LexUZ шарҳи
Мазкур қарор Ўзбекистон Республикаси Вазирлар Маҳкамасининг 2017 йил 6 апрелдаги 185-сонли «Дори воситалари ва фармацевтика фаолияти тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида» 2016 йил 4 январдаги ЎРҚ-399-сон Ўзбекистон Республикаси Қонунини амалга ошириш чора-тадбирлари тўғрисида»ги қарорига асосан 2017 йилнинг 1 июлидан ўз кучини йўқотади.
Вазирлар Маҳкамаси қарор қилади:
1. Вазирлар Маҳкамасининг 1994 йил 6 августдаги 404-сон қарори билан тасдиқланган Республика дорихона муассасаларида дори-дармонлар ва тиббий буюмлар сотиш қоидаларига иловага мувофиқ ўзгартириш ва қўшимчалар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ҳ.С. Кароматов зиммасига юклансин.
Ўзбекистон Республикасида рўйхатдан ўтказилмаган ва ваколатли назорат-текшириш лабораторияларида сифат бўйича назоратдан ўтмаган дори-дармонлар ва тиббий буюмларни сотиш;
дорихона муассасалари томонидан юридик ва жисмоний шахслардан дори-дармонлар ва тиббий буюмлар сифатини тасдиқловчи ҳужжатларсиз дори-дармонлар ва тиббий буюмларни қабул қилиб олиш тақиқлансин.».
«Беморларга бепул рецептлар бўйича дори-дармонлар, мулкчилик шаклларидан қатъи назар, дорихона муассасалари томонидан Вазирлар Маҳкамасининг «Даволаш-профилактика муассасаларини маблағ билан таъминлаш тизимини такомиллаштириш тўғрисида» 1997 йил 2 декабрдаги 532-сон қарорига биноан амбулаторияда даволашда дори-дармонлар бепул бериладиган касалликлар ва шахслар рўйхатига мувофиқ берилади».
«Давлат назоратидан ўтказилиши керак бўлган наркотик воситалар, психотроп моддалар шаҳар (шаҳар ёки қишлоқ тумани) доирасида фаолиятнинг тегишли турига рухсатномаси бўлган дорихоналар томонидан уларнинг ҳудудидаги даволаш-профилактика муассасалари рецептлари бўйича берилади».
«Таркибида наркотик моддалар бўлган дорилар учун берилган рецептлар — ёзиб берилган кундан бошлаб 7 кун мобайнида, заҳарли моддалар бўлган дорилар бўйича 10 кун, барча қолганлари бўйича эса бир ой мобайнида ҳақиқий ҳисобланади».
амбулаторияга қатнаб даволанадиган узоқ давом этадиган касалга чалинган беморларга врачнинг «Махсус кўрсатма бўйича» деб ёзиб қўйилган, имзоланган ва даволаш-профилактика муассасасининг муҳри қўйилган рецептлари бўйича, соф ҳолда 100 граммгача ҳамда «Компресс қилиш учун» деб ёзиб қўйилган (аралаштириши миқдори кўрсатилган ҳолда) ёки «Терини ишқалаш учун» деб ёзиб қўйилган рецептлар бўйича, ингредиентлар аралашмасида 100 граммгача;
тиббиёт мақсадлари учун тиббиёт муассасалари ва ташкилотларига Соғлиқни сақлаш вазирлиги томонидан белгиланадиган нормативлар бўйича берилади».
«Таркибида наркотик воситалар, заҳарли, психотроп моддалар, этил спирти, ухлатадиган воситалар, стероид гормонлар, анаболик активликка эга моддалар, таркибида 8-оксихинол ҳосиласи бўлган дорилар, шунингдек имтиёзли шартларда ёки бепул бериладиган дорилар учун берилган рецептлар дорихонада қолдирилади».