Шаҳарсозлик тўғрисидаги қонун ҳужжатларига риоя қилинишини таъминлаш, шаҳарсозлик ҳужжатларини рўёбга чиқаришда, аҳоли пунктларининг замонавий қиёфасини шакллантириш ва уларни комплекс қуришда давлат органларининг фаолияти самарадорлигини ошириш, шаҳарсозлик фаолиятини амалга оширишда рухсат бериш тартиботларини соддалаштириш, шунингдек Давлат шаҳарсозлик кадастрини юритиш самарадорлигини таъминлаш ҳамда давлат архитектура-қурилиш назорати ҳудудий органларининг ҳуқуқий мақомини мустаҳкамлаш мақсадида Вазирлар Маҳкамаси қарор қилади:
Ўзбекистон Республикаси «Давархитектқурилиш» қўмитасининг Давлат архитектура-қурилиш назорати ҳудудий инспекцияси тўғрисидаги Намунавий низом 2-иловага мувофиқ;
Олдинги таҳрирга қаранг.
(1-банднинг тўртинчи хатбошиси Ўзбекистон Республикаси Вазирлар Маҳкамасининг 2013 йил 25 февралдаги 54-сонли қарорига асосан чиқарилган — ЎР ҚҲТ, 2013 й., 10-сон, 125-модда)
Кейинги таҳрирга қаранг.
2. Ўзбекистон Республикаси Ҳукуматининг 4-иловага мувофиқ айрим қарорларига ўзгартириш ва қўшимчалар киритилсин.
3. Ўзбекистон Республикаси Ҳукуматининг 5-иловага мувофиқ айрим қарорлари ўз кучини йўқотган деб ҳисоблансин.
4. Вазирликлар ва идоралар бир ой муддатда ўз идоравий норматив-ҳуқуқий ҳужжатларини ушбу қарорга мувофиқлаштирсинлар.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.А.Хўжаев зиммасига юклансин.
Кейинги таҳрирга қаранг.
1. Ушбу Низом Ўзбекистон Республикасининг Шаҳарсозлик кодексига мувофиқ Ўзбекистон Республикаси Давлат архитектура ва қурилиш қўмитасининг (кейинги ўринларда «Давархитектқурилиш» қўмитаси деб аталади) Давлат архитектура-қурилиш назорати ҳудудий инспекциясининг (кейинги ўринларда Инспекция деб аталади) мақоми, вазифалари, функциялари, ваколатлари ва жавобгарлигини белгилайди.
2. Инспекция ўз фаолиятида Ўзбекистон Республикаси Конституциясига ва қонунларига, Олий Мажлис палаталари қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, «Давархитектқурилиш» қўмитасининг буйруқлари ва фармойишларига, бошқа норматив-ҳуқуқий ҳужжатларга, мазкур Низомга амал қилади.
3. Инспекция «Давархитектқурилиш» қўмитаси таркибига киради ва ўз ваколатлари доирасида Ўзбекистон Республикаси ҳудудида қурилиш, қурилиш материаллари, буюмлари ва конструкциялари ишлаб чиқариш соҳасида техник жиҳатдан тартибга солишга доир норматив ҳужжатларга, шаҳарсозлик нормалари ва қоидаларига риоя этилишини назорат қилади.
4. Инспекция юридик шахс ҳисобланади, Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга, мустақил балансга, банкларда ҳисоб рақамларига эга бўлади.
қурилиш, қурилиш материаллари, буюмлари ва конструкциялари ишлаб чиқариш соҳасида техник жиҳатдан тартибга солишга доир норматив ҳужжатлар;
қурилиш-монтаж ишларининг барча босқичларида уларни амалга ошириш технологияси талабларига риоя этилишини назорат қилиш;
б) қурилиш-монтаж ишларини амалга оширишга рухсат берган ҳолда қурилиш объектларини рўйхатдан ўтказиш, қонун ҳужжатларида назарда тутилган ҳоллар бундан мустасно;
в) объектда қўлланаётган қурилиш материаллари, буюмлари ва конструкцияларининг техник жиҳатдан тартибга солиш талабларига мувофиқлигини назорат қилиш;
г) ишлаб чиқарувчилар томонидан қурилиш материаллари, конструкциялари ва буюмларини ишлаб чиқаришда техник жиҳатдан тартибга солишга доир норматив ҳужжатлар талабларига риоя этилишини назорат қилиш;
д) қурилиши тугалланган объектларни фойдаланишга қабул қилиш бўйича комиссиялар ишларида мажбурий равишда қатнашиш, якка тартибдаги уй-жой қурилиши бундан мустасно;
е) шаҳарсозлик тўғрисидаги қонун ҳужжатларига риоя этилишини назорат қилишни ташкил этиш соҳасидаги норматив-методик ҳужжатларни такомиллаштириш юзасидан таклифлар киритиш ва унда қатнашиш;
ж) қурилиш материаллари, буюмлари ва конструкцияларини стандартлаштириш ва сертификатлаштириш ишларини амалга ошириш.
