Қишлоқ хўжалигида таркибий ўзгартиришларни янада чуқурлаштириш, чорвачиликда хусусий мулкнинг устувор аҳамияти ва ўрнини таъминлаш, яйловлардан самарали фойдаланиш, чорвачилик маҳсулотлари ишлаб чиқариш ҳажмларини кўпайтириш ва рақобатдошлигини ошириш мақсадида:
1. Қишлоқ хўжалигида иқтисодий ислоҳотларни чуқурлаштириш бўйича Республика комиссияси, Ўзбекистон Республикаси Қишлоқ ва сув хўжалиги вазирлиги, Иқтисодиёт вазирлиги, Молия вазирлиги, Давлат солиқ қўмитаси, Қорақалпоғистон Республикаси Вазирлар Кенгаши, Бухоро, Жиззах, Қашқадарё, Навоий, Самарқанд ва Сурхондарё вилоятлари ҳокимликларининг қоракўлчилик қишлоқ хўжалиги кооперативлари (ширкатлари)ни фермер хўжаликлари ва масъулияти чекланган жамиятлар этиб, шунингдек, чорвадорлик қишлоқ хўжалиги кооперативлари(ширкатлари)ни — фермер хўжаликлари этиб қайта ташкил қилиш тўғрисидаги таклифи 1, 2-ва 3-иловаларга мувофиқ маъқуллансин.
2. Қоракўлчилик қишлоқ хўжалиги кооперативлари (ширкатлари)ни фермер хўжаликлари ва масъулияти чекланган жамиятлар этиб қайта ташкил қилиш тартиби тўғрисидаги низом 4-иловага мувофиқ тасдиқлансин.
Белгилансинки, қоракўлчилик ва чорвадорлик қишлоқ хўжалиги кооперативлари (ширкатлари)ни фермер хўжаликлари этиб қайта ташкил қилиш, шунингдек, фермер хўжаликлари ва масъулияти чекланган жамиятлар этиб қайта ташкил қилинадиган ширкатлар ҳудудида жойлашган барча ижтимоий инфратузилма ҳамда бошқа объектларни тасарруф қилиш Вазирлар Маҳкамасининг «Қишлоқ хўжалиги корхоналарини фермер хўжаликлари этиб қайта ташкил қилиш чора-тадбирлари тўғрисида» 2002 йил 5 январдаги 8-сонли қарори билан тасдиқланган норматив ҳужжатларга мувофиқ амалга оширилади.
3. Ўзбекистон Республикаси Қишлоқ ва сув хўжалиги вазирлиги, Ўзбекистон Республикаси Ер ресурслари, геодезия, картография ва давлат кадастри давлат қўмитаси, Қорақалпоғистон Республикаси Вазирлар Кенгаши, Бухоро, Жиззах, Қашқадарё, Навоий, Самарқанд ва Сурхондарё вилоятлари ҳокимликлари:
икки ой муддатда қоракўлчилик ва чорвадорлик ширкатларини фермер хўжаликлари ҳамда масъулияти чекланган жамиятлар этиб қайта ташкил қилиш борасидаги тадбирларни ишлаб чиқсин, унда ширкатларнинг мол-мулки ва ер майдонлари комплекс инвентарлаштирилиши назарда тутилсин;
2017 йилнинг 1 июнига қадар инвентарлаштириш натижалари бўйича тайёрланган лойиҳалар асосида ширкатларни фермер хўжаликлари ва масъулияти чекланган жамиятлар этиб қайта ташкил қилиш ишлари ниҳоясига етказилишини таъминласин.
4. Ўзбекистон Республикаси Қишлоқ ва сув хўжалиги вазирлиги, «Ўзнефтмаҳсулот» акциядорлик компанияси, «Ўздонмаҳсулот» акциядорлик компанияси, «Ўзпахтасаноат» акциядорлик жамияти Қорақалпоғистон Республикаси Вазирлар Кенгаши, Бухоро, Жиззах, Қашқадарё, Навоий, Самарқанд ва Сурхондарё вилоятлари ҳокимликлари билан биргаликда уч ой муддатда қайта ташкил этилаётган қоракўлчилик ва чорвадорлик ширкатлари ҳудудида зооветеринария хизмати пунктлари, ёқилғи-мойлаш материаллари сотиладиган тегишли нефть базаларининг филиаллари, ем-хашак билан таъминлаш омборлари тармоғи ҳамда бозор ва ишлаб чиқариш инфратузилмасининг бошқа объектлари барпо этилишини таъминласин.
5. Ўзбекистон Республикаси Меҳнат вазирлиги Қорақалпоғистон Республикаси Вазирлар Кенгаши, Бухоро, Жиззах, Қашқадарё, Навоий, Самарқанд ва Сурхондарё вилоятлари ҳокимликлари билан биргаликда уч ой муддатда қоракўлчилик ва чорвадорлик ширкатларини фермер хўжаликлари ҳамда масъулияти чекланган жамиятлар этиб қайта ташкил қилиш натижасида бўшайдиган ходимларни ишга жойлаштириш чораларини кўрсин.
