2004 йил 14 апрелда «Ўзбекнефтгаз» Миллий холдинг компанияси ҳамда «Зарубежнефтегаз» ёпиқ акциядорлик жамияти (Россия) ва «Gaz Project Development Central Asia AG» компаниясидан (Швейцария) иборат таркибдаги консорциум ўртасида тузилган Шохпахта конини қўшимча очиш бўйича маҳсулот тақсимоти тўғрисидаги битим доирасида техник-иқтисодий кўрсаткичларни мақбуллаштириш мақсадида:

1. Музокаралар якунлари бўйича 2004 йил 14 апрелда «Ўзбекнефтгаз» Миллий холдинг компанияси билан «Зарубежнефтегаз» ёпиқ акциядорлик жамияти (Россия) ва «Gaz Project Development Central Asia AG» компаниясидан (Швейцария) иборат таркибдаги консорциум ўртасида тузилган Шохпахта конини қўшимча очиш бўйича маҳсулот тақсимоти тўғрисидаги Битимга 2009 йил 1 январдан табиий газнинг ер қаъридан фойдаланганлик учун солиқ ставкасини 18,5 фоиздан 30 фоизгача оширишни назарда тутувчи 1-сон Қўшимча битим имзоланганлиги маълумот учун қабул қилинсин.

2. «Ўзбекнефтгаз» Миллий холдинг компанияси бошқаруви раисига Шохпахта конини қўшимча очиш бўйича маҳсулот тақсимоти тўғрисидаги Битимга 1-сон Қўшимча битимни Ўзбекистон Республикаси номидан имзолаш ваколати берилсин.

4. Мазкур қарорнинг ижросини назорат қилиш Ўзбекистон Республикаси Бош вазири ўринбосари Э.Р. Шоисматов зиммасига юклансин.