ҳудудларни ривожлантиришни режалаштириш ва қуришга доир шаҳарсозлик ҳужжатлари амалга оширилишига риоя қилинишини;
лойиҳа ҳужжатларига қурилиш жараёнида киритилаётган ўзгартиришларнинг норматив талабларга мувофиқлигини;
лойиҳалаш ва пудрат ташкилотларида — ишлар ва хизматларни бажарувчиларда лойиҳалаш ва қурилиш фаолиятининг қонун ҳужжатларида назарда тутилган лицензияланадиган турларини амалга ошириш ҳуқуқига лицензияларнинг мавжудлигини;
бажарилаётган қурилиш-монтаж ишларининг сифатини ва уларнинг қурилиш нормалари ва қоидаларига, норматив-техник ва лойиҳа ҳужжатларига мувофиқлигини, шунингдек пудрат ташкилоти томонидан қурилиш объектида ижро ҳужжатлари юритилишини;
қурилиш объектида норматив-техник ва лойиҳа ҳужжатларида назарда тутилган синовлар, суратга олишлар ва ўлчашлар ўтказилишини;
объект қурилишида қўлланаётган қурилиш материаллари, буюмлари ва конструкцияларининг техник жиҳатдан тартибга солиш талабларига мувофиқлигини;
қурилиш материаллари, конструкциялари ва буюмларини ишлаб чиқарувчилар томонидан техник жиҳатдан тартибга солишга доир норматив ҳужжатлар талабларига риоя этилишини танлаб назорат қилади;
б) бинолар, иншоотлар, уларнинг қисмлари ва конструктив элементларининг авария ҳолатларини ва авариялари сабабларини текшириш бўйича техника комиссияларининг ишларида қатнашади;
в) шартнома асосида мавжуд бинолар ва иншоотларнинг техник ҳолатини уларни тиклаш ёки реконструкция қилишнинг мақсадга мувофиқлиги юзасидан текширади ва тегишли хулосалар беради;
г) қурилиш маҳсулотларининг сифатини таъминлаш, шаҳарсозликка оид қонун ҳужжатлари талабларига риоя қилиш масалалари бўйича давлат бошқа ваколатли органлари, илмий-тадқиқот, лойиҳалаштириш ва жамоат ташкилотлари билан ўзаро ҳамкорлик қилади;
д) техник жиҳатдан тартибга солишга доир норматив ҳужжатлар талаблари, қурилиш нормалари ва қоидалари бузилишига йўл қўйган ташкилотлар ва корхоналарнинг архитектура-шаҳарсозлик фаолиятини амалга ошириш ҳуқуқи учун ҳамда қурилиш соҳасида фаолиятнинг айрим турларини амалга ошириш ҳуқуқи учун берилган лицензияларининг амал қилишини тўхтатиб туриш ёки тўхтатиш тўғрисида «Давархитектқурилиш» қўмитасига таклифлар киритади;
Олдинги таҳрирга қаранг.
е) қонун ҳужжатларида назарда тутилган ҳолларда шаҳарсозлик фаолияти соҳасидаги маъмурий ҳуқуқбузарлик тўғрисида баённомалар тузади;
(6-банднинг «е» кичик банди Ўзбекистон Республикаси Вазирлар Маҳкамасининг 2016 йил 28 апрелдаги 129-сонли қарори таҳририда — ЎР ҚҲТ, 2016 й., 18-сон, 191-модда)
ж) назорат натижаларини таҳлил қилади, халқаро тажрибани ўрганади, қурилиш сифатини яхшилаш ва қурилиш материалларидан оқилона фойдаланиш бўйича норматив талабларни, методик ҳужжатларни такомиллаштиришга доир таклифлар ишлаб чиқади;
з) «Ўзстандарт» агентлиги билан биргаликда сифатга оид халқаро талабларга мувофиқ қурилиш материаллари, буюмлари ва конструкцияларини стандартлаштириш ва сертификатлаштириш ишларини олиб боради.
7. Қурилиш тугаллангандан кейин Инспекция буюртмачига бажарилган қурилиш-монтаж ишларининг техник жиҳатдан тартибга солишга доир норматив ҳужжатларга, шаҳарсозлик нормалари ва қоидаларига мувофиқлиги тўғрисида хулоса беради. Хулоса Объектни фойдаланишга қабул қилиш давлат комиссиясининг далолатномасига илова қилинади.
а) Инспекцияда рўйхатдан ўтказилган объектларда тўсқинликсиз бўлиш ва назорат функцияларини амалга ошириш;
б) Инспекцияда рўйхатдан ўтказилмаган қурилиш объектларида тўсқинликсиз бўлиш ва (субъектнинг молия-хўжалик фаолиятига аралашмасдан) қисқа муддатли инспекторлик текширишларини, кейинчалик назорат қилувчи органлар фаолиятини мувофиқлаштириш ҳудудий комиссиясини бир кун муддатда хабардор қилган ҳолда, амалга ошириш, якка тартибдаги уй-жой қурилиши бундан мустасно;
в) қонун ҳужжатларида белгиланган тартибда ташкилотларда ҳамда қурилиш материаллари, буюмлари ва конструкциялари ишлаб чиқарувчи корхоналарда бўлиш;
г) лойиҳалаштириш, пудрат ташкилотлари ва буюртмачи ташкилотлардан лойиҳа, технология ва ижро ҳужжатларини ҳамда қўлланилаётган материаллар, буюмлар, конструкциялар ва бажарилаётган қурилиш-монтаж ишлари сифатини текшириш учун зарур бўлган бошқа материалларни олиш;
д) пудрат ташкилотларига конструкциялар, узеллар ва деталларнинг айрим элементларини очишни, тагзаминдаги тупроқни синашни ва қайта ёпиб қўйишни, қўлланилган қурилиш материаллари, буюмлари, конструкцияларини, муҳандислик тизимларини синаб кўришни топшириш, зарурат бўлганда тегишли хулоса тайёрлаш учун экспертларни — илмий-тадқиқот ташкилотларининг мутахассисларини жалб қилиш;
аниқланган бузилишларни бартараф этиш тўғрисида шаҳарсозлик фаолияти субъектлари ва қурилиш материаллари, буюмлари, конструкцияларини тайёрловчилар (етказиб берувчилар) томонидан бажарилиши мажбурий бўлган ёзма кўрсатмалар бериш;
идоралар ва ташкилотларнинг объектлар қурилиши сифатини назорат қилувчи техник назорат хизматлари ҳамда синов қурилиш лабораториялари ишларини танлаб назоратдан ўтказиш;
Олдинги таҳрирга қаранг.