6. Ўзбекистон Республикаси Қишлоқ ва сув хўжалиги вазирлиги ҳамда қоракўлчилик соҳасидаги хўжалик субъектларининг:
«Қоракўл» ҳудудий бирлашмаларини «Қоракўл» ҳудудий уюшмалар этиб қайта ташкил қилиш тўғрисидаги таклифи маъқуллансин.
Олдинги таҳрирга қаранг.
(7-банднинг биринчи хатбошиси Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)
Олдинги таҳрирга қаранг.
майда шохли моллар, шу жумладан қоракўл қўйларининг наслини қайта тиклаш, юқори маҳсулдор зот типларини яратиш ва жорий этиш бўйича қоракўлчилик субъектлари ҳамда ташкилотларининг фаолиятини мувофиқлаштириш, республикада қоракўл қўйларнинг элита генофондининг сақлаб қолиниши устидан мониторингни олиб бориш;
табиий яйловларнинг ҳолатини яхшилаш, қурғоқчиликка ва иссиққа чидамли яйлов озуқабоп ўсимликлар навларини яратиш, яйловларни деградациядан чиқаришда илғор технологияларини жорий этиш ҳамда инвестицияларни жалб этишга кўмаклашиш;
қоракўлчилик кластерларига илмий ва инновацион ёндашувларни қўллаган ҳолда майда шохли моллар, шу жумладан қоракўл қўйларини кўпайтириш, кластер иштирокчилари ўртасида кооперация алоқаларини йўлга қўйиш, хом ашёни чуқур қайта ишлаш ва маҳсулот ишлаб чиқаришни ташкиллаштириш, яйловлардан самарали фойдаланиш, уларнинг ҳолати ёмонлашиб кетишининг олдини олиш бўйича юклатилган мажбуриятлар ижросини мониторинг қилиш ва жамоатчилик назоратини амалга ошириш;
ички ва тармоқлараро, жумладан, майда шохли моллар, туя, йилқи ва йирик шохли молларни етиштиришга ҳамда улардан олинадиган хом ашёларни чуқур қайта ишлашга ихтисослаштирилган корхоналар, шунингдек, қоракўлчилик хўжаликлари ҳамда тайёр маҳсулот ишлаб чиқарувчилар ўртасида кооперацияни ривожлантириш;
соҳага хорижий инвестицияларни кенг жалб этиш орқали самарали ва замонавий технологияларни жорий этишга кўмаклашиш;
жаҳон бозоридаги талаб ва таклифни инобатга олган ҳолда майда шохли моллар, туя, йилқи ва йирик шохли моллардан олинадиган хом ашёларни чуқур қайта ишлаш ва экспорт учун тайёр маҳсулот ишлаб чиқариш бўйича маркетинг тадқиқотларини амалга ошириш;
малакали кадрлар тайёрлаш ва соҳанинг илмий салоҳиятини ошириш, шунингдек, ишлаб чиқариш, таълим ва фаннинг ўзаро интеграцияси учун қулай шарт-шароитларни шакллантириш;
Олдинги таҳрирга қаранг.
жун йўналишидаги майда шохли молларни кўпайтириш, жун ишлаб чиқариш ҳажмини ошириш ва уни чуқур қайта ишлаш;
Ипакчилик ва жун саноатини ривожлантириш қўмитасининг доимий эгалигидаги яйловлар ҳосилдорлигини ошириш, яйлов ўсимликлари уруғчилигини йўлга қўйиш ва каврак плантацияларини ташкил этишга кўмаклашиш, шунингдек, табиий ҳолда ўсувчи каврак ўсимликларидан самарали фойдаланишни йўлга қўйиш;
республика ҳудудларининг табиий-иқлим шароитларига мос келадиган озуқабоп ўсимликлар етиштиришни ташкил этиш ва тайёр маҳсулотни етказиб бериш бўйича таклифлар тайёрлаш;
республика ҳудудларида кавракни саноат усулида етиштириш ҳажмини кўпайтириш чораларини кўриш, маҳсулотни сотиш бозорларини кенгайтириш мақсадида маркетинг тадқиқотларини олиб бориш, экспорт ҳажмини ошириш бўйича амалий ёрдам кўрсатиш.
(7-банд Ўзбекистон Республикаси Президентининг 2021 йил 8 июлдаги ПФ-6259-сонли Фармонига асосан тўққизинчи — ўн иккинчи хатбошилар билан тўлдирилган — Қонунчилик маълумотлари миллий базаси, 09.07.2021 й., 06/21/6259/0657-сон)
Уюшма аъзоларининг ҳуқуқлари ва қонуний манфаатларини, жумладан, давлат ва хўжалик бошқаруви органлари, маҳаллий давлат ҳокимияти органлари билан ўзаро муносабатларда, назорат қилувчи органлар томонидан текширишлар ўтказиш жараёнида, шунингдек, судларда ишларни кўришда ҳимоя қилиш.
