LexUZ шарҳи
Мазкур қарор Ўзбекистон Республикаси Вазирлар Маҳкамасининг 2004 йил 1 мартдаги 96-сонли «Электр энергетикада назорат бўйича давлат агентлигини электр энергетикада назорат бўйича давлат инспекциясига айлантириш тўғрисида»ги қарорига мувофиқ ўз кучини йўқотган.
Ўзбекистон Республикаси Президентининг «Ўзбекистон Республикаси энергетикасида иқтисодий ислоҳотларни чуқурлаштириш тўғрисида» 2001 йил 22 февралдаги ПФ-2812-сон Фармони бажариш юзасидан Вазирлар Маҳкамаси қарор қилади:
1. Электр энергетикада назорат бўйича давлат агентлиги («Ўздавэнергоназорат» агентлиги)нинг ташкилий тузилмаси ва Агентлик тўғрисидаги Низом 1 ва 2-иловаларга мувофиқ тасдиқлансин.
«Ўздавэнергоназорат» агентлиги ходимларининг чекланган сони 165 нафар (хизмат кўрсатувчи ходимлардан ташқари), шу жумладан марказий аппарат ходимлари сони 31 нафар этиб белгилансин.
«Ўздавэнергоназорат» агентлиги бош директорига зарурат бўлганда Агентлик марказий бошқарув аппарати ва вилоят бўлимлари тузилмасига ходимларнинг белгиланган сони доирасида тузатишлар киритишга рухсат берилсин.
Олдинги таҳрирга қаранг.
«Ўздавэнергоназорат» агентлигида бош директорнинг уч нафар ўринбосари, шу жумладан бир нафар биринчи ўринбосари ҳамда шахсий таркиби Ўзбекистон Республикаси Вазирлар Маҳкамаси томонидан тасдиқланадиган беш кишидан иборат ҳайъат бўлади;
(2-банд иккинчи хатбоши билан Ўзбекистон Республикаси Вазирлар Маҳкамасининг 2002 йил 25 апрелдаги 141-сонли қарорига мувофиқ тўлдирилган — ЎР ҚҲТ, 2002 й., 8-сон, 54-модда)
«Ўздавэнергоназорат» агентлигининг бош директори ва унинг ўринбосарлари лавозимга Ўзбекистон Республикаси Вазирлар Маҳкамаси томонидан тайинланади;
«Ўздавэнергоназорат» агентлиги ҳудудий бўлинмаларининг бошлиқлари лавозимга Вазирлар Маҳкамаси билан келишган ҳолда бош директор томонидан тайинланади.
«Ўздавэнергоназорат» агентлигининг бош директори мақоми ва моддий, ижтимоий-маиший ва транспорт хизмати кўрсатиш шароитларига кўра Ўзбекистон Республикаси вазирининг биринчи ўринбосарига, бош директор ўринбосарлари эса — Ўзбекистон Республикаси вазирининг ўринбосарига тенглаштирилсин.
3. Белгилаб қўйилсинки, «Ўздавэнергоназорат» агентлиги фаолияти Ўзбекистон Республикаси Молия вазирлиги томонидан ҳар йили тасдиқланадиган харажатлар сметаси бўйича «Ўзбекэнерго» давлат-акциядорлик компаниясига йўналтириладиган маблағлар ҳисобига ҳар ойда маблағ билан таъминланади.
«Ўзбекэнерго» давлат-акциядорлик компанияси «Ўздавэнергоназорат» агентлигини молиялашга маблағларни назарда тутсин, ушбу маблағларни Ўзбекистон Республикаси Вазирлар Маҳкамасининг 1999 йил 5 февралдаги 54-сон қарори билан тасдиқланган Маҳсулот (ишлар, хизматлар)ни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисидаги Низомнинг 1.1.4-бандига мувофиқ ишлаб чиқариш билан боғлиқ моддий харажатларга киритсин.
4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бир ой муддатда «Ўздавэнергоназорат» агентлигининг марказий аппаратини ва унинг ҳудудий бўлинмаларини жойлаштириш учун бинолар ажратсинлар.
