Чимён—Чорвоқ зонаси табиий бойликларини ва экологик тозалигини тўлиқ сақлаш, ҳудудни ўзлаштиришга комплекс ва изчиллик билан ёндошишни таъминлаш мақсадида Вазирлар Маҳкамаси қарор қилади:
1. Ўзбекистон Республикаси Вазирлар Маҳкамасининг 1999 йил 5 августдаги 366-ф-сон фармойиши билан тузилган Ишчи гуруҳ, Тошкент вилояти ҳокимлиги ва Ўзбекистон Республикаси Соғлиқни сақлаш вазирлигининг Чимён—Чорвоқ минтақаси ҳудудини унинг табиий-иқлим шароитларига кўра курорт ва дам олиш мақсадлари учун махсус муҳофаза қилинадиган табиий ҳудуд сирасига киритиш тўғрисидаги таклифига розилик берилсин.
Кейинги таҳрирга қаранг.
2. Чимён—Чорвоқ ҳудудини комплекс ва изчиллик билан ўзлаштиришга доир биринчи навбатдаги чора-тадбирлар дастури 1-иловага*мувофиқ тасдиқлансин.
Олдинги таҳрирга қаранг.
(3-банднинг биринчи хатбошиси Ўзбекистон Республикаси Вазирлар Маҳкамасининг 2003 йил 28 февралдаги 112-сонли қарори таҳририда — ЎР ҚҲТ, 2003 й., 4-сон, 42-модда)
2001—2003 йиллар инвестиция дастурида 2-иловага* мувофиқ Чирчиқ шаҳридаги тозалаш иншоотларни кенгайтиришни, Чимёнсой, Чорвоқ—Бақачўл, Чорвоқ—Ғазалкент канализация коллекторларини реконструкция қилишни, Бақачўл муҳандислик иншоотлари қурилишини, 2003—2005 йиллар инвестиция дастурида эса — чиқариб юборувчи канализация тармоқлари қурилишини;
2001—2003 йиллар инвестиция дастурида 3-иловага* мувофиқ хўжалик-ичимлик сув билан таъминлаш магистрал сув оқизиш тармоғи, сув тозалаш узеллари, насос станциялари, Янгиқўрғон дарёсидан сув олиш ва сув оқизиш иншоотлари қурилишини ҳамда маҳаллий булоқ сувлари манбаларидан сув олиш иншоотини, 2003—2005 йиллар инвестиция дастурида эса — сувни, истеъмолчиларга етказиб бериш тармоқларини реконструкция қилишни назарда тутсин.
Олдинги таҳрирга қаранг.
Тошкент вилоят ҳокимлиги тозалаш иншоотлари, магистрал канализация коллекторлари ва сув оқизиш тармоғи, газлаштириш тармоқлари ҳамда газ тақсимлаш станциялари қурилиши бўйича буюртмачи этиб белгилансин. Бош пудратчи тендер асосида аниқланади.
(3-банднинг тўртинчи хатбошиси Вазирлар Маҳкамасининг 2001 йил 13 февралдаги 74-сон қарори таҳририда — Ўзбекистон Республикаси Ҳукуматининг қарорлари тўплами, 2001 й., 2-сон, 10-модда)
Кейинги таҳрирга қаранг.
2001 йилдан бошлаб тозалаш иншоотлари, магистрал канализация коллекторлари бюджет маблағлари ҳисобига;
канализациянинг чиқариб юборувчи тармоқлари, сув таъминоти, газлаштириш ва энергия таъминоти объектлари қурилишни амалга оширувчилар ва Чимён—Чорвоқ зонасидаги объектлар эгаларининг улушли маблағлари ҳисобига;
магистрал канализация коллекторидан гидроқурувчиларнинг Чорвоқ посёлкасигача канализация тизимлари Ўзбекистон Республикаси Энергетика ва электрлаштириш вазирлигининг маблағлари ҳисобига қурилади.
Кейинги таҳрирга қаранг.