(7-банднинг иккинчи — бешинчи хатбошилари Ўзбекистон Республикаси Президентининг 2021 йил 9 февралдаги ПҚ-4984-сонли қарорига асосан иккинчи — тўққизинчи хатбошилар билан алмаштирилган — Қонун ҳужжатлари маълумотлари миллий базаси, 10.02.2021 й., 07/21/4984/0098-сон)
Олдинги таҳрирга қаранг.
8. Яйлов хўжалигини ривожлантириш уюшмаси бошқаруви раисига, зарурат туғилганда, ижро этувчи аппарат тузилмасига ўзгартишлар киритишга рухсат берилсин.
(8-банд Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)
Олдинги таҳрирга қаранг.
Яйлов хўжалигини ривожлантириш уюшмаси раиси Уюшма аъзоларининг умумий йиғилиши қарорига мувофиқ сайланади ва Ўзбекистон Республикаси Вазирлар Маҳкамаси томонидан лавозимга тасдиқланади. «Қоракўл» ҳудудий уюшмаларининг раҳбарлари Яйлов хўжалигини ривожлантириш уюшмаси бошқарув раисининг қарорига биноан тасдиқланади;
(9-банднинг иккинчи хатбошиси Ўзбекистон Республикаси Президентининг 2022 йил 26 апрелдаги ПҚ-224-сонли қарори таҳририда — Қонунчилик маълумотлари миллий базаси, 27.04.2022 й., 07/22/224/0349-сон)
Олдинги таҳрирга қаранг.
Яйлов хўжалигини ривожлантириш уюшмаси ва «Қоракўл» ҳудудий уюшмалари фаолиятини молиялаштириш уларнинг таркибига кирувчи хўжалик субъектларининг ажратмалари ҳамда қонун ҳужжатларида тақиқланмаган бошқа манбалар ҳисобидан амалга оширилади;
(9-банднинг учинчи хатбошиси Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)
Олдинги таҳрирга қаранг.
Яйлов хўжалигини ривожлантириш уюшмаси ва «Қоракўл» ҳудудий уюшмалари қайта ташкил этилаётган «Ўзбек қоракўли» компанияси ҳамда «Қоракўл» ҳудудий бирлашмаларининг шартномалари ва мажбуриятлари бўйича ҳуқуқий ворис ҳисобланадилар.
(9-банднинг тўртинчи хатбошиси Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)
Олдинги таҳрирга қаранг.
10. Яйлов хўжалигини ривожлантириш уюшмаси, Ўзбекистон Республикаси Қишлоқ ва сув хўжалиги вазирлиги икки ой муддатда уюшма ҳамда ҳудудий уюшмаларнинг низомларини ишлаб чиқсин, таъсис йиғилишларини ўтказсин ва белгиланган тартибда низомларни тасдиқласин.
(10-банд Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)
11. Ўзбекистон Республикаси Қишлоқ ва сув хўжалиги вазирлиги наслчилик хўжаликлари мақомига эга бўлган қайта ташкил этиладиган ширкатлар негизида ташкил қилинган масъулияти чекланган жамиятларга, қонун ҳужжатларига мувофиқ, наслчилик қоракўлчилик хўжаликлари мақоми берилишини таъминласин.
12. Ўзбекистон Республикаси Ҳукуматининг айрим қарорлари 8-иловага мувофиқ ўз кучини йўқотган деб ҳисоблансин.
13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
LexUZ шарҳи
LexUZ шарҳи
LexUZ шарҳи
1. Ушбу Низом қоракўлчилик қишлоқ хўжалиги кооперативлари (ширкатлари)ни фермер хўжаликлари ва масъулияти чекланган жамиятлар этиб қайта ташкил қилиш тартибини белгилайди.
талабгор — аукционда иштирок этиш ҳуқуқига эга бўлган, 18 ёшга тўлган Ўзбекистон Республикаси фуқароси ва юридик шахсларнинг вакиллари;
мулк — сотувга қўйиладиган ҳайвонлар, ўтарлар, қўтонлар, молхоналар, чўпонлар уйи, ҳайвонларни сўйишда фойдаланиладиган насос ускунаси, шахта қудуқлари ва скважиналар, шунингдек, хатловда аниқланган бошқа мулклар;
аванс закалати — аукционда иштирок этиш учун сотувга қўйиладиган мулк дастлабки баҳосининг 10 (ўн) фоизи миқдорида олдиндан амалга ошириладиган тўлов.
3. Қоракўлчилик ширкатларини фермер хўжаликлари ва масъулияти чекланган жамиятлар этиб қайта ташкил қилиш ушбу Низомнинг 1-иловасига мувофиқ схема, ушбу Низомнинг 2-иловасига мувофиқ ҳоким қарори билан ташкил этиладиган намунавий таркиб бўйича Қоракўлчилик ширкатларини фермер хўжаликлари ва масъулияти чекланган жамиятлар этиб қайта ташкил қилиш Комиссияси (кейинги ўринларда — Комиссия) томонидан амалга оширилади.
