Кейинги таҳрирга қаранг.
LexUZ шарҳи
Мазкур Қонун Ўзбекистан Республикасининг 2020 йил 27 октябрдаги ЎРҚ-644-сонли «Наркологик касалликлар профилактикаси ва уларни даволаш тўғрисида»ги Қонунига асосан 2021 йил 29 январдан ўз кучини йўқотади.
1. Сурункали алкоголизм ёки гиёвандликка мубтало бўлган беморларни Ўзбекистон Республикаси Соғлиқни сақлаш вазирлигининг махсус даволаш-олдини олиш муассасаларида меҳнатга муқаррар жалб этиш орқали мажбурий даволаш белгилаб қўйилсин.
Кейинги таҳрирга қаранг.
Жамоат тартибини, бошқа шахсларнинг ҳуқуқларини бузаётган, ёхуд аҳолининг осойишталигига, саломатлигига ва маънавиятига хавф туғдираётган сурункали алкоголизм ёки гиёвандликка мубтало бўлган беморларга нисбатан мажбурий даволаш қўлланади.
2. Шахсни сурункали алкоголизмга ёки гиёвандликка мубтало бўлган бемор деб топиш Ўзбекистон Республикаси Соғлиқни сақлаш вазирлиги белгилаган тартибда тегишли даволаш муассасалари томонидан амалга оширилади.
Кейинги таҳрирга қаранг.
Шахс мажбурий даволашга жўнатиш учун тиббий кўрикдан ўтишдан бош тортган ҳолларда, у ички ишлар идораларининг кўмагида ўн кун муддат ичида наркология муассасасида мажбурий тарзда текширилиши керак.
З. Мазкур тоифадаги шахсларни мажбурий даволашга юбориш тўғрисидаги материаллар тиббий хулоса бўлган тақдирда ички ишлар идоралари томонидан уларнинг ўз ташаббусига кўра, ёки беморнинг оила аъзолари ёхуд қариндошларининг, меҳнат жамоаларининг, соғлиқни сақлаш муассасаларининг, ичкиликбозликка ва гиёвандликка қарши курашувчи комиссияларнинг илтимосномалари асосида тайёрланади ва расмийлаштирилади.
Кейинги таҳрирга қаранг.
4. Ушбу Қонуннинг 1-моддасида кўрсатилган шахсларни мажбурий даволашга жўнатиш масаласи йигирма кунлик муддат ичида бемор яшаб турган жойдаги суд томонидан бемор иштирокида ҳал этилади.
Кейинги таҳрирга қаранг.
5. Суднинг мажбурий даволашга юбориш тўғрисидаги қарори ҳақида устидан қарор чиқарилган шахс ёхуд унинг ҳимоячиси шикоят қилиши ёки прокурор томонидан кассация тартибида етти кунлик муддат ичида юқори турувчи судга норозилик билдирилиши мумкин.
Шикоят берилиши ёки прокурор томонидан кассация тартибида норозилик билдирилиши суд қарорининг ижросини тўхтатиб туради.
6. Суднинг шахсни мажбурий даволашга юбориш тўғрисидаги қарори ички ишлар идоралари томонидан бу қарор қонуний кучга кирган пайтдан бошлаб кечи билан ўн кунлик муддат ичида ижро этилади.
Кейинги таҳрирга қаранг.
7. Мажбурий даволаш муддати тўғрисидаги масала даволаш муассасаси томонидан комиссиядан ўтказиш тартибида, бемор даволашга жойлаштирилгач беш кун ичида ҳал этилади.
Бемор даволанаётган даволаш муассасасининг комиссияси қабул қилган қарор асосида беморни мажбурий даволаш тўхтатилади.
8. Мажбурий даволашни ўтаётган ва даволашга ҳамда меҳнат терапиясига виждонан муносабатда бўлаётган шахсларга қонунда белгиланган тартибда таътил берилиши мумкин.
Кейинги таҳрирга қаранг.
9. Шахсни мажбурий даволашга юбориш тўғрисидаги суднинг қарори уни ишдан бўшаш нафақаси тўламай ишдан бўшатиш учун асос бўлади.
10. Мажбурий даволанишга юборилган шахслар аввалги яшаш жойидаги турар жой майдонидан фойдаланиш ҳуқуқини сақлаб қоладилар.
11. Даволаш муассасасида бўлиш вақти меҳнат стажининг узилишига олиб келмайди ва умумий меҳнат стажига кўшилади.
