Ўзбекистон Республикаси Вазирлар Маҳкамасининг
қарори
«Қимматли қоғозлар бозори тўғрисида»ги Ўзбекистон Республикаси Қонунини амалга ошириш чора-тадбирлари ҳақида
«Қимматли қоғозлар бозори тўғрисида»ги Ўзбекистон Республикаси Қонунини самарали амалга оширишни таъминлаш ва қимматли қоғозлар бозори профессионал қатнашчиларининг молиявий барқарорлигини ошириш мақсадида Вазирлар Маҳкамаси қарор қилади:
1. Ўзбекистон Республикаси Давлат мулки қўмитаси ҳамда Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш марказининг 2009 йил 1 январдан бошлаб қимматли қоғозлар бозори профессионал қатнашчилари ўз маблағларининг энг кам миқдорини 1-иловага мувофиқ белгилаш тўғрисидаги таклифига розилик берилсин.
Қимматли қоғозлар бозорининг фаолият кўрсатаётган профессионал қатнашчилари 2010 йил 1 январгача бўлган муддатда ўз маблағлари миқдорининг ушбу банд талабларига мувофиқлаштирилишини таъминласинлар.
2. Эмиссиявий қимматли қоғозлар чиқариш Ягона давлат реестрини юритиш тартиби тўғрисидаги Низом 2-иловага мувофиқ тасдиқлансин.
3. Ўзбекистон Республикаси Давлат мулки қўмитаси Молия вазирлиги, Иқтисодиёт вазирлиги, Марказий банк ҳамда бошқа манфаатдор вазирликлар ва идоралар билан биргаликда Ўзбекистон Республикаси норезидентлари томонидан чиқарилган қимматли қоғозларни Ўзбекистон Республикаси ҳудудида, шунингдек Ўзбекистон Республикаси резидентлари томонидан чиқарилган қимматли қоғозларни Ўзбекистон Республикаси ҳудудидан ташқарида жойлаштириш ва муомалага чиқаришга рухсат бериш ва улар бўйича квоталар белгилаш тартиби тўғрисидаги Низомни икки ой муддатда ишлаб чиқсин ва Вазирлар Маҳкамасига киритсин.
4. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.
5. Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази Адлия вазирлиги ҳамда бошқа манфаатдор вазирликлар ва идоралар билан биргаликда бир ой муддатда идоравий норматив-ҳуқуқий ҳужжатларнинг ушбу қарорга мувофиқлаштирилишини таъминласинлар.
6. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С.Азимов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2008 йил 29 декабрь,
284-сон
Вазирлар Маҳкамасининг 2008 йил 29 декабрдаги 284-сон қарорига
1-ИЛОВА
Олдинги таҳрирга қаранг.
Қимматли қоғозлар бозори профессионал қатнашчилари ўз маблағларининг энг кам миқдори*

(млн. сўм)

