Тошкент вилояти Халқ депутатлари Ўртачирчиқ тумани Кенгашининг
Қарори
Туманда географик объектларнинг номлари соҳасидаги ишларни тартибга солиш чора-тадбирлари тўғрисида
Ўзбекистон Республикасининг «Географик объектларнинг номлари тўғрисида»ги Қонуни (Ўзбекистон Республикаси қонун ҳужжатлари тўплами, 2011 й., 41-сон, 448-модда) ва Вазирлар Маҳкамасининг 2012 йил 16 октябрдаги «Географик объектларнинг номлари тўғрисида»ги Ўзбекистон Республикаси Қонунига мувофиқ географик объектларнинг номлари соҳасидаги ишларни тартибга солиш чора-тадбирлари ҳақида»ги 295-сонли қарори ҳамда Географик объектларни номлаш ва қайта номлаш масалалари бўйича вилоят комиссиясининг 2013 йил 4 декабрдаги 1/8-4-4562-сонли баённомаси ижросини таъминлаш мақсадида, халқ депутатлари Ўртачирчиқ туман Кенгашининг йигирма учинчи сессияси қарор қилади:
1. Географик объектларни номлаш ва қайта номлаш масалалари бўйича вилоят комиссиясининг 2013 йил 4 декабрдаги 1/8-4-4562-сонли баённомаси ижро учун қабул қилинсин.
2. Географик объектларни номлаш ва қайта номлаш масалалари бўйича вилоят комиссиясининг тумандаги айрим географик объектлар номларини қайта номлаш бўйича хулосаси 1-иловага* мувофиқ, Географик объектларни номлаш ва қайта номлаш масалалари бўйича вилоят комиссиясининг тумандаги географик объектларни ўз номида қолдириш бўйича хулосаси 2-иловага* мувофиқ тасдиқлансин.
* 1 ва 2-иловалар берилмайди.
3. Мазкур қарор расмий эълон қилинган кундан эътиборан кучга киради.
4. Ушбу қарорнинг ижросини назорат қилиш туман ҳокимининг ўринбосари Ш. Хашимов зиммасига юклатилсин.
Халқ депутатлари туман Кенгаши раиси Б. ИБРАГИМОВ
Тўйтепа ш.,
2013 йил 31 декабрь,
23/2-сон