз» унитар шўъба корхонаси ва Муборак газни қайта ишлаш заводининг, ушбу маблағларни Вазирлар Маҳкамасининг 1999 йил 5 февралдаги 54-сон қарори билан тасдиқланган Маҳсулот (ишлар, хизматлар)ни ишлаб чиқариш ва сотиш харажатлари таркиби ҳамда молиявий натижаларни шакллантириш тартиби тўғрисидаги низомнинг 1.1.4-бандига мувофиқ ишлаб чиқариш моддий харажатларига киритган ҳолда, мажбурий ажратмалари;
нефть маҳсулотлари ва газдан фойдаланиш қоидаларини бузганлик учун Ўзбекистон Республикаси Вазирлар Маҳкамасининг «Ёқилғи-энергетика ресурсларидан фойдаланиш қоидаларини бузганлик учун иқтиcодий жазоларни қўллаш тўғрисида» 1994 йил 9 мартдаги 124-сон қарорида белгиланган тартибга мувофиқ иқтисодий жазоларни қўллашдан тушадиган маблағларнинг бир қисми ҳисобига амалга ошириладиган тартиби сақлаб қолинсин.
Кейинги таҳрирга қаранг.
5. Вазирлар Маҳкамасининг «Ўзбекистон нефть маҳсулотлари ва газдан фойдаланишни назорат қилиш давлат инспекциясини ташкил этиш тўғрисида» 2000 йил 8 июндаги 220-сон қарорининг 2—6-бандлари (Ўзбекистон Республикаси ҚТ, 2000 й., 6-сон, 29-модда), Вазирлар Маҳкамасининг 2003 йил 26 декабрдаги 573-сон қарорига илованинг 2-банди (Ўзбекистон Республикаси ҚТ, 2003 й., 12-сон, 133-модда) ва Вазирлар Маҳкамасининг 2004 йил 8 январдаги 9-сон қарорига илованинг 3-банди (Ўзбекистон Республикаси ҚТ, 2004 й., 1-сон, 3-модда) ўз кучини йўқотган деб ҳисоблансин.
6. «Ўздавнефтгазинспекция», «Ўзбекнефтгаз» миллий холдинг компанияси манфаатдор вазирликлар ва идоралар билан биргаликда бир ой муддатда идоравий норматив ҳужжатларнинг ушбу қарорга мувофиқлаштирилишини таъминласинлар.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ў.Т. Султонов зиммасига юклансин.
1. Ўзбекистон нефть маҳсулотлари ва газдан фойдаланишни назорат қилиш давлат инспекцияси (кейинги ўринларда «Ўздавнефтгазинспекция» деб аталади) нефть маҳсулотлари ва газдан фойдаланиш, уларни сотиш, шунингдек нефть, газ ва газ конденсати қазиб олиш, уларни қайта ишлаш, узатиш, сақлаш объектларини (қурилмаларини) монтаж қилиш ва улардан фойдаланишда технология талабларига риоя қилиниши устидан давлат назорати соҳасидаги махсус ваколатли давлат бошқаруви органи ҳисобланади.
2. «Ўздавнефтгазинспекция» тизимига юридик шахс мақомига эга бўлмаган Қорақалпоғистон Республикаси, вилоятлар ва Тошкент шаҳридаги ҳудудий бўлимлар, шунингдек Тошкент назорат-кимё лабораторияси киради.
Ҳудудий бўлимлар ўз фаолиятини «Ўздавнефтгазинспекция» томонидан тасдиқланган низомга мувофиқ амалга оширади, маҳаллий давлат ҳокимияти органларидан мустақил ҳисобланади ҳамда бевосита «Ўздавнефтгазинспекция»га бўйсунади.
3. «Ўздавнефтгазинспекция» ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий Мажлисининг қарорлари ва бошқа ҳужжатларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, бошқа норматив-ҳуқуқий ҳужжатларга, шунингдек мазкур Низомга амал қилади.
4. «Ўздавнефтгазинспекция» ўз фаолиятини давлат бошқаруви бошқа органлари, ҳуқуқни муҳофаза қилиш органлари, маҳаллий давлат ҳокимияти органлари, жамоат бирлашмалари ва бошқа ташкилотлар билан ўзаро ҳамкорликда амалга оширади.
