Қонун ҳужжатлари бузилганлиги учун ушланган транспорт воситаларини тўхташ жойларига олиб келиш, жойлаштириш ва сақлашда қонунийликни таъминлаш, санитария ва ёнғинга қарши қоидаларга риоя қилиш, сақлаш жойларига қўйиладиган талабларни белгилаш, транспорт воситалари сақланиши учун жавобгарликни ошириш мақсадида Вазирлар Маҳкамаси қарор қилади:
қонун ҳужжатларида белгиланган ҳолларда ваколатли давлат органлари томонидан ушланган транспорт воситаларини сақлаш Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан танлаб олинган юридик шахслар томонидан амалга оширилади;
ушланган транспорт воситаларини сақлаш бўйича хизматлар кўрсатиш учун танлаб олинган юридик шахслар ваколатли давлат органининг хабари (мурожаати) асосида қонун ҳужжатлари бузилганлиги учун ушланган транспорт воситаларини сақлаш жойига олиб келишни (ташишни) таъминлайдилар;
транспорт воситаларини олиб келиш (ташиш) ва сақлаш бўйича кўрсатиладиган хизматлар учун тўловларнинг чекланган миқдорлари Ўзбекистон Республикаси Молия вазирлиги билан келишган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан белгиланади.
Қонун ҳужжатлари бузилганлиги учун ушланган транспорт воситаларини тўхташ жойларига олиб келиш, жойлаштириш ва сақлаш тартиби тўғрисидаги низом 1-иловага мувофиқ;
Қонун ҳужжатлари бузилганлиги учун ушланган транспорт воситаларини сақлаш хизматлари кўрсатувчи юридик шахслар танловини ўтказиш тартиби тўғрисидаги низом 2-иловага мувофиқ;
Кейинги таҳрирга қаранг.
Қонун ҳужжатлари бузилганлиги учун ушланган транспорт воситаларини сақлаш хизматлари кўрсатиш бўйича фаолиятни амалга ошириш тартиби тўғрисидаги низом 3-иловага мувофиқ тасдиқлансин.
бир ой муддатда — Ўзбекистон Республикаси Молия вазирлиги билан келишган ҳолда транспорт воситаларини олиб келиш (ташиш) ва сақлаш бўйича кўрсатиладиган хизматлар учун тўловнинг чекланган миқдорини тасдиқласинлар;
икки ой муддатда — транспорт воситаларини сақлаш бўйича хизматлар кўрсатувчи юридик шахслар танловини ўтказсинлар;
ушбу қарор талаблари бажарилиши тўғрисида Ўзбекистон Республикаси Вазирлар Маҳкамасига 2012 йил 15 январда ахборот берсинлар.
4. Ўзбекистон Республикаси Ички ишлар вазирлиги Адлия вазирлиги ҳамда бошқа манфаатдор вазирликлар ва идоралар билан биргаликда:
бир ой муддатда — қонун ҳужжатларига ушбу қарордан келиб чиқадиган ўзгартиришлар ва қўшимчалар тўғрисида;
икки ой муддатда — Ўзбекистон Республикасининг Маъмурий жавобгарлик тўғрисидаги кодексига тўхташ ва тўхтаб туриш қоидалари бузилганлиги учун транспорт воситаларини ушлашни ва тўхташ жойига мажбурий олиб келишни назарда тутадиган ўзгартиришлар ва қўшимчалар ҳақида таклифлар киритсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.А. Хўжаев ва Ўзбекистон Республикаси Ички ишлар вазири Б.А. Матлюбов зиммасига юклансин.
1. Ушбу Низом қонун ҳужжатлари бузилганлиги учун ушланган транспорт воситаларини (кейинги ўринларда транспорт воситалари деб аталади) тўхташ жойларига олиб келиш, жойлаштириш ва сақлаш тартибини белгилайди.
Кейинги таҳрирга қаранг.
2. Давлат органининг транспорт воситаларини ушлаш ҳуқуқига эга бўлган, ушланган транспорт воситасини тўхташ жойига жойлаштириш тўғрисида қарор қабул қилган ваколатли ходими бу ҳақда тегишли давлат органининг навбатчилик қисмига хабар беради.
Давлат органининг хабарни қабул қилган навбатчилик қисми ходими ушбу хабарни қайд этади ва ички ишлар органининг ҳудудий бўлинмаси навбатчилик қисмига ва Йўл ҳаракати хавфсизлиги ҳудудий бошқармасининг Марказий диспетчерлик хизматига маълум қилади.
3. Ҳайдовчи ҳозир бўлмаганда транспорт воситаси ушланганлиги тўғрисида дарҳол ички ишлар ҳудудий органининг навбатчилик қисмига маълум қилинади. Ички ишлар органининг тезкор навбатчиси транспорт воситасининг эгасини (эгасининг вакилини) аниқлаш учун ўзининг имкони етган барча чораларни кўради ва имкони борича қисқа муддатда транспорт воситаси ушланганлиги тўғрисида эгасини (эгасининг вакилини) хабардор қилади.
Кейинги таҳрирга қаранг.