5. Ўзбекистон почта ва телекоммуникациялар агентлиги бир ой муддатда «Ўздавэнергоназорат» агентлиги марказий аппаратини зарур алоқа воситалари, шу жумладан Ҳукумат алоқаси воситалари билан таъминласин.
6. Ўзбекистон Республикаси Вазирлар Маҳкамасининг «Ёқилғи-энергетика ресурсларидан фойдаланиш қоидаларини бузганлик учун иқтисодий жазоларни қўллаш тўғрисида» 1994 йил 9 мартдаги 124-сон қарори билан тасдиқланган Ёқилғи-энергетика ресурсларидан фойдаланиш қоидаларини бузганлик учун иқтисодий жазоларни қўллаш тўғрисидаги Низомга 3-иловага мувофиқ ўзгартиришлар киритилсин.
7. Ўзбекистон Республикаси Адлия вазирлиги, манфаатдор вазирликлар ва идоралар бир ой муддатда амалдаги идоравий норматив ҳужжатларни мазкур қарорга мувофиқлаштирсинлар.
8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари В.Й.Атаев зиммасига юклансин.
1. Электр энергетикада назорат бўйича давлат агентлиги («Ўздавэнергоназорат» агентлиги) электр энергияси ишлаб чиқариш, узатиш, сотиш ва истеъмол қилиш, кўмир қазиб олиш соҳасида давлат бошқаруви органи ҳисобланади.
2. «Ўздавэнергоназорат» агентлиги ўз фаолиятида Ўзбекистон Республикаси конституциясига, Ўзбекистон Республикаси қонунларига, Ўзбекистон Республикаси Олий Мажлисининг қарорлари ва бошқа ҳужжатларига, Ўзбекистон Республикаси Президентининг фармонлари ва фармойишларига, Вазирлар Маҳкамасининг қарорлари ва фармойишларига, мазкур Низомга ва бошқа қонун ҳужжатларига амал қилади.
«Ўздавэнергоназорат» агентлигининг электр энергияси ишлаб чиқариш, узатиш, сотиш ва истеъмол қилиш, кўмир қазиб олиш масалалари бўйича ўз ваколатлари доирасида қабул қилинган қарорлари давлат ва хўжалик бошқаруви органлари, жойлардаги давлат ҳокимияти органлари, мулкчилик шаклларидан қатъи назар, корхоналар, муассасалар ва ташкилотлар томонидан бажарилиши мажбурий ҳисобланади.
3. «Ўздавэнергоназорат» агентлиги ўзига юкланган вазифаларни «Ўзбекэнерго» давлат-акциядорлик компанияси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан ўзаро ҳамкорликда ҳал этади.
4. «Ўздавэнергоназорат» агентлиги юридик шахс ҳисобланади, тугалланган балансга, банкларда ҳисоб рақамларига эгадир.
5. «Ўздавэнергоназорат» агентлиги Ўзбекистон Республикасининг Давлат герби тасвири туширилган, ўз номи Ўзбекистон Республикасининг давлат тилида ёзилган муҳрга эгадир.
энергия ишлаб чиқариш ва кўмир қазиб олиш, уларни узатиш ҳамда транспортда ташиш ва истеъмол қилиш соҳасида зарур норматив ҳужжатлар ва қоидаларни ишлаб чиқиш;
электр ва иссиқлик энергияси ишлаб чиқарувчилари ва истеъмолчиларнинг энергетика тадқиқотлари ва экспертизаларини ўтказиш;
энергия ишлаб чиқариш, узатиш ва истеъмол қилиш соҳасида Ўзбекистон Республикаси қонун ҳужжатларига, норматив ҳужжатлар ва қоидаларга риоя этилишини назорат қилиш;
ягона энергетика тизимига уланган турғун электр станцияларида электр энергияси ишлаб чиқаришни белгиланган тартибда лицензиялаш ишларини ташкил этиш;
электр энергияси ишлаб чиқариш, узатиш, кўмир қазиб олиш соҳасида чет эл инвестицияларини жалб қилиш учун қулай шарт-шароитлар яратиш чора-тадбирларини ишлаб чиқиш ва амалга ошириш;
рақобатнинг ривожланишига кўмаклашиш, барча рақобатчиларнинг электр узатиш линияларига боғланишлари учун тенг имкониятлар ва шарт-шароитларни таъминлаш;
электр энергиясининг қайта тикланадиган манбаларини ривожлантириш учун қулай шарт-шароитлар яратилишига кўмаклашиш;
электр энергияси ишлаб чиқариш ва кўмир қазиб олишда, уларни узатиш ҳамда транспортда ташиш ва истеъмол қилишда экология нормалари ва талабларига риоя этилишини таъминлаш;
электр энергияси ишлаб чиқариш ва кўмир қазиб олиш, уларни тақсимлаш ва истеъмол қилиш балансларига риоя этилишини назорат қилиш.