4. Комиссия ўз фаолиятини Ўзбекистон Республикаси Вазирлар Маҳкамасининг 2002 йил 5 январдаги 8-сон қарори билан тасдиқланган Қишлоқ хўжалиги корхонасини фермер хўжаликларига айлантириш бўйича комиссия тўғрисидаги намунавий низомга мувофиқ амалга оширади.
5. Аукционга қўйиладиган фермер хўжаликларини ташкил этиш лойиҳалари (кейинги ўринларда — лойиҳалар)ни шакллантиришда қуйидаги асосий мезонларга алоҳида эътибор қаратилади:
қоракўлчилик ширкатларидаги чорва молларнинг сони, суви бор шахта қудуқлари ва скважиналар миқдори, ҳайвонларни улардан сув билан таъминлаш мумкинлиги, ушбу ҳудудда ҳайвонларни боқиш учун ажратилган яйловларнинг ҳосилдорлиги;
ҳайвонлар ўтарлари, қўтонлар, молхоналар, чўпонлар уйи ва бошқа воситалар мавжудлиги ҳамда уларнинг жойлашуви;
«Давергеодезкадастр» қўмитасининг ҳудудий бўлинмалари томонидан ўтказилган хатлов натижаларига кўра аниқланган ер майдонлари контурини ҳамда мулкнинг бошланғич баланс қиймати асосида реализация қилинадиган лойиҳаларни ишлаб чиқиш ва уларнинг хариталарини тайёрлаш.
6. Ҳайвонлар икки ва ундан ортиқ лойиҳаларда бир шахта қудуғи ёки скважинадан сув билан таъминланган тақдирда, аукционга қўйилаётган ушбу шахта қудуғи ёки скважиналарнинг нархи ҳар бир лойиҳа бўйича тенг қисмда тақсимланади.
7. Ҳайвонлар умумий фойдаланишдаги суғориш тармоқлари (ариқлар, дарёлар, каналлар, булоқлар ва бошқалар) ёки сув келтириш орқали сув билан таъминланган тақдирда ҳар бир ўтардаги мулк ва унга бириктирилган ер майдонлари битта лойиҳа ҳисобланади.
8. Йил фасллари ва яйловларнинг ҳосилдорлигидан келиб чиқиб, бир ўтардаги ҳайвонларни (лойиҳадаги) бир ҳудуддан бошқа ҳудудга ўтказган тақдирда иккала ҳудуднинг мулки ва ажратилган ер майдонлари битта лойиҳага киритилади ва битта лойиҳа сифатида савдога қўйилади.
9. Аукционга қўйилган ҳар бир лойиҳадаги қўй ва эчкилар сони 300 (уч юз) бошдан кам бўлмаслиги шарт.
10. Мулкнинг лойиҳадаги баланс қийматини баҳолаш суммаси аукционда ушбу лойиҳанинг бошланғич баҳоси ҳисобланади.
11. Комиссия аукцион ўтказилишидан бир ой олдин аукционга қўйиладиган лойиҳалар тўғрисида оммавий ахборот воситаларида белгиланган тартибда эълон жойлаштиради.
Эълон, қоидага биноан, қоракўлчилик ширкатининг маъмурий биносида бемалол танишиб чиқиш учун очиқ жойда ҳам жойлаштирилади.
Аукцион ўтказилиши тўғрисидаги эълон қўшимча равишда маҳаллий оммавий ахборот воситалари ҳамда Интернет тармоқларининг веб-сайтларига ҳам жойлаштирилиши лозим.
талабгор томонидан тўланадиган аванс закалатининг миқдори, муддати ва шакли, аванс закалатини ўтказиб бериш учун банк ҳисоб рақамининг реквизитлари.
13. Аукциондаги иштироки учун талабгор томонидан лойиҳа қийматининг 10 (ўн) фоизи миқдорида аванс закалати тўланади.
Талабгор аукционда ғолиб бўлган тақдирда, у лойиҳа қийматининг қолган 90 (тўқсон) фоизини аукцион ўтказилган кундан бошлаб 1 (бир) ой ичида тўлаши шарт.
14. Аукционни ташкил этиш ва ўтказиш билан боғлиқ сарф-ҳаражатлар қайта ташкил этилаётган қоракўлчилик ширкатлари маблағлари ҳисобига қопланади.
15. Жисмоний шахслар ва юридик шахсларнинг вакиллари аукционда иштирок этиш учун Комиссияга қуйидаги ҳужжатларни тақдим этадилар:
юридик шахслар учун — давлат рўйхатидан ўтганлиги тўғрисида гувоҳнома, унинг номидан ишончли шахс қатнашган тақдирда эса — белгиланган тартибда расмийлаштирилган ишончнома;
Олдинги таҳрирга қаранг.
