LexUZ шарҳи
Мазкур қарор Ўзбекистон Республикаси Президентининг 2021 йил 18 октябрдаги ПФ-6325-сонли «Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларини ўз кучини йўқотган деб ҳисоблаш тўғрисида»ги Фармонига асосан ўз кучини йўқотган.
Меҳнатга ҳақ тўлаш бўйича қарздорлик ҳосил бўлишига йўл қўймаслик ва иш ҳақининг ўз вақтида тўланиши ҳамда ушбу мақсадлар учун ажратилган маблағлардан мақсадли фойдаланиш юзасидан вазирликлар, идоралар ва хўжалик юритувчи субъектлар раҳбарларининг жавобгарлигини ошириш мақсадида Вазирлар Маҳкамаси қарор қилади:
1. Вазирликлар, идоралар ва хўжалик юритувчи субъектларнинг иш ҳақи ўз вақтида берилишини таъминлаш ва ушбу мақсадлар учун ажратилган маблағлардан мақсадли фойдаланиш бўйича ишлари қониқарсиз деб эътироф этилсин.
Белгилансинки, вазирликлар ва идораларнинг, хўжалик юритувчи субъектлар ва хизмат кўрсатувчи тижорат банкларининг биринчи раҳбарлари иш ҳақининг ўз вақтида тўланишини таъминлаш ва ушбу мақсадлар учун назарда тутилган маблағлардан мақсадли фойдаланилиши учун шахсан жавоб берадилар.
Кейинги таҳрирга қаранг.
бир ҳафта муддатда ўзларига қарашли бўлинмаларда меҳнатга ҳақ тўлаш бўйича ҳисоб-китобларнинг ҳолатини хатловдан ўтказсинлар ва мавжуд қарзларни тўлаш юзасидан аниқ чора-тадбирлар кўрсинлар;
дебиторлик қарзларини ундириш ва ўзларига қарашли корхоналар ва ташкилотларда иш ҳақи бўйича мавжуд қарзларнинг 1999 йил 1 декабргача тўлиқ тўланишини таъминлаш учун ўзларининг бошқа ресурсларини сафарбар этиш юзасидан қўшимча чора-тадбирлар кўрсинлар.
3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари хўжалик юритувчи субъектлар томонидан меҳнатга ҳақ тўлаш бўйича ҳисоб-китобларнинг ўз вақтида амалга оширилиши устидан доимий назорат ўрнатсинлар, тўловлар кечиктирилишининг ҳар бир ҳолатини ҳисоб-китоблар механизмини такомиллаштириш ва бюджетга тўловлар интизомини мустаҳкамлаш бўйича минтақавий комиссиялар мажлисларида кўриб чиқсинлар.
Олдинги таҳрирга қаранг.
4. Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси банкрот корхоналарни тугатиш комиссиялари билан биргаликда қарздорлардан маблағларни ундиришни ҳамда мол-мулкни сотишни жадаллаштириш чора-тадбирларини кўрсинлар, олинган маблағларни қонун ҳужжатларида, белгиланган тартибда меҳнатга ҳақ тўлаш бўйича қарзларини тўлашга йўналтирсин.
(4-банд Ўзбекистон Республикаси Вазирлар Маҳкамасининг 2013 йил 9 сентябрдаги 244-сонли қарори таҳририда — ЎР ҚҲТ, 2013 й., 37-сон, 485-модда)
Кейинги таҳрирга қаранг.
Олдинги таҳрирга қаранг.
иш ҳақига кредитлар берилганда ягона ижтимоий тўлов ҳамда фуқароларнинг Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига мажбурий суғурта бадаллари тўланиши назарда тутилсин;
(5-банд Ўзбекистон Республикаси Президентининг 2007 йил 12 декабрдаги ПҚ-744-сонли қарорига мувофиқ 2-банд билан тўлдирилган — ЎР ҚҲТ, 2007 й., 52-сон, 534-модда)
меҳнатга ҳақ тўлашга йўналтириладиган мақсадли маблағлар ҳаракати ва уларнинг хўжалик юритувчи субъектлар томонидан белгиланган мақсадлар учун қатъий фойдаланилиши устидан таъсирчан назорат ўрнатсинлар;
иш ҳақи тўлаш учун олинган нақд пул маблағларидан белгиланган мақсадларда фойдаланилмасликнинг ҳар бир ҳолати бўйича материалларни мазкур ҳолат аниқланган кундан бошлаб 5 кун мобайнида прокуратура органларига берсинлар.
Кейинги таҳрирга қаранг.
6. Ўзбекистон Республикаси Прокуратураси иш ҳақи бўйича қарзларни тўлашга йўналтирилган маблағлардан мақсадли фойдаланилмаслигига йўл қўяётган хўжалик юритувчи субъектларнинг мансабдор шахслари қонун ҳужжатларида назарда тутилган жавобгарликка тортилиши устидан назоратни кучайтирсин.
7. Ҳисоб-китоблар механизмини такомиллаштириш ва бюджетга тўловлар интизомини мустаҳкамлаш бўйича Ҳукумат комиссияси;
шаҳарлар асоси бўлган корхоналар ва ташкилотларнинг меҳнатга ҳақ тўлаш бўйича қарзларини белгиланган муддатларда тўлиқ ҳажмда қоплаш бўйича тезкорлик билан аниқ чора-тадбирлар кўрсин ва қарорлар қабул қилсин, маблағлар ҳаракати схемасини белгиласин;
вазирликлар ва идораларда иш ҳақининг тўланишини ҳар ўн кунда кўриб борсин, раҳбарларнинг масъулиятини белгиласин. Чора-тадбирлар кўрилмаган ва маблағлардан мақсадли фойдаланилмаган ҳолларда материалларни айбдорларни жавобгарликка тортиш учун прокуратура органларига берсин.
8. Ўзбекистон Республикаси Молия вазирлиги ҳузуридаги Давлат эҳтиёжлари учун харид қилинадиган қишлоқ хўжалик маҳсулотларининг ҳисоб-китоб жамғармаси 1999 йил ноябрь-декабрь ойларида жорий иш ҳақи тўлаш ва хизмат кўрсатувчи корхоналар билан режали ҳисоб-китобларни таъминлаш учун пахта етиштирувчи хўжаликларига 2,0 млрд сўм, «Ўзкимёсаноат» уюшмаси корхоналари ва ташкилотларига — 500 млн сўм миқдоридаги мақсадли маблағларни махсус траншлар билан ажратсин,
9. Ўзбекистон Республикаси Адлия вазирлиги манфаатдор вазирликлар ва идоралар билан биргаликда ходимларга иш ҳақи тўлашга ажратилаётган маблағлардан мақсадли фойдаланилмаслигига йўл қўяётган корхоналар ва ташкилотларнинг раҳбарларини жавобгарликка тортиш бўйича қонун ҳужжатларига ўзгартириш ва қўшимчалар киритиш юзасидан бир ой муддатда Вазирлар Маҳкамасига таклифлар киритсин.