LexUZ шарҳи
Мазкур Фармон Ўзбекистон Республикаси Президентининг 2021 йил 30 апрелдаги ПФ-6218-сонли «Миллий қонунчилик базасини комплекс тизимлаштириш чора-тадбирлари тўғрисида»ги Фармонига асосан ўз кучини йўқотган.
Ўзбекистон Республикасини жадал ижтимоий-иқтисодий ривожлантириш учун зарур шарт-шароитларни яратиш, ташқи иқтисодий фаолиятни авж олдириш, ички бозорни энг зарур моллар билан тўлдириш, қўшимча капитал маблағларни, илғор техникани ва бошқариш тажрибасини жалб этиш, хорижий сармоядорларнинг ҳуқуқларини ҳимоя қилишда ишончли кафолатларни таъминлаш, республиканинг экспорт имкониятларидан самарали фойдаланиш мақсадида:
республикага олиб келинадиган барча турдаги молларнинг импортига солиқлар 1994 йил 1 январга қадар бекор қилинсин;
республикага олиб келинадиган, халқ истеъмол қиладиган импорт моллар, озиқ-овқат маҳсулотлари, дори-дармонлар, тиббиёт техникаси, шунингдек машина-ускуналар, бутловчи буюмлар ва уларни ишлаб чиқаришга мўлжалланган хом ашё учун иловага* мувофиқ 1994 йил 1 январига кадар бож тўлашдан озод қилинсин.
* Илова рус тилидаги матнда берилган
Олдинги таҳрирга қаранг.
(2-банд Ўзбекистон Республикаси Президентининг 2006 йил 6 июндаги ПФ–3760-сонли Фармони билан ўз кучини йўқотган — ЎР ҚҲТ, 2006 й., 23-сон, 201-модда)
3. Марказий банк 1992 йилнинг 15 августидан бошлаб ҳамма турдаги битимлар ва операциялар учун республика ҳудудида валюта бозоридаги жорий курс асосида белгиланадиган чет эл валюталарининг ягона курсини жорий этсин.
Ўзбекистон Республикасининг Молия вазирлиги Ташқи иқтисодий алоқалар вазирлиги ва Ташқи иқтисодий фаолият миллий банки билан биргаликда икки ҳафта муддат ичида Ўзбекистон Республикасининг ҳудудида валюта билан боғлиқ ишларни тартибга солишга доир меъёрий ҳужжатларининг лойиҳаларини ишлаб чиқсин.
бир ой муддат ичида лицензия бериладиган экспорт ва импорт моллари (ишлар, хизматларнинг) рўйхатини ҳамда лицензия бериш тартибини таъкидласин;
лицензия бериладиган ва кейинчалик экспорт қилинадиган молларни биржалар орқали сотиш миқдорларини белгиласин;
Ўзбекистон Республикасининг Инвестиция дастурини икки ой ичида ишлаб чиқиб, эълон қилинсин. Дастурда республика ҳаёт фаолиятининг долзарб муаммолари ҳал қилинишини таъминлайдиган халқ хўжалигининг устувор тармоқларига маблағ сарфлаш бўйича энг муҳим лойиҳаларнинг рўйхати ва техникавий-иқтисодий таърифи берилиши зарур.
миқдори белгиланадиган молларни экспорт қилишга, лицензияларни ким ошди савдосида сотишни амалда жорий этсин;
республиканинг манфаатдор ташкилотлари билан биргаликда, хорижий компанияларни ва халқаро молия ташкилотларини жалб этиб Ўзбекистонда халқаро пахта биржасини ташкил этиш тўғрисидаги масалани пухта ишлаб чиқсин ва ҳал қилсин;
республиканинг транспорт ташкилотлари билан биргаликда ташқи савдога хизмат кўрсатиш ва ташқи савдо транспорт корхоналарининг фаолиятини мувофиқлаштириш учун транспорт-экспедитор акционерлик компаниясини ташкил қилсин.
6. Божхона комитети Ўзбекистон Республикасининг Адлия вазирлиги билан биргаликда 1992 йилнинг 1 сентябригача божхона кодекси ҳақидаги бож тавсифи тўғрисидаги қонунларнинг лойиҳаларини Вазирлар Маҳкамасига тақдим этсин.
Молия вазирлиги билан биргаликда мазкур Фармоннинг, шунингдек тузиладиган ҳукуматлараро битимларнинг қоидаларини эътиборга олган ҳолда бож таърифларининг янги табақалаштирилган миқдорлари ва уларни ундириб олиш тартиби ишлаб чиқилсин ҳамда икки томонлама асосда энг кўп қулайлик яратиб берилсин.
7. Қонунларга мувофиқ Ўзбекистон Республикаси ҳудудида хорижий сармоядорларга ва уларнинг шерикларига танлов асосида ва фақат инвестиция мақсадларида ишлаб чиқариш хоналарини, биноларни, машина ускуналарини, уй-жойларни сотиб олиш, шунингдек ер участкаларини узоқ муддатли ижарага олиш ҳуқуқи берилсин.
Давлат мулкини бошқариш ва хусусийлаштириш комитети Қорақалпоғистон Республикасининг Вазирлар Кенгаши, вилоятларнинг ва Тошкент шаҳрининг ҳокимиятлари билан биргаликда мазкур бандни амалга ошириш борасидаги таклифни 10 кун муддат ичида ишлаб чиқиб, тақдим этсин.
хорижий сармоя иштирок этаётган корхоналар даромадининг ишлаб чиқаришини кенгайтиришга, технологияни яхшилашга, технологияни янгилашга ва ижтимоий дастурларини рўёбга чиқаришга сарф қилинадиган қисми солиқдан озод қилинсин;
хорижий сармоя иштирок этаётган, Ўзбекистон Республикасининг Инвестиция дастурига киритилган лойиҳаларга капитал маблағ сарфлаётган корхоналарнинг дастлабки беш йил ишлаши даврида улар даромаддан, солиқ тўлашдан озод қилинсин;
Кейинги таҳрирга қаранг.
9. Хорижий сармоядорларнинг зарур молиявий-иқтисодий кафолатларини таъминлаш учун хорижий сармояларни ҳимоя қилувчи Миллий суғурта жамғармаси, шу жумладан Ўзбекистон Республикаси валюта бойликларининг бир қисмини чет эл банкларини депозитга қўйиш, республика ҳудудида хорижий сармоя иштирокидаги суғурта компанияларини очиш йўли билан шундай жамғарма ташкил қилинсин.