Қимматли қоғозлар бозори профессионал иштирокчилари

Ўз маблағларининг энг кам миқдори

Инвестиция маслаҳатчилари

50

Трансфер-агентлар

100

Инвестиция активларининг ишончли бошқарувчилари

250

Инвестиция воситачилари

250

Қимматли қоғозларнинг биржадан ташқари савдолари ташкилотчилари

1 000

* Инвестиция фондлари ўз маблағларининг энг кам миқдори белгиланмайди.
(1-илова Ўзбекистон Республикаси Вазирлар Маҳкамасининг 2017 йил 9 октябрдаги 810-сонли қарори таҳририда — Қонун ҳужжатлари маълумотлари миллий базаси, 12.10.2017 й., 09/17/810/0095)
Вазирлар Маҳкамасининг 2008 йил 29 декабрдаги 284-сон қарорига
2-ИЛОВА
Эмиссиявий қимматли қоғозлар чиқариш Ягона давлат реестрини юритиш тартиби тўғрисида
НИЗОМ
I. Умумий қоидалар
1. Ушбу Низом «Қимматли қоғозлар бозори тўғрисида»ги Ўзбекистон Республикаси Қонунига мувофиқ Эмиссиявий қимматли қоғозлар чиқариш Ягона давлат реестрини (кейинги ўринларда Реестр деб юритилади) юритиш ва ундаги маълумотларни фойдаланувчиларга тақдим этиш тартибини белгилайди.
Ушбу Низом талаблари эмиссиявий қимматли қоғозларга татбиқ этилади.
2. Реестр қимматли қоғозлар бозорини тартибга солиш бўйича давлат ваколатли органининг марказий аппарати—Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази (кейинги ўринларда рўйхатдан ўтказувчи орган деб юритилади) ва унинг ҳудудий бошқармалари томонидан шакллантирилади ва юритилади.
Рўйхатдан ўтказувчи орган марказий аппаратининг унинг ҳудудий бошқармалари реестрни шакллантириш ва юритиш бўйича ўзаро ҳамкорлик қилиш регламенти белгиланган тартибда рўйхатдан ўтказувчи орган марказий аппарати раҳбарининг буйруғи билан белгиланади.
3. Реестрда:
1) давлат рўйхатидан ўтказилиши рўйхатдан ўтказувчи орган томонидан амалга оширилган эмиссиявий қимматли қоғозлар чиқаришлар (қўшимча чиқаришлар) тўғрисидаги;
2) «Қимматли қоғозлар бозори тўғрисида»ги Ўзбекистон Республикаси Қонунига мувофиқ рўйхатдан ўтказилмайдиган эмиссиявий қимматли қоғозлар чиқаришлар (қўшимча чиқаришлар) тўғрисидаги;
3) бекор қилиш тўғрисидаги қарор рўйхатдан ўтказувчи орган ёки давлат қимматли қоғозлар эмитентлари томонидан қабул қилинган эмиссиявий қимматли қоғозларни қўшимча чиқаришларнинг бекор қилинган рўйхатдан ўтказиш тартиб рақамлари (идентификация тартиб рақамлари) тўғрисидаги ахборотлар мавжуд бўлиши керак.
4. Реестр электрон шаклда (маълумотларнинг электрон базасидан фойдаланган ҳолда) ва қоғозли манбада юритилади.
II. Реестрдаги мавжуд маълумотлар
5. Реестрда эмитент ва унинг томонидан чиқарилган эмиссиявий қимматли қоғозлар тўғрисида қуйидаги маълумотлар мавжуд бўлиши керак:
Олдинги таҳрирга қаранг.
1) эмитентнинг унинг таъсис ҳужжатларига мувофиқ тўлиқ ва қисқартирилган номи;
2) эмитентнинг ташкилий-ҳуқуқий шакли;
3) юридик шахсларнинг давлат реестрига эмитентни ташкил этиш тўғрисида ёзув киритилган давлат рўйхатидан ўтказиш тартиб рақами ва бундай ёзув киритилган сана;
4) эмитентнинг солиқ тўловчининг идентификация тартиб рақами (СТИР);
5) эмитентнинг жойлашган жойи (почта манзили), эмитентнинг хат-хабарларни олиш учун бошқа манзиллари мавжуд бўлган тақдирда — ушбу манзиллар, шу жумладан электрон почта манзили ва веб-сайт ҳам кўрсатилади;
6) эмитентнинг рўйхатдан ўтказувчи орган томонидан бериладиган ягона коди;
7) эмитентни тугатиш ёки қайта ташкил этиш тўғрисидаги маълумотлар;
8) эмиссиявий қимматли қоғозлар чиқариш (қўшимча чиқариш)га берилган давлат рўйхатидан ўтказиш тартиб рақами ва унинг берилган санаси, рўйхатдан ўтказувчи органнинг номи, давлат қимматли қоғозлари ҳолатида эса бундай қимматли қоғозлар чиқариш (қўшимча чиқариш)нинг рўйхатдан ўтказиш (идентификация) тартиб рақами ва унинг берилган санаси, шунингдек рўйхатдан ўтказиш (идентификация) тартиб рақами берган органнинг номи;
9) эмиссиявий қимматли қоғозларнинг тоифаси (тури, типи), серияси, шакли ва бошқа идентификация белгилари;
(5-банднинг 1) — 9)-кичик бандлари Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
10) ушбу чиқариш (қўшимча чиқариш)нинг эмиссиявий қимматли қоғозлари сони;
11) ушбу чиқариш (қўшимча чиқариш)нинг ҳар бир эмиссиявий қимматли қоғозининг номинал қиймати;
12) номинал қиймат бўйича эмиссиявий қимматли қоғозлар чиқаришнинг (қўшимча чиқаришнинг) умумий ҳажми;
13) ушбу чиқаришнинг (қўшимча чиқаришнинг) эмиссиявий қимматли қоғозлари ҳолати;
14) эмиссиявий қимматли қоғозларни жойлаштириш усули.
III. Ўзбекистон Республикаси Молия вазирлиги ва Марказий банкининг рўйхатдан ўтказувчи орган билан ўзаро ҳамкорлик қилиш тартиби
6. Ўзбекистон Республикаси Молия вазирлиги ҳар ой тугагандан кейин ўн кун мобайнида унинг томонидан чиқарилган эмиссиявий қимматли қоғозлар бўйича ахборотни ушбу Низомга 1-иловага мувофиқ шакл бўйича шакллантиради ва рўйхатдан ўтказувчи органга тақдим этади.