жисмоний шахслар учун — унинг номидан ишончли шахс қатнашган тақдирда эса — белгиланган тартибда расмийлаштирилган ишончнома.
(15-банднинг бешинчи хатбошиси Ўзбекистон Республикаси Президентининг 2021 йил 30 апрелдаги ПФ-6218-сонли Фармони таҳририда — Қонунчилик маълумотлари миллий базаси, 30.04.2021 й., 06/21/6218/0398-сон)
16. Ариза Комиссия котиби томонидан қабул қилинади. Аризанинг иккинчи нусхаси эса рўйхатга олиш рақами, санаси ва унга ҳужжатлар рўйхати илова қилиниб аризачига қайтариб берилади.
Комиссия раиси ва аъзолари аукционда иштирок этиш учун ариза топширишга ҳақли эмас, қайта ташкил этилаётган ширкат раҳбари ва бошқа ходимлари бундан мустасно.
Қайта ташкил этилаётган ширкатларнинг Комиссия таркибига киритилган раҳбарлари ва бошқа ходимлари аукционда иштирок этиш ҳуқуқига эга.
17. Ушбу Низомнинг 15-бандига мувофиқ, тўлиқ бўлмаган ҳажмдаги ҳужжатлар тақдим этилганда, ариза қабул қилинмайди.
18. Ушбу Низомнинг 3-иловасига биноан шакл бўйича Комиссия томонидан аукцион савдоларида иштирок этиш тўғрисидаги аризаларни рўйхатдан ўтказиш китоби юритилади.
Рўйхатдан ўтказиш китоби шнурланган (тикиб боғлаб қўйилган), рақамланган ва қоракўлчилик ширкатининг муҳри билан маҳкамланган бўлиши керак. Барча аризалар Комиссия котиби томонидан кечиктирилмай рўйхатдан ўтказиш китобига қайд қилиниши лозим.
19. Комиссия аризачиларни аукцион ўтказиш учун зарур бўлган ҳужжатлар намунаси билан таъминлашга ҳамда уларни тўлдириш ва расмийлаштиришда маслаҳат кўмагини кўрсатишга мажбурдир.
20. Комиссия тақдим этилган ариза ва унга илова қилинган ҳужжатларнинг бус-бутун сақланиши ҳамда аризачилар ва тақдим этилган ҳужжатларнинг сир тутилишини таъминлаш бўйича чоралар кўриши лозим.
21. Аукцион бошлангунга қадар аризачи Комиссияга ёзма мурожаат қилган ҳолда аризани қайтариб олиш ҳуқуқига эга. Бу ҳолатда аванс закалати Комиссияга тегишли ариза келиб тушган пайтдан бошлаб банкнинг уч иш кунидан кечиктирмай қайтариб берилиши лозим.
22. Аукционда иштирок этиш учун аризаларни қабул қилиш аукцион ўтказиладиган кун эълон қилинган санадан икки кун олдин Комиссия томонидан тўхтатилади.
23. Комиссия аризачилар томонидан тақдим этилган ҳужжатларни тўлиқ ўрганиб чиқиб, аукционда иштирок этувчи аниқ талабгорлар рўйхатини белгилайди.
24. Аукционда иштирок этувчи талабгорлар рўйхати Комиссия баённомаси билан тасдиқлангандан сўнг талабгорлар аукционнинг расмий иштирокчилари ҳисобланадилар.
25. Талабгорга барча лойиҳалар бўйича аукционга қўйилган, сотиладиган мулк кўрсатилган ҳолда билет ва савдо вақтида фойдаланиш учун махсус рақамли белги берилади ва у савдолар тугаганидан сўнг қайтарилиши лозим бўлади.
27. Аукционда талабгорлардан ташқари бошқа шахслар, шу жумладан қишлоқ ва маҳалла фуқаролар йиғини вакиллари ҳамда маҳалла фаоллари кузатувчи сифатида қатнашишлари мумкин.
28. Комиссия баённомасида белгиланган талабгорлар иштирок этадиган савдолар аукционга қўйилган ҳар бир лойиҳа бўйича алоҳида ўтказилади.
Бунда старт бериладиган аукцион бошланғич нархи максимал бўлган аукцион лойиҳаси бўйича, кейинги аукцион лойиҳалари бўйича эса — навбати билан, бошланғич нархи имкони борича камайтириб борилган ҳолда ўтказилади.
29. Аукцион ҳар бир лойиҳа учун камида иккита талабгорнинг ҳужжатлари тақдим этилган тақдирда ўтказилади.
30. Аукционни ўтказиш жараёни бошланғич баҳосининг эълон қилиниши билан бошланади. Навбатдаги баҳоси эълон қилинганидан сўнг савдони ўтказаётган шахс махсус рақамли белгини биринчи кўтарган талабгорни кўрсатади. Агар бошқа талабгорлар сотиб олиш хоҳишини билдирса, савдолар ташкилотчиси аукцион баҳосининг кейинги қадамини эълон қилади.