4. Йўл ҳаракати хавфсизлиги бошқармасининг Марказий диспетчерлик хизмати тегишли ҳудудда транспорт воситаларини олиб келиш ва сақлаш бўйича хизматлар кўрсатувчи юридик шахснинг вакили ва зарур махсус техник восита ушлаш жойига дарҳол юборилиши чораларини кўради.
Кейинги таҳрирга қаранг.
5. Транспорт воситасини ушлаган давлат органининг ваколатли ходими ўз ваколатлари доирасида ҳайдовчини транспорт воситасини бошқаришдан четлатиш юзасидан зарур хатти-ҳаракатларни амалга оширади, маъмурий ҳуқуқни бузиш тўғрисидаги баённомани ёки транспорт воситаси ушланганлиги тўғрисидаги қарорни расмийлаштиради, транспорт воситаси тўхташ жойига жойлаштирилган тақдирда ундаги мол-мулк рўйхатини ўз ичига оладиган тегишли далолатномани тузади.
Кейинги таҳрирга қаранг.
Далолатнома нусхаси унга нисбатан кўрсатиб ўтилган чора қўлланилган шахсга, шунингдек транспорт воситасини тўхташ жойида сақлаш учун масъул бўлган шахсга топширилади.
Кейинги таҳрирга қаранг.
Олдинги таҳрирга қаранг.
транспорт воситасини тўхташ жойига жойлаштириш мақсадида уни қабул қилиш учун ёнида хизмат гувоҳномасига ҳамда юридик шахс томонидан берилган ва унинг муҳри билан тасдиқланган (тадбиркорлик субъектларидан муҳр билан тасдиқлаш талаб қилинмайди) транспорт воситаларини ташиш (эвакуация қилиш) ҳуқуқини берувчи ишончномага эга бўлиши керак;
(6-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 10 августдаги 661-сонли қарори таҳририда — Қонун ҳужжатлари маълумотлари миллий базаси, 11.08.2019 й., 09/19/661/3571-сон)
маъмурий ҳуқуқни бузиш тўғрисидаги баённома ёки транспорт воситасини ушлаш тўғрисидаги қарор асосида қабул қилиш-топшириш далолатномасини тузган ва конструкцияда кириш назарда тутилган жойларни (эшиклар, багажник, капот, бензин баки қопқоғи ва ҳоказолар) сурғучлаган ҳолда ушланган транспорт воситасини кўздан кечиради ва уни ваколатли ходимдан қабул қилиб олади;
8. Тўхташ жойидаги транспорт воситаси олдига ҳайдовчининг (эгасининг, эгасининг вакилининг) келишига фақат транспорт воситасини тўхташ жойига жойлаштириш тўғрисида қарор қабул қилган органнинг рухсатидан кейин, уни сақлаш тўғрисидаги масъул шахс ҳозир бўлганида йўл қўйилади, бу ҳақда ташриф буюрганларни ҳисобга олиш журналида ёзув қайд этилади.
Ташриф буюрганларни ҳисобга олиш журнали ип ўтказиб тикилади ва ички ишлар органлари томонидан рўйхатга олинади.
9. Транспорт воситасини ушлаш муддати маъмурий ҳуқуқни бузиш тўғрисида баённома тузилган ёки транспорт воситасини ушлаш тўғрисида қарор чиқарилган пайтдан бошлаб ҳисобланади.
Кейинги таҳрирга қаранг.
Транспорт воситасини сақлаш муддати у тўхташ жойига жойлаштирилган пайтдан бошлаб соатларда ҳисобланади.
Кейинги таҳрирга қаранг.
10. Ваколатли мансабдор шахс транспорт воситаси ушланганлиги сабаблари бартараф этилгандан кейин тўхташ жойига жойлаштирилган транспорт воситасини ҳайдовчига (эгасига, эгасининг вакилига) беришга ёзма рухсатнома беради.
Олдинги таҳрирга қаранг.
Ушбу рухсатнома лавозими, унвони (мавжуд бўлса), фамилияси, исми, отасининг исми, сана ва вақт кўрсатилган ва муҳр билан тасдиқланган ҳолда (тадбиркорлик субъектларидан муҳр билан тасдиқлаш талаб қилинмайди) раҳбар ёки ваколатли мансабдор шахс томонидан имзоланади.
(10-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 10 августдаги 661-сонли қарори таҳририда — Қонун ҳужжатлари маълумотлари миллий базаси, 11.08.2019 й., 09/19/661/3571-сон)
Кейинги таҳрирга қаранг.
11. Транспорт воситаси ҳайдовчига (эгасига, эгасининг вакилига) транспорт воситаларини олиб келиш ва сақлаш бўйича кўрсатилган хизматлар учун ҳақ тўлангандан кейин ваколатли мансабдор шахснинг ёзма рухсатномаси асосида берилади.
12. Ушланган транспорт воситалари ҳисоби юридик шахслар томонидан Ўзбекистон Республикаси Ички ишлар вазирлигининг Йўл ҳаракати хавфсизлиги бош бошқармаси томонидан белгиланадиган шакллар бўйича юритилади.
