LexUZ шарҳи
Мазкур қарор Ўзбекистон Республикаси Вазирлар Маҳкамасининг 2017 йил 11 майдаги 270-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзбекистон Республикаси Маданият вазирлиги фаолиятини ташкил этиш тўғрисида» 2017 йил 15 февралдаги ПҚ–2778-сон қарори)»ги қарорига асосан ўз кучини йўқотган.
Ўзбекистон Республикаси Президентининг «Ўзбекистонда миллий рақс ва хореография санъатини ривожлантириш тўғрисида» 1997 йил 8 январдаги Фармонини бажариш мақсадида Вазирлар Маҳкамаси қарор қилади:
1. М.Турғунбоева номидаги «Ўзбекрақс» миллий рақс бирлашмаси Низоми, унинг таркибига кирувчи ижодий жамоалар ва ташкилотлар рўйхати, бирлашма дирекцияси штатлар жадвали ва тузилиши 1, 2, 3 ва 3а-иловаларга мувофиқ тасдиқлансин.
2. «Ўзбекрақс» бирлашмаси бир ой муддатда бирлашма таркибига кирувчи жамоаларнинг амалдаги тузилмаси ва Низомини кўриб чиқиб, тасдиқласин.
Олдинги таҳрирга қаранг.
3. Белгилаб қўйилсинки, «Ўзбекрақс» бирлашмасига Бош директор — Бошқарув раиси раҳбарлик қилади. Бош директор Маданият ва спорт ишлари вазирлигининг ҳайъати аъзоси ҳисобланади.
(3-банд Ўзбекистон Республикаси Вазирлар Маҳкамасининг 2005 йил 6 июлдаги 157-сонли қарори таҳририда— ЎР ҚҲТ, 2005 й., 27-сон, 192-модда)
4. «Ўзбекрақс» бирлашмаси қошида ижодий жамоаларни моддий ва ижтимоий қўллаб-қувватлаш ҳамда рағбатлантириш мақсадида махсус Жамғарма ташкил этилсин.
Давлат органлари ва жамоат ташкилотлари ҳамда мулкчилик шакллари, идоравий бўйсунишидан қатъи назар, бошқа муассасалар, шунингдек хорижий ташкилотлар Жамғарма ҳаммуассислари бўлиши мумкинлиги белгилаб қўйилсин.
Ўзбекистон Республикаси Адлия вазирлиги бир ой муддатда «Ўзбекрақс» бирлашмаси қошидаги махсус Жамғарма низомини белгиланган тартибда рўйхатдан ўтказсин.
5. Тошкент шаҳар ҳокимлиги М.Турғунбоева номидаги «Ўзбекрақс» миллий рақс бирлашмасини Мустақиллик майдони, 5-уйга, шу жумладан, «Баҳор» концерт залига жойлаштиришни ҳал қилсин.
6. «Ўзбекнаво» гастроль-концерт бирлашмаси ва «Ўзтелерадио» компанияси бир ой муддат ичида «Ўзбекрақс» бирлашмаси таркибига кираётган рақс жамоаларининг мулкларини ўз балансларидан унинг балансига ўтказсинлар.
Белгилаб қўйилсинки, «Тановар» ансамбли «Ўзтелерадио» компанияси биносида ўзи эгаллаб турган хона, зал ва студиялардан ижара ҳақи тўламасдан фойдаланади.
Олдинги таҳрирга қаранг.
(7-банднинг биринчи хатбоши Ўзбекистон Республикаси Вазирлар Маҳкамасининг 2005 йил 6 июлдаги 157-сонли қарори таҳририда— ЎР ҚҲТ, 2005 й., 27-сон, 192-модда)
Молия вазирлиги билан биргаликда икки ой муддатда «Ўзбекрақс» бирлашмасини 2002 йилдан тўла хўжалик ҳисобида ва ўзини ўзи маблағ билан таъминлаш асосида ишлашга ўтказиш дастурини ишлаб чиқсин ва тасдиқласин;
Тошкент давлат миллий рақс ва хореография Олий мактабини Тошкент шаҳар, Юсуф Хос Ҳожиб кўчаси, 31-уйга жойлаштирсин;
Олий ва ўрта махсус таълим вазирлиги билан биргаликда икки ой муддатда Олий мактаб Низоми ва тузилмасини, ўқув режалари ва дастурларини ҳамда мутахассисликлар рўйхатини тасдиқласин;
миллий рақс ва халқ ижодиётини ривожлантириш, ёш истеъдод эгаларини аниқлаш мақсадида ҳар йили М.Турғунбоева номидаги республика кўрик-танловини ўтказсин.
