Ўзбекистон Республикаси иқтисодиётидаги тўғридан-тўғри хорижий инвестицияларининг ҳажмлари кўпайиши шароитида хорижий инвесторларнинг ишончли суғурта ҳимоясини янада таъминлаш мақсадида:
1. Маълумот учун қабул қилинсинки, «Американ Интернешл Груп» (АИГ) суғурта компанияси томонидан «Ўзбекинвест Интернешл» сиёсий таваккалчиликлардан суғурта қилиш компаниясининг таъсисчилари таркибидан чиқиш тўғрисида қарор қабул қилинган.
2. Ўзбекистон Республикаси Молия вазирлиги, Ташқи иқтисодий алоқалар, инвестициялар ва савдо вазирлиги ҳамда «Ўзбекинвест» Миллий экспорт-импорт суғурта компаниясининг:
Ўзбекистон таъсисчиси — Ўзбекинвест» Миллий экспорт-импорт суғурта компаниясининг 40 млн АҚШ доллари миқдоридаги улуши билан «Ўзбекинвест Интернешл» компаниясининг устав капитали миқдорини 50 млн АҚШ долларигача камайтириш;
«Ўзбекинвест Интернешл» компаниясининг устав капиталига ҳиссаси 10 млн АҚШ доллари бўлган стратегик инвесторни жалб қилиш тўғрисидаги таклифларига розилик берилсин.
Ўзбекистон Республикаси Вазирлар Маҳкамаси билан келишган ҳолда «Ўзбекинвест Интернешл» компаниясига стратегик хорижий инвесторни жалб қилиш чораларини кўрсин;
«Ўзбекинвест Интернешл» компаниясининг уставига рўйхатга олинган мамлакат (Буюк Британия) қонунчилиги талабларига мувофиқ зарур ўзгартиришлар киритилишини таъминласин.
4. Вазирлар Маҳкамасининг 1994 йил 23 ноябрдаги «Ўзбекинвест Интернешнл», «Aig Uzbekinvest» қўшма суғурта компанияларини ва «AIG Uzbekinvest» агентлигини ташкил қилиш тўғрисида»ги 565-сонли қарори 1-бандининг «а» кичик банди ва 3-банди ўз кучини йўқотган деб ҳисоблансин.