7. «Ўздавэнергоназорат» агентлиги ўзига юкланган вазифаларга мувофиқ қуйидаги функцияларни бажаради:
электр энергетикаси ва кўмир саноатини ривожлантириш концепциялари ва миллий дастурлари ишлаб чиқилишида қатнашади;
давлат бошқаруви органларининг кўриб чиқиши учун энергия ишлаб чиқариш ва кўмир қазиб олиш, уларни узатиш ва транспортда ташиш ҳамда истеъмол қилиш соҳасида норматив базани такомиллаштириш юзасидан таклифлар киритади;
вазирликлар ва идораларнинг норматив-ҳуқуқий ҳужжатлари лойиҳаларини, дастурларни, шунингдек тармоқларни ривожлантиришга доир бошқа ҳужжатларни эксперт баҳолайди ва келишади;
мулкчилик шаклларидан ва идоравий бўйсунишидан қатъи назар, корхоналарга ягона энергетика тизимига уланадиган турғун электр станцияларидан электр энергияси ишлаб чиқариш бўйича фаолиятни амалга ошириш ҳуқуқини берувчи махсус рухсатномалар (лицензиялар) бериш ишини ташкил этади ва уларнинг шартлари бажарилишини назорат қилади;
энергия ишлаб чиқариш, узатиш ва истеъмол қилиш, шунингдек кўмир қазиб олиш бўйича талабларни ўз ичига олган республика стандартлари лойиҳаларини ва бошқа норматив ҳужжатларни белгиланган тартибда кўриб чиқади ва келишади;
энергия ишлаб чиқариш, узатиш ва истеъмол қилиш, шунингдек кўмир қазиб олиш юзасидан техник талабларни белгилайди;
назорат остидаги корхоналар ва объектларни фойдаланишга қабул қилиб олиш бўйича давлат комиссиялари таркибида қатнашади;
янгидан қуриладиган объектларнинг электр энергияси ишлаб чиқариш, узатиш ва истеъмол қилиш хавфсизлигини таъминлаш юзасидан лойиҳаларини экспертизадан ўтказишда ва уларни фойдаланишга қабул қилиб олишда қатнашади;
электр энергетикаси объектлари (қурилмалар, асбоб-ускуналар, тизимлар ва аппаратлар)ни лойиҳалаштиришда, қуришда, улардан фойдаланишда ва уларни тузатишда хавфсизлик масалалари бўйича илмий тадқиқотлар ва тегишли ўқув юртларида мутахассислар тайёрлаш дастурларини шакллантириш ва келишишда қатнашади;
«Ўздавэнергоназорат» агентлиги органлари назорати остидаги объектларда ишлаб чиқариш хавфсизлиги юзасидан хорижий технологияларни қўллаш имкониятлари тўғрисида эксперт хулосаси беради.
Олдинги таҳрирга қаранг.
назорат остидаги объектлар ходимларини тайёрлаш ва ушбу объектларда ишлар хавфсиз олиб борилишини таъминлаш ва меҳнатни муҳофаза қилиш масалалари бўйича уларнинг билимларини текшириш тартибини белгилайди.