5. «Ўздавнефтгазинспекция» фаолиятини маблағ билан таъминлаш Ўзбекистон Республикаси Молия вазирлиги билан келишилган ҳолда ҳар йили тасдиқланадиган харажатлар сметасига мувофиқ:
«Ўзтрансгаз» акциядорлик компанияси, «Ўзнефтмаҳсулот» акциядорлик компаниясининг нефть базалари, «Ўзбекнефтгаз» миллий холдинг компаниясининг «Шўртаннефтгаз» унитар шўъба корхонаси ва Муборак газни қайта ишлаш заводининг, ушбу маблағларни Вазирлар Маҳкамасининг 1999 йил 5 февралдаги 54-сон қарори билан тасдиқланган Маҳсулот (ишлар, хизматлар)ни ишлаб чиқариш ва сотиш харажатлари таркиби ҳамда молиявий натижаларни шакллантириш тартиби тўғрисидаги Низомнинг 1.1.4-бандига мувофиқ ишлаб чиқариш моддий харажатларига киритган ҳолда, мажбурий ажратмалари;
нефть маҳсулотлари ва газдан фойдаланиш қоидаларини бузганлик учун Ўзбекистон Республикаси Вазирлар Маҳкамасининг 1994 йил 9 мартдаги 124-сон қарори билан белгиланган тартибга мувофиқ иқтисодий жазоларни қўллашдан тушадиган маблағларнинг бир қисми ҳисобига амалга оширилади.
Кейинги таҳрирга қаранг.
6. «Ўздавнефтгазинспекция» юридик шахс ҳисобланади, Ўзбекистон Республикаси Давлат герби тасвири туширилган ва ўз номи ёзилган муҳрга эга бўлади.
нефть маҳсулотлари ва газ сотиш ҳамда улардан фойдаланиш бўйича қонун ҳужжатлари ва бошқа норматив-ҳуқуқий ҳужжатларнинг бажарилишини назорат қилиш;
энергияни тежовчи давлат дастурларини, нефть, газ, газ конденсати ва уларни қайта ишлаш маҳсулотларидан фойдаланиш масалалари бўйича лойиҳалар ва тадбирларни амалга ошириш;
нефть, газ ва газ конденсатини қазиб олиш, қайта ишлаш, узатиш, сақлаш объектларини (қурилмаларини) монтаж қилиш ва улардан фойдаланишда технология талабларига риоя этилишини назорат қилиш;
нефть маҳсулотлари ва газдан фойдаланиш, уларни сотиш, шунингдек нефть, газ ва газ конденсатини қазиб олиш, қайта ишлаш, узатиш, сақлаш объектларини (қурилмаларини) монтаж қилиш ва улардан фойдаланиш бўйича норматив ҳужжатларни ишлаб чиқиш.
юридик шахслар томонидан нефть маҳсулотлари ва газдан фойдаланилишини, уларнинг сотилишини, сифат ва миқдор жиҳатидан сақланишини, шунингдек нефть, газ ва газ конденсатини қазиб олиш, қайта ишлаш, узатиш, сақлаш объектларини (қурилмаларини) монтаж қилиш ва улардан фойдаланишда технология талабларига риоя этилишини белгиланган тартибда текширади;
газдан белгиланган мақсаддан ташқари фойдаланилишига йўл қўймаслик ҳамда мулкчилик шаклларидан қатъи назар, газ истеъмолчилари (аҳолидан ташқари) ўзбошимчалик билан ўрнатиб олган газдан фойдаланиш қурилмаларини аниқлаш юзасидан газ сотувчи ташкилотлар ва газ узатиш ташкилотлари ишларини белгиланган тартибда назорат қилади;
юридик шахсларнинг ёнилғи истеъмол қилувчи қурилмаларида ишга тушириш ва режим-созлаш ишларини бажариш сифатини белгиланган тартибда текширади;
энергияни тежовчи давлат дастурларини, нефть, газ, газ конденсати ва уларни қайта ишлаш маҳсулотларидан фойдаланиш масалалари бўйича лойиҳалар ва тадбирларни ишлаб чиқишда қатнашади ва уларнинг амалга оширилишини назорат қилади;
нефть маҳсулотлари ва газдан фойдаланиш, уларни сотиш, шунингдек нефть, газ ва газ конденсатини қазиб олиш, қайта ишлаш, узатиш, сақлаш объектларини (қурилмаларини) монтаж қилиш ва улардан фойдаланиш бўйича зарур норматив ҳужжатларни ишлаб чиқишда қатнашади, қонун ҳужжатларида белгиланган ҳолларда уларга розилик беради;
«Ўздавнефтгазинспекция» ваколатига кирувчи масалалар бўйича норматив ҳужжатлар ва қоидалар юзасидан эксперт хулосалар беради ҳамда уларни келишиб олади;
Вазирлар Маҳкамасининг ягона энергетика тизимига уланадиган электр станцияларида электр ишлаб чиқариш фаолиятини, нефть, газ ҳамда газ конденсати қазиб чиқариш, қайта ишлаш ва сотиш, нефть маҳсулотларини сотиш, магистрал газ қувурлари, нефть қувурлари ва нефть маҳсулотлари қувурларини лойиҳалаштириш, қуриш, улардан фойдаланиш ва уларни таъмирлаш фаолиятини лицензиялаш комиссиялари ишида қатнашади;
Кейинги таҳрирга қаранг.