Кейинги таҳрирга қаранг.
13. Транспорт воситасини ташиш ёки сақлаш пайтида унга ва унинг ичидаги мол-мулкка етказилган зарар қонун ҳужжатларига мувофиқ қопланади.
14. Транспорт воситаси қабул қилиш-топшириш далолатномаси бўйича тўхташ жойи вакилига берилгунига қадар транспорт воситасининг сақланиши учун транспорт воситаси эгаси олдида қонун ҳужжатларига мувофиқ тегишли давлат органлари жавоб берадилар.
15. Транспорт воситаси тўхташ жойига жойлаштирилгандан кейин унинг сақланиши учун транспорт воситаларини тўхташ жойига олиб келиш ва сақлаш бўйича хизматлар кўрсатувчи юридик шахслар жавоб берадилар.
16. Ушбу Низом талаблари бузилишида айбдор бўлган шахслар қонун ҳужжатларига мувофиқ жавоб берадилар.
17. Ушбу Низом талабларига риоя қилиниши устидан назорат қилиш ишларини умумий мувофиқлаштириш Ўзбекистон Республикаси Ички ишлар вазирлигининг Йўл ҳаракати хавфсизлиги бош бошқармаси томонидан амалга оширилади.
Кейинги таҳрирга қаранг.
Кейинги таҳрирга қаранг.
1. Ушбу Низом қонун ҳужжатлари бузилганлиги учун ушланган транспорт воситаларини (кейинги ўринларда транспорт воситалари деб аталади) сақлаш хизматлари кўрсатувчи юридик шахслар танловини ўтказиш тартибини белгилайди.
2. Транспорт воситаларини сақлаш бўйича пулли хизматлар кўрсатиш фаолиятини амалга оширишда қонун ҳужжатлари талабларига энг тўлиқ риоя этилишини таъминлашга қодир бўлган юридик шахсларни аниқлаш танлов ўтказишнинг мақсади ҳисобланади.
Танлов Ўзбекистон Республикасининг ҳар бир минтақаси (Қорақалпоғистон Республикаси, вилоятлар ва Тошкент шаҳри) бўйича алоҳида ўтказилади.
Ҳар бир минтақада танлов асосида, минтақанинг маъмурий-ҳудудий бўлинишининг жойлашишидан келиб чиққан ҳолда транспорт воситаларини сақлаш хизматлари кўрсатувчи бир неча юридик шахслар аниқланиши мумкин.
3. Танловнинг барча қатнашчилари учун тенг рақобат шароитлари яратиш, ошкоралик, баҳолашнинг холислиги ва талабларнинг ягоналиги танловни ташкил этиш ва ўтказишдаги асосий принциплар ҳисобланади.
4. Танлов очиқ ҳисобланади ва унда Ўзбекистон Республикасида белгиланган тартибда рўйхатдан ўтказилган ҳар қандай юридик шахс қатнашиши мумкин.
Банкрот деб эълон қилинган ёки тугатиш босқичида бўлган ёхуд мол-мулки хатланган талабгорлар танловда иштирок этишга қўйилмайди.
танлов комиссияси — транспорт воситаларини сақлаш бўйича пулли хизматлар кўрсатиш фаолиятини амалга оширишда қонун ҳужжатлари талабларига энг тўлиқ риоя этилишини таъминлашга қодир бўлган юридик шахсларни аниқлаш учун Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ташкил этиладиган доимий орган;
танлов ҳужжатлари — транспорт воситаларини сақлаш бўйича хизматлар кўрсатувчи юридик шахслар фаолиятини ташкил этишга тааллуқли норматив-ҳуқуқий ҳужжатлар, танлов предметининг ташкилий ва бошқа тавсифлари тўғрисидаги маълумотлардан иборат бўлган ҳужжатлар туркуми;
танлов таклифлари — танлов қатнашчисининг транспорт воситаларини сақлаш бўйича пулли хизматлар кўрсатиш фаолиятини амалга оширишда қонун ҳужжатлари талабларига мувофиқлигини тасдиқловчи ҳужжатлари;
танлов шартлари — танлов жараёнига қўйиладиган жами талаблар, шу жумладан уни ўтказиш санаси, танлаш мезонлари, танлов ҳужжатларини олиш жойи, юридик шахслар томонидан танлов таклифларини бериш муддати, танлов таклифларини очиш жойи, санаси ва вақти;
ваколатли вакил — танловда қатнашиш учун талабгор томонидан ишончнома асосида вакил қилинган жисмоний шахс;
танлов ғолиби — танловнинг таклифлари танловнинг бошқа қатнашчиларига нисбатан белгиланган талабларга энг тўлиқ жавоб берадиган қатнашчиси.
6. Танлов доимий асосда ишлайдиган танлов комиссияси (кейинги ўринларда комиссия деб аталади) томонидан ўтказилади.
7. Комиссия таркиби Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг қарори билан тасдиқланади.
Олдинги таҳрирга қаранг.
Кейинги таҳрирга қаранг.
