Ўзбекистон Республикаси Маданият ва спорт ишлари вазирлиги билан Қозоғистон Республикаси Маданият ва ахборот вазирлиги ўртасида
Дастур
Маданият соҳасида 2013-2015 йилларга мўлжалланган ҳамкорлик
2013 йил 14 июнь, Тошкент
(2013 йил 14 июндан кучга кирган)
Ўзбекистон Республикаси Маданият ва спорт ишлари вазирлиги билан Қозоғистон Республикаси Маданият ва ахборот вазирлиги, бундан кейин «Томонлар» деб аталувчилар,
кўп асрлик умумий тарихий ривожланишга, анъанавий маданий-гуманитар ва ижтимоий-иқтисодий алоқаларга асосланиб,
Ўзбекистон Республикаси Ҳукумати билан Қозоғистон Республикаси Ҳукумати ўртасида маданият, соғлиқни сақлаш, фан, таълим, туризм ва спорт соҳаларида ҳамкорликни чуқурлаштириш тўғрисида 1994 йил 10 январда имзоланган Битимга амал қилиб,
соҳавий ҳамкорлик дастурлари шаклидаги идоралараро шериклик тажрибасини ижобий баҳолаб,
ва бу тажрибани ривожлантиришга қарор қилиб,
қуйидагилар тўғрисида келишиб олдилар:
1-модда
Томонлар ушбу Дастур ва унинг ажралмас қисми сифатида унга илова қилинган Тадбирлар режасига мувофиқ маданият ва санъат соҳасида ҳамкорлик қилиш учун қулай шарт-шароитлар яратадилар.
2-модда
Ҳар бир Томон ўз ваколати доирасида ва ўз давлатининг миллий қонунчилигига мувофиқ, бошқа Томоннинг тадқиқотчилари ва расмий шахслари учун ўз давлатларидаги музей ва музей-қўриқхоналари фондларидан фойдаланиш учун рухсатни таъминлашда кўмаклашадилар.
Томонлар бир-бирлари билан Томонлар давлатларининг тарихи ва маданияти учун илмий аҳамиятга эга бўлган масалалар бўйича маълумот алмашишни (электрон ва қоғоз шаклида) фаол йўлга қўядилар.
Томонлар олинган маълумотдан фақат илмий мақсадларда фойдаланишда ва уни учинчи шахсга беришда, уни тақдим қилган Томоннинг олдиндан розилигини олиши лозим.
3-модда
Томонлар тарихни ва маданий обидаларни реставрация қилиш, консервациялаш ва музейлаштириш масалалари бўйича бир-бирларига консультатив ёрдам кўрсатадилар.
4-модда
Томонлар ўзбек ва қозоқ ижодий жамоалари ва ижрочиларининг Томонлар давлатлари ҳудудларида ўтказиладиган халқаро фестиваллар ва танловларда иштирок этишига кўмаклашадилар.
5-модда
Томонлар ўзларининг ваколатлари доирасида Қозоғистон Республикасидаги ўзбек диаспораси ва Ўзбекистон Республикасидаги қозоқ диаспораси ташаббуслари билан ўтказиладиган халқлар ўртасида дўстона муносабатларни мустаҳкамлаш ва ривожлантиришга қаратилган маданий тадбирларни ташкил қилишда кўмаклашадилар.
6-модда
Томонлар олдиндан келишув асосида, ушбу Дастурнинг амал қилиши ниҳоясига қадар расмий делегациялар ташрифлари билан алмашадилар.
7-модда
Ҳар бир Томон ушбу Дастур амал қилиш даврида ўзининг расмий веб-сайтида бошқа Томоннинг веб-сайти ва логотипига ҳаволани, шунингдек ушбу Дастур матнини жойлаштирадилар.
8-модда
Ушбу Дастурда назарда тутилган барча фаолият турлари Томонлар давлатларининг миллий қонунчилигига асосан амалга оширилади ва молиялаштирилади.
Бунда, агар ҳар бир алоҳида ҳолатда харажатларни молиялаштириш билан боғлиқ бошқача тартиб келишиб олинмаса, ҳар бир Томон мустақил равишда, ушбу Дастурни амалга ошириш билан боғлиқ харажатларни қоплайди.
9-модда
Ушбу Дастур қоидаларини талқин қилиш ёки қўллашда келишмовчиликлар юзага келган ҳолда, Томонлар уларни музокаралар ва маслаҳатлашувлар йўли билан ҳал қиладилар.
Томонларнинг ўзаро келишуви бўйича ушбу Дастурга, унинг ажралмас қисми бўлган тегишли баённомаларни имзолаш йўли билан, ўзгартиш ва қўшимчалар киритилиши мумкин.
Ушбу Дастур имзоланган кундан бошлаб кучга киради ва 2015 йил 31 декабрга қадар амал қилади.
Тошкент шаҳрида 2013 йил 14 июнда икки асл нусхада, ҳар бири ўзбек, қозоқ ва рус тилларида тузилди, бунда барча матнлар бир хил кучга эга.
Ушбу Дастур қоидаларини талқин қилишда келишмовчиликлар юзага келган ҳолда, Томонлар рус тилидаги матнга мурожаат қиладилар.
(имзолар)
Ўзбекистон Республикаси Маданият ва спорт ишлари вазирлиги билан Қозоғистон Республикаси Маданият ва ахборот вазирлиги ўртасида маданият соҳасида 2013 — 2015 йилларга мўлжалланган ҳамкорлик Дастурига
ИЛОВА
Тадбирлар режаси

