Ўзбекистон Республикасининг «Қимматли қоғозлар бозори тўғрисида»ги Қонунига (Ўзбекистон Республикасининг қонун ҳужжатлари тўплами, 2008 й., 29-30-сон, 278-модда), Ўзбекистон Республикаси Вазирлар Маҳкамасининг 2008 йил 28 июль 160-сонли «Қимматли қоғозлар бозори инфратузилмасини ривожлантиришга оид қўшимча чора-тадбирлар тўғрисида»ги қарорига (Ўзбекистон Республикасининг қонун ҳужжатлари тўплами, 2008 й., 31-32-сон, 298-модда), шунингдек Ўзбекистон Республикаси Вазирлар Маҳкамасининг 1996 йил 30 мартдаги 126-сонли қарори билан тасдиқланган «Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази тўғрисида»ги низомга мувофиқ (Ўзбекистон Республикаси Ҳукуматининг қарорлари тўплами, 1996 й., 3-сон, 11-модда) буюраман:
Кейинги таҳрирга қаранг.
1. Қимматли қоғозлар бозорида профессионал фаолиятни бирга қўшиб олиб боришга доир чеклашлар ва бирга қўшиб олиб бориш тартиби, қимматли қоғозлар бозори профессионал иштирокчиларининг мажбурий нормативлар тизими тўғрисидаги низом иловага мувофиқ тасдиқлансин.
2. Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш Маркази Бош директорининг 2003 йил 11 сентябрдаги 2003-15-сонли «Инвестиция институтлари фаолиятининг иқтисодий нормативлари тўғрисидаги низомни тасдиқлаш ҳақида»ги буйруғи (2003 йил 30 сентябрь, рўйхат рақами 1280 — Меъёрий ҳужжатлар ахборотномаси, 2003 й., 17-18-сон) ўз кучини йўқотган деб топилсин.
3. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киритилсин.
Қимматли қоғозлар бозори фаолиятини мувофиқлаштириш ва назорат қилиш маркази Бош директорининг 2009 йил 9 январдаги 2009-02-сонли буйруғи билан ТАСДИҚЛАНГАН
Мазкур Низом Ўзбекистон Республикасининг «Қимматли қоғозлар бозори тўғрисида»ги Қонуни (Ўзбекистон Республикаси қонун ҳужжатлари тўплами, 2008 й., 29-30-сон, 278-модда), Ўзбекистон Республикаси Вазирлар Маҳкамасининг 2008 й. 28 июлдаги 160-сонли «Қимматли қоғозлар бозори инфратузилмасини ривожлантиришга оид қўшимча чора-тадбирлар тўғрисида»ги (Ўзбекистон Республикаси қонун ҳужжатлари тўплами 2008 й., 31-32-сон, 298-модда) қарори ва бошқа қонун ҳужжатларига мувофиқ қимматли қоғозлар бозорида профессионал фаолиятни бирга қўшиб олиб боришга доир чеклашлар ва бирга қўшиб олиб бориш тартиби, қимматли қоғозлар бозори профессионал иштирокчиларининг мажбурий нормативлар тизимини ўрнатади.
Кейинги таҳрирга қаранг.
қимматли қоғозлар бозори профессионал иштирокчиларининг мажбурий нормативлар тизими (кейинги ўринларда — мажбурий нормативлар тизими) — қимматли қоғозлар бозори профессионал иштирокчиси томонидан қимматли қоғозлар бозорида профессионал фаолиятни бирга қўшиб олиб боришда риоя этиш учун мажбурий бўлган ўз маблағларининг миқдори;
қимматли қоғозлар бозорида профессионал фаолият (кейинги ўринларда — профессионал фаолият) — қимматли қоғозларни чиқариш, жойлаштириш ва уларнинг муомаласи билан боғлиқ хизматлар кўрсатиш бўйича лицензияланадиган фаолият тури;
қимматли қоғозлар бозорининг профессионал иштирокчиси (кейинги ўринларда — профессионал иштирокчи) — қимматли қоғозлар бозорида профессионал фаолиятни амалга оширувчи юридик шахс;
ваколатли давлат органи — Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази.
Кейинги таҳрирга қаранг.
2. Мазкур Низомнинг мажбурий нормативлар тизимига риоя этиш ва ўз маблағларининг миқдори тўғрисидаги маълумотларни тақдим этиш бўйича талаблари Қимматли қоғозлар марказий депозитарийси, фонд биржалари ва фонд бўлимларини ташкил этган бошқа биржалар, шунингдек тижорат банклари ва суғурталовчилар бўлган профессионал иштирокчиларга татбиқ қилинмайди.
Кейинги таҳрирга қаранг.
3. Профессионал фаолиятнинг ҳар бир қисми учун ўз маблағларининг энг кам миқдори қонун ҳужжатларида белгиланади.
Кейинги таҳрирга қаранг.
4. Мажбурий нормативлар тизими профессионал фаолиятнинг ҳар бир қисми учун белгиланган ўз маблағларининг энг кам миқдорларини қўшиш йўли билан аниқланади.
Кейинги таҳрирга қаранг.
Профессионал фаолиятнинг бир қисмини амалга ошириш ниятидаги шахснинг (лицензия талабгорининг) ўз маблағлари миқдори лицензияни олишга ариза бериш пайтида ўз маблағларининг мувофиқ энг кам миқдорига, профессионал фаолиятни бирга қўшиб олиб бориш нияти бўлган тақдирда — мажбурий нормативлар тизимига мувофиқ бўлиши керак.