Аукцион баҳосининг қадами Комиссия томонидан белгиланиб, аукционга қўйилган лойиҳа бошланғич баҳосининг 5 (беш) фоизидан кам ва 10 (ўн) фоизидан кўп бўлиши мумкин эмас.
Нарх уч марта эълон қилинганидан кейин бошқа талабгорлар махсус рақамли белгиларни кўтармасалар, аукционда бу нарх бўйича савдолар тўхтатилади. Охирги бўлиб махсус рақамли белгини кўтарган талабгор эълон қилинади ва аукцион ғолиби ҳисобланади.
Аукционда сотиб олинган ҳайвонларни тўғри парваришлаш, боқиш ва сув билан таъминлаш мақсадида аукцион ғолиби лойиҳанинг қолган 90 (тўқсон) фоиз пул миқдорини тўлиқ тўлаганидан сўнг эгалик ҳуқуқини қўлга киритгунига қадар қоракўлчилик ширкати ишчиларига мазкур ўтарда ҳайвонларни назорат қилувчи ўзининг ишончли вакилини бириктириб қўйиши мумкин.
31. Аукционда ғолиб бўлган талабгор Комиссия баённомасини имзолашдан ва тўлов бўйича ўзининг мажбуриятларини бажаришдан бош тортса, унинг ғолиб бўлгани тўғрисидаги қарор Комиссия томонидан аванс закалати қайтарилмасдан бекор қилинади ҳамда мазкур лойиҳа бўйича қайтадан аукцион эълон қилинади.
32. Аукционда талабгорлар мавжуд бўлмаган ёки битта талабгор иштирок этган тақдирда, аукцион бўлиб ўтмаган ҳисобланади ва Комиссия қарори билан унинг такроран ўтказилиши бир ҳафта муддатга сурилади.
33. Агар муайян лойиҳага фақат битта талабгор ҳужжат топширган бўлса, бунда аукцион яна икки марта қолдирилган бўлса ҳамда учинчи марта ҳам битта талабгор бўлса, Комиссия қарори билан мазкур лойиҳа унинг бошланғич баҳосига 5 (беш) фоиз қўшилган ҳолда ушбу талабгорга сотилади.
34. Аукцион тугаганидан сўнг Комиссия лойиҳанинг сотилганини, унинг нархи ва ғолибнинг рақамини эълон қилади.
35. Аукцион ўтказилган кунда Комиссия томонидан аукцион натижалари ва ғолиб тўғрисида уч нусхада баённома тузилади.
Баённоманинг бир нусхаси аукционда ғолиб бўлган талабгорга берилади, иккинчи баённома белгиланган тартибда ер майдони ажратилиши тўғрисида қарор қабул қилиш учун туман ҳокимлигига юборилади, учинчи нусха аукцион бўйича ҳужжатлар йиғмажилдига тикилади.
лойиҳа бўйича сотилган мулкка бўлган эгалик ҳуқуқини қонунчиликда белгиланган тартибда расмийлаштириш.
37. Комиссия уч кун муддатда аниқ талабгорнинг ғолиблиги тўғрисидаги баённомани, лойиҳа бўйича мулк ҳақи батамом тўланганлигини тасдиқловчи ҳужжат ҳамда бошқа тегишли ҳужжатларни туман ҳокимиятлигига юборади.
38. Тақдим этилган ҳужжатлар асосида фермер хўжалигини ташкил этиш тўғрисида туман ҳокими белгиланган тартибда қарор қабул қилади.
39. Лойиҳага бириктирилган ер майдони (яйловлар)да жойлашган ер участкасининг узоқ муддатли ижара шартномасини расмийлаштириш ва рўйхатдан ўтказиш қонунчиликда белгиланган тартибда амалга оширилади.
40. Ер участкасининг узоқ муддатли ижара шартномасида, фермер хўжалиги мажбуриятларидан ташқари қуйидагилар ҳам назарда тутилади:
Ер участкасининг узоқ муддатли ижара шартномасида фермер хўжалигининг бошқа мажбуриятлари ҳам назарда тутилиши мумкин.
41. Аукционда иштирок этиш учун тўланган аванс закалати Комиссия томонидан қуйидагиларга қайтариб берилади:
аукционда иштирок этишга рад жавобини олган шахсларга — рад этилган кундан бошлаб уч банк иш кунидан кечиктирмасдан;
аукционда ғолиб бўлмаган талабгорларга — аукцион ўтказилган кундан бошлаб уч банк иш кунидан кечиктирмасдан.
Ушбу бандда кўрсатилган ҳолларда нақд пул билан тўланган аванс закалати нақд пул шаклида, пул ўтказиш йўли билан тўланган аванс закалати эса — пул ўтказиш орқали қайтарилади.