7. Ўзбекистон Республикаси Марказий банки ҳар ой тугагандан кейин ўн кун мобайнида унинг томонидан чиқарилган эмиссиявий қимматли қоғозлар бўйича ахборотни ушбу Низомга 2-иловага мувофиқ шакл бўйича шакллантиради ва рўйхатдан ўтказувчи органга тақдим этади.
8. Ушбу Низомнинг 6 ва 7-бандларида кўрсатилган маълумотлар рўйхатдан ўтказувчи органга ёзма ва электрон шаклларда тақдим этилади.
Электрон шаклдаги маълумотлар Ўзбекистон Республикаси Молия вазирлиги ва Марказий банки томонидан рўйхатдан ўтказувчи орган тақдим қилган электрон почта манзилига ёзма шаклда юборилади.
9. Ушбу Низомнинг 6 ва 7-бандларида кўрсатилган маълумотларни тақдим этиш санаси иш кунидан бошқа кунга тўғри келган ҳолларда тақдим этиш санаси ундан кейинги биринчи иш кунига кўчирилади.
10. Тақдим этилган маълумотларда номувофиқлик аниқланган тақдирда рўйхатдан ўтказувчи орган Ўзбекистон Республикаси Молия вазирлиги ва Марказий банкини аниқланган номувофиқликлар тўғрисида хабардор қилади, улар номувофиқликларни бартараф этиш учун белгиланган тартибда зарур чора-тадбирлар кўрадилар.
11. Ўзбекистон Республикаси Молия вазирлиги, Марказий банки ва рўйхатдан ўтказувчи органнинг ўзаро ҳамкорлиги бепул асосда амалга оширилади. Бунда тақдим этиладиган ахборотдан фақат ушбу Низомда назарда тутилган мақсадлар учун фойдаланилади.
IV. Ёзувларни Реестрга киритиш
12. Қуйидагилар Реестрга тегишли ёзувларни киритиш учун асос ҳисобланади:
1) рўйхатдан ўтказувчи органнинг:
эмиссиявий қимматли қоғозлар чиқариш (қўшимча чиқариш)ни давлат рўйхатидан ўтказиш тўғрисидаги;
илгари рўйхатдан ўтказилган эмиссиявий қимматли қоғозлар чиқариш (қўшимча чиқариш)га ўзгартиришларни давлат рўйхатидан ўтказиш тўғрисидаги;
эмиссиявий қимматли қоғозлар чиқаришни Реестрдан чиқариш ва эмиссиявий қимматли қоғозлар чиқариш (қўшимча чиқариш)га илгари берилган давлат рўйхатидан ўтказиш тартиб рақамини бекор қилиш тўғрисидаги;
Реестрдаги мавжуд маълумотларга ўзгартиришлар киритиш тўғрисидаги қарори;
2) суднинг:
эмиссиявий қимматли қоғозлар чиқариш (қўшимча чиқариш)ни ҳақиқий эмас деб эътироф этиш тўғрисидаги;
эмиссиявий қимматли қоғозлар чиқариш (қўшимча чиқариш)нинг давлат рўйхатидан ўтказиш тартиб рақамини ҳақиқий эмас деб эътироф этиш, илгари рўйхатдан ўтказилган эмиссиявий қимматли қоғозлар чиқариш (қўшимча чиқариш)га ўзгартиришларни давлат рўйхатидан ўтказишни ҳақиқий эмас деб эътироф этиш тўғрисидаги;
эмиссиявий қимматли қоғозлар эмитентини ва/ёки облигациялар бўйича таъминлашни тақдим этган шахсни банкрот деб эътироф этиш тўғрисидаги қонуний кучга кирган қарори;
3) қонун ҳужжатларида белгиланган бошқа ҳоллар.
Олдинги таҳрирга қаранг.
13. Реестрга ёзув рўйхатдан ўтказувчи орган томонидан ушбу Низомнинг 12-бандида назарда тутилган ўзгартиришлар киритиш учун асослар пайдо бўлгандан кейин уч иш куни мобайнида киритилади.
Рўйхатдан ўтказувчи орган давлат рўйхатидан ўтказиш органининг юридик шахсларнинг давлат реестрига юридик шахсни тугатиш тўғрисидаги ёзувни киритиш ҳақидаги ёзма тасдиқномаси асосида қимматли қоғозлар чиқаришни Реестрдан чиқариб ташлаш тўғрисида қарор қабул қилишга ҳақлидир.
(13-банд Ўзбекистон Республикаси Вазирлар Маҳкамасининг 2012 йил 22 майдаги 140-сонли қарори таҳририда — ЎР ҚҲТ, 2012 й., 21-сон, 230-модда)
V. Реестрдан ахборотлар тақдим этиш
14. Реестрдаги мавжуд ахборотлар ҳар қандай манфаатдор шахс учун очиқ ҳисобланади ва мазкур шахс улардан фойдалана олади.
Реестрдаги мавжуд ахборотдан фойдаланиш рўйхатдан ўтказувчи органнинг Интернет тармоғидаги сайтига ушбу ахборотни жойлаштириш орқали амалга оширилади, у Реестрга тегишли маълумотларни киритилишига қараб мунтазам равишда янгилаб борилади.
15. Реестрдаги мавжуд ахборот эмиссиявий қимматли қоғозлар эмитенти (унинг ҳуқуқий вориси) ва бошқа жисмоний ҳамда юридик шахслар, давлат ҳокимияти ва бошқарув органларининг ёзма сўровномасига биноан рўйхатдан ўтказувчи орган томонидан, ушбу Низомга 3, , 3б-иловалардаги намунага мувофиқ, Реестрдан кўчирма шаклида ёки сўралаётган ахборотнинг мавжуд эмаслиги тўғрисидаги маълумотнома шаклида тақдим этилади.
16. Реестрдан кўчирма (сўралаётган ахборотнинг мавжуд эмаслиги тўғрисидаги маълумотнома) рўйхатдан ўтказувчи орган томонидан ушбу Низомнинг 15-бандида кўрсатилган шахсларга тегишли сўровнома олингандан кейин беш иш куни мобайнида берилади (юборилади).
17. Рўйхатдан ўтказувчи орган сўровнома бўйича Реестрдан кўчирмани ушбу банднинг иккинчи хатбошида назарда тутилганлардан бошқа ҳолларда тўлов асосида беради. Реестрдан кўчирма берилганлиги учун энг кам ойлик иш ҳақининг 10 фоизи миқдоридаги тўлов рўйхатдан ўтказувчи органнинг ҳисоб рақамига ўтказилади.
Реестрдан кўчирма давлат ҳокимияти ва бошқаруви органларига бепул берилади.
Эмиссиявий қимматли қоғозлар чиқариш Ягона давлат реестрини юритиш тартиби тўғрисидаги Низомга
1-ИЛОВА

