LexUZ шарҳи
Мазкур қарор Ўзбекистон Республикаси Президентининг 2017 йил 5 июндаги 5069-сонли «Ўзбекистон Республикаси Президентининг айрим ҳужжатларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида»ги Фармонига асосан ўз кучини йўқотган.
«Баркамол авлод йили» Давлат дастурига мувофиқ ҳамда олий малакали илмий ва илмий-педагогик кадрлар тайёрлаш тизимини янада такомиллаштириш, иқтидорли ёшларни илмий фаолиятга жалб этиш, уларнинг ижодий ва интеллектуал салоҳиятини рўёбга чиқариш учун шарт-шароитлар яратиш мақсадида:
1. 2010 йилнинг 10 ноябридан бошлаб республиканинг олий таълим ва илмий-тадқиқот муассасаларида олий ўқув юртидан кейинги таълимнинг янгиланган тизими жорий этилсин, унда:
аспирантура ўрнига — таълим муддати 3 йилдан иборат бўлган стажёр-тадқиқотчи-изланувчилар институтини;
докторантура ўрнига — тадқиқот соҳасига қараб таълим муддати 2-3 йилдан иборат бўлган катта илмий ходим-изланувчилар институтини ташкил қилиш назарда тутилади.
Кейинги таҳрирга қаранг.
Ўзбекистон Республикаси Вазирлар Маҳкамаси ҳузуридаги фан ва технологиялар ривожини мувофиқлаштириш қўмитаси зиммасига идоравий мансублиги ҳамда мулкчилик шаклидан қатъи назар, республика олий таълим ва илмий-тадқиқот муассасаларининг олий малакали илмий ва илмий-педагогик кадрлар тайёрлаш борасидаги фаолиятини мувофиқлаштириш вазифаси;
Ўзбекистон Республикаси Вазирлар Маҳкамаси ҳузуридаги Давлат тест маркази зиммасига олий ўқув юртидан кейинги таълимни амалга оширувчи олий таълим ва илмий-тадқиқот муассасаларининг давлат аккредитацияси бўйича функцияни бажариш вазифаси юклансин.
3. Ўзбекистон Республикаси Олий ва ўрта махсус таълим вазирлиги, Фанлар академияси, олий ўқув юртидан кейинги таълимни амалга оширувчи олий таълим ва илмий-тадқиқот муассасаларига эга бўлган вазирликлар ва идоралар бир ой муддатда олий ўқув юртидан кейинги таълим тузилмасини ушбу қарорга мувофиқлаштирсин, жумладан таълим олаётган аспирантлар ва докторантларни стажёр-тадқиқотчи-изланувчилар ҳамда катта илмий ходим-изланувчилар лавозимларига ўтказсин.
Олдинги таҳрирга қаранг.
4. Белгилаб қўйилсинки, олий таълим ва илмий-тадқиқот муассасаларидаги стажёр-тадқиқотчи-изланувчи ва катта илмий ходим- изланувчи лавозимларига қабул қилиш ҳамда уларнинг таъминоти олий ўқув юртидан кейинги таълимни амалга оширувчи Ўзбекистон Республикаси Фанлар академиясига, вазирликлар, идоралар ва муассасаларга ҳар йили мана шу мақсадлар учун йўналтириладиган бюджет ажратмалари доирасида амалга оширилади.
(4-банднинг биринчи хатбошиси Ўзбекистон Республикаси Президентининг 2014 йил 8 июлдаги ПФ-4631-сонли Фармони таҳририда — ЎР ҚҲТ, 2014 й., 29-сон, 356-модда)
Кейинги таҳрирга қаранг.
Шу билан бирга стажёр-тадқиқотчи-изланувчи ва катта илмий ходим-изланувчи тўғрисидаги низомда уларнинг асосий фаолияти ўзлари танлаган мавзуни ҳисобга олган ҳолда илмий изланишларни бажаришдан иборат эканлиги белгилаб қўйилсин.
Кейинги таҳрирга қаранг.
5. 2011 йилнинг 1 январидан бошлаб олий таълим ва илмий тадқиқот муассасаларининг стажёр-тадқиқотчи-изланувчилари учун стажёр-тадқиқотчининг лавозим оклади базавий миқдорига тенглаштирилган, катта илмий ходим-изланувчилар учун эса — фан номзоди илмий даражасига эга бўлган катта илмий ходимларнинг окладига тенглаштирилган миқдорларда лавозим окладлари белгилансин.
Кейинги таҳрирга қаранг.
6. Ўзбекистон Республикаси Молия вазирлиги 2011 йилги ва шундан кейинги йиллар учун Давлат бюджетини шакллантиришда мазкур қарорга мувофиқ олий малакали илмий ва илмий-педагогик кадрлар тайёрлаш тизимини молиялаштиришга зарур маблағларни назарда тутсин.
7. Ўзбекистон Республикаси Вазирлар Маҳкамаси бир ой муддатда, ушбу қарор талабларини инобатга олган ҳолда, олий ўқув юртидан кейинги таълимни ташкил этиш бўйича янги норматив ҳужжатларни, жумладан Давлат таълим стандартлари ва олий ўқув юртидан кейинги таълимга қўйиладиган талабларни, олий ўқув юртидан кейинги таълимни амалга оширувчи олий таълим ва илмий-тадқиқот муассасаларининг давлат аккредитациясини ўтказиш тартиби тўғрисидаги низом ва бошқаларни танқидий қайта кўриб чиқсин ва тасдиқласин.
8. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари А.Н. Арипов зиммасига юклансин.