LexUZ шарҳи
Мазкур қарор Ўзбекистан Республикаси Вазирлар Маҳкамасининг 2022 йил 22 августдаги 471-сонли «Давлат солиқ хизмати органлари томонидан солиқ тўловчиларнинг солиқ мажбуриятларини аниқлашда давлат органлари ва ташкилотларининг маълумотлар базасидан фойдаланишни тартибга солиш тўғрисида»ги қарорига асосан ўз кучини йўқотган.
Ўзбекистон Республикаси Вазирлар Маҳкамасининг «Давлат солиқ хизмати органлари фаолиятини ташкил этишни такомиллаштириш тўғрисида» 2000 йил 13 мартдаги 87-сон қарорининг бажариш юзасидан ҳамда Давлат солиқ хизматини малакали кадрлар билан таъминлаш мақсадида Вазирлар Маҳкамаси қарор қилади:
1. Бухоро ва Фарғона шаҳарларида Ўзбекистон Республикаси Давлат солиқ қўмитасининг Солиқ коллежлари ташкил этилсин.
2. Ўзбекистон Республикаси Вазирлар Маҳкамасининг «Ўзбекистон Республикаси Давлат солиқ қўмитасининг Солиқ коллежини ташкил этиш тўғрисида» 1998 йил 14 июлдаги 298-сон қарорининг 1 ва 2-бандлари янги ташкил этилаётган Солиқ коллежларига татбиқ этилсин.
Олдинги таҳрирга қаранг.
3. Солиқ коллежлари маъмурий ва ўқитувчилар таркибининг штатлар сони қонун ҳужжатларига мувофиқ белгиланади.
(3-банд Ўзбекистон Республикаси Вазирлар Маҳкамасининг 2003 йил 22 майдаги 229-сонли қарори таҳририда — ЎР ҚҲТ, 2003 й., 9-10-сон, 77-модда)
Давлат тест маркази билан биргаликда тест синовлари натижалари бўйича абитуриентларни белгиланган тартибда 2000/2001 ўқув йилида Ўзбекистон Республикаси ўрта махсус, касб-ҳунар таълими муассасаларида ўқитиш учун белгиланган давлат грантлари доирасида холисона, сифатли танлаб олсин.
5. Ўзбекистон Республикаси Молия вазирлиги 2001 йилдан бошлаб Бухоро ва Фарғона шаҳарларидаги Солиқ коллежларининг харажатларига белгиланган тартибда зарур маблағлар ажратишни назарда тутсин.
6. 2000 йилда коллежларнинг жорий харажатлари Ўзбекистон Республикаси Давлат солиқ қўмитасининг ижтимоий ривожлантириш ва моддий-техника таъминоти жамғармаси маблағлари ҳисобига амалга оширилсин.
7. Вазирлар Маҳкамасининг Қурилиш ва қурилиш материаллари саноати комплекси (А.Н. Исаев), Давлат солиқ қўмитаси (Б.А. Хўжаев), Молия вазирлиги (Р.С. Азимов), Олий ва ўрта махсус таълим вазирлиги (С.С. Ғуломов), Бухоро (С.Қ. Ҳусенов) ва Фарғона (А.А. Отабаев) вилоятлари ҳокимликлари 2000 йилнинг 1 августигача Бухоро шаҳар Саноатчилар кўчасидаги 7-уйда жойлашган 7-сон касб-ҳунар коллежи, Фарғона шаҳар Қиргули туман Фарғона кўчасидаги 122-уйда жойлашган электротехника касб-ҳунар лицейи биноларининг қурилиши ва реконструкциясини якунласинлар, бу бинолар Давлат солиқ қўмитаси балансига ўтказилсин.
8. Белгилансинки, коллежлар бинолари ва иншоотлари қурилиши, уларни реконструкция қилиш ва таъмирлаш Бухоро ва Фарғона вилоятларининг 2000 йилга мўлжалланган касб-ҳунар коллежларини қуриш ва реконструкция қилиш мақсадли дастурларида кўзда тутилган капитал қуйилмалар лимитлари доирасида амалга оширилади.
9. Ўзбекистон Республикаси Олий ва ўрта махсус таълим вазирлиги, Молия вазирлиги, Давлат солиқ қўмитаси, Давлат божхона қўмитаси тегишли вазирлик ва идоралар билан биргаликда бир ой муддатда солиқ ва божхона идоралари ходимларини тайёрлаш, қайта тайёрлаш ва малакасини ошириш бўйича олий курслар ташкил этиш ҳақида таклифлар киритсинлар.
10. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Б. Ҳамидов зиммасига юклансин.
Олдинги таҳрирга қаранг.
(1-илова Ўзбекистон Республикаси Вазирлар Маҳкамасининг 2003 йил 22 майдаги 229-сонли қарорига асосан ўз кучини йўқотган — ЎР ҚҲТ, 2003 й., 9-10-сон, 77-модда)
Олдинги таҳрирга қаранг.
(2-илова Ўзбекистон Республикаси Вазирлар Маҳкамасининг 2003 йил 22 майдаги 229-сонли қарорига асосан ўз кучини йўқотган — ЎР ҚҲТ, 2003 й., 9-10-сон, 77-модда)