LexUZ шарҳи
Мазкур Қарор Ўзбекистон Республикаси Иқтисодиёт вазирлиги, Молия вазирлиги, Ташқи иқтисодий алоқалар, инвестициялар ва савдо вазирлиги, Давлат божхона қўмитасининг 2008 йил 1 августдаги 56, 73, ЭГ-01/19-3822, 01-02/8-46-сонли «Ўзбекистон Республикаси ҳудудига олиб кириладиган истеъмол товарларининг рўйхатини тасдиқлаш тўғрисида»ги қарори (рўйхат рақами 1853, 09.09.2008 й.) билан ўз кучини йўқотган.
Экспортни рағбатлантириш, сифатли маҳсулотларни ишлаб чиқариш учун қулай шароитларни яратиш мақсадида Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги, Давлат божхона қўмитаси, Молия вазирлиги қарор қилади:
1. Ўзбекистон Республикаси Иқтисодиёт вазирлиги, Ташқи иқтисодий алоқалар агентлиги, Давлат божхона қўмитаси ва Молия вазирлигининг 2003 йил 2 майдаги 4, ЭГ-01/12-1745, 01-02/8-29 ва 60-сонли қарори билан тасдиқланган Ўзбекистон Республикаси ҳудудига олиб кириладиган истеъмол товарларининг рўйхатида (2003 йил 21 май, рўйхат рақами 1242 — Меъёрий ҳужжатлар ахборотномаси, 2003 йил, 9-10-сон) 392321000 ТИФ ТН коди қаторидаги «Товар номи»га «(асептик қоплардан ташқари)» сўзлари қўшилсин.
2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.