Кейинги таҳрирга қаранг.
12. Даволаш муассасаларидан мажбурий даволашдан қайтган шахсларни ишга жойлаштириш туман, шаҳар, шаҳардаги туман ҳокимлари зиммасига юкланади.
Кейинги таҳрирга қаранг.
13. 1-иловага мувофиқ Ўзбекистон Республикасининг қонун ҳужжатларига ўзгартиш ва қўшимчалар киритилсин.
14. 2-иловага мувофиқ Ўзбекистон Республикасининг қонун ҳужжатлари ўз кучини йўқотган деб ҳисоблансин.
1992 йил 9 декабрда қабул қилинган «Сурункали алкоголизм ёки гиёвандликка мубтало бўлган беморларни мажбурий даволаш тўғрисида»ги Ўзбекистон Республикаси Қонунига
1- ИЛОВА
1- ИЛОВА
Олдинги таҳрирга қаранг.
(1-банд Ўзбекистон Республикаси Олий Мажлисининг 1995 йил 6 майдаги 73-I-сонли қарорига асосан ўз кучини йўқотган — Олий Мажлис Ахборотномаси, 1995 й., 6-сон, 121-модда)
Олдинги таҳрирга қаранг.
(2-банд Ўзбекистон Республикаси Олий Мажлисининг 1995 йил 6 майдаги 73-I-сонли қарорига асосан ўз кучини йўқотган — Олий Мажлис Ахборотномаси, 1995 й., 6-сон, 121-модда)
Олдинги таҳрирга қаранг.
(3-банд Ўзбекистон Республикаси Олий Мажлисининг 1995 йил 6 майдаги 73-I-сонли қарорига асосан ўз кучини йўқотган — Олий Мажлис Ахборотномаси, 1995 й., 6-сон, 121-модда)
4. Ўзбекистон Республикасининг 1970 йил 24 июндаги Қонуни билан тасдиқланган Ўзбекистон Республикасининг Ахлоқ тузатиш-меҳнат кодекси (Ўзбекистон Республикаси Олий Совети Ведомостлари, 1970 йил, № 18, 168-модда) 76-моддасининг учинчи қисмидаги «махсус даволаш ва меҳнат режими бўлган медицина муассасаларида» деган сўзлар «Ўзбекистон Республикаси Соғлиқни сақлаш вазирлиги тармоғининг ихтисослаштирилган даволаш-олдини олиш муассасаларида» деган сўзлар билан алмаштирилсин.
Кейинги таҳрирга қаранг.
Олдинги таҳрирга қаранг.
(5-банд Ўзбекистон Республикаси Олий Мажлисининг 1996 йил 30 августдаги 283-I-сонли қарорига асосан ўз аҳамиятини йўқотган — Олий Мажлис Ахборотномаси, 1996 й., 9-сон, 146-модда)
6. Ўзбекистон Республикасининг 1983 йил 5 июлдаги Қонуни билан тасдиқланган Ўзбекистон Республикасининг Уй-жой кодекси (Ўзбекистон Республикаси Олий Совети Ведомостлари, 1983 йил, № 19, 320-модда) 67-моддасининг иккинчи қисми қуйидаги мазмунда бўлган 5-1-банди билан тўлдирилсин:
«5-1) мажбуран даволаш учун ихтисослаштирилган даволаш-олдини олиш муассасига жойлаштирилганда — у ерда бўлинган бутун давр мобайнида сақланади».
Кейинги таҳрирга қаранг.
Олдинги таҳрирга қаранг.
(7-банд Ўзбекистон Республикаси Олий Мажлисининг 1996 йил 27 декабрдаги 371-I-сонли қарорига асосан ўз кучини йўқотган — Олий Мажлис Ахборотномаси, 1997 й., 2-сон, 69-модда)
8. Ўзбекистон Республикаси Олий Совети Президиумининг 1970 йил 29 октябрдаги Фармони билан тасдиқланган «Ўзбекистон Республикаси кузатув комиссиялари тўғрисида»ги Низомнинг (Ўзбекистон Республикаси Олий Совети Ведомостлари, 1970 йил, № 31, 366-модда) 9-модда:
«м» бандидаги «махсус даволаш ва меҳнат режими бўлган медицина муассасаларида» деган сўзлар «Ўзбекистон Республикаси Соғлиқни сақлаш вазирлиги тармоғининг ихтисослаштирