LexUZ шарҳи
Мазкур Битим Ўзбекистон Республикаси Президентининг 2011 йил 21 февралдаги ПҚ–1483-сонли «Халқаро шартномани тасдиқлаш тўғрисида»ги қарори билан тасдиқланган.
Ўзбекистон Республикаси Ҳукумати ва Саудия Арабистони Подшоҳлиги Ҳукумати, бундан кейин биргаликда «Икки томон» деб аталувчилар, ўз давлатлари ўртасидаги илиқ муносабатларни қўллаб-қувватлаган ҳолда, дунёда жиноятчиликнинг кўпайишига, хусусан терроризм, уюшган жиноятчилик, гиёҳвандлик воситалари ва психотроп моддаларнинг ноқонуний айланиши ортиб боришига нисбатан ўз ташвишларини билдириб ва жиноятчиликнинг барча кўринишларига қарши курашда ҳамкорлик қилишнинг самарали натижаларини англаган ҳолда,
Икки томон терроризм ва уюшган жиноятчиликка қарши курашда ўз мамлакатларининг қонунлари ва тартиб қоидалари ҳамда мазкур Битим доирасида ҳамкорлик қиладилар. Ушбу мақсадда Икки томон уларда мавжуд бўлган бошқа Томонга тааллуқли ҳар қандай тадбирлар ва уларнинг натижалари тўғрисидаги маълумотлар билан алмашадилар.
Мазкур Битим жиноят ишлари бўйича ҳуқуқий ёрдам кўрсатиш ва қидирув остида бўлган шахсларни тутиб бериш (экстрадиция) масалаларига дахл қилмайди.
1) ҳар Икки томон мамлакатининг қонунларига мувофиқ ва халқаро ҳуқуқ нормаларига ҳамда халқаро қарорлар ва шартномалар қоидаларига мувофиқ халқаро терроризм ва уюшган жиноятчилик кўринишидаги жиноятлар;
3) ўқотар қурол, ўқ-дорилар ва портловчи моддалар контрабандаси ва уларга эгалик қилиш ҳамда уларнинг ноқонуний савдоси;
4) ядровий, радиоактив ва хавфли материалларни ўғирлаш ҳамда уларнинг контрабандаси ва ноқонуний савдоси;
9) иқтисодий ва молиявий жиноятлар, шу жумладан жиноий фаолиятдан олинган даромадларни ошкорлаштириш;
Икки томоннинг ваколатли органлари ўртасидаги жиноятчиликка қарши кураш бўйича ҳамкорлик қуйидаги чора ва тадбирларни кўриш йўли билан амалга оширилади:
1) жиноятларни содир этишнинг усуллари ҳамда уларни аниқлаш ва олдини олиш бўйича чоралар тўғрисида маълумот алмашиш;
2) жиноятчиликка қарши кураш бўйича қонунлар, қонунчилик ҳужжатлари ва матбуот нашрлари ҳамда илмий тадқиқотлар натижалари билан алмашиш;
4) Икки томоннинг ҳар бири бошқа Томонни ўзининг ҳудудида ушланган ёки жазога ҳукм қилинган унинг фуқаролари тўғрисида хабардор қилади.
Терроризмга қарши кураш соҳасида Икки томон ўз қонунлари доирасида режалаштирилаётган ва содир этилган террорчилик ҳаракатлари тўғрисидаги маълумотлар билан, Икки томондан ҳар бирининг ҳудудида мавжуд бўлган ва бошқа томоннинг манфаатларига зид келувчи жиноий ҳаракатларни содир этишни режалаштираётган ёки содир этган террорчилик гуруҳлари тўғрисидаги маълумотлар билан ҳамда бундай жиноятларга қарши курашиш ва уларнинг олдини олиш тўғрисидаги зарур маълумотлар билан алмашадилар.
Икки томон гиёҳвандлик воситалари ва психотроп моддаларнинг ноқонуний айланиши ва савдосига қарши кураш соҳасида қуйидаги чора ва тадбирларни кўрадилар:
1) Икки томоннинг ҳар бири бошқа томонга гиёҳвандлик воситалари, психотроп моддалар ва прекурсорларнинг ишлаб чиқарилиши, ноқонуний айланиши ва тарқалишини назорат қилиш бўйича чора ва тадбирлар тўғрисидаги маълумотларни тақдим қилади;
2) материалларни мусодара қилиш учун зарур бўлган маълумотлар ҳамда контрабандачилар ва воситачиларнинг шахси тўғрисидаги маълумотлар билан, бундай шахслар ижрочилар ёки иштирокчилар ёки жиноятга ундовчилар бўлишидан қатъи назар, шу жумладан, бундай жиноятларни молиялаштирадиган шахслар тўғрисидаги маълумотлар билан алмашадилар. Бундай маълумот билан алмашиш жиноятчиларни аниқлаш ва ушлаш мақсадида Икки томоннинг ваколатли органлари ўртасида бевосита амалга оширилади;
3) ўсимликлардан олинадиган ёки сунъий йўл билан ишлаб чиқариладиган гиёҳвандлик воситаларининг янги турлари тўғрисида маълумот билан ҳамда гиёҳвандлик воситалари, психотроп моддалар ва прекурсорлардан қонуний равишда фойдаланишни назорат қилиш қоидалари тўғрисида маълумот билан алмашадилар;
4) Икки томоннинг ҳар бир, сўров асосида, бошқа Томонга бир Томон ҳудудидан бошқа Томон ҳудудига контрабанда йўли билан олиб ўтилган гиёҳвандлик воситалари ва психотроп моддаларнинг таҳлили ва миқдорларига доир маълумотларни тақдим этади.