42. Аукционда қоракўлчилик ширкатлари мулки сотилиши билан боғлиқ барча ҳужжатлар бўйича қонунчиликда белгиланган тартибда сақлаш лозим бўлган алоҳида йиғмажилдлар юритилади.
43. Йиғмажилдга аукцион тўғрисидаги эълон, талабгорлар томонидан тақдим этилган ҳужжатлар, аукцион натижаси бўйича баённоманинг бир нусхаси ҳамда аукцион ўтказиш билан боғлиқ барча ҳужжатлар солиниши керак.
44. Аукцион орқали қоракўлчилик ширкати мулкини сотишдан тушган маблағлар биринчи навбатда қоракўлчилик ширкатининг кредиторлик қарзини қоплашга йўналтирилади, маблағнинг қолган қисми ушбу хўжаликнинг пайчилари орасида уларнинг пайлари миқдорига мутаносиб равишда тақсимланади.
45. Комиссия наслчилик қоракўлчилик ширкатларини масъулияти чекланган жамиятлар этиб қайта ташкил қилишни Ўзбекистон Республикасининг «Масъулияти чекланган ва қўшимча масъулиятли жамиятлар тўғрисида»ги Қонуни ва ушбу Низомга мувофиқ амалга оширади.
46. Комиссия наслчилик қоракўлчилик ширкатларини масъулияти чекланган жамиятлар этиб қайта ташкил қилиш масаласини мулкий пайлар кўринишидаги улуши бўлган қоракўлчилик ширкатлари аъзоларининг умумий йиғилишида кўриб чиқади.
47. Наслчилик қоракўлчилик ширкатларини масъулияти чекланган жамиятлар этиб қайта ташкил этишда хўжалик аъзоларининг мулкий пайлар улушидан келиб чиқиб, уларнинг умумий йиғилишидаги розилиги билан икки ёки ундан кўп масъулияти чекланган жамиятлар ташкил қилиниши мумкин. Масъулияти чекланган жамиятларни ташкил этишда мулкий улуши бўлган иштирокчиларнинг сони 50 нафардан ошмаслиги керак.
48. Наслчилик қоракўлчилик ширкатларини икки ёки ундан кўп масъулияти чекланган жамиятлар этиб қайта ташкил этишда қоракўлчилик ширкатларининг мулки асосий ва бошқа воситалари бириктирилган ер участкалари жойлашувининг ҳудудий бутунлиги сақланган ҳолда масъулияти чекланган жамиятларнинг улуш билан қатнашувчилари ўртасида мутаносиб тартибда тақсимланади.
49. Ташкил этилаётган масъулияти чекланган жамиятлар орасида қоракўлчилик ширкатларининг умумий фойдаланишдаги асосий воситалари (маъмурий бинолар, машина-трактор парклари, турли техник воситалар, омборхона ва бошқалар)ни тенг қисмда тақсимлашнинг иложи бўлмаган тақдирда, мазкур воситалар аукцион орқали қонунчиликда белгиланган тартибда сотилиши мумкин. Бунда тушган маблағлар уларнинг пай улушларига мутаносиб миқдорда тақсимланиши мумкин.
50. Қоракўлчилик ширкатининг кредиторлик қарзи янги ташкил этилаётган масъулияти чекланган жамиятлари мулкий улуш қатнашувчиларининг пай улушларига мутаносиб равишда тақсимланади.
51. Барча тайёрланган ҳужжатлар Комиссия томонидан наслчилик қоракўлчилик ширкати аъзоларининг умумий йиғилиши муҳокамасига киритилади.
Наслчилик қоракўлчилик ширкатининг умумий йиғилиши аъзолари умумий йиғилишда масъулияти чекланган жамият устави лойиҳасига ўзгартириш ва қўшимчалар киритиш хусусида ўзларининг фикрлари ва таклифларини билдиришлари ва келишилган уставни тасдиқлашлари, шунингдек, жамият бошқарувини, раис (директор)ни ва тафтиш комиссияси (тафтишчи)ни сайлашлари мумкин. Бундай ҳолда умумий йиғилиш таъсис йиғилиши ҳисобланади.
Умумий таъсис йиғилишида кўриб чиқиш учун тақдим этилган ҳужжатларда камчиликлар аниқланган тақдирда, улар камчиликлар бартараф этилганидан сўнг қайтадан тақдим этиш учун муддати кўрсатилган ҳолда Комиссияга қайтариб берилади.
52. Наслчилик қоракўлчилик ширкатини масъулияти чекланган жамият этиб қайта ташкил қилишда пай улушлари бўлган шахслар томонидан масъулияти чекланган жамиятнинг устав жамғармасига ўз улушларини киритишни рад қилган тақдирда Комиссия пай улушларининг мансублиги бўйича белгиланган тартибда қайтарилишини таъминлайди.
53. Масъулияти чекланган жамият аъзолари таъсис йиғилиши ўтказилганидан сўнг масъулияти чекланган жамиятни ташкил этиш билан боғлиқ барча зарур ҳужжатларни қабул қилиш-топшириш тўғрисида далолатнома тузадилар.
