LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Аҳолига коммунал хизмат кўрсатиш тизимида иқтисодий ислоҳотларни чуқурлаштириш концепциясига мувофиқ, истеъмол қилинаётган энергия манбаларини зарур даражада ҳисобга олиш ва тежашни таъминлаш мақсадида Вазирлар Маҳкамаси қарор қилади:
1. Ўзбекистон Республикаси Коммунал хизмат кўрсатиш вазирлиги томонидан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда ишлаб чиқилган 1999 — 2004 йилларда уй-жой фондини сув ва газни ҳисобга олиш приборлари билан жиҳозлаш дастури 1-2-иловаларга* мувофиқ маъқуллансин.
Кейинги таҳрирга қаранг.
2. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Ўзбекистон Республикаси Коммунал хизмат кўрсатиш вазирлиги билан биргаликда 1999 — 2004 йилларда уй-жой фондини сув ва газни ҳисобга олиш приборлари билан жиҳозлаш дастури топшириқлари бажарилишини таъминлаш бўйича аниқ чора-тадбирларни бир ой муддатда ишлаб чиқсинлар, бунда:
янгидан қурилаётган (реконструкция қилинаётган) уй-жойлар сув ва газни ҳисобга олувчи уй ва квартира приборларисиз фойдаланишга қабул қилинишига йўл қўймаслик;
ҳисобга олиш приборларини ишлаб чиқаришни ташкил этиш бўйича маҳаллий ишлаб чиқарувчиларга амалий ёрдам кўрсатиш, ишлаб чиқаришга тайёргарлик кўриш билан боғлиқ пайдо бўлувчи масалаларни тезкорлик билан ҳал этиш;
муқобил манбаларни жалб қилган ҳолда газ ва сувни ҳисобга олиш приборларини сотиб олиш ва ўрнатишни маблағ билан таъминлашни ташкил этиш;
уй-жой-коммунал хизматларининг ҳисобга олиш приборлари ўз вақтида ўрнатилиши бўйича ўзини ўзи бошқариш маҳаллий органлари билан мустаҳкам ўзаро ҳамкорлигини таъминлаш;
сув ва газни ҳисобга олиш приборлари ўрнатилиши ва улардан фойдаланиш устидан назорат қилинишини таъминлаш;
1999 — 2004 йилларда Ўзбекистон Республикасида сув ва газни ҳисобга олиш приборлари ишлаб чиқариш Дастури 3-иловага* мувофиқ тасдиқлансин;
«Сувжиҳозгаз» қўшма корхонаси ва «Чкалов номидаги Тошкент авиация ишлаб чиқариш бирлашмаси» давлат-акциядорлик жамиятининг ишлаб турган майдонларда ва асбоб-ускуналар билан газ ва сувни ҳисобга олиш приборлари ишлаб чиқаришни ташкил этиш ва кенгайтириш, барча бутловчи буюмларни кейинчалик «Чкалов номидаги Тошкент авиация ишлаб чиқариш бирлашмаси» давлат-акциядорлик жамиятида ишлаб чиқарган ҳолда кооперация асосида корпус деталлари, жиҳозлар ва ностандарт асбоб-ускуналарни олинган фойдадан ўз маблағлари ҳисобига тайёрлаш ҳақидаги таклифлари маъқуллансин;
Олдинги таҳрирга қаранг.
Ўзбекистон Республикаси Ўзбекистон «Ўзкоммунхизмат» агентлиги ва Қишлоқ ва сув хўжалиги вазирлигига, «Ўзэлтехсаноат», «Ўзмашсаноат», «Ўзкимёсаноат» уюшмаларига ва бошқа манфаатдор вазирликлар ва идораларга, сув ва газни ҳисобга олиш приборларини тайёрлашда қатнашувчи корхоналарнинг буюртманомалари бўйича деталлар, жиҳозлар ва ностандарт асбоб-ускуналар тайёрлашда кооперация шартларида қатнашиш тавсия қилинсин.
(3-банднинг тўртинчи хатбоши Ўзбекистон Республикаси Вазирлар Маҳкамасининг 2001 йил 13 февралдаги 74-сонли қарори таҳририда — ЎР ҚҲТ, 2001 й., 3-4-сон, 13-модда)
Кейинги таҳрирга қаранг.
сув ва газни ҳисобга олиш приборлари ишлаб чиқаришни маблағ билан таъминлаш ишлаб чиқарувчиларнинг ўз маблағлари, шунингдек жалб қилинган кредит ресурслари ҳисобига амалга оширилади;
Кейинги таҳрирга қаранг.
уй-жойлар ва квартираларнинг муҳандислик коммуникациялари мукаммал тузатилганда, уйлар қурилганда (реконструкция қилинганда) — тузатиш ёки қурилишнинг смета қиймати доирасида амалга оширилади.
5. Ўзбекистон Республикаси Макроиқтисодиёт ва статистика вазирлиги сув ва газни ҳисобга олиш приборлари, шунингдек уларга бутловчи буюмлар ишлаб чиқариш бўйича инвестиция лойиҳалари белгиланган тартибда республика инвестиция дастурига киритилишини таъминласин.
6. Вазирлар Маҳкамасининг Ёқилғи-энергетика ресурсларини иқтисод қилиш комиссиясига Ўзбекистон Республикаси Молия вазирлиги билан келишилган техник-иқтисодий асослар ва маблағ билан таъминлаш схемалари тақдим этилганда сув ва газни ҳисобга олиш приборларини жорий этиш бўйича комплекс чора-тадбирларни амалга ошириш учун энергия билан таъминлаш махсус республика счётидан маблағ ажратиш масаласини кўриб чиқиш тавсия қилинсин.
Олдинги таҳрирга қаранг.
7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари «Ўздавстандарт» маркази, Ўзбекистон «Ўзкоммунхизмат» агентлиги билан биргаликда сув ва газни ҳисобга олиш приборларига хизмат кўрсатилишини ва улар текширилишини таъминласинлар.
Кейинги таҳрирга қаранг.
(7-банд Ўзбекистон Республикаси Вазирлар Маҳкамасининг 2001 йил 13 февраль 74-сонли қарори таҳририда — ЎР ҚҲТ, 2001 й., 3-4-сон, 13-модда)
8. «Ўздавстандарт» маркази сув ва газни ҳисобга олиш приборларини ишлаб чиқарувчи ва сотувчи корхоналарга ишлаб чиқаришни метрологик жиҳатдан таъминлаш масалаларини ҳал қилишда ёрдам кўрсатсин.
Кейинги таҳрирга қаранг.
9. Мазкур қарорнинг бажарилишини назорат қилиш Бош вазир ўринбосари Б.С. Ҳамидов зиммасига юклансин.