Комиссия таркибига маҳаллий давлат ҳокимияти органлари, Молия вазирлиги, Давлат солиқ қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ички ишлар вазирлиги, Қурилиш вазирлиги ҳамда Савдо-саноат палатасининг ҳудудий бўлинмалари вакиллари киритилади.
(7-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 14 июндаги 498-сонли қарори таҳририда — Қонун ҳужжатлари маълумотлари миллий базаси, 20.06.2019 й., 09/19/498/3310-сон)
Комиссияга тегишли равишда Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг ўринбосарлари бошчилик қилади.
Комиссия, заруриятга кўра, комиссия раиси, шунингдек унинг аъзолари тақдимига биноан, ярим йилда бир марта чақирилади.
а) танлов ҳужжатлари таркибини (шаклини) ҳамда юридик шахсларнинг танлов таклифларини, танлов қатнашчиларига қўйиладиган малака талабларини ва бошқа талабларни тасдиқлайди;
б) танлов ҳужжатлари туркуми қиймати миқдорини уни тайёрлашнинг ҳақиқий таннархи бўйича, эълонларни чоп этишга харажатларни ҳисобга олган ҳолда тасдиқлайди;
в) танловни ўтказиш, уни ўтказиш санаси тўғрисида қарор қабул қилади, танлов ҳужжатлари олиш жойини, юридик шахслар томонидан танлов таклифларини бериш муддатини, танлов таклифларини очиш жойи, санаси ва вақтини белгилайди;
г) юридик шахсларнинг танлов таклифлари қайд этилган конвертларни очишни белгиланган тартибда амалга оширади, уларнинг танлов ҳужжатларида назарда тутилган талабларга (ҳужжатларни тақдим этишнинг тўлиқлиги, расмийлаштириш ва шу кабиларга) мувофиқлигини текширади, танлов таклифларини белгиланган мезонларга мувофиқ баҳолайди ва танлов натижалари бўйича баённомани тасдиқлайди;
д) зарурият бўлганда, танлов таклифларини баҳолаш учун мустақил экспертларни (маслаҳатчиларни) жалб этади;
е) транспорт воситаларини сақлаш бўйича хизматлар кўрсатиш ҳуқуқи юзасидан юридик шахслар билан контрактлар тузади;
ж) транспорт воситаларини сақлаш бўйича хизматлар кўрсатиш ҳуқуқи юзасидан юридик шахслар билан контрактлар шартларининг бажарилишини текшириш ва мониторингини олиб боришни белгиланган тартибда амалга оширади;
з) ушбу Низомда назарда тутилган ҳолатларда, янги танлов ўтказган ҳолда, транспорт воситаларини сақлаш бўйича хизматлар кўрсатиш ҳуқуқини бекор қилиш тўғрисида қарор қабул қилади;
9. Комиссия қарорлари, агар мажлисда унинг аъзоларининг камида тўртдан уч қисми қатнашса қонуний ҳисобланади. Қарорлар комиссиянинг мажлисда қатнашадиган аъзоларининг оддий кўпчилик овози билан қабул қилинади. Овозлар тенг бўлган тақдирда комиссия раисининг овози ҳал қилувчи овоз ҳисобланади.
Комиссия қарорлари ёзма равишда, баённомалар шаклида расмийлаштирилади ва комиссия мажлисидан кейин беш иш куни мобайнида қатнашчиларга етказилади.
10. Комиссия фаолиятини ташкил этиш Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари қарори билан белгиланадиган ишчи органга юкланади. Ишчи органни Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг масъул ходими бошқаради.
а) танлов ҳужжатларини тайёрлайди, танлов ўтказилишидан камида 30 кун олдин танлов предметини, унинг асосий шартларини, уни ўтказиш тартиби, вақти ва жойини, шу жумладан танлов қатнашчилари томонидан ҳужжатларни расмийлаштириш тартибини оммавий ахборот воситалари орқали эълон қилади;
б) танлов комиссияси аъзоларини чақиришни, уларга иш хоналари, ташкилий-техника ва мажлисларни ўтказиш учун сарфланадиган материалларни ажратишни ташкил қилади, шунингдек танловни зарур даражада ўтказишга доир бошқа чора-тадбирларни кўради;
в) қатнашчиларнинг танлов таклифларини қабул қилади ҳамда таклифларнинг ҳисобга олинишини, сақланишини, уларнинг танлов комиссияси томонидан белгиланган тартибда очилгунгача бўлган даврда махфийлигини таъминлайди.
г) танлов комиссияси томонидан жалб этиладиган экспертлар ва маслаҳатчиларнинг фаолиятини мувофиқлаштиради, шунингдек уларнинг хизматларига ҳақ тўлаш бўйича харажатларни амалга оширади.
12. Танловда қатнашишни хоҳловчи талабгорлар танлов ҳужжатлари туркумини олиш учун комиссияга ёзма буюртманома беришлари керак. Буюртманомалар бериш ва танлов ҳужжатларини олиш учун белгиланган муддат танлов ўтказиладиган санадан 5 кун олдин тугайди. Барча буюртманомалар комиссиянинг тартиб рақами қўйилган ва ип ўтказиб тикилган журналида рўйхатдан ўтказилади.