Ўзбекистон Республикаси Молия вазирлиги томонидан чиқарилган қимматли қоғозлар тўғрисида

маълумотлар

Т/рКўрсаткич номиКўрсаткич мазмуни

1.

Эмиссиявий қимматли қоғознинг тўлиқ ва қисқартирилган номи

2.

Эмиссиявий қимматли қоғозлар чиқариш учун асослар

3.

Рўйхатдан ўтказиш тартиб рақами

4.

Эмиссиявий қимматли қоғозлар чиқаришнинг умумий ҳажми (сўм)

5.

Эмиссиявий қимматли қоғозлар чиқаришнинг умумий сони (та)

6.

Эмиссиявий қимматли қоғоз номинали (сўм)

7.

Эмиссиявий қимматли қоғозларнинг муомалада бўлиш муддати (ой)

8.

Кимошди савдоси ўтказиш санаси (йил, сана, ой)

9.

Эмиссиявий қимматли қоғозларни қайтариш санаси (йил, сана, ой)

10.

Эмиссиявий қимматли қоғозларнинг фоиз ставкаси

11.

Эмиссиявий қимматли қоғозларни чиқариш шакли (ҳужжатлар асосида ва/ёки ҳужжатларсиз)

12.

Бошқа маълумотлар


_______________________________________________________________

(Ўзбекистон Республикаси Молия вазирлиги масъул шахсининг лавозими)

_________________________________________________________________

(имзо)

(Ф.И.О.)

