Ўзбекистон Республикаси Ташқи ишлар вазирлиги билан Чили Республикаси Ташқи ишлар вазирлиги ўртасида
Ўзбекистон Республикаси Ташқи ишлар вазирлиги ва Чили Республикаси Ташқи ишлар вазирлиги, бундан кейин «Томонлар» деб аталувчилар,
Бирлашган Миллатлар Ташкилоти Низомининг қоидалари ва халқаро ҳуқуқнинг умум-эътироф этилган нормаларига амал қилиб,
икки томонлама муносабатларда умумий қизиқиш уйғотадиган хамда минтақавий ва халқаро масалалар бўйича турли даражаларда маслаҳатлашувлар ўтказиш ўзаро манфаатлилигини инобатга олиб,
Томонлар умумий қизиқиш уйғотадиган қатор масалалар юзасидан мунтазам равишда икки томонлама, минтақавий ёки кўп томонлама миқёсда сиёсий маслаҳатлашувлар ўтказиб туришлари мумкин.
Бундай учрашувлар мутаносиб равишда Ўзбекистон ва Чили ёки учинчи давлатда ўтказилади. Мазкур учрашувлар иштирокчиларининг даражаси, учрашув вақти, жойи ва кун тартиби олдиндан дипломатик каналлар орқали келишилади.
Томонлар, ўзаро келишувга мувофиқ умумий қизиқиш уйғотадиган айрим масалаларни муҳокама қилиш учун аd hос (махсус) ишчи гуруҳлар тузишлари мумкин.
Томонлар халқаро ташкилотлар, тузилмалар ва форумлар, хусусан Бирлашган Миллатлар Ташкилоти доирасида позицияларини ўзаро келишиш ва қўллаб-қувватлаш имкониятларини ўрганиш мақсадида сиёсий маслаҳатлашувлар ўтказишлари мумкин.
Томонлар ўзаро ташрифлар йўли билан алоқаларни мустаҳкамлашга кўмаклашиш, тажриба ва фикр алмашиш мақсадида баҳамжиҳат ҳаракат қилиш учун қулай шароитлар яратишлари мумкин.
Мазкур Меморандумни қўллаш ёки талқин қилиш билан боғлиқ вужудга келиши мумкин бўлган келишмовчиликлар Томонлар ўртасида музокаралар ва/ёки маслаҳатлашувлар йўли билан ҳал этилади.
Мазкур Меморандум номуайян муддатга тузилади. Томонлардан бири бошқа Томонни мазкур Меморандумнинг амал қилишини тугатиш ҳақидаги ўзининг истаги тўғрисида дипломатик каналлар орқали олти ой олдин хабардор қилгунига қадар амал қилади.