қонун ҳужжатларида белгиланган тартибда шаҳарсозлик фаолияти соҳасидаги маъмурий ҳуқуқбузарлик тўғрисида баённомалар тузади;
(9-банднинг «е» кичик банди тўртинчи хатбошиси Ўзбекистон Республикаси Вазирлар Маҳкамасининг 2016 йил 28 апрелдаги 129-сонли қарори таҳририда — ЎР ҚҲТ, 2016 й., 18-сон, 191-модда)
Олдинги таҳрирга қаранг.
техник тартибга солишнинг норматив ҳужжатлари талаблари бузилиши аниқланганда қурилиш материаллари ва буюмларини ишлаб чиқаришни, сотиш ва қурилишда қўллашни тўхтатиб қўйиш. Тадбиркорлик субъекти фаолияти тўхтатиб қўйилишига олиб келувчи қурилиш материаллари ва буюмларини ишлаб чиқариш, сотиш ва қўллашнинг, қурилиш-монтаж ишларини давом эттиришнинг тўхтатиб қўйилиши суд тартибида амалга оширилади, фавқулодда вазиятлар, эпидемиялар пайдо бўлишининг ҳамда аҳолининг ҳаёти ва соғлиғига бошқа реал таҳдиднинг олди олиниши муносабати билан фаолиятни ўн иш кунидан ортиқ бўлмаган муддатга тўхтатиб қўйиш ҳоллари бундан мустасно;
(9-банднинг «е» кичик банди бешинчи хатбошиси Ўзбекистон Республикаси Вазирлар Маҳкамасининг 2016 йил 28 апрелдаги 129-сонли қарори таҳририда — ЎР ҚҲТ, 2016 й., 18-сон, 191-модда)
тасдиқланган лойиҳа ечимлари ва норматив-ҳуқуқий ҳужжатлар талаблари бузилишлари аниқланганда, ушбу бузилишлар пишиқлик ва мустаҳкамлик тавсифлари пасайишига олиб келганда, шунингдек бинолар ва иншоотларда авариялар хавфи пайдо бўлганда қурилиш-монтаж ишлари амалга оширилишини тўхтатиб туриш;
буюртмачилар ва пудратчиларга шаҳарсозлик соҳасидаги қонун ҳужжатлари талабларини бузаётган (уларнинг буйруқлари билан тайинланган) мансабдор шахсларни жавобгарликка тортиш тўғрисида тақдимномалар киритиш;
лойиҳа бўйича бажарилган қурилиш-монтаж ишларининг сифати ва тўлиқлиги, қурилиш объектларининг техник ҳолати ҳақида эксперт хулосалари бериш;
шаҳарсозликка оид қонун ҳужжатларининг бузилишлари тўғрисидаги материалларни суд органларига, прокуратурага бериш;
қурилиши тугалланган объектларни фойдаланишга қабул қилишда қоидалар бузилган ҳолда топширилган объектларни статистика ҳисоботидан чиқариш тўғрисида статистика органларига тақдимнома киритиш.
шаҳарсозлик фаолияти субъектлари томонидан лойиҳа ҳужжатларига мувофиқ қурилиш-монтаж ишларининг сифати таъминланиши зарур тарзда назорат қилиниши;
объект қурилишида қўлланаётган қурилиш материаллари, буюмлари ва конструкцияларининг техник жиҳатдан тартибга солишга доир норматив ҳужжатлар талабларига мувофиқлиги юзасидан зарур назорат ташкил этилиши;
қурилиш материаллари, конструкциялари ва буюмлари ишлаб чиқарувчилари томонидан техник жиҳатдан тартибга солишга доир норматив ҳужжатлар талабларига риоя этиш юзасидан зарур назоратнинг таъминланиши учун жавоб беради.
11. Қурилиш объектларида назорат ишлари буюртмачи ва пудратчининг буйруқлари (мавжуд бўлганда) билан тайинланадиган уларнинг масъул вакиллари иштирокида ўтказилади.
Зарур ҳолларда, назорат қилиш мақсадлари учун лойиҳалаштириш, банк ва (ёки) бошқа манфаатдор ташкилотлар мутахассислари шартнома асосида жалб этилиши мумкин.
12. Қурилиш материаллари, конструкциялари ва буюмлари ишлаб чиқарувчи корхоналарда назорат ишлари техник жиҳатдан тартибга солишга доир норматив ҳужжатларга (мавжуд бўлганда) риоя этилиши учун масъул бўлган мансабдор шахслар (бош муҳандис, цех бошлиғи, техника назорати бўлими бошлиғи ва бошқалар) иштирокида ўтказилади.
13. Назорат ишлари натижаларига кўра қурилиш объектида юритиладиган ишларни бажариш дафтарида тегишли ёзувлар қайд этилади, Инспекция инспектори, буюртмачи ва пудратчининг вакиллари имзолайдиган далолатнома тузилади, зарур ҳолларда ёзма кўрсатма берилади.
Олдинги таҳрирга қаранг.
Унинг учун маъмурий жазо бериш назарда тутилган шаҳарсозлик тўғрисидаги қонун ҳужжатлари бузилишлари ҳолатлари юзасидан ёзма кўрсатма Инспекция раҳбарининг имзоси билан берилади.