М.Ў.
Эмиссиявий қимматли қоғозлар чиқариш Ягона давлат реестрини юритиш тартиби тўғрисидаги Низомга
2-ИЛОВА

Ўзбекистон Республикаси Марказий банки томонидан чиқарилган қимматли қоғозлар тўғрисида

маълумотлар

Т/рКўрсаткич номиКўрсаткич мазмуни

1.

Эмиссиявий қимматли қоғознинг тўлиқ ва қисқартирилган номи

2.

Эмиссиявий қимматли қоғозлар чиқариш учун асослар

3.

Идентификация тартиб рақами

4.

Эмиссиявий қимматли қоғозлар чиқаришнинг умумий ҳажми (сўм)

5.

Эмиссиявий қимматли қоғозлар чиқаришнинг умумий сони (та)

6.

Эмиссиявий қимматли қоғоз номинали (сўм)

7.

Эмиссиявий қимматли қоғозларнинг муомалада бўлиш муддати (ойлар)

8.

Ким ошди савдоси ўтказиш санаси (йил, сана, ой)

9.

Эмиссиявий қимматли қоғозларни қайтариш санаси (йил, сана, ой)

10.

Эмиссиявий қимматли қоғозлар фоиз ставкаси

11.

Эмиссиявий қимматли қоғозлар чиқариш шакли (ҳужжатлар асосида ва/ёки ҳужжатларсиз)

12.

Бошқа маълумотлар


______________________________________________________________

(Ўзбекистон Республикаси Марказий банки масъул шахсининг лавозими)

_________________________________________________________________

(имзо)

(Ф.И.О.)

М.Ў.
Эмиссиявий қимматли қоғозлар чиқариш Ягона давлат реестрини юритиш тартиби тўғрисидаги Низомга
3-ИЛОВА

Эмитентлар томонидан чиқарилган эмиссиявий қимматли қоғозлар чиқариш Ягона давлат реестридан

кўчирма

Эмиссиявий қимматли қоғозлар реестридан ушбу кўчирма тузилган ҳолат санаси
Эмиссиявий қимматли қоғозлар реестридан кўчирма берган рўйхатдан ўтказувчи орган номи

I. Эмиссиявий қимматли қоғозлар эмитенти тўғрисидаги маълумотлар

1.1

Тўлиқ фирма номи

1.2

Қисқартирилган фирма номи

1.3

Ташкилий-ҳуқуқий шакли

1.4

Солиқ тўловчининг индентификация тартиб рақами

1.5

Жойлашган жойи (почта манзили)

1.6

Хат-хабарлар олиш учун бошқа манзиллар

1.7

Эмитентнинг рўйхатдан ўтказувчи орган томонидан берилган ягона коди

II. Акциялар тўғрисидаги маълумотлар*

2.1

Чиқаришнинг (қўшимча чиқаришнинг) рўйхатдан ўтказиш тартиб рақами (идентификация тартиб рақами) ва унинг берилган санаси

2.2

Имтиёзли номли акцияларнинг умумий сони (та)

2.3

Оддий номли акцияларнинг умумий сони (та)

2.4

Номинал қиймати (сўм)

2.5

Чиқаришнинг умумий ҳажми (номинал қиймати бўйича, сўм)

III. Корпоратив облигациялар тўғрисидаги маълумотлар*

3.1

Чиқаришнинг (қўшимча чиқаришнинг) рўйхатдан ўтказиш тартиб рақами (идентификация тартиб рақами) ва унинг берилган санаси

3.2

Облигацияларнинг умумий сони (та)

3.2.1

Облигациялар тури**

3.3

Номинал қиймати (сўм)

3.4

Чиқаришнинг умумий ҳажми (номинал қиймати бўйича, сўм)

3.5

Облигацияларнинг муомалада бўлиш муддати

3.6

Облигацияларни қайтариш санаси

3.7

Облигациялар бўйича фоиз ставкаси

IV. Эмитент опционлари тўғрисидаги маълумотлар

4.1

Чиқаришнинг (қўшимча чиқаришнинг) рўйхатдан ўтказиш тартиб рақами

4.2

Кўрсаткич номиКўрсаткич мазмуни (миқдори)

V. Қимматли қоғозлар юзасидан фьючерслар тўғрисидаги маълумотлар

5.1

Чиқаришнинг (қўшимча чиқаришнинг) рўйхатдан ўтказиш тартиб рақами

5.2

Кўрсаткич номиКўрсаткич мазмуни (миқдори)


_____________________________________________________________

(рўйхатдан ўтказувчи орган масъул шахсининг лавозими)

_________________________________________________________________

(имзо)

(Ф.И.О.)