8. Вазирлар Маҳкамасининг «Ўзбекистонда театр ва мусиқа санъатини янада ривожлантиришни қўллаб-қувватлаш ва рағбатлантириш чора-тадбирлари тўғрисида»ги Фармонни амалга ошириш масалалари ҳақида» 1995 йил 28 октябрдаги 415-сон қарори билан белгиланган имтиёзлар Тошкент давлат миллий рақс ва хореография Олий мактабига, шунингдек «Ўзбекрақс» бирлашмасига ҳам жорий этилсин.
9. Тошкент шаҳар ҳокимлиги бир ой муддатда Тошкент давлат миллий рақс ва хореография Олий мактаби машғулот залининг қурилиши учун ер майдони ажратсин.
10. «Ўзистиқболстат» давлат қўмитаси машғулот залининг қурилишини 1998 йилги инвестиция дастурида белгиланган тартибда инобатга олсин.
Машғулот залининг қурилиши учун Маданият ишлари вазирлиги бош буюртмачи этиб белгилансин ва вазирлик бош пудратчини аниқлаш учун тендер эълон қилсин.
«Ўзбекрақс» бирлашмаси тўлиқ ўз харажатларини ўзи қоплашга ўтгунга қадар давлат бюджетидан маблағ билан таъминлашни сақлаб қолсин;
Тошкент давлат миллий рақс ва хореография Олий мактаби ҳамда «Ўзбекрақс» бирлашмаси биноларини таъмирлаш учун Маданият ишлари вазирлигининг буюртмасига мувофиқ 1997-1999 йиллар мобайнида маблағ ажратсин;
М.Турғунбоева номидаги республика кўрик-танлови совриндорларини тақдирлаш учун 4-иловага мувофиқ ҳар йили зарур маблағларни ажратишни назарда тутсин;
«Ўзбекрақс» бирлашмасининг моддий-техника базасини мустаҳкамлаш учун 5-иловага мувофиқ маблағ ажратсин;
«Ўзбекрақс» бирлашмаси дирекциясига хизмат кўрсатиш учун 2 та, Олий мактаб учун 1 та енгил автомобилга лимит ажратсин.
12. «Тошшаҳарйўловчитранс» давлат уюшмаси «Ўзбекрақс» бирлашмаси ва Олий мактабга ажратилган лимитга мувофиқ транспорт хизмати кўрсатишни таъминласин.
13. Ўзбекистон Республикаси Марказий банки хорижий ҳамкорлар билан ҳисоб-китоб қилиш учун «Ўзбекрақс» бирлашмаси ва Олий мактабга белгиланган тартибда пул маблағларини эркин муомаладаги валютага айирбошлашни таъминласин.
14. «Ўзбекрақс» миллий рақс бирлашмасига мулкчиликнинг барча шаклларидаги корхоналар (ташкилотлар), шу жумладан хорижий ва қўшма корхоналар(ташкилотлар)га Вазирлар Маҳкамасининг 1994 йил 19 апрелдаги 215-сон қарорида мусиқа ва рақс санъатининг белгиланган турлари билан шуғулланишга махсус рухсатнома (лицензия) олишлари учун ўрнатилган тартибда хулоса бериш ва таклиф киритиш ваколати берилсин.
15. Ўзбекистон Республикаси Алоқа вазирлиги «Ўзбекрақс» бирлашмаси ва Олий мактаб учун ҳукумат ва шаҳар телефон алоқаси ўрнатишни таъминласин.
17. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А. Азизхўжаев зиммасига юклансин.
Олдинги таҳрирга қаранг.
1. Мукаррама Турғунбоева номидаги «Ўзбекрақс» миллий рақс бирлашмаси (бундан буён матнда «Ўзбекрақс» деб аталади) рақс жамоалари ва алоҳида ижрочиларни ихтиёрийлик асосида танлов йўли билан бирлаштирувчи Ўзбекистон Республикаси Маданият ва спорт ишлари вазирлиги тизимидаги мустақил ижодий ишлаб чиқариш тузилмасидир.
(1-банд Ўзбекистон Республикаси Вазирлар Маҳкамасининг 2005 йил 6 июлдаги 157-сонли қарори таҳририда— ЎР ҚҲТ, 2005 й., 27-сон, 192-модда)
2. «Ўзбекрақс» таркибига, мулкчилик шакли ва идоравий мансублигидан қатъи назар, ижодий жамоалар ва алоҳида ижрочилар киришлари мумкин.
3. «Ўзбекрақс» ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий Мажлиси қарорларига, Ўзбекистон Республикаси Президенти фармонлари ва фармойишларига, Вазирлар Маҳкамасининг қарорлари ва фармойишларига ҳамда мазкур Низомга амал қилади.