5. Белгилансинки, 4-иловага* мувофиқ қурилишни амалга оширувчиларнинг ва Чимён—Чорвоқ зонасидаги объектлар эгаларининг улушли маблағлари «Ўзуйжойжамғармабанк»нинг махсус ҳисоб рақамида жамланади.
Олдинги таҳрирга қаранг.
Тошкент вилояти ва Тошкент шаҳар ҳокимликлари, Ўзбекистон Республикаси Иқтисодиёт вазирлиги улушли маблағлар тўпланиши ва жамланиши учун масъул ҳисобланадилар.
(5-банднинг иккинчи хатбошиси Ўзбекистон Республикаси Вазирлар Маҳкамасининг 2003 йил 28 февралдаги 112-сонли қарори таҳририда — ЎР ҚҲТ, 2003 й., 4-сон, 42-модда)
Кейинги таҳрирга қаранг.
Олдинги таҳрирга қаранг.
6. Тошкент вилояти ва Тошкент шаҳар ҳокимликлари, Ўзбекистон Республикаси Давлат геология қўмитаси, «Ўзгидромет» маркази, Фавқулодда вазиятлар вазирлиги, санаторийлар, пансионатлар, дам олиш уйлари ва зоналари, болалар соғломлаштириш оромгоҳлари кемпинглар ва бошқа объектларни қурувчилар ва уларнинг эгалари бир ой муддатда барча объектларни хатловдан ўтказсинлар, Чимён—Чорвоқ зонасидаги объектлар қурилиши юзасидан мавжуд лойиҳа-смета ҳужжатларини тафтишдан ўтказсинлар ва уларга тузатишлар киритсинлар ҳамда, 2000 йилнинг I чорагида 5-иловага* мувофиқ қурилиши тугалланмаган объектлар қурилишини 2001—2005 йилларда тугаллаш ёки тиклаш мумкин бўлмаган тақдирда, уларни бузиб ташлаш тўғрисида таклиф киритсинлар.
(6-банднинг биринчи хатбоши Ўзбекистон Республикаси Вазирлар Маҳкамасининг 2004 йил 14 апрелдаги 183-сон қарори таҳририда — ЎР ҚҲТ, 2004 й., 15-сон, 179-модда)
«Ўзуйжойжамғармабанк», зарурият бўлганда, қурилишни амалга оширувчиларга объектлар қурилишини тугаллаш учун белгиланган тартибда кредит ресурслари ажратсин.
Олдинги таҳрирга қаранг.
7. Тошкент вилояти ҳокимлиги, «Давлатархитектқурилиш» қўмитаси, Ўзбекистон Республикаси Давлат табиатни муҳофаза қилиш қўмитаси, «Ўзгидромет» маркази, Соғлиқни сақлаш вазирлиги:
(7-банднинг биринчи хатбоши Ўзбекистон Республикаси Вазирлар Маҳкамасининг 2004 йил 14 апрелдаги 183-сон қарори таҳририда — ЎР ҚҲТ, 2004 й., 15-сон, 179-модда)
Чимён—Чорвоқ ҳудудида қурилиш олиб бориш тўғрисида илгари қабул қилинган қарорларни қайтадан кўриб чиқсинлар. Зарур бўлган тақдирда тегишли объектлар эгалари билан биргаликда уларни қайта жойлаштириш масаласини ишлаб чиқсинлар;
Чимён—Чорвоқ ҳудудида ва, айниқса, Чорвоқ сув омбори соҳилларида экологик вазиятга зарар етказувчи ва сувни ифлослантирувчи, ўзбошимчалик билан қурилган объектларни йўқотиш масаласини қонунда белгиланган тартибда ҳал қилсинлар;
Чимён—Чорвоқ ҳудудида экологик вазиятга зарар етказадиган ҳар қандай саноат, қишлоқ хўжалиги объектлари ва бошқа объектлар қурилишини тақиқласинлар.
8. Ушбу қарорнинг бажарилишини назорат қилиш ва ташкил этиш бўйича 6-иловага* мувофиқ таркибда Республика штаби тузилсин.