(13-банднинг иккинчи хатбошиси Ўзбекистон Республикаси Вазирлар Маҳкамасининг 2016 йил 28 апрелдаги 129-сонли қарори таҳририда — ЎР ҚҲТ, 2016 й., 18-сон, 191-модда)
14. Инспекция инспекторлари ўз функционал вазифаларини бажаришда давлат назоратининг бошқа ваколатли органлари билан ўзаро ҳамкорлик қиладилар.
15. Инспекцияга Ўзбекистон Республикаси «Давархитектқурилиш» қўмитаси раиси буйруғи билан лавозимга тайинланадиган ва лавозимдан озод этиладиган бошлиқ бошчилик қилади.
16. Инспекция бошлиғининг ўринбосари «Давархитектқурилиш» қўмитаси раиси билан келишган ҳолда Инспекция бошлиғининг буйруғи билан лавозимга тайинланади ва лавозимдан озод қилинади.
Инспекцияларнинг инспекторлари ўз функционал фаолиятини «Давархитектқурилиш» қўмитаси томонидан ҳар уч йилда ўтказиладиган аттестация натижаларига кўра бериладиган сертификатлар асосида амалга оширадилар.
18. Ҳудудий инспекция тўғрисидаги Низом, Инспекциянинг штат жадвали ва харажатлар сметаси «Давархитектқурилиш» қўмитаси томонидан тасдиқланади.
19. Инспекциянинг ташкилий тузилмаси Ўзбекистон Республикаси Вазирлар Маҳкамаси томонидан тасдиқланади.
а) Ўзбекистон Республикаси Инвестиция дастурига киритилган объектларда лойиҳа бўйича бажарилган қурилиш-монтаж ишларининг сифати ва тўлиқлиги юзасидан назорат функцияларини амалга ошириш учун бажарилган қурилиш-монтаж ишларининг қийматидан (ҚҚСсиз) ажратмалар:
б) тадбиркорлик субъектларининг қурилаётган объектлари бўйича шартнома асосида назоратни амалга ошириш ишларини бажаришдан қурилиш-монтаж ишлари қийматининг 0,03 фоизи миқдоридан ортиқ бўлмаган даромадлар;
в) қурилиш материалларини сертификатлаштириш, мавжуд бинолар ва иншоотларни тиклаш ёки реконструкция қилиш юзасидан уларнинг техник ҳолатини текшириш бўйича шартнома асосида ишларни бажариш ва хизматлар кўрсатишдан, шунингдек лаборатория хизматлари ва қонун ҳужжатларида тақиқланмаган хизматларнинг бошқа турларини кўрсатишдан олинган даромадлар.
21. Қурилиш материалларини сертификатлаштириш, мавжуд бинолар ва иншоотларнинг техник ҳолатини текшириш бўйича бажарилаётган ишлар ва кўрсатилаётган хизматларнинг, шунингдек лаборатория хизматлари ва Инспекция томонидан кўрсатилаётган хизматлар бошқа турларининг қийматини аниқлаш методикаси Ўзбекистон Республикаси Молия вазирлиги билан келишган ҳолда «Давархитектқурилиш» қўмитаси томонидан тасдиқланади.
22. Ҳар ойда Инспекциянинг шартнома асосида тушадиган даромадларининг 10 фоизи Ўзбекистон Республикаси «Давархитектқурилиш» қўмитасига ўтказилади.
23. Инспекция ходимларининг хатти-ҳаракатлари юзасидан «Давархитектқурилиш» қўмитасига ёки судга мурожаат қилиниши мумкин.
24. Ноқонуний хатти-ҳаракатлари ҳамда юридик ва жисмоний шахсларга зарар етказилганлиги учун Инспекция инспекторлари қонун ҳужжатларига мувофиқ жавобгарликка тортилади.
25. Инспекцияни қайта ташкил этиш ва тугатиш қонун ҳужжатларида белгиланган тартибда амалга оширилади.
Кейинги таҳрирга қаранг.
Олдинги таҳрирга қаранг.
(3-илова Ўзбекистон Республикаси Вазирлар Маҳкамасининг 2013 йил 25 февралдаги 54-сонли қарорига асосан ўз кучини йўқотган — ЎР ҚҲТ, 2013 й., 10-сон, 125-модда)
1. Вазирлар Маҳкамасининг 2003 йил 20 августдаги 357-сон қарори (Ўзбекистон Республикаси ҚТ, 2003 й., 8-сон, 72-модда) билан тасдиқланган Тадбиркорлик субъектларини давлат рўйхатидан ўтказиш, ҳисобга қўйиш ва рухсат берувчи ҳужжатларни расмийлаштириш тартиби тўғрисидаги низомда:
Олдинги таҳрирга қаранг.
(1-банднинг «а» кичик банди Ўзбекистон Республикаси Вазирлар Маҳкамасининг 2011 йил 2 ноябрдаги 294-сонли қарорига асосан чиқарилган — ЎР ҚҲТ, 2011 й., 45-46-сон, 470-модда)
Олдинги таҳрирга қаранг.
(1-банднинг «б» кичик банди Ўзбекистон Республикаси Вазирлар Маҳкамасининг 2011 йил 2 ноябрдаги 294-сонли қарорига асосан чиқарилган — ЎР ҚҲТ, 2011 й., 45-46-сон, 470-модда)
Олдинги таҳрирга қаранг.
(1-банднинг «в» кичик банди Ўзбекистон Республикаси Вазирлар Маҳкамасининг 2011 йил 2 ноябрдаги 294-сонли қарорига асосан чиқарилган — ЎР ҚҲТ, 2011 й., 45-46-сон, 470-модда)
Олдинги таҳрирга қаранг.