М.Ў.
* Маълумотлар ҳар бир чиқариш бўйича алоҳида тўлдирилади.
** Маълумотлар ҳар бир тур бўйича алоҳида тўлдирилади.
Эмиссиявий қимматли қоғозлар чиқариш Ягона давлат реестрини юритиш тартиби тўғрисидаги Низомга
3а-ИЛОВА

Ўзбекистон Республикаси Молия вазирлиги томонидан чиқарилган эмиссиявий қимматли қоғозлар чиқариш Ягона давлат реестридан

кўчирма

Эмиссиявий қимматли қоғозлар реестридан ушбу кўчирма тузилган ҳолат санаси
Эмиссиявий қимматли қоғозлар реестридан кўчирма берган рўйхатдан ўтказувчи орган номи

Молия вазирлиги томонидан чиқарилган қимматли қоғозлар тўғрисидаги маълумотлар

1.

Эмиссиявий қимматли қоғознинг тўлиқ ва қисқартирилган номи

2.

Эмиссиявий қимматли қоғозларни чиқариш учун асослар

3.

Рўйхатдан ўтказиш тартиб рақами

4.

Эмиссиявий қимматли қоғозлар чиқаришнинг умумий ҳажми (сўм)

5.

Эмиссиявий қимматли қоғозлар чиқаришнинг умумий сони (та)

6.

Эмиссиявий қимматли қоғоз номинали (сўм)

7.

Эмиссиявий қимматли қоғозларнинг муомалада бўлиш муддати (ойлар)

8.

Ким ошди савдоси ўтказиш санаси (йил, сана, ой)

9.

Эмиссиявий қимматли қоғозларни қайтариш санаси (йил, сана, ой)

10.

Эмиссиявий қимматли қоғозлар фоиз ставкаси

11.

Эмиссиявий қимматли қоғозларни чиқариш шакли (ҳужжатлар асосида ва/ёки ҳужжатларсиз)

12.

Бошқа маълумотлар


______________________________________________________________

(рўйхатдан ўтказувчи орган масъул шахсининг лавозими)

_________________________________________________________________

(имзо)

(Ф.И.О.)

М.Ў.
Эмиссиявий қимматли қоғозлар чиқариш Ягона давлат реестрини юритиш тартиби тўғрисидаги Низомга
3б-ИЛОВА

Ўзбекистон Республикаси Марказий банки томонидан чиқарилган эмиссиявий қимматли қоғозлар чиқариш Ягона давлат реестридан

кўчирма

Эмиссиявий қимматли қоғозлар реестридан ушбу кўчирма тузилган ҳолатдаги санаси
Эмиссиявий қимматли қоғозлар реестридан кўчирма берган рўйхатдан ўтказувчи орган номи

Марказий банк томонидан чиқарилган қимматли қоғозлар тўғрисидаги маълумотлар

1.

Эмиссиявий қимматли қоғознинг тўлиқ ва қисқартирилган номи

2.

Эмиссиявий қимматли қоғозларни чиқариш учун асослар

3.

Идентификация тартиб рақами

4.

Эмиссиявий қимматли қоғозлар чиқаришнинг умумий ҳажми (сўм)

5.

Эмиссиявий қимматли қоғозлар чиқаришнинг умумий сони (та)

6.

Эмиссиявий қимматли қоғоз номинали (сўм)

7.

Эмиссиявий қимматли қоғозларнинг муомалада бўлиш муддати (ойлар)

8.

Ким ошди савдоси ўтказиш санаси (йил, сана, ой)

9.

Эмиссиявий қимматли қоғозларни қайтариш санаси (йил, сана, ой)

10.

Эмиссиявий қимматли қоғозлар фоиз ставкаси

11.

Эмиссиявий қимматли қоғозларни чиқариш шакли (ҳужжатлар асосида ва/ёки ҳужжатларсиз)

12.

Бошқа маълумотлар


______________________________________________________________

(рўйхатдан ўтказувчи орган масъул шахсининг лавозими)

_________________________________________________________________

(имзо)

(Ф.И.О.)