Икки томон ўртасидаги ҳамкорликни кучайтириш учун фойдали бўлиши мумкин бўлган жиноятчиликка қарши кураш соҳасидаги конференциялар ва илмий симпозиумларни ташкил этиш чоғида, Икки томоннинг ҳар бири бошқа Томонни бундай тадбир ўтказилишидан икки ой олдин хабардор қилади.
Икки томоннинг ҳар бири бошқа Томонга мазкур Битимда санаб ўтилган, ушбу бошқа Томоннинг манфаатларига қарши қаратилган ҳар қандай жиноий фаолиятга доир маълумотни, унинг режалаштирилаётгани ёки содир этилганлигидан қатъи назар, тақдим этади.
1. Икки томоннинг ваколатли органлари мазкур Битимда назарда тутилган соҳалардаги ҳамкорликни енгиллаштириш мақсадида бевосита икки томонлама алоқаларни амалга ошириш йўлларини белгилайдилар.
2. Мазкур Битим доирасидаги ҳамкорлик Икки томон ваколатли органлари ёзма сўровлари асосида амалга оширилади.
в) масаланинг моҳиятини баён қилиш ва уни асослаш, шунингдек сўровни бажариш учун зарур бўлган бошқа маълумот.
1) ёрдам кўрсатиш унинг қонунлари, қонунчилиги, суд қарорлари ёки халқаро мажбуриятларига зид бўлса;
2) ёрдам кўрсатиш унинг суверенитетига, хавфсизлигига ёки жамоат тартибига зарар келтиради деб ҳисобласа;
3) ёрдам кўрсатиш терговнинг боришини ёки унинг ҳудудида ўтказиладиган чора-тадбирларни хавф остига қўйса. Бундай ҳолда ёрдам кўрсатиш рад қилиш сабаблари тугагунча кейинга сурилиши мумкин.
2. Ёрдам кўрсатиш тўғрисидаги сўров рад қилинган ҳолда, сўралаётган Томоннинг ваколатли органи сўраётган Томоннинг ваколатли органини ўзининг рад қилиш сабаблари тўғрисида ёзма шаклда хабардор қилади.
Икки томоннинг ҳар бири мазкур Битим қоидаларини амалга ошириш йўлида алмашилаётган маълумотларнинг махфийлигини таъминлаш бўйича зарур чораларни кўради. Улардан ҳеч бири бундай маълумотни учинчи томонга мазкур маълумотни тақдим этган Томоннинг ёзма рухсатисиз бера олмайди.
Мазкур Битимни амалга ошириш билан боғлиқ харажатлар, агар бошқача келишмаган бўлса, ҳудудида бундай харажатлар қилинган Томон тарафидан қопланади.
Мазкур Битим Икки томондан ҳар бирининг улар иштирокчиси бўлган бошқа икки томонлама ёки кўп томонлама битимларда назарда тутилган ҳуқуқ ва мажбуриятларига дахл қилмайди.
Мазкур Битимни талқин қилиш ёки қўллаш билан боғлиқ юзага келадиган низолар Икки томоннинг ваколатли органлари ўртасидаги бевосита музокаралар йўли билан ҳал қилинади. Агар низо музокаралар йўли билан ҳал қилинмаса, унда у дипломатик каналлар орқали ҳал қилинади.
Икки томон ўртасидаги қўшма фаолиятни мувофиқлаштириш мақсадида, заруриятга қараб, экспертлар ва мансабдор шахслар гуруҳлари тузилади, ушбу гуруҳлар ўз мажлисларини муқобиллик асосида ўтказади. Икки томон жиноятчиликка қарши кураш масалалари билан шуғулланаётган мансабдор шахсларнинг ва жиноятларни очиш технологиялари бўйича мутахассисларнинг ўзаро ташрифларини ташкил қилишлари мумкин.
Мазкур Битимнинг қоидалари Икки томоннинг ўзаро келишуви асосида, уларнинг қонунлари ва қоидаларига мувофиқ, ўзаро қўшма ҳуқуқий ҳужжатни тузиш йўли билан ўзгартирилиши ёки тўлдирилиши мумкин.
Мазкур Битим Икки томоннинг унинг кучга кириши учун зарур бўлган давлат ички тартиб-қоидаларини бажарганлиги тўғрисида сўнгги — хабарнома олинган санадан ўттизинчи куни кучга киради.
Мазкур Битим уч йил давомида амал қилади ва агар Икки томондан бири мазкур Битимнинг амал қилиш муддати тугашидан ёки унинг кучини тўхтатиш ниятидан камида олти ой олдин ўзининг бундай нияти тўғрисида бошқа Томонни ёзма равишда хабардор қилмаса, кейинги худди шундай муддат(лар)га узайтирилади. Мазкур Битимни тўхтатиш тўғрисидаги хабарнома аввал тақдим қилинган сўровларнинг бажарилишига дахл қилмайди.
Мазкур Битим Риёз шаҳрида 2010 йил 27 ноябрда, ҳижрий йилнинг 21/12/1431 кунига мувофиқ ўзбек, араб ва инглиз тилларида икки асл нусхада тузилди, бунда барча матнлар бирдай аслига тўғри. Матнларни талқин қилишда ихтилофлар юзага келса, инглиз тилидаги матн устун бўлади.