(1-банднинг «г» кичик банди Ўзбекистон Республикаси Вазирлар Маҳкамасининг 2011 йил 2 ноябрдаги 294-сонли қарорига асосан чиқарилган — ЎР ҚҲТ, 2011 й., 45-46-сон, 470-модда)
Олдинги таҳрирга қаранг.
(1-банднинг «д» кичик банди Ўзбекистон Республикаси Вазирлар Маҳкамасининг 2011 йил 2 ноябрдаги 294-сонли қарорига асосан чиқарилган — ЎР ҚҲТ, 2011 й., 45-46-сон, 470-модда)
Олдинги таҳрирга қаранг.
(1-банднинг «е» кичик банди Ўзбекистон Республикаси Вазирлар Маҳкамасининг 2011 йил 2 ноябрдаги 294-сонли қарорига асосан чиқарилган — ЎР ҚҲТ, 2011 й., 45-46-сон, 470-модда)
Олдинги таҳрирга қаранг.
(1-банднинг «ж» кичик банди Ўзбекистон Республикаси Вазирлар Маҳкамасининг 2011 йил 2 ноябрдаги 294-сонли қарорига асосан чиқарилган — ЎР ҚҲТ, 2011 й., 45-46-сон, 470-модда)
з) 42-банддаги «Ергеодезкадастр» давлат қўмитасининг ҳудудий хизматида» сўзлари «Ер ресурслари, геодезия, картография ва давлат кадастри давлат қўмитасининг ер ресурслари ва давлат кадастри туман (шаҳар) бўлимида (кейинги ўринларда «Ергеодезкадастр» давлат қўмитасининг тегишли ҳудудий хизматлари деб аталади)» сўзлари билан алмаштирилсин;
и) 49-банднинг биринчи хатбоши қуйидаги мазмундаги биринчи — тўртинчи хатбошилар билан алмаштирилсин:
«Ариза берувчи томонидан бино параметрларини ўзгартириш хоҳиши билдирилган тақдирда Инспекция туман (шаҳар) ҳокимининг турар жойни нотурар жой тоифасига ўтказиш тўғрисидаги қарори олинган кунда мазкур Низомда назарда тутилган тартибда:
туман (шаҳар) фойдаланиш ташкилотларига — муҳандислик-коммуникация тармоқларига уланиш учун техник шартларни олиш юзасидан;
туман (шаҳар) архитектура ва қурилиш бошқармасига (бўлимига) — архитектура-режалаштириш топшириғини ишлаб чиқиш юзасидан тегишли буюртма беради.
к) III бўлимнинг «Г» кичик бўлими номидаги «Кимошди савдоларида» сўзлари «танлов асосида» сўзлари билан алмаштирилсин;
«50. Тадбиркорлик субъектларига бизнесни ташкил этиш учун танлов асосида ер участкаси бериш қонун ҳужжатларида белгиланган тартибда амалга оширилади»;
биринчи хатбошидаги «Ишлаб чиқилган лойиҳа-смета ҳужжатларининг» сўзлари «Ишлаб чиқилган лойиҳани» сўзлари билан алмаштирилсин;
«Мазкур Низомнинг 36-бандида назарда тутилган объектларни қуришда лойиҳанинг архитектурага оид қисми келишиш протоколини расмийлаштирмасдан ҳудудий архитектура ва қурилиш бошқармаси бошлиғи томонидан уч кун муддатда бепул асосда амалга оширилади»;
«61-1. Объект қурилиши лойиҳаси келишилгандан ва тасдиқлангандан кейин тадбиркорлик субъекти туман ер участкалари ушбу туманда (шаҳарда) жойлашган тақдирда туман (шаҳар) ҳокимига ёки ер участкалари бир неча туманларда (шаҳарларда) жойлашган тақдирда Қорақалпоғистон Республикаси Вазирлар Кенгашига ва вилоят ҳокимига ер участкаси ажратиш тўғрисида ариза беради.
Ер участкаси ажратиш тўғрисидаги қарор қонун ҳужжатларида белгиланган тартибда туман (шаҳар), вилоят ҳокими ёки Қорақалпоғистон Республикаси Вазирлар Кенгаши томонидан қабул қилинади.
61-2. Давлат ҳокимияти тегишли органининг ер участкаси ажратиш тўғрисидаги қарорини олгандан кейин тадбиркорлик субъекти «Ергеодезкадастр» давлат қўмитасининг тегишли ҳудудий хизматига мурожаат қилади, у 1 иш куни мобайнида ер участкасига бўлган ҳуқуқни рўйхатдан ўтказади ва белгиланган шаклдаги гувоҳнома беради.
Ер участкасига бўлган ҳуқуқни рўйхатдан ўтказганлик учун рўйхатдан ўтказувчи орган томонидан юридик шахслардан энг кам ойлик иш ҳақининг 50 фоизи миқдорида, жисмоний шахслардан эса — 10 фоизи миқдорида тўлов ундирилади»;
«62. Архитектура-шаҳарсозлик кенгаши билан белгиланган тартибда келишиб олинган лойиҳа ҳужжатлари, шунингдек экспертизанинг ижобий хулосаси қурилиш-монтаж ишларини амалга оширишга рухсатнома олиш учун асос ҳисобланади.
Мазкур Низомнинг 36-бандида назарда тутилган объектларни қуришда қурилиш-монтаж ишларини амалга ошириш учун рухсатнома олиш талаб қилинмайди.