4. «Ўзбекрақс» юридик шахс ҳисобланади, банк муассасаларида ҳисоб-китоб, валюта ва бошқа счётларига эга бўлади, алоҳида мулкка эгалик қилади, ўз номидан мамлакатимиздаги ва хориждаги ҳамкорлар билан турли шартнома, битимлар тузиши, мулкий ва шахсий, мулкий бўлмаган ҳуқуқлар ва мажбуриятлар олиши, суд органларида даъвогар ва жавобгар бўлиши мумкин.
6. «Ўзбекрақс» мамлакатда миллий рақс санъатини ривожлантириш, ижодий жамоалар ва алоҳида ижрочиларнинг ижодий имкониятларини кенгайтириш, уларнинг иқтисодий ва ижтимоий ривожланиши учун куч ва маблағларни бирлаштириш мақсадида ташкил этилган.
ўзбек халқининг асрлар давомида шаклланган ва авлоддан авлодга ноёб мерос сифатида ўтиб келаётган жозибали рақс намуналарини тўплаш, бойитиш, халқимиз, айниқса, ёш авлод онгига бу бебаҳо бойликларга чуқур ҳурмат ва ҳавас туйғуларини сингдириш, уларда миллий маданиятимиз, қадриятларимизга нисбатан эҳтиром ҳисларини юксалтириш;
мамлакатимизнинг барча ҳудудларидаги рақс йўналишларини асраш, авайлаш, шу асосда янги бадиий жамоалар тузиш, мустақиллик маънавиятини ва истиқлол ғояларини тараннум этувчи, халқимизга эстетик, завқ бағишловчи замонавий ўзбек рақс мактабини яратиш;
бирлашма таркибидаги ижодий жамоаларнинг ташкилий, молиявий, моддий-техник масалаларини ечиш, уларни мусиқа асбоблари, ранг-баранг рақс либослари, замонавий радиоэлектрон техника, зарур анжомлар билан таъминлаш;
рақс санъатини Ўзбекистон халқи, чет мамлакатлар жамоатчилиги орасида тарғиб қилиш, ансамблларнинг кенг кўламли дастурларга асосланган самарали гастроль фаолиятини уюштириш, реклама-тижорат ишларини йўлга қўйиш;
рақс соҳасида гастроль-концерт фаолиятини мувофиқлаштириш, аҳолининг эстетик талаб ва таклифларини ўрганиш;
хорижий фирмалар билан маданий, савдо-иқтисодий ва илмий-техник ҳамкорлик қилиш юзасидан ўзаро манфаатли ташқи иқтисодий алоқаларнинг янги шаклларини йўлга қўйиш;
«Ўзбекрақс» таркибидаги жамоалар ҳамда алоҳида ижрочилар фаолиятига раҳбарлик қилишнинг самарали тизимини яратиш, ташаббускорликни рағбатлантиришнинг замонавий шакллари ва услубларини жорий этиш.
мамлакатда ва хорижда гастроль-концерт фаолиятининг кенг кўламли дастурларини ишлаб чиқади ва амалга оширади, шоу-дастурлар, дам олиш кечалари, фестиваллар, кўриклар, танловлар ва бошқа тадбирларни ўтказади;
рақс, мусиқа санъатини ривожлантириш, ижодий жамоалар ва ижрочиларни моддий ва ижтимоий қўллаб-қувватлаш, ёш истеъдодларни излаб топиш ҳамда рағбатлантириш мақсадида махсус Жамғарма ташкил этади;
маданият ва рақс санъати соҳасида ахборотлар базасини яратади, хорижий ташкилотлар, вакилликлар ва фирмаларни бу соҳадаги янгиликлар ҳақида хабардор қилади;
ўз таркибидаги давлат бюджетидан дотация олмайдиган ташкилот, корхона ва муассасаларнинг фойдасидан ажратмалар;
10. «Ўзбекрақс» ўзига тегишли бўлган мол-мулк ва маблағлардан ўз қатнашчилари манфаатлари йўлида фойдаланади, ҳам мамлакат ҳудудида, ҳам унинг ташқарисида ҳар қандай кўчадиган ва кўчмас мулкни қуриши ва реконструкция қилиши, сотиб олиши, ажратиши, ижарага олиши ва ижарага бериши, уларга нисбатан қонунга хилоф бўлмаган бошқа ишларни амалга ошириши мумкин.
11. «Ўзбекрақс» мустақил ва йиғма балансларига эга бўлади. Бирлашманинг мол-мулки мустақил балансда акс эттирилади.
12. «Ўзбекрақс» давлат корхоналари учун белгиланган қоидалар бўйича бухгалтерлик ҳисобини ташкил этади.
13. Юридик ёки жисмоний шахслар ҳисобланувчи, мазкур Низом, бошқа таъсис ҳужжатлари талабларини тан олувчи, бирлашма вазифаларига мувофиқ маданий, ишлаб чиқариш, хўжалик ҳамда фаолиятнинг бошқа турларини амалга оширувчи маданият ва санъат ташкилотлари, муассасалари, корхоналар ва бирлашмалар «Ўзбекрақс» қатнашчилари бўлишлари мумкин.
14. Вазирлар Маҳкамасининг «Ўзбекистонда театр ва мусиқа санъатини янада ривожлантиришни қўллаб-қувватлаш ва рағбатлантириш чора-тадбирлари тўғрисида»ги Фармонни амалга ошириш масалалари ҳақида» 1995 йил 28 октябрдаги 415-сон қарори билан белгиланган имтиёзлар Тошкент давлат миллий рақс ва хореография олий мактабига, шунингдек «Ўзбекрақс» бирлашмасига ҳам жорий этилади.
ўзининг ривожланиши йўлида бирлашманинг ижодий, илмий-техник ишланмаларидан ва маҳсулотларидан устувор даражада фойдаланиш;
тузилган шартномаларга мувофиқ белгиланган мажбуриятларни сақлаган ҳолда камида олти ой олдин бирлашма бошқарувини хабардор қилиб, бирлашмадан чиқиш ҳуқуқига эга.
«Ўзбекрақс» ёки унинг ҳар қандай қатнашчиси билан тузилган шартномаларни бажармаганлиги учун ушбу шартномалар ва Ўзбекистон Республикасининг қонун ҳужжатларида кўзда тутилган тартибда жавоб беради;
«Ўзбекрақс» тўғрисидаги Низом қоидаларига риоя қилмаганлиги учун бирлашма таркибидан чиқарилиши мумкин.
18. «Ўзбекрақс» бирлашмасига Бош директор раҳбарлик қилади. Бош директор раҳбарлигидаги бошқарув унинг тасарруф этувчи органи ҳисобланади.
Бош директор ва унинг ўринбосарлари Ўзбекистон Республикаси Вазирлар Маҳкамаси томонидан тайинланади.
Олдинги таҳрирга қаранг.
«Ўзбекрақс»нинг Бош директори Ўзбекистон Республикаси Маданият ва спорт ишлари вазирлиги ҳайъатининг аъзоси ҳисобланади.
Бошқарув «Ўзбекрақс»нинг Бош директори, унинг ўринбосарлари, бирлашма таркибидаги жамоалар бадиий раҳбарлари ва етакчи мутахассислардан ташкил топади. Бошқарув аъзолари сонини ва таркибини Маданият ва спорт ишлари вазирлиги тасдиқлайди.
(18-банднинг учинчи ва тўртинчи хатбошилари Ўзбекистон Республикаси Вазирлар Маҳкамасининг 2005 йил 6 июлдаги 157-сонли қарори таҳририда— ЎР ҚҲТ, 2005 й., 27-сон, 192-модда)
«Ўзбекрақс» бирлашмаси дирекцияси қошида етакчи бадиий жамоалар ва ҳудудий бўлинмаларнинг раҳбарларидан, мутахассислардан иборат бадиий кенгаш тузилади.
19. Бош директор ўз ваколати доирасида «Ўзбекрақс» бошқаруви ва унинг тасарруфидаги корхона ва ташкилотлар учун бажарилиши мажбурий бўлган буйруқлар ва бирлашма фаолиятига оид бошқа меъёрий ҳужжатларни чиқаради.
21. «Ўзбекрақс» бирлашмаси Ўзбекистон Республикаси қонунларида белгиланган тартибда тугатилиши, қайта тузилиши ёки бошқа ижодий ташкилотлар билан бирлаштирилиши мумкин.
Олдинги таҳрирга қаранг.
(7-банднинг иккинчи хатбошиси Ўзбекистон Республикаси Вазирлар Маҳкамасининг 2016 йил 29 июлдаги 246-сонли қарори таҳририда — ЎР ҚҲТ, 2016 й., 31-сон, 375-модда)
Номи | Ходимлар сони |
Бош директор | 1 |
Бош директор ўринбосари — бадиий раҳбар | 1 |
Бош директор ўринбосари — ижрочи директор | 1 |
Ижодий бўлим | 3 |
Гастроль-концерт фаолияти, ахборот ва репертуар бўлими | 3 |
Иқтисодиёт, ҳисоб-китоб ва моддий-техника таъминоти бўлими | 3 |
Халқаро алоқалар, реклама ва тижорат бўлими | 3 |
Кадрлар бўйича инспектор | 1 |
ЖАМИ: | 16 |