нефть маҳсулотларини АЁҚШ ва мой алмаштириш шохобчалари орқали сотиш фаолиятини лицензиялаш бўйича ҳудудий комиссиялар ишчи органи функцияларини бажаради;
нефть-газ тармоғи технологик объектларининг ишдан чиқиш сабабларини текшириш комиссияларининг ишида, кўрсатиб ўтилган объектлар ишдан чиқишининг олдини олиш ва уларнинг ишончлилигини ошириш тадбирларини ишлаб чиқишда қатнашади;
ёқилғи истеъмол қилувчи корхоналар (қурилмалар), нефть-газ технология объектлари, нефть ва газ қудуқлари, нефть базалари, автомобиль ёнилғиси қуйиш шохобчалари (АЁҚШ), автомобилларга компрессор воситасида газ тўлдириш шохобчалари (АКГТШ) ва автомобилларга газ қуйиш шохобчаларини (АГҚШ) қуриш, реконструкция қилиш, техника билан қайта жиҳозлаш ва газ таъминоти лойиҳаларини белгиланган технология талабларига мувофиқлиги жиҳатидан рўйхатдан ўтказади;
Кейинги таҳрирга қаранг.
аттестация комиссиялари ҳамда нефть-газ технологик объектларини, нефть базаларини, АЁҚШ, АКГТШ ва АГҚШларни лойиҳалаш, монтаж қилиш, созлаш ва фойдаланишга топширишни амалга оширувчи хўжалик юритувчи субъектлар муҳандис-техник ходимларининг нормалар ва қоидаларга доир билимларини текшириш комиссиялари ишида қатнашади;
қурилиш, реконструкция қилиш, мукаммал таъмирлаш тугалланганда ёқилғидан фойдаланувчи корхоналар ва нефть-газ технологик объектлари (қурилмалар)га асбоб-ускуналарни комплекс синаб кўриш, режим-созлаш ишлари ва табиий газ восита сифатида қўлланганда газ қувурларини тозалаш ишлари учун газ узатишга рухсатнома беради.
Кейинги таҳрирга қаранг.
қурилиши тугалланган нефть-газ технологик объектлари, нефть ва газ қудуқлари, нефть базалари, автоёнилғи қуйиш шохобчалари, автомобилларга компрессор воситасида газ тўлдириш шохобчалари ва автомобилларга газ тўлдириш шохобчаларини техник кўрикдан ўтказади ва уларни фойдаланишга қабул қилиш комиссиялари ишида иштирок этади.