63. Қурилиш-монтаж ишларини амалга ошириш учун рухсатнома бериш архитектура ва қурилиш назорати инспекциялари томонидан 2 иш кунидан ортиқ бўлмаган муддатда амалга оширилади.
Архитектура-қурилиш назорати ҳудудий органларининг инспекторлари объектлардаги қурилиш-монтаж ишларининг сифати ва тўлиқ бажарилиши юзасидан назорат функцияларини белгиланган тартибда амалга оширадилар.
Тадбиркорлик субъектлари томонидан қурилиши олиб борилаётган объектларда қурилиш-монтаж ишларининг сифати ва тўлиқ бажарилиши юзасидан назорат функцияларининг амалга оширилганлиги учун шартнома асосида, бироқ қурилиш-монтаж ишлари қийматининг 0,03 фоизидан ортиқ бўлмаган миқдорда ҳақ тўланади, смета ҳисоб-китоби бўлмаганда эса аввал рўйхатга олинган шунга ўхшаш объектлар сингари ҳақ тўланади.
64. Давлат тегишли органининг ер участкаси ажратиш тўғрисидаги қарорини олгандан кейин тадбиркорлик субъектлари туман (шаҳар) архитектура ва қурилиш (бошқармаси) бўлимига ёки хўжалик ҳисобидаги туман (шаҳар) ер тузиш ва кўчмас мулк кадастри хизматига тасдиқланган ва келишилган лойиҳа ҳужжатларининг талаб этиладиган рўйхатини тақдим этади, улар уч иш куни мобайнида ер участкаси чегараларини натурага кўчириб берадилар.
Туман (шаҳар) архитектура ва қурилиш бошқармаси (бўлими) қизил чизиқ ва қурилиш лойиҳасининг таҳлилий ҳисоб-китобини амалга ошириш, ер участкаси, қизил чизиқ, қурилиш чизиғи ва бошқа ажратиш элементлари чегараларини натурага кўчириш ва бириктириш учун аҳоли пунктларидаги ер участкаси чегараларини кўчиришда шаҳарсозлик нормалари ва қоидаларида белгиланган тартибда шартнома асосида туманлар (шаҳарлар)даги «ЎзГАШКЛИТИ» ДУКнинг лойиҳа-қидирув ташкилотлари ваколатхоналарини жалб этади.
Аҳоли пунктларидан ташқарида ер участкаси чегараларини натурага кўчириш хўжалик ҳисобидаги туман (шаҳар) ер тузиш ва кўчмас мулк кадастри хизмати томонидан туман (шаҳар) архитектура ва қурилиш (бошқармаси) бўлимининг ваколатли вакили иштирокида амалга оширилади.
у) 65-банднинг биринчи хатбошидаги «Архитектура ва қурилиш бош бошқармаси» сўзлари «ЎзГАШКЛИТИ» ДУКнинг туман (шаҳар)даги ваколатхонаси» сўзлари билан алмаштирилсин;
«Қабул қилиш комиссияси таркиби шаҳарсозлик нормалари ва қоидаларида белгиланган тартибда аниқланади»;
х) 1 ва 1а-иловалардаги «Муҳандислик таъминоти (газ таъминоти, электр таъминоти, сув таъминоти, иссиқлик таъминоти, канализация, телефон алоқаси) юкламаси ҳисоб-китоби билан бирга лойиҳалаштиришга топшириқни ишлаб чиқишингизни ва қуйидаги тахмин қилинаётган ҳисоб-китоб сиғими бўйича» сўзлари «Ишлаб турган муҳандислик коммуникацияларига (газ таъминоти, электр таъминоти, сув таъминоти, иссиқлик таъминоти, канализация, телефон алоқаси) улаш учун техник шартлар бўйича ҳужжатларни расмийлаштиришингизни ва қуйидаги тахмин қилинаётган ҳисоб-китоб сиғими бўйича» сўзлари билан алмаштирилсин;
Олдинги таҳрирга қаранг.
(1-банднинг «ц» кичик банди Ўзбекистон Республикаси Вазирлар Маҳкамасининг 2011 йил 2 ноябрдаги 294-сонли қарорига асосан чиқарилган — ЎР ҚҲТ, 2011 й., 45-46-сон, 470-модда)
Кейинги таҳрирга қаранг.
2. Вазирлар Маҳкамасининг «Ўзбекистон Республикаси Давлат архитектура ва қурилиш қўмитаси фаолиятини такомиллаштириш чора-тадбирлари тўғрисида» 2003 йил 2 декабрдаги 538-сон қарорининг (Ўзбекистон Республикаси ҚТ, 2003 й., 12-сон, 128-модда) 5-бандидаги «6а» рақами чиқариб ташлансин.
Кейинги таҳрирга қаранг.