(7-банд Ўзбекистон Республикаси Вазирлар Маҳкамасининг 2002 йил 25 апрелдаги 141-сонли қарорига мувофиқ хатбоши билан тўлдирилган — ЎР ҚҲТ, 2002 й., 8-сон, 54-модда)
энергия ишлаб чиқариш, узатиш ва истеъмол қилиш соҳасида Ўзбекистон Республикасининг амалдаги қонун ҳужжатларига, норматив ҳужжатлар ва қоидаларга риоя этилишини;
идоравий бўйсуниши ва мулкчилик шаклларидан қатъи назар, корхоналар, ташкилотлар ва муассасаларда энергия истеъмолчилари томонидан электр ва иссиқлик энергиясидан оқилона ва самарали фойдаланилишини;
истеъмолчиларнинг электр ва иссиқликдан фойдаланувчи қурилмаларнинг техник ҳолатини, электр станциялари, кичик станциялар ва тармоқларда техник фойдаланиш ва хавфсизлик техникаси қоидаларига риоя этилишини;
электр қурилмаларининг энергия билан таъминлаш ташкилотлари тармоқларига уланишига доир техник шартларининг истеъмолчилар томонидан бажарилишини;
корхоналар, ташкилотлар, муассалар томонидан ишлаб турган ва ишга туширилаётган, шунингдек реконструкция қилинаётган ва замонавийлаштирилаётган энергия сарфланадиган қурилмалар ва асбоб-ускуналарнинг баланс электр синовлари ўтказилишини;
корхоналар, ташкилотлар, муассасалар томонидан электр ва иссиқлик энергияси сарфи нормаларига, электр ва иссиқлик энергиясидан фойдаланишга доир директив ва йўриқнома ҳужжатларга риоя этилишини;
саноат корхоналари ва уларга тенглаштирилган электр энергияси истеъмолчиларнинг электр қурилмаларида реактив қувват компенсациясининг мақбул даражасини таъминлашни;
корхоналар, ташкилотлар, муассалар томонидан электр ва иссиқлик энергияси сарфининг ҳисобга олинишини текширади.
«Ўздавэнергоназорат» агентлиги ваколатларига тегишли бўлган масалалар бўйича корхоналар ва объектларни текшириш, шунингдек тегишли вазирликлар, идоралар, корхоналар билан келишган ҳолда кўрсатиб ўтилган тадқиқотларни жалб қилиш;
корхоналар томонидан тегишли фаолиятни амалга ошириш учун уларга берилган махсус рухсатномалар (лицензиялар) шартларига риоя этилишини назорат қилиш;
лицензия талаблари ва шартлари бузилганлиги учун мулкчилик шакллари ва идоравий қарашлилигидан қатъи назар, корхоналарнинг лицензиялари амал қилинишини тўхтатиш ва тўхтатиб туриш, бекор қилиш тўғрисидаги таклифларни белгиланган тартибда Вазирлар Маҳкамасига киритиш;
аниқланган қоидалар ва нормалар бузилишларини бартараф этиш тўғрисида корхоналар ва ташкилотлар раҳбарларига бажарилиши мажбурий бўлган ёзма кўрсатмалар бериш;
вазирликлар, идоралар, акциядорлик жамиятлари, уюшмалар, бошқа бирлашмалардан, мулкчилик шаклларидан қатъи назар, ташкилотлар, муассасалар ва корхоналардан жорий назорат жараёнида электр ва иссиқлик энергиясидан фойдаланишда аниқланган камчиликларни бартараф этиш бўйича тадбирлар ишлаб чиқилиши ва амалга оширилишини талаб қилиш;
ўз ваколатлари доирасида, зарурат бўлганда эса бошқа манфаатдор вазирликлар, идоралар ва ташкилотлар билан келишган ҳолда Ўзбекистон Республикаси ҳудудида юридик ва жисмоний шахслар томонидан бажарилиши мажбурий бўлган буйруқлар, қарорлар чиқариш;