9. «Ўздавнефтгазинспекция» ўзига юкланган вазифалар ва функцияларни бажариш учун қуйидаги ҳуқуқларга эга:
«Ўздавнефтгазинспекция» ваколатига кирувчи масалалар бўйича юридик шахслар фаолиятини белгиланган тартибда текшириш;
юридик шахслар томонидан нефть маҳсулотлари ва газдан фойдаланилишини, уларнинг сотилишини, сифат ва миқдор жиҳатидан сақланишини, шунингдек нефть, газ ва газ конденсатини қазиб олиш, қайта ишлаш, узатиш, сақлаш объектларини (қурилмаларини) монтаж қилиш ва улардан фойдаланишда технология талабларига риоя этилишини белгиланган тартибда назорат қилиш;
текширишларга тегишли вазирликлар, идоралар, корхоналар, муассасалар ва ташкилотлар мутахассисларини жалб этиш;
текширишлар давомида текширилаётган объектларда аниқланган бузилишлар ва камчиликлар бўйича бажарилиши мажбурий бўлган ёзма кўрсатмалар бериш;
турғун ва кўчма лабораторияларда нефть маҳсулотлари намуналари сифатини мустақил равишда текшириш ва тегишли хулосалар бериш;
нефть маҳсулотларини қабул қилиш, сақлаш, бериш, ҳисобга олиш, шунингдек нефть омборхонаси ускуналарининг техник ва метрологик ҳолати қоидаларини қўпол равишда бузиш ҳоллари аниқланганда нефть маҳсулотларини сотишни белгиланган тартибда тўхтатиб қўйиш;
технологик объектлар қурилишини ва улардан фойдаланишни, уларни лойиҳалаш, қуриш ва улардан фойдаланишнинг амалдаги нормалари ва қоидалари бузилган ҳолларда ва бу бузилишлар уларнинг ишончлилиги пасайишига олиб келса, шунингдек қурилиш буюртмачининг малакали техника назорати ва муаллифлик назорати билан таъминламаганда, тўхтатиб қўйиш;
лицензия талаблари ва шартлари бузилганлиги учун юридик шахсларнинг энергетика текширувлари ва экспертизалари ўтказиш, нефть, газ ҳамда газ конденсати қазиб чиқариш, қайта ишлаш ва сотиш, нефть маҳсулотларини сотиш, шунингдек магистрал газ қувурлари, нефть қувурлари ва нефть маҳсулотлари қувурларини лойиҳалаштириш, қуриш, улардан фойдаланиш ва уларни таъмирлаш фаолиятини амалга ошириш ҳуқуқини берувчи лицензияларининг амал қилишини тўхтатиб туриш ва тўхтатиш тўғрисида лицензияловчи органларга таклифлар киритиш;
Кейинги таҳрирга қаранг.
текширилаётган объектларда, меъёрий-техник ҳужжатларнинг ушбу объектларнинг ишончлилигини ва нефть ҳамда газдан фойдаланишнинг самарадорлигини таъминлаш бўйича тегишли талабларига мос келмайдиган аппаратуралар, асбоб-ускуналар, материаллар ва буюмларни, шунингдек технологияларни қўллашни тақиқлаш. Уларни ишлаб чиқаришдан олиб ташлаш тўғрисида тегишли органларга таклифлар киритиш;
технологик объектларни лойиҳалаш, қуриш ва фойдаланишнинг амалдаги нормалари ва қоидаларидан асосли четга чиқишларни, агар ушбу ўзгартиришлар мазкур объектлардан фойдаланишнинг ишончлилигини пасайтиришга олиб келмаса, розилик бериш;
Кейинги таҳрирга қаранг.
б) газ сарфини ҳисобга олиш приборлари бўлмаган газдан фойдаланиш қурилмаларидан фойдаланилганда ёхуд газдан фойдаланувчи қурилмаларда лойиҳада назарда тутилган газ ёниши жараёнларини автоматик бошқариш воситалари ёки иссиқлик-техника назорати ёки газдан самарали фойдаланишни таъминловчи иссиқликдан қайта фойдаланиш асбоб-ускуналари бўлмаганда (бузилганда);
в) газдан фойдаланиш қурилмаларини ишга тушириш ва режим-созлаш ишларини ўтказиш муддатлари бузилганда газдан фойдаланувчи қурилмаларга газ беришни тўхтатиш тўғрисида бажарилиши мажбурий бўлган ёзма кўрсатмалар бериш;
ёқилғи-энергетика ресурсларидан фойдаланишда бузилишлар учун юридик шахсларга нисбатан, уларнинг қайси идорага қарашлилигидан ва мулкчилик шаклларидан қатъи назар, Ўзбекистон Республикаси қонун ҳужжатлари билан берилган ўз ваколатлари доирасида иқтисодий жазолар қўллаш;
«Ўздавнефтгазинспекция» ваколатига тегишли масалалар бўйича вазирликлар, идоралар, маҳаллий давлат ҳокимияти органлари, ташкилотлар ва корхоналардан зарур маълумотлар ва материаллар олиш;
вазирликлар, идоралар, ташкилотлар ва корхоналар раҳбарларининг «Ўздавнефтгазинспекция» ваколатига кирувчи масалалар бўйича ҳисоботларини эшитиш;
нефть маҳсулотлари ва газдан фойдаланиш, уларни сотиш, шунингдек нефть, газ ва газ конденсатини қазиб олиш, қайта ишлаш, ташиш, сақлаш объектларини (қурилмаларини) монтаж қилиш ва уларни ишлатиш бўйича зарур норматив-техник ҳужжатларни ишлаб чиқиш тўғрисида ёзма кўрсатмалар бериш;
норматив-методик ҳужжатларни экспертизадан ўтказиш учун мустақил экспертларни ҳамда илмий-тадқиқот, аудиторлик, маслаҳат ташкилотлари ва бошқа ташкилотларнинг мутахассисларини белгиланган тартибда жалб қилиш;
«Ўздавнефтгазинспекция» ваколатига кирувчи масалалар бўйича белгиланган тартибда норматив-ҳуқуқий ҳужжатлар қабул қилиш.