3. Вазирлар Маҳкамасининг 2005 йил 15 ноябрдаги 250-сон қарори (Ўзбекистон Республикаси ҚТ, 2005 й., 11-сон, 60-модда) билан тасдиқланган Давлат шаҳарсозлик кадастрини юритиш тартиби тўғрисидаги низомда:
а) 2-банддаги «баҳоси» сўзидан кейин «шаҳарсозлик фаолиятини амалга ошириш учун зарур бўлган бошқа маълумотлар» сўзлари қўшилсин;
«Шаҳарсозлик фаолияти амалга ошириладиган Ўзбекистон Республикаси ҳудуди ва ҳудудининг қисмлари, аҳоли пунктлари ҳудудлари ва ҳудудларининг қисмлари, аҳоли жойлашишининг умумдавлат ва минтақавий тизимлари, ер участкалари, бинолар ва иншоотлар, ҳудудий-ишлаб чиқариш, шаҳарсозлик ва ландшафт комплекслари, рекреацион зоналар ва ишлаб чиқариш зоналари, маданий мерос объектлари ва уларнинг муҳофаза зоналари, акваторийлар, муҳандислик ва транспорт коммуникациялари Давлат шаҳарсозлик кадастрининг объектлари ҳисобланади»;
ҳудудларнинг, кўчмас мулк, муҳандислик, транспорт ва ижтимоий инфратузилма объектларининг аниқ манзилли реестрлари;
ҳудудларни ривожлантириш ва қуриш тўғрисидаги тасдиқланган шаҳарсозлик ҳужжатлари ҳақидаги маълумотлар;
ҳудудларни қуриш ҳамда шаҳарсозлик фаолияти объектларидан фойдаланиш бўйича шаҳарсозлик регламентлари тўғрисидаги маълумотлар;
г) 9-банддаги «ҳудудий архитектура ва қурилиш органлари ҳамда маҳаллий давлат ҳокимияти ва бошқаруви органлари» сўзлари «Давархитектқурилиш» қўмитаси ва «Ергеодезкадастр» давлат қўмитаси бўлинмалари, лойиҳалаштириш ташкилотлари, маҳаллий давлат ҳокимияти органлари ва муҳандислик-техник тадқиқотларнинг электрон геофонди объектлари тўғрисидаги маълумотларга эга бўлган бошқа ташкилотлар» сўзлари билан алмаштирилсин;
«10-1. Кадастр объекти — шаҳарсозлик маълумотномаси, объектнинг шаҳарсозлик паспорти, кадастр дафтари, кадастр объектларининг ҳолати тўғрисидаги ҳисоботларга мулк ҳуқуқини ва бошқа ҳуқуқларни тасдиқловчи ҳужжатлар кадастр ҳужжатларининг асосий турлари ҳисобланади.
Шаҳарсозлик маълумотномаси манфаатдор шахсларнинг сўровига мувофиқ тақдим этилади, давлат шаҳарсозлик кадастри объектининг ҳолати тўғрисидаги ҳисоботдан шакллантирилади, унда объектнинг миқдор ва/ёки сифат ҳолати, баҳоси, объект жойлашган жой тасвирланган харита (тархлар), унинг чегаралари, муҳофаза зоналари, ҳудудда ўрнатилган шаҳарсозлик регламентлари тўғрисидаги маълумотлар, шунингдек бошқа маълумотлар кўрсатилади.
Объектнинг шаҳарсозлик паспорти шаҳарсозлик фаолияти объекти яратилганлигини (тикланганлигини), ҳудуди ва алоҳида объект ҳолати ўзгартирилганлигини ёки фойдаланилганлиги ҳолларини тасдиқлайди, унда кадастр объектига ҳуқуқларни шакллантириш, ҳисобга олиш ва кейинчалик давлат рўйхатидан ўтказиш учун зарур бўлган кадастр суратга олиш ва техник хатловдан ўтказиш, махсус текширишлар ва тадқиқотлар, кадастр объектини сифат ва миқдор жиҳатидан баҳолаш ҳужжатлари ва материаллари бўлади»;
Давлат шаҳарсозлик кадастрининг электрон манбалардаги ахборот базаси Автоматлаштирилган геоахборот қидирув тизими сифатида шакллантирилади.
Давлат шаҳарсозлик кадастрининг Автоматлаштирилган геоахборот тизими давлат ахборот ресурси ҳисобланади»;
«14. Давлат шаҳарсозлик кадастрини юритиш «Давархитектқурилиш» қўмитаси тизимига кирувчи таркибий бўлинмалар (кейинги ўринларда давлат шаҳарсозлик кадастрини юритувчи бўлинмалар деб аталади) томонидан амалга оширилади.
«Ўзбекистон қурилишда муҳандислик қидирувлари, геоахборот ва шаҳарсозлик кадастри лойиҳа илмий-текшириш институти» давлат унитар корхонаси («ЎзГАШКЛИТИ» ДУК, кейинги ўринларда бош ташкилот деб аталади) Давлат шаҳарсозлик кадастри соҳасида ягона илмий ва техник сиёсатни юритиш бўйича «Давархитектқурилиш» қўмитасининг ваколатли ташкилоти ҳисобланади»;
Давлат шаҳарсозлик кадастрининг Автоматлаштирилган геоахборот тизими жорий этилишини ва фаолият кўрсатишини таъминлайди;
маълумотлар базаси таркибини ишлаб чиқади, уларни Давлат шаҳарсозлик кадастрини юритувчи бўлинмаларга беради, маълумотлар базаси тўғри тўлдирилиши юзасидан назорат олиб боради;
Давлат шаҳарсозлик кадастрини юритувчи бўлинмалар ходимларини Давлат шаҳарсозлик кадастрининг Автоматлаштирилган геоахборот тизимида ишлашга ўқитилишини ташкил этади;
Давлат шаҳарсозлик кадастрини юритувчи бўлинмалар томонидан тақдим этилган кадастр ахборотини туркумлаштиради ва уларни Давлат шаҳарсозлик кадастрининг Автоматлаштирилган геоахборот тизимига киритади;
Давлат шаҳарсозлик кадастрининг янги объектлари тўғрисидаги ҳисобга олиш ва баҳолаш маълумотлари тўпланишини назорат қилади;
ҳар йили белгиланган тартибда ДКЯТга Давлат шаҳарсозлик кадастри объектларининг ҳолати ва улардан фойдаланилиши тўғрисида ахборот тақдим этади;
Давлат шаҳарсозлик кадастри объектларининг миқдор ва сифат ҳолати тўғрисидаги жорий ўзгаришларни тўплайдилар ва туркумлаштирадилар;
Давлат шаҳарсозлик кадастри объектларининг кадастр китобларини юритадилар, ўз ваколатлари доирасида ўз маълумотлар базасини юритадилар ҳамда уларни туркумлаштириш ва Давлат шаҳарсозлик кадастрининг Автоматлаштирилган геоахборот тизимига киритиш учун «Давархитектқурилиш» қўмитасининг бош ташкилотига берадилар;
Давлат шаҳарсозлик кадастри янги объектларини ҳисобга қўядилар, улар тўғрисида ҳисобга олиш ва баҳолаш маълумотларини тўплайдилар;
«Рўйхатга олинадиган Давлат шаҳарсозлик кадастри объектлари тўғрисидаги ахборотлар интеграциялашган блокларга ажратилади, улар қуйидаги кичик тизимлардан иборат бўлади:
л) 22-банднинг учинчи хатбошидаги «автоматлаштирилган ахборот тизимига» сўзлари «автоматлаштирилган геоахборот тизимига» сўзлари билан алмаштирилсин;
«22-1. Давлат шаҳарсозлик кадастри таркибида муҳандислик-техник қидирувларнинг электрон геофонди юритилади, у Давлат шаҳарсозлик кадастрининг Автоматлаштирилган геоахборот тизимини географик (картографик) таъминлаш манбаи ҳисобланади. Муҳандислик-техник қидирувларнинг электрон геофонди ушбу Низом талаблари ҳисобга олинган ҳолда юритилади.
лойиҳалаштириш, қуриш, ер ости ва ер усти объектларини, транспорт ва муҳандислик коммуникацияларини ишлатиш масалаларини ҳал этиш учун муҳандислик-геология, гидрогеология, геофизика ва бошқа қидирув ва тадқиқот материалларидан;
н) Давлат шаҳарсозлик кадастрини юритиш тартиби тўғрисидаги низомга илова матни қуйидаги таҳрирда баён қилинсин:
4. Вазирлар Маҳкамасининг 2009 йил 12 февралдаги 41-сон қарори билан тасдиқланган Аҳоли пунктлари комплекс қурилишини назорат қилиш ҳудудий комиссияси тўғрисидаги низом 5-бандининг бешинчи хатбошига «жазо чораларини қўллаш» сўзларидан кейин «шунингдек айбдор шахсларни қонун ҳужжатларида назарда тутилган жавобгарликка тортиш» сўзлари қўшилсин.
5. Вазирлар Маҳкамасининг 2009 йил 2 июлдаги 184-сон қарори (Ўзбекистон Республикаси ҚТ, 2009 й., 7-сон, 53-модда) билан тасдиқланган Туманлар (шаҳарлар) ҳокимликлари ҳузуридаги тадбиркорлик субъектларини рўйхатдан ўтказиш инспекциялари томонидан якка тартибда уй-жой қуриш (реконструкция қилиш)ни амалга оширишга рухсатномаларни расмийлаштириш, лойиҳаларни ваколатли органларда бир жойнинг ўзида келишиш тартиби тўғрисидаги низом 16-бандининг олтинчи хатбоши чиқариб ташлансин.
Кейинги таҳрирга қаранг.
1. Вазирлар Маҳкамасининг «Қурилиш объектларини рўйхатдан ўтказиш ва қурилиш-монтаж ишларини бошлашга рухсатнома бериш тартиби тўғрисидаги низомни тасдиқлаш ҳақида» 2000 йил 29 декабрдаги 509-сон қарори (Ўзбекистон Республикаси ҚТ, 2000 й., 12-сон, 83-модда).
2. Вазирлар Маҳкамасининг «Ўзбекистон Республикаси Давлат архитектура ва қурилиш қўмитаси фаолиятини такомиллаштириш чора-тадбирлари тўғрисида» 2003 йил 2 декабрдаги 538-сон қарори (Ўзбекистон Республикаси ҚТ, 2003 й., 12-сон, 128-модда) 2-бандининг учинчи хатбоши, шунингдек қарорга 3 ва 6а-иловалар.
3. Вазирлар Маҳкамасининг «Хавфли ишлаб чиқариш объектларининг саноат хавфсизлиги тўғрисида»ги Ўзбекистон Республикаси Қонунини амалга оширишга доир қўшимча чора-тадбирлар ҳақида» 2008 йил 10 декабрдаги 271-сон қарорига (Ўзбекистон Республикаси ҚТ, 2008 й., 12-сон, 64-модда) 6-илова.
4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Тадбиркорлик фаолиятини янада қўллаб-қувватлаш ва ривожлантириш чора-тадбирлари тўғрисида» 2009 йил 15 майдаги ПҚ–1112-сон қарори)» 2009 йил 5 июндаги 152-сон қарорига илова 3-бандининг «о», «п», «р» кичик бандлари (Ўзбекистон Республикаси ҚТ, 2009 й., 6-сон, 41-модда).
5. Вазирлар Маҳкамасининг «Ўзбекистон Республикаси Давлат архитектура ва қурилиш қўмитаси таркибидаги Қорақалпоғистон Республикаси Давлат архитектура ва қурилиш қўмитаси, вилоятлар ва Тошкент шаҳар архитектура ва қурилиш бош бошқармалари ҳамда шаҳар ва туман архитектура ва қурилиш бошқармалари (бўлимлари) фаолиятини такомиллаштириш тўғрисида» 2009 йил 11 ноябрдаги 294-сон қарорига 3-илованинг 1-банди.