Қабул қилиш-топшириш далолатномаси қоракўлчилик ширкати мулкини топшираётган моддий масъул ходимлари ва масъулияти чекланган жамиятнинг қабул қилиб олаётган масъул ходимлари томонидан имзоланади ҳамда Комиссия раиси ва масъулияти чекланган жамиятнинг сайланган раиси (директори) томонидан тасдиқланади.
54. Масъулияти чекланган жамият раиси (директори) уч кун мобайнида қабул қилинган ҳужжатлар асосида давлат рўйхатидан ўтказиш учун туман ҳокимлигига таъсис ҳужжатларини тақдим этади.
Масъулияти чекланган жамиятни давлат рўйхатидан ўтказиш ва ер участкасининг узоқ муддатли ижара шартномасини расмийлаштириш қонунчиликда белгиланган тартибда амалга оширилади.
55. Масъулияти чекланган жамият давлат рўйхатидан ўтказилганидан бошлаб наслчилик қоракўлчилик ширкати масъулияти чекланган жамият этиб қайта ташкил қилинган ҳисобланади.
56. Ушбу Низомнинг талабларини бузганликда айбдор бўлган шахслар қонунчиликда белгиланган тартибда жавоб берадилар.
LexUZ шарҳи
LexUZ шарҳи
Низомга
2-ИЛОВА
2-ИЛОВА
LexUZ шарҳи
Низомга
3-ИЛОВА
3-ИЛОВА
Т/р | Ариза берувчининг Ф.И.Ш. | Лойиҳанинг тартиб рақами | Мулкнинг бошланғич нархи | Аукцион савдоларини эълон қилиш санаси | Аризани қабул қилиш санаси | Закалат тўланганлиги тўғрисида ҳужжатнинг санаси ва рақами | Ариза берувчининг имзоси ҳамда билет ва махсус рақамли белги берилган санаси | Аукционда иштирок этишни рад қилиш тўғрисидаги хатнинг санаси ва рақами | Аукционни ўтказиш куни | Аукцион натижаси (ғолиб бўлди ёки бўлмади), шунингдек, лойиҳа рақами | Мулк тўлови, тўлов ҳужжатининг сана ва рақами | Ер участкаси берилиши учун туман ҳокимлигига юборилган ҳужжатлар ва сана | Бошқа маълумот* |
LexUZ шарҳи
Олдинги таҳрирга қаранг.
(5-илова Ўзбекистон Республикаси Президентининг 2020 йил 2 сентябрдаги ПҚ-4817-сонли қарорига асосан ўз кучини йўқотган — Қонун ҳужжатлари маълумотлари миллий базаси, 03.09.2020 й., 07/20/4817/1254-сон)
Олдинги таҳрирга қаранг.
(6-илова Ўзбекистон Республикаси Президентининг 2020 йил 2 сентябрдаги ПҚ-4817-сонли қарорига асосан ўз кучини йўқотган — Қонун ҳужжатлари маълумотлари миллий базаси, 03.09.2020 й., 07/20/4817/1254-сон)
Олдинги таҳрирга қаранг.
(7-илова Ўзбекистон Республикаси Президентининг 2020 йил 2 сентябрдаги ПҚ-4817-сонли қарорига асосан ўз кучини йўқотган — Қонун ҳужжатлари маълумотлари миллий базаси, 03.09.2020 й., 07/20/4817/1254-сон)
1. Вазирлар Маҳкамасининг 1998 йил 13 июндаги 250-сон «Қоракўлчиликда иқтисодий ислоҳотларни чуқурлаштириш ва уни давлат томонидан қўллаб-қувватлаш чора-тадбирлари тўғрисида»ги қарори.
2. Вазирлар Маҳкамасининг 2001 йил 9 мартдаги 119-сон «2001-2002 йилларда хорижий инвесторларни жалб этган ҳолда корхоналарни давлат тасарруфидан чиқариш ва хусусийлаштириш бўйича келгусидаги чора-тадбирлар тўғрисида»ги қарори 6-иловаси II-бўлимининг 13-банди (Ўзбекистон Республикаси ҚТ, 2001 й., 3-сон, 17-модда).
3. Вазирлар Маҳкамасининг 2009 йил 20 майдаги 142-сон «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида»ги қарори 1-иловасининг 3-банди (Ўзбекистон Республикаси Президентининг 2009 йил 30 мартдаги ««Қишлоқ қурилиш банк» акциядорлик тижорат банкини ташкил этиш тўғрисида»ги ПҚ-1083-сон ва Ўзбекистон Республикаси Президентининг 2009 йил 30 мартдаги ««Агробанк» акциядорлик тижорат банкини ташкил этиш тўғрисида»ги ПҚ-1084-сон қарорлари) (Ўзбекистон Республикаси ҚТ, 2009 й., 5-сон, 37-модда).
LexUZ шарҳи