5. Профессионал иштирокчининг ўз маблағлари миқдори бутун профессионал фаолият давомида ўз маблағларининг мувофиқ энг кам миқдорига, профессионал фаолиятни бирга қўшиб олиб борган тақдирда — мажбурий нормативлар тизимига мувофиқ бўлиши керак.
6. Агарда профессионал иштирокчининг ташкилий-ҳуқуқий шакл учун устав капиталининг (фонди) энг кам миқдорига талаблар қонун ҳужжатларида мазкур Низомда белгиланган мажбурий нормативлар тизими ва ўз маблағлари энг кам миқдорларига бўлган талаблардан фарқли белгиланган бўлса, улардан кўпроғи қўлланилади.
Кейинги таҳрирга қаранг.
7. Профессионал иштирокчи ҳар чоракда, ҳисобот давридан кейинги ойнинг ўнинчи санасидан кечиктирмасдан ваколатли давлат органига ўз маблағларининг миқдори тўғрисидаги маълумотларни тақдим этади.
Профессионал иштирокчи томонидан ўз маблағлари миқдорининг ҳисоби қонун ҳужжатларида белгиланган тартибда амалга оширилади.
Кейинги таҳрирга қаранг.
8. Ваколатли давлат органи белгиланган тартибда профессионал иштирокчининг ўз маблағларининг ҳисобланган миқдорини тўғрилиги ва улар тақдим этган маълумотларнинг ҳақиқийлигини текширишга ҳақли.
9. Қонун ҳужжатлари ва мазкур Низомга мувофиқ профессионал фаолиятнинг бирга қўшиб олиб бориладиган (қўшимча) қисми профессионал фаолиятнинг амалга оширилаётган қисми билан бирга қўшиб олиб борилиши керак.
Кейинги таҳрирга қаранг.
10. Қимматли қоғозлар бозорида профессионал фаолиятни мазкур Низомнинг IV-бўлимида белгиланган ҳолатлардан ташқари:
а) инвестиция воситачисини (брокерни, дилерни) инвестиция маслаҳатчиси, инвестиция активларини ишончли бошқарувчиси, депозитарий, трансфер-агент профессионал фаолияти билан;
б) инвестиция маслаҳатчисини инвестиция воситачиси, инвестиция активларини ишончли бошқарувчиси, депозитарий, трансфер-агент профессионал фаолияти билан;
в) инвестиция активларини ишончли бошқарувчисини инвестиция воситачиси, инвестиция маслаҳатчиси, депозитарий, трансфер-агент профессионал фаолияти билан;
г) депозитарийни инвестиция воситачиси, инвестиция маслаҳатчиси, инвестиция активларини ишончли бошқарувчиси, трансфер-агент профессионал фаолияти билан;
д) ҳисоб-китоб-клиринг палатасини қимматли қоғозларнинг биржадан ташқари савдоси ташкилотчиси профессионал фаолияти билан;
е) трансфер-агентни инвестиция воситачиси, инвестиция маслаҳатчиси, инвестиция активларини ишончли бошқарувчиси, депозитарий профессионал фаолияти билан;
ж) қимматли қоғозларнинг биржадан ташқари савдоси ташкилотчисини ҳисоб-китоб-клиринг палатаси профессионал фаолиятларни бирга қўшиб олиб боришга йўл қўйилади.
Кейинги таҳрирга қаранг.
11. Профессионал иштирокчи профессионал фаолиятни бирга қўшиб олиб боришда бирга қўшиб олиб борилаётган профессионал фаолиятнинг ҳар бир қисми бўйича қимматли қоғозлар билан операцияларнинг якка ҳисобини ташкил этиши, шунингдек у томонидан амалга оширилаётган профессионал фаолиятни қонун ҳужжатлари талабларига мувофиқлиги устидан ички назоратни ташкил этиши ва амалга ошириши керак.
Кейинги таҳрирга қаранг.
12. Профессионал иштирокчилар қонун ҳужжатларида белгиланган тартибда профессионал фаолиятга тааллуқли бўлмаган тадбиркорлик фаолиятини амалга оширишга ҳақли.
Кейинги таҳрирга қаранг.
13. Профессионал иштирокчиларга мазкур Низомнинг 10-банди билан назарда тутилмаган профессионал фаолиятни бирга қўшиб олиб бориш тақиқланади.
14. Трансфер-агент ва депозитарийнинг профессионал фаолиятларини бирга қўшиб олиб борувчи профессионал иштирокчи инвестиция воситачисининг профессионал фаолиятини амалга оширишга ҳақли эмас.
Кейинги таҳрирга қаранг.
Кейинги таҳрирга қаранг.
16. Қимматли қоғозлар марказий депозитарийси фақат трасфер-агент ва (ёки) ҳисоб-китоб-клиринг палатасининг профессионал фаолиятини бирга қўшиб олиб бориши мумкин.
Кейинги таҳрирга қаранг.
17. Профессионал иштирокчининг ушбу шахслар номидан қимматли қоғозлар билан операцияларни амалга оширувчи ва хизматлар кўрсатувчи ва (ёки) қимматли қоғозлар бозорида ишларни бажарувчи раҳбари ва ходимлари бошқа профессионал иштирокчиларда лавозимларни эгаллашга ҳақли эмас.
18. Мазкур Низом талабларини бузилишида айбдор шахслар қонун ҳужжатларига мувофиқ жавобгар бўладилар.
Кейинги таҳрирга қаранг.