Т/р

Тадбирлар мазмуни

Ўтказиш муддатлари

Масъуллар

Ўзбекистон Республикаси

Қозоғистон Республикаси

1.

Қозоғистон Республикасида ўтказиладиган халқаро мусиқа ва рақс фестиваллари, хонандалар, пианиночилар, скрипкачилар, балет артистларининг халқаро танловларида ўзбек маданият ва санъат арбобларининг иштирок этиши

2013 — 2015 йиллар

Маданият ва спорт ишлари вазирлиги (кейинги ўринларда — МСВ)

Маданият ва ахборот вазирлиги (кейинги ўринларда — МАВ)

2.

Қозоғистон Республикаси ва Ўзбекистон Республикаси театр жамоаларининг Томонлар давлатлари ҳудудларида ўтказиладиган театр фестивалларида иштирок этиши

2013 — 2015 йиллар

МСВ

МАВ

3.

Қозоғистон рассомларининг Тошкент — 2013 замонавий санъат биенналесида иштирок этиши

2013 йил

Ўзбекистон Бадиий академияси

МАВ

4.

Қозоғистон маданият ва санъат арбобларининг «Шарқ тароналари» халқаро мусиқа фестивалида иштирок этиши

2013 йил

МСВ

МАВ

5.

Қозоғистон Республикаси фотосуратчиларининг Тошкент халқаро фотосуратчилар биенналеси — 2014да иштирок этиши

2014 йил

Ўзбекистон Бадиий академияси

МАВ

6.

Қозоғистон Республикасида ўтказиладиган Халқаро кинофестивалларда ўзбек вакилларининг иштирок этиши

2013 — 2015 йиллар

«Ўзбеккино» МА

МАВ

7.

«Тошкент қувончлари — 2014» халқаро болалар расмлари биенналисида қозоқ вакилларининг иштирок этиши

2014 йил

Ўзбекистон Бадиий академияси

МАВ

8.

Қозоғистонлик рассомларининг Тошкент — 2015 замонавий санъат биенналесида иштирок этиши

2015 йил

Ўзбекистон Бадиий академияси

МАВ

9.

Тошкентда ўтказиладиган тасвирий санъат ҳафталигида қозоғистонлик рассомларнинг иштирок этиши

ҳар йили (апрель)

Ўзбекистон Бадиий академияси

МАВ

10.

Қозоқистон Республикасида ўтказиладиган бадиий санъат соҳасидаги халқаро кўргазма, конференция, семинар ва бошқа тадбирларда ўзбек вакилларининг иштирок этиши

2013 — 2015 йиллар

Ўзбекистон Бадиий академияси

МАВ

11.

«Ортеке» халқаро қўғирчоқлар театрлари фестивалида ўзбек вакилларининг иштирок этиши

2013 — 2015 йиллар

МСВ

МАВ

12.

«Евразия» халқаро кинофестивалида ўзбек вакилларининг иштирок этиши

2013 — 2015 йиллар

МСВ «Ўзбеккино» МА

МАВ

13.

Қозоғистон халқ рассоми А. Исмоилов ижодига бағишланган халқаро конференцияда ўзбек вакилларининг иштирок этиши

2013 йил

Ўзбекистон бадиий академияси

А. Кастеев номидаги Давлат санъат музейи

14.

«Буюк дашт қўшиғи» анъанавий ижрочилик санъати халқаро фестивалида ўзбек санъаткорларининг иштирок этиши

2014 йил

МСВ

МАВ

15.

«Опералия» халқаро мусиқа фестивалида ўзбек санъаткорларининг иштирок этиши

2013 — 2015 йиллар

МСВ

МАВ