М.Ў.
Вазирлар Маҳкамасининг 2008 йил 29 декабрдаги 284-сон қарорига
3-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 1999 йил 3 июлдаги 327-сон қарори (Ўзбекистон Республикаси ҚТ, 1999 й., 7-сон, 35-модда) билан тасдиқланган Молия-хўжалик фаолиятини амалга оширмаётган ва қонунчиликда белгиланган муддатларда ўзларининг устав жамғармаларини шакллантирмаган корхоналарни тугатиш тартиби тўғрисидаги Низомда:
а) 2.10-бандга қуйидаги мазмундаги хатбоши қўшилсин:
«Кўрсатиб ўтилган реестрга устав жамғармасини қонун ҳужжатларида белгиланган муддат мобайнида шакллантирмаган акциядорлик жамияти шаклидаги корхона тўғрисида ёзувлар киритишда рўйхатдан ўтказувчи орган бундай ёзувлар киритилган кундан бошлаб бир ҳафта муддатда бу тўғрида қимматли қоғозлар бозорини тартибга солувчи давлат ваколатли органини хабардор қилади»;
б) 3.2-банд қуйидаги таҳрирда баён қилинсин:
«3.2. Корхонани тугатиш тўғрисида қарор қабул қилган хўжалик суди бу ҳақда корхонани давлат рўйхатидан ўтказган органга, махсус комиссияга, шунингдек қимматли қоғозлар бозорини тартибга солувчи давлат ваколатли органига (агар корхона акциядорлик жамияти бўлса) ёзма равишда хабар бериши шарт. Бунинг асосида:
рўйхатдан ўтказувчи орган юридик шахсларнинг давлат реестрига корхона тугатиш жараёнида эканлиги тўғрисидаги маълумотларни киритади;
махсус комиссия корхонани тугатишни амалга оширишга киришади;
қимматли қоғозлар бозорини тартибга солувчи давлат ваколатли органи Эмиссиявий қимматли қоғозлар чиқариш Ягона давлат реестрига тегишли ёзувларни киритади».
2. Вазирлар Маҳкамасининг 2003 йил 9 июлдаги 308-сон қарори (Ўзбекистон Республикаси ҚТ, 2003 й., 7-сон, 60-модда) билан тасдиқланган Қимматли қоғозлар бозорида касбий фаолиятни лицензиялаш тўғрисидаги Низомда:
а) 3-бандда:
иккинчи хатбошидаги «кўрсатиб ўтилган фаолият турларини» сўзлари «қимматли қоғозлар бозоридаги касбий фаолиятни» сўзлари билан алмаштирилсин;
учинчи хатбошидаги «кўрсатилган фаолият турини» сўзлари «қимматли қоғозлар бозоридаги касбий фаолиятни» сўзлари билан алмаштирилсин;
б) 8-банднинг учинчи хатбошидаги «касбий фаолиятнинг қўшиб олиб бориладиган қисмларидан бири учун энг кўп даражада» сўзлари «қонун ҳужжатларида» сўзлари билан алмаштирилсин;
в) 9-бандга қуйидаги мазмундаги «л» кичик банди қўшилсин:
«л) Ички назорат тўғрисидаги Низомнинг нусхаси»;
г) 10-банднинг тўртинчи хатбоши чиқариб ташлансин;
д) 11-бандда:
иккинчи хатбоши чиқариб ташлансин;
учинчи ва тўртинчи хатбоши тегишли равишда иккинчи ва учинчи хат боши деб ҳисоблансин;
е) 12-банднинг еттинчи хатбошидаги «инвестиция институтлари» сўзлари «қимматли қоғозлар бозори профессионал қатнашчилари» сўзлари билан алмаштирилсин.
Олдинги таҳрирга қаранг.
(3-банд Ўзбекистон Республикаси Вазирлар Маҳкамасининг 2017 йил 9 февралдаги 66-сонли қарорига асосан 2017 йилнинг 1 апрелидан ўз кучини йўқотади — ЎР ҚҲТ, 2017 й., 7-сон, 89-модда)

(Ўзбекистон Республикаси қонун ҳужжатлари тўплами, 2008 й., 52-сон, 523-модда; 2012 й., 21-сон, 230-модда; 2014 й., 31-сон, 380-модда; 2015 й., 39-сон, 507-модда; 2017 й., 7-сон, 89-модда; Қонун ҳужжатлари маълумотлари миллий базаси, 12.10.2017 й., 09/17/810/0095)