хавфсизлик қоидалари ва нормалари бузилган ҳолда олиб борилаётган ишларни тўхтатиб қўйиш, шунингдек одамлар ҳаёти учун хавф туғилганда уларни иш ўринларидан чиқариш;
энергия қурилмаларидан фойдаланиш қоидалари, нормалари ва йўриқномалари бузилганлиги учун мансабдор шахслар ва фуқароларни қонун ҳужжатларида белгиланган тартибда маъмурий жавобгарликка тортиш;
объектларда мутахассислар ва ишчиларнинг хавфсизлик қоидалари ва нормаларини, технология регламентлари ва меҳнат муҳофазасига оид йўриқномаларни билинишини текшириш;
корхоналарнинг раҳбарлари ва муҳандис-техник ходимлари хавфсизлик ва меҳнат муҳофазаси қоидалари ва нормаларини билишларини текширишда қатнашиш;
хавфсизлик техникаси, электр ва иссиқлик энергиясидан фойдаланиш қоидалари бузилганлиги учун айбдор шахсларни жиноий жавобгарликка тортиш тўғрисидаги масалани кўриб чиқиш учун материалларни ҳуқуқни муҳофаза қилиш органларига бериш;
авариялар ҳолатлари ва сабабларини техник текширишда қатнашиш, текшириш натижалари бўйича «Ўздавэнергоназорат» агентлиги ваколатларига тегишли масалалар бўйича бажарилиши мажбурий бўлган қарорлар қабул қилиш;
зарурат бўлганда вазирликлар, идоралар, корхоналар ва ташкилотлар томонидан асбоб-ускуналар ва материалларнинг назорат синовлари, лойиҳа ва лойиҳа-конструкторлик ечимларининг мустақил экспертизаси ўтказилишини тайинлаш;
вазирликлар, идоралар, давлат бошқаруви бошқа органларидан, мулкчиликнинг барча шаклларидаги корхоналардан ва фуқаролардан «Ўздавэнергоназорат» агентлиги ваколатларига тегишли бўлган масалалар бўйича зарур ахборотлар олиш.
Олдинги таҳрирга қаранг.
электр энергиясини истеъмол қилиш лимитларига риоя қилинишини назорат қилиш ва электр билан иситиш мақсадларида электр энергиясини қўллашни келишиш.
(9-банд Ўзбекистон Республикаси Вазирлар Маҳкамасининг 2002 йил 25 апрелдаги 141-сонли қарорига мувофиқ хатбоши билан тўлдирилган — ЎР ҚҲТ, 2002 й., 8-сон, 54-модда)
10. «Ўздавэнергоназорат» агентлиги ўз фаолиятида Ўзбекистон Республикаси Вазирлар Маҳкамасига ҳисоб беради.
11. Бош директор ва унинг ўринбосарлари Ўзбекистон Республикаси Вазирлар Маҳкамаси томонидан тайинланади.
«Ўздавэнергоназорат» агентлиги ҳудудий бўлинмалари бошлиқлари лавозимига Ўзбекистон Республикаси Вазирлар Маҳкамаси билан келишган ҳолда бош директор томонидан тайинланади.
«Ўздавэнергоназорат» агентлигининг бош директори лавозимига кўра айни пайтда Электр ва иссиқлик энергиясидан фойдаланилишини назорат қилиш бўйича бош давлат инспектори, унинг ўринбосарлари эса — Электр ва иссиқлик энергиясидан фойдаланилишини назорат қилиш бўйича бош давлат инспекторининг ўринбосарлари ҳисобланади. «Ўздавэнергоназорат» агентлиги ҳудудий бўлинмалари бошлиқлари электр ва иссиқлик энергиясидан фойдаланилишини назорат қилиш бўйича катта давлат инспекторлари ҳисобланади.
