Ўзбекистон Республикаси Вазирлар Маҳкамасининг
қарори
«ЎЗОЛМОНХОТЕЛЗ» ЎЗБЕКИСТОН-ГЕРМАНИЯ ҚЎШМА КОРХОНАСИНИ ТАШКИЛ ЭТИШ ТЎҒРИСИДА
Ўзбекистон Республикасининг халқаро туризм инфратузилмасини ривожлантиришга хорижий инвестицияларни жалб этиш дастурини амалга ошириш мақсадида Вазирлар Маҳкамаси қарор қилади:
1. «Ўзбектуризм» миллий компаниясининг Германиянинг «Инпро ГМБХ индустриал асбоб-ускуналари» компанияси билан биргаликда Самарқанд шаҳрида «Президент-Отель» меҳмонхонасини қуриш, Урганч шаҳридаги мавжуд «Хоразм» меҳмонхонасини реконструкция қилиш ва кейинчалик улардан фойдаланиш мақсадида «Ўзолмонхотелз» корхонасини ташкил этиш тўғрисидаги таклифи қабул қилинсин.
2. Қуйидагилар:
а) «Ўзолмонхотелз» қўшма корхонаси бошланғич устав фонди 11,65 млн АҚШ доллари бўлган ҳолда ташкил этилиши, бунда ўзбекистонлик муассиснинг ҳиссаси мол-мулк сифатида 6,7 млн АҚШ долларини (57,51%) ва германиялик муассиснинг ҳиссаси пул маблағлари сифатида 4,95 млн АҚШ долларини (42,49%) ташкил этиши;
б) қўшма корхона устав фондини шакллантириш муассислар томонидан икки йиллик инвестиция даврида амалга оширилиши;
в) умумий қиймати 33 млн АҚШ доллари бўлган меҳмонхоналарни қуришни ва реконструкция қилишни маблағ билан таъминлаш:
қўшма корхонанинг 4,95 млн АҚШ доллари миқдоридаги ўз маблағлари;
Германия банкининг «Ўзолмонхотелз» қўшма корхонасига берадиган 28,05 млн АҚШ доллари миқдоридаги кредити ҳисобига амалга оширилиши;
г) Хипо Ферейнс Банк (Германия) объектларни қуриш ва реконструкция қилиш даврида фоизлар тўловини капиталлаштиришини тасдиқлаганлиги;
д) кредит бўйича фоизларни ва инвестиция давридаги чиқимларни тўлаш «Инпро ГМБХ индустриал асбоб-ускуналари» фирмасининг «Ўзолмонхотелз» қўшма корхонасига берадиган 492,3 минг АҚШ доллари миқдоридаги фоизсиз ссудаси ҳисобига амалга оширилиши;
е) кредитни ва фоизсиз ссудани тўлаш «Ўзолмонхотелз» қўшма корхонасининг ўз маблағлари ҳисобига иловага мувофиқ амалга оширилиши маълумот учун қабул қилинсин.
3. Ўзбекистон Республикаси Макроиқтисодиёт ва статистика вазирлиги «Президент-Отель» меҳмонхонасини қуриш ва «Хоразм» меҳмонхонасини реконструкция қилиш лойиҳасини белгиланган тартибда Ўзбекистон Республикаси инвестиция дастурига киритсин.
6. Ўзбекистон Республикаси Молия вазирлиги Ташқи иқтисодий фаолият миллий банкининг «Гермес» жамияти суғурта қопламаси остида Хипо Ферейнс Банк (Германия) олдидаги тўлов мажбуриятлари бўйича ҳамда Ўзбекистон Республикаси Ташқи иқтисодий фаолият миллий банкига «Ўзолмонхотелз» қўшма корхонасининг тўлов мажбуриятлари бўйича Ўзбекистон Республикаси Ҳукумати номидан белгиланган тартибда кафолатлар берсин.
7. Ўзбекистон Республикаси Ташқи иқтисодий фаолият миллий банки бир ой муддатда кредит битими тузсин ва Германия банкининг «Гермес» жамияти суғурта қопламаси остидаги маблағлари «Ўзолмонхотелз» қўшма корхонаси учун қайта молиялаштирилишини таъминласин.
8. Қўшма корхона масалалари бўйича ишлаш учун келаётган хорижий мутахассисларга Ўзбекистон Республикаси ҳудудида яшаганлик, транспортнинг барча турларида юрганлик учун Ўзбекистон Республикаси фуқаролари учун назарда тутилган тарифлар бўйича сўмларда ҳақ тўлаш ҳуқуқи берилсин.
9. Самарқанд вилояти ҳокимлиги «Ўзбектуризм» миллий компаниясига Дорилфунун майдони ва Шоҳрух кўчаси кесишган жойдан иморатларни бузган ҳолда 2,2 гектар ер участкаси берсин.
10. «Ўзолмонхотелз» қўшма корхонасига лойиҳа-смета ҳужжатлари тўлиқ тайёр бўлгунга қадар, бироқ бир йилдан ортиқ бўлмаган муддатга, Самарқанд шаҳрида «Президент-Отель» меҳмонхона комплекси қурилишини ва Урганч шаҳрида меҳмонхона реконструкция қилинишини ишчи чизмалар бўйича амалга оширишга рухсат берилсин.
11. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1999 йил 31 декабрь,
549-сон
Вазирлар Маҳкамасининг
1999 йил 31 декабрдаги 549-сон
қарорига
ИЛОВА
Кредит ва ссудани қайтаришнинг
ПРОГНОЗ ЖАДВАЛИ
Кредит суммаси 28,05 млн АҚШ доллари
Қурилиш даврида фоизларни капиталлаштиришни ҳисобга олган ҳолда:
кредит суммаси 28,9 млн АҚШ доллари
Кредитни қайтариш муддати, 9,5 йил
шу жумладан, имтиёзли давр 2 йил
Фоиз ставкаси 8,50%

Қайтариш даври

Асосий қарзни тўлаш

Фоизларни тўлаш

Ссудаларни тўлаш

Ҳамма тўловлар

2000-2001 йиллар (Инвестициялаш даври) 268 228268 228
2002 йил3 399 4542 383 86757 9185 841 239
2003 йил3 399 4542 094 91457 9185 552 286
2004 йил3 399 4541 805 96057 9185 263 332
2005 йил3 399 4541 517 00657 9184 974 378
2006 йил3 399 4541 228 05357 9184 685 425
2007 йил3 399 454939 09957 9184 396 471
2008 йил3 399 454650 14657 9184 107 518
2009 йил3 399 454361 19257 9183 818 564
2010 йил1 699 72872 23828 9561 800 922

Ҳаммаси

28 895 36011 320 703492 30040 708 363
Изоҳ: асосий қарз ва фоизларни тўлаш санаси ва суммаси кредит битими имзоланаётганда аниқлаштирилади.