транспорт воситаларини сақлаш бўйича хизматлар кўрсатувчи юридик шахсларнинг фаолиятига тааллуқли норматив-ҳуқуқий ҳужжатлар;
14. Талабгор танлов ҳужжатлари туркуми қийматини уни тайёрлашнинг ҳақиқий таннархи бўйича, эълонларни чоп этишга харажатларни ҳисобга олган ҳолда тўлаши керак. Тушган маблағлар Қорақалпоғистон Республикаси Вазирлар Кенгашининг (вилоятлар, Тошкент шаҳар ҳокимлигининг) махсус ҳисоб рақамига ўтказилади ва улардан фақат танловни ўтказишни ташкил этиш учун фойдаланилади. Ушбу маблағларни фақат комиссия раиси сарфлаш ҳуқуқига эга.
15. Талабгор танловда қатнашиш учун комиссия томонидан белгиланган шакл бўйича танлов таклифларини тақдим этади.
16. Ҳужжатлар шахсан, сурғучланган конвертда чопар билан ёки почта орқали юборилади ва фақат комиссия мажлисида очилади.
17. Танловда қатнашиш учун юборилган ҳужжатлар ишчи органнинг вакили томонидан рўйхатга мувофиқ қабул қилинади, рўйхатнинг нусхаси ҳужжатлар қабул қилинган сана қайд этилган ҳолда талабгорга юборилади (тақдим этилади).
19. Талабгор томонидан танлов таклифлари тўлиқ бўлмаган ҳажмда ёки белгиланган талаблар бузилган ҳолда тақдим этилган тақдирда танлов таклифи танловда қатнашишга қўйилмайди ва талабгорга қайтарилади.
20. Танлов таклифлари топширилгандан кейин қатнашчилар уларга бирон-бир тузатиш киритиш ҳуқуқига эга эмас.
г) транспорт воситасининг сақлаш жойига ўз вақтида етказиб берилишини таъминлаш учун махсус техника воситаларининг (эвакуаторлар, тиркаш тросларининг) мавжудлиги;
е) транспорт воситаларини сақлаш бўйича хизматлар кўрсатиш фаолиятига қўйиладиган талабларга риоя этиш учун талабгорда имкониятлар мавжудлиги тўғрисида далолат берувчи бошқа қўшимча маълумотлар.
Қатнашчи танлов таклифларининг барча бандлари бўйича комиссия томонидан белгиланган шаклга биноан тўлиқ ва батафсил маълумотлар тақдим этиши шарт.
22. Танлов таклифлари қайд этилган конвертлар белгиланган кун ва соатда танлов комиссияси томонидан очилади.
Қатнашчилар ёки уларнинг ваколатли вакиллари танлов таклифлари қайд этилган конвертни очишда иштирок этиши мумкин.
Танлов таклифлари қайд этилган конвертни очишда шартлар ва тартиб-қоидаларга риоя қилиниши, танлов ҳужжатларида кўрсатилган ҳужжатларнинг мавжудлиги танлов комиссияси томонидан текширилади.
а) битта транспорт воситасининг тўхташ жойи учун тавсия этилаётган майдон учун — ҳисобланган даражадагидан (25 кв метр) ортиқ бўлган ҳар бир пункт учун ортиб борувчи коэффициент қўлланган ҳолда, беш балли тизим бўйича;
б) сақлаш ва ёнғин хавфсизлигини таъминлаш бўйича тадбирлар учун — ўн балли тизим бўйича. Баҳолаш қуйидаги тарзда амалга оширилади:
бинолар билан тўхтаб туришга қўйилган транспорт воситаси оралиғидаги норматив бўйича ёнғин хавфсизлиги масофасини (6 м) таъминлаганлик учун — 5 балл. Ёнғинга қарши нормативдан ортиқ масофа (6 метрдан ортиқ) таъминланган тақдирда ёнғинга қарши масофанинг оширилган ҳар бир метри учун ортиб борувчи коэффициент қўлланади;
тўхташ жойидан ёнғин гидрантигача 150 метр масофада ташқи ёнғинга қарши сув таъминоти тизими таъминлаганлиги учун — 5 балл. Тўхташ жойидан ёнғин гидрантигача бўлган масофа камайтирилган тақдирда масофанинг ҳар бир метри учун ортиб борувчи коэффициент қўлланади;
в) транспорт воситаларини олиб келиш ва сақлаш бўйича хизматлар кўрсатиш қиймати учун — Ўзбекистон Республикаси Молия вазирлиги билан келишган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан белгиланадиган чекланган миқдор даражасига нисбатан камайтирилган ҳар бир пункт учун ортиб борувчи коэффициент қўлланган ҳолда, ўн балли тизим бўйича;
г) махсус техника воситаларининг (эвакуаторлар, тиркаш тросларининг) мавжудлиги учун — табақалаштирилган баллар бўйича (ҳар бир эвакуатор учун — 5 баллдан ва ҳар бир тиркаш троси учун — 3 баллдан);
Қатнашчи танлов таклифларининг якуний баҳоси юқорида санаб ўтилган кўрсаткичлар бўйича балларни қўшиш йўли билан аниқланади.
Танлов натижаларига кўра бир неча қатнашчининг танлов таклифлари тенг баҳолар олган тақдирда ғолиб комиссия аъзоларининг ёпиқ овоз бериши орқали аниқланади.
24. Танловни ташкил этиш ва ўтказиш, танлов таклифларини баҳолаш, шунингдек транспорт воситаларини сақлаш бўйича хизматлар кўрсатиш юзасидан контрактлар учун зарур бўлган шакллар ва йўриқнома-услубий ҳужжатлар комиссиянинг ишчи органи томонидан ишлаб чиқилади ва комиссия томонидан тасдиқланади.
25. Танлов комиссияси танлов натижаларини танлов таклифлари қайд этилган конвертлар очилган санадан бошлаб 10 календарь кунгача бўлган муддатда баённома тарзида расмийлаштиради.
Баённома танлов комиссиясининг барча аъзолари томонидан имзоланади ва комиссия раиси томонидан тасдиқланади.
Танлов қатнашчилари баённома комиссия раиси томонидан тасдиқлангандан кейин у билан танишиш ҳуқуқига эгадирлар.
26. Танлов якунлари тўғрисидаги баённома асосида танлов ғолиби билан комиссия ўртасида икки ҳафта муддатда, қоидага кўра, 10 йил муддатга транспорт воситаларини сақлаш бўйича хизматлар кўрсатиш юзасидан контракт тузилади.
Контракт имзолангунгача (танлов ўтказилгандан кейин 15 кун мобайнида) комиссия ғолибнинг танлов таклифлари ишончлилигини олдиндан текшириб кўришга ҳақлидир.
Ғолибнинг танлов таклифлари ишончсизлиги аниқланган тақдирда ғолибдан кейин энг кўп балл олган навбатдаги қатнашчи ғолиб деб эътироф этилади, унинг танлов таклифларининг ишончлилиги комиссия томонидан аниқланган бўлиши керак.
27. Танловни ўтказиш давомида пайдо бўлган низолар ва келишмовчиликлар қонун ҳужжатларида белгиланган тартибда кўриб чиқилади.
танловда қатнашиш учун талабгорлардан белгиланган муддатда буюртманомалар тушмаганда ёки фақат бир нафар талабгордан буюртманома тушганда;
танлов ғолиби транспорт воситаларини сақлаш бўйича хизматлар кўрсатиш учун контрактни имзолашни рад этганда.
29. Танлов ғолиби контракт тузишни рад этган тақдирда комиссия ғолибдан кейин энг кўп балл олган навбатдаги қатнашчига транспорт воситаларини сақлаш бўйича хизматлар кўрсатиш учун контракт тузишни таклиф этишга ҳақлидир. Агар навбатдаги қатнашчи ҳам контракт тузишни рад этса, танлов натижалари бекор қилинади ва комиссия қарори билан белгиланган муддатларда, ушбу Низомда назарда тутилган тартибда такрорий танлов ўтказилади.
30. Қуйидагилар транспорт воситаларини сақлаш бўйича хизматлар кўрсатиш ҳуқуқини бекор қилиш учун асослар ҳисобланади:
юридик шахснинг транспорт воситаларини сақлаш бўйича фаолиятни амалга ошириш имкони йўқлиги тўғрисида комиссияга юборган ёзма билдиришномаси;
транспорт воситаларини сақлаш бўйича хизматлар кўрсатиш юзасидан контрактнинг унда кўрсатилган асослар бўйича бекор қилиниши ёки амал қилиш муддатининг тугаши;
транспорт воситаларини сақлаш бўйича фаолиятга қўйиладиган талаблар бузилишининг комиссия томонидан белгиланган муддатларда юридик шахс томонидан бартараф этилмаганлиги;
транспорт воситаларини сақлаш бўйича фаолиятга қўйиладиган талабларнинг олти ой мобайнида йўл қўйилган икки ва ундан кўп бузилишининг аниқланиши;
31. Танлов комиссияси тушган танлов таклифларини баҳолашнинг холисоналиги учун қонун ҳужжатларига мувофиқ жавоб беради.
Комиссиянинг ишчи органи тушадиган буюртманомаларнинг тўлиқ ҳисобга олиниши, сақланиши, шунингдек махфий маълумотларнинг ошкор этилмаслиги учун жавоб беради.
32. Ушбу Низом талабларининг амалга оширилиши учун Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари жавоб берадилар.
1. Ушбу Низом юридик шахслар томонидан қонун ҳужжатлари бузилганлиги учун ушланган транспорт воситаларини (кейинги ўринларда транспорт воситалари деб аталади) сақлаш хизматлари кўрсатиш бўйича фаолиятни белгиланган тартибда амалга ошириш тартибини белгилайди.
Кейинги таҳрирга қаранг.
транспорт воситаларини сақлаш хизматлари кўрсатиш учун юридик шахсга фойдаланиш учун ер участкаси бериш тўғрисида;
илгари бошқа мақсадлар учун берилган ер участкасидан унда транспорт воситаларини сақлаш хизматлари кўрсатиш фаолиятини ташкил этиш учун фойдаланиш ҳақида маҳаллий давлат ҳокимияти органларининг қарори мавжуд бўлганда фақат юридик шахслар томонидан кўрсатилади.
3. Ушбу Низомнинг 2-бандида кўрсатилган масалалар бўйича қарорлар ушбу Низом талаблари ҳисобга олинган ҳолда юридик шахснинг аризаси асосида маҳаллий давлат ҳокимияти органлари томонидан қонун ҳужжатларида белгиланган тартибда қабул қилинади.
Кейинги таҳрирга қаранг.
4. Транспорт воситаларини сақлаш хизматлари кўрсатиш бўйича фаолиятни амалга ошириш учун юридик шахсларга ер участкаси бериш тўғрисида маҳаллий давлат ҳокимияти органлари томонидан белгиланган тартибда қарор қабул қилинади.
Транспорт воситаларини сақлаш бўйича хизматлар кўрсатувчи юридик шахсларни танлаш Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан амалга оширилади.
5. Транспорт воситаларини сақлаш жойлари транспорт воситаларини сақлаш учун мўлжалланган тўхташ жойларини жойлаштириш ва жиҳозлашга қўйиладиган техник шартлар талабларига, шу жумладан қуйидаги талабларга жавоб бериши керак:
а) қаттиқ қоплама, ёритиш, ахлат тўплаш учун контейнерлар, сувни тиндирадиган ёмғир канализацияси, ёнғинга қарши воситалар мавжудлиги;
Кейинги таҳрирга қаранг.
б) ҳудудга кириш ва ундан чиқиш учун махсус ажратилган жойлар мавжудлиги. Кириш (чиқиш) жойлари йўл ҳаракати хавфсизлиги талабларини таъминлаш ҳисобга олинган ҳолда ажратилиши керак;
в) ҳудуд 2 метрдан паст бўлмаган темир-бетон (металл, ғишт, шлакоблок) девор билан ўралган бўлиши керак. Ўралган ҳудудда 50 та ва ундан ортиқ транспорт воситасини сақлаш назарда тутилган тўхташ жойи, камида иккита кириш (чиқиш) йўллари бўлиши керак. Ўралган деворда дарвозаларнинг кенглиги камида 4,5 метр бўлиши керак;
г) агар ҳудуд бир неча қаторга жойлаштириладиган транспорт воситаларини сақлаш имконини берса, у ҳолда ҳудуд ичида транспорт воситаларининг хавфсиз ҳаракатланиши учун полосалар ажратилиши керак;
д) кириш (чиқиш)нинг ажратилган жойига назоратчи кассирнинг хонаси туташган бўлиши керак, у ерда кўринарли жойда ташқи томонга ушланган транспорт воситаларини сақлаш хизматлари кўрсатишнинг тарифлари ва шартлари тўғрисида йирик ҳарфларда (ҳарфларнинг катталиги камида 3 см бўлиши керак) маълумот жойлаштирилади;
е) ногиронлар учун махсус жиҳозланган транспорт воситалари учун камида иккита тўхташ жойи мавжудлиги;
Кейинги таҳрирга қаранг.
ж) битта транспорт воситасининг тўхташ жойи учун ҳисобланган майдон 20 кв метрга тенг деб қабул қилинади;
з) тўхташ жойи ҳудудида хизмат кўрсатувчи ходимлар, қўриқлаш ходимлари учун хоналар бўлиши ва у бегона шахсларнинг киришига имкон бермайдиган ҳолда тўсилиши керак;
и) бинолар ва сақланаётган транспорт воситалари ўртасидаги ёнғинга қарши оралиқ лойиҳалаштириш нормалари талабларига мувофиқ, бироқ камида 6 метр бўлиши керак;
к) ушланган транспорт воситаларини тўхташ жойи ҳудудида жойлаштириш ҳар бир сақланаётган транспорт воситасига махсус техниканинг кириб бориши ва ёнғин гидрантларига ёнғин автомобилларининг яқинлашиши имконияти ҳисобга олинган ҳолда амалга оширилади, бунда асосий ўтиш жойларининг кенглиги камида 4 метр бўлиши керак. Боши берк йўлларнинг охирида 12 х 12 метр ўлчамли айланиб олиш майдончаси бўлиши керак;
л) ёнғинга қарши ташқи сув таъминоти тизими билан таъминланган аҳоли пунктларида тўхташ жойидан ёнғин гидрантигача бўлган энг узоқ масофа 150 метрдан ортиқ бўлмаслиги керак. Тўхташ жойи сувсиз туманда жойлаштирилган тақдирда унинг ҳудудида камида 54 куб метр ҳажмли ёнғинга қарши ҳовуз бўлиши керак. Ёнғинга қарши шчитлар ва ёнғин ўчиришнинг бирламчи воситалари сони ёнғин хавфсизлиги қоидаларига мувофиқ бўлиши керак;
м) тўхташ жойлари ҳудудида жойлашган ва қўриқлаш постларини жойлаштириш, келувчиларни қабул қилиш, ҳужжатларни расмийлаштириш ва тўлов учун мўлжалланган бинолар ва иншоотлар телефон алоқаси, ички ишлар органлари нарядларини тез чақириш кнопкаси билан таъминланган, ёнғинни ўчиришнинг бирламчи воситалари норматив сони билан жиҳозланган, сунъий ёритилган бўлиши керак;
н) тўхташ жойлари ҳудудида ёнғин гидрантларининг жойлашиш жойи ЎзДС бўйича ёритувчи кўрсаткичлар билан таъминланади ва транспорт воситасини қудуқ олдида ва қудуқнинг ҳар икки томонида 1,5 метр масофада ёнғин гидранти қудуғи люки устида жойлаштиришга тўсқинлик қиладиган 15 см баландликдаги бордюр билан тўсилади;
о) тўхташ жойи ҳар бир 10 транспорт воситасига 1 трос (буксир) ҳисобидан эвакуаторлар, тортиш трослари (юк транспорт воситалари сақланган тақдирда қаттиқ шатаклар) билан жиҳозланади.
транспорт воситаларини уларни жойлаштириш режасини бузган ҳолда тўхташ жойларининг ҳисобланган сонидан ортиқча қабул қилиш ва жойлаштириш, транспорт воситалари ўртасидаги масофани камайтириш;
бирор-бир ўт оладиган ва таъмирлаш ишларини бажариш, эшиклар ва двигателларни муздан тозалаш учун очиқ оловдан фойдаланиш, енгил алангаланадиган ва ёнувчи суюқликларни сақлаш ва улардан фойдаланиш;
7. Транспорт воситаларини сақлаш хизматлари кўрсатувчи юридик шахслар ушланган транспорт воситасини сақлаш жойига ўз вақтида олиб келишни таъминлаш учун махсус техник воситалар (эвакуаторлар, шатакка тортиш трослари, қаттиқ шатаклар)нинг етарлича сонига эга бўлиши керак.
8. Транспорт воситаларини сақлаш хизматлари кўрсатувчи юридик шахслар фискал хотирага эга бўлган назорат-касса машинасига ва пластик карточкалардан тўловларни қабул қиладиган ҳисоб-китоб терминалига эга бўлиши керак.
Транспорт воситаларини сақлаш бўйича кўрсатиладиган хизматлар, шунингдек уларни ташиш (эвакуация қилиш) харажатлари учун ҳақ тўлаш кўрсатилган хизматларни кўрсатувчи юридик шахс томонидан тасдиқланган, бироқ Ўзбекистон Республикаси Молия вазирлиги билан келишган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан белгиланадиган чекланган миқдорлардан юқори бўлмаган тарифлар бўйича амалга оширилади.
9. Транспорт воситаларини сақлаш бўйича кўрсатилган хизматлар, шунингдек уларни ташиш (эвакуация қилиш) харажатлари ҳисоб-китоби ҳар бир тўлиқ соат учун амалда сақланган муддатдан ва ташиш (эвакуация қилиш) бўйича сарфланган харажатлардан келиб чиқиб назорат-касса машинаси ёки ҳисоб-китоб терминали чеки мажбурий берилган ҳолда транспорт воситаси ҳудуддан чиқаётганда амалга оширилади.
10. Транспорт воситаларини сақлаш бўйича кўрсатилган хизматлар учун, шунингдек уларни ташиш (эвакуация қилиш) сарфлари учун ҳақ тўлаш ҳам нақд пул билан, ҳам пластик карточкалардан фойдаланган ҳолда нақд пулсиз ҳисоб-китоб шаклида амалга оширилади.
11. Транспорт воситаларини сақлаш хизматлари кўрсатиш билан шуғулланувчи юридик шахсларга солиқ солиш Ўзбекистон Республикасининг Солиқ кодексида белгиланган тартибда амалга оширилади.
12. Транспорт воситаларини тўхташ жойига олиб келиш ва сақлаш бўйича хизматлар кўрсатувчи юридик шахслар санитария ва ёнғинга қарши қоидаларга риоя қилиниши, транспорт воситалари тўхташ жойига ва сақлаш учун олиб келиниши вақтида сақланиши (ўғирлик, комплектларнинг бут бўлмаслиги ва шикастланиши), шунингдек транспорт воситаси салонидаги шахсий буюмлар сақланиши учун қонун ҳужжатларида белгиланган тартибда жавоб берадилар.
табиий офатлар (зилзила, довул, сув тошқини ва ҳоказолар) вақтида транспорт воситалари шикастланганлиги;
транспорт воситалари уларни сақлаш бўйича хизматлар кўрсатиладиган ҳудуддан чиққандан кейин берилган транспорт воситаларини сақлашга тегишли даъволар учун жавоб бермайди.
14. Ушбу Низом талабларини бузишда айбдор бўлган шахслар қонун ҳужжатларига мувофиқ жавоб берадилар.
15. Ушбу Низом талабларига риоя қилиниши устидан назорат қилиш ишларини умумий мувофиқлаштириш Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан амалга оширилади.