10. «Ўздавнефтгазинспекция»нинг қарорлари, шунингдек «Ўздавнефтгазинспекция»га берилган ваколатлар доирасида қабул қилинган норматив-ҳуқуқий ҳужжатлар вазирликлар, давлат қўмиталари, идоралар, маҳаллий давлат ҳокимияти органлари, корхоналар, муассасалар, ташкилотлар, мансабдор шахслар ва фуқаролар томонидан бажарилиши мажбурийдир.
«Ўздавнефтгазинспекция», зарур ҳолларда, бошқа вазирликлар, давлат қўмиталари ва идоралар билан қўшма қарорлар ва бошқа ҳужжатлар қабул қилишга ҳақлидир.
«Ўздавнефтгазинспекция» ва унинг ҳудудий бўлимлари мансабдор шахслари хатти-ҳаракатлари устидан шикоят қилиш қонун ҳужжатларига мувофиқ амалга оширилади.
«Ўздавнефтгазинспекция» мансабдор шахслари ўз хизмат вазифаларини зарур даражада бажармаганликлари учун қонун ҳужжатларида белгиланган тартибда жавоб берадилар.
12. «Ўздавнефтгазинспекция»га қонун ҳужжатларида белгиланган тартибда лавозимга тайинланадиган ва лавозимдан озод қилинадиган бошлиқ бошчилик қилади.
Кейинги таҳрирга қаранг.
Бошлиқнинг қонун ҳужжатларида белгиланган тартибда лавозимга тайинланадиган ва лавозимдан озод қилинадиган икки нафар ўринбосари бўлади.
Кейинги таҳрирга қаранг.
«Ўздавнефтгазинспекция» бошлиғи мақомига кўра Ўзбекистон Республикаси вазирининг биринчи ўринбосарига, бошлиқ ўринбосарлари — Ўзбекистон Республикаси вазири ўринбосарларига тенглаштирилади.
13. «Ўздавнефтгазинспекция» ходимлари мақомига кўра «Ўзбекнефтгаз» миллий холдинг компанияси ходимларининг тегишли тоифаларига тенглаштирилади.
«Ўздавнефтгазинспекция» фаолиятига яккабошчилик асосида умумий раҳбарлик қилади, «Ўздавнефтгазинспекция»га юкланган вазифалар ва функцияларнинг бажарилиши учун шахсан жавоб беради;
«Ўздавнефтгазинспекция» тузилмасига ходимларнинг штатда белгиланган сони ва меҳнатга ҳақ тўлаш фонди доирасида ўзгартиришлар киритади;
«Ўздавнефтгазинспекция» таркибий бўлинмалари тўғрисидаги низомларни белгиланган тартибда тасдиқлайди;
«Ўздавнефтгазинспекция» ходимларини белгиланган тартибда лавозимга тайинлайди ва лавозимдан озод қилади;
15. «Ўздавнефтгазинспекция» бошлиғи лавозимига кўра айни бир вақтда Нефть маҳсулотлари ва газдан фойдаланишни назорат қилиш Бош давлат инспектори, унинг ўринбосарлари эса Бош давлат инспектори ўринбосарлари ҳисобланади. Бош технологлар ва бош мутахассислар катта давлат инспекторлари ҳисобланадилар. Муҳандислар давлат инспекторлари ҳисобланадилар.
16. «Ўздавнефтгазинспекция»ни қайта ташкил этиш ва тугатиш қонун ҳужжатларида белгиланган тартибда амалга оширилади.