«Ўздавэнергоназорат» агентлигида бош директор (ҳайъат раиси), лавозими бўйича унинг ўринбосарлари, шунингдек «Ўздавэнергоназорат» агентлигининг бошқа раҳбар ходимларидан иборат таркибда 5 кишидан иборат ҳайъат ташкил этилади. Ҳайъатнинг шахсий таркиби Ўзбекистон Республикаси Вазирлар Маҳкамаси томонидан тасдиқланади. «Ўздавэнергоназорат» агентлиги ҳайъати ўзининг мунтазам ўтказиладиган мажлисларида электр энергетикасида давлат назоратини такомиллаштириш, ўзига қарашли ташкилотларга амалий раҳбарлик қилиш, қарорларнинг бажарилишини текшириш, кадрларни танлаш ва улардан фойдаланиш масалаларини кўриб чиқади, ўзига қарашли ташкилотлар раҳбарларининг улар ваколатларига кирувчи масалалар бўйича ҳисоботларини эшитади. Ҳайъатнинг қарорлари, қоидага кўра, «Ўздавэнергоназорат» агентлигининг буйруқлари билан ҳаётга жорий этилади. Бош директор билан ҳайъат ўртасида келишмовчиликлар келиб чиққан тақдирда, бош директор пайдо бўлган келишмовчиликлар тўғрисида Вазирлар Маҳкамасига ахборот берган ҳолда ўз қарорини ҳаётга жорий этади, ҳайъат аъзолари эса, ўз навбатида, ўз фикрларини Вазирлар Маҳкамасига маълум қилишлари мумкин.
(11-банд учинчи ва тўртинчи хатбошилар билан Ўзбекистон Республикаси Вазирлар Маҳкамасининг 2002 йил 25 апрелдаги 141-сонли қарорига мувофиқ тўлдирилган — ЎР ҚҲТ, 2002 й., 8-сон, 54-модда)
электр энергетика ва кўмир саноати корхоналари фаолиятига оид «Ўздавэнергоназорат» агентлиги томонидан ишлаб чиқиладиган норматив ҳужжатлар сифатида;
электр энергияси ишлаб чиқариш, узатиш ва истеъмол қилиш, шунингдек кўмир қазиб олиш соҳасида корхоналар фаолиятини тартибга солувчи норматив ҳужжатлар талаблари бажарилишини;
электр энергетика ва кўмир саноати соҳасида хўжалик юритувчи субъектлар фаолияти масалалари бўйича «Ўздавэнергоназорат» агентлиги томонидан берилган маълумотларнинг ишончлилиги учун жавоб беради.
13. «Ўздавэнергоназорат» агентлиги энергетика ресурсларидан фойдаланиш қоидалари бузилганлиги учун амалдаги қонун ҳужжатларига мувофиқ иқтисодий жазолар қўлланилишидан олинган маблағларнинг бир қисмидан Ўзбекистон Республикаси Молия вазирлиги билан келишилган ҳолда ўз моддий-техника базасини ривожлантиришда фойдаланади.
14. «Ўздавэнергоназорат» агентлиги мансабдор шахсларнинг хатти-ҳаракатлари устидан қонун ҳужжатларида белгиланган тартибда судга, юқори турувчи мансабдор шахсга ёки мансабдор шахснинг ўзига шикоят қилиниши мумкин. Шикоят бериш барча ҳолларда шикоят қилинаётган қарор бажарилишини тўхтатмайди, қонун ҳужжатларида назарда тутилган ҳоллар бундан мустасно. «Ўздавэнергоназорат» агентлигининг мансабдор шахслари ўтказиладиган текширишларнинг ишончлилиги учун шахсан жавоб берадилар.
15. «Ўздавэнергоназорат» агентлиги мансабдор шахслари белгиланган намунадаги гувоҳномага эга бўладилар.
Ўзбекистон Республикаси Вазирлар Маҳкамасининг 1994 йил 9 мартдаги 124-сон қарори билан тасдиқланган Ёқилғи-энергетика ресурсларидан фойдаланиш қоидаларини бузганлик учун иқтисодий жазоларни қўллаш тўғрисидаги Низомга киритилаётган ўзгартиришлар
1. Матндаги «Энергетика ва электрлаштириш вазирлигига қарашли «Ўзэнергияназорат»га кўрсатмалар «Ўздавэнергоназорат» агентлиги»га кўрсатмалар билан алмаштирилсин.
«Юридик шахслар «Ўздавнефтгазназорат» ва «Ўздавэнергоназорат» агентлиги мансабдор шахсларининг хатти-ҳаракатлари устидан белгиланган тартибда Ўзбекистон Республикаси Вазирлар Маҳкамасига ёки судга мурожаат қилишга ҳақлидирлар».