Кейинги таҳрирга қаранг.
«Нотариат тўғрисида»ги Ўзбекистон Республикаси Қонунининг 19-моддасига мувофиқ ва ўз касб мажбуриятларини бажаришда нотариусларнинг жавобгарлигини ошириш мақсадида Вазирлар Маҳкамаси қарор қилади:
1. Нотариус томонидан ўз касб мажбуриятлари бузилиши оқибатида етказилган зарарни қоплаш тартиби тўғрисидаги Низом 1-иловага мувофиқ тасдиқлансин.
Кейинги таҳрирга қаранг.
2. Вазирлар Маҳкамасининг «Судлар ва адлия органларини ривожлантириш жамғармасини ташкил этиш тўғрисида» 2003 йил 18 мартдаги 147-сон қарорига (Ўзбекистон Республикаси ҚТ, 2003 й., 3-сон, 26-модда) 2-иловага мувофиқ ўзгартириш ва қўшимчалар киритилсин.
Кейинги таҳрирга қаранг.
3. Мазкур қарорнинг бажарилишини назорат қилиш Ўзбекистон Республикаси Адлия вазири Р.А. Муҳитдинов зиммасига юклансин.
Кейинги таҳрирга қаранг.
1. Ушбу Низом «Нотариат тўғрисида»ги Ўзбекистон Республикаси Қонунининг 19-моддасига мувофиқ нотариус томонидан ўз касб мажбуриятлари бузилиши оқибатида юридик ва жисмоний шахсларга етказилган зарарнинг (кейинги ўринларда «зарар» деб аталади) давлат томонидан қопланиши тартибини белгилайди.
Кейинги таҳрирга қаранг.
2. Зарар давлат томонидан кейинчалик нотариусга тўланган қоплаш миқдорида аксинча талаб (регресс) қўйилган ҳолда Судлар ва адлия органларини ривожлантириш жамғармаси (кейинги ўринларда «Жамғарма» деб аталади) маблағлари ҳисобига қопланади.
Кейинги таҳрирга қаранг.
4. Жамғармадан маблағ ажратиш учун Қорақалпоғистон Республикаси Адлия вазирлиги, вилоят ёки Тошкент шаҳар адлия бошқармаси (кейинги ўринларда «адлия бошқармаси» деб аталади) суднинг зарарни қоплаш тўғрисида қонуний кучга кирган қарори адлия бошқармасига тушгандан кейин икки кун муддатда Жамғарманинг Ижро этувчи дирекциясига суднинг қарорини илова қилган ҳолда тегишли буюртманомани киритади.
Кейинги таҳрирга қаранг.
5. Жамғарманинг Ижро этувчи дирекцияси буюртманома тушган кундан бошлаб икки кун мобайнида буюртманомада кўрсатилган маблағларни адлия бошқармасининг шахсий ғазначилик ҳисоб рақамига ўтказади.
Кейинги таҳрирга қаранг.
Маблағлар шахсий ғазначилик ҳисоб рақамига тушган кундан бошлаб бир кун мобайнида адлия бошқармаси ушбу маблағларни зарарни қоплаш учун юридик ва жисмоний шахсларнинг тегишли банк ҳисоб рақамларига ўтказади.
6. Суднинг зарарни қоплаш тўғрисида қонуний кучга кирган қарори асосида адлия бошқармаси томонидан нотариусни интизомий жавобгарликка тортиш тўғрисидаги масала ҳал қилиниши керак.
7. Адлия бошқармаси томонидан қопланган сумма кейинчалик аксинча талаб (регресс) тартибида нотариусдан ундириб олиниши керак.
Нотариус адлия бошқармаси томонидан зарарни қоплаш учун юридик ва жисмоний шахсларга ўтказилган маблағларнинг тўлиқ суммасини қоплайди.
8. Юридик ва жисмоний шахсга зарар қоплангандан сўнг икки кундан кечикмай адлия бошқармаси нотариусга тўланган қоплаш миқдорида аксинча талаб (регресс) билан мурожаат қилади.
Нотариус ўзи томонидан юридик ва жисмоний шахсга етказилган зарар суммасини адлия бошқармасига белгиланган тартибда ихтиёрий равишда қоплаш ҳуқуқига эга.
Нотариус томонидан зарарни қоплаш адлия бошқармасининг шахсий ғазначилик ҳисоб рақамига пул маблағлари киритиш йўли билан амалга оширилади.
9. Ўзбекистон Республикасининг Меҳнат кодекси 207-моддасига мувофиқ нотариусдан ўртача ойлик иш ҳақидан ортиқ бўлмаган етказилган зарар суммасини ундириш адлия бошқармаси раҳбарининг етказилган зарарни нотариусдан ундириш тўғрисидаги буйруғига биноан амалга оширилади. Буйруқ адлия бошқармаси томонидан юридик ва жисмоний шахсга зарар қопланган кундан бошлаб бир ойдан кечикмай қабул қилиниши мумкин.
Агар нотариусдан ундирилиши керак бўлган етказилган зарар суммаси унинг ўртача ойлик иш ҳақидан ортиқ бўлса ёки адлия бошқармаси томонидан юридик ва жисмоний шахсга зарар қопланган кундан сўнг бир ойлик муддат тамом бўлса, ундириш суд тартибида амалга оширилади.
10. Суднинг тўланган қоплаш миқдорида етказилган зарарни нотариусдан ундириш тўғрисидаги қарори белгиланган тартибда ижро этилиши керак.
11. Зарарни қоплаш ҳисобига нотариусдан адлия бошқармасининг шахсий ғазначилик ҳисоб рақамига тушган маблағ икки кундан кечикмай Жамғарманинг шахсий ғазначилик ҳисоб рақамига юборилади.
Нотариус томонидан ўз касб мажбуриятлари бузилиши оқибатида етказилган зарарни қоплаш схемаси ушбу Низомга иловада келтирилган.
12. Юридик ва жисмоний шахсларга зарарни қоплаш тўғрисидаги ишлар судларда кўриб чиқилиши муносабати билан адлия бошқармаси томонидан сарфланган харажатлар ҳам ушбу Низомга мувофиқ аксинча талаб (регресс) тартибида нотариусдан ундирилиши керак.
13. Нотариус билан меҳнат шартномасининг тўхтатилиши уни зарар ва тегишли харажатларни қоплаш мажбуриятидан озод қилмайди.
14. Суднинг нотариус томонидан ўз касб мажбуриятлари бузилиши оқибатида етказилган зарарни қоплаш тўғрисидаги қарори мажбурий ижро этилган ҳолларда ҳам зарар қонун ҳужжатларида белгиланган тартибда Жамғарма маблағлари ҳисобига қопланиши керак.
Кейинги таҳрирга қаранг.
Кейинги таҳрирга қаранг.
Нотариус томонидан ўз касб мажбуриятлари бузилиши оқибатида етказилган зарарни қоплаш тартиби тўғрисидаги низомга
ИЛОВА
ИЛОВА
Кейинги таҳрирга қаранг.
«нотариус томонидан ўз касб мажбуриятлари бузилиши оқибатида етказилган зарарни қоплашга ва тегишли харажатларга»;
2. Судлар ва адлия органларини ривожлантириш жамғармаси тўғрисидаги Низомнинг (1-илова) 4-банди ўн учинчи хатбоши қуйидаги мазмундаги ўн учинчи—ўн бешинчи хатбошилар билан алмаштирилсин:
маблағларни Ўзбекистон Республикаси Олий суди орқали ажратиш йўли билан Суд қонунчилигини демократлаштириш ва либераллаштириш ҳамда суд тизими мустақиллигини таъминлаш бўйича тадқиқот маркази фаолиятини молиялаштиришга;
нотариус томонидан ўз касб мажбуриятлари бузилиши оқибатида етказилган зарарни ва у билан боғлиқ харажатларни қоплашга йўналтирилади. Нотариус томонидан ўз касб мажбуриятлари бузилиши оқибатида етказилган зарарни ва у билан боғлиқ харажатларни қоплаш мақсадида Жамғарма маблағларидан фойдаланиш тартиби Ўзбекистон Республикаси Вазирлар Маҳкамаси томонидан белгиланади»;
ўн тўртинчи ва ўн бешинчи хатбошилар тегишли равишда ўн олтинчи ва ўн еттинчи хатбошилар деб ҳисоблансин.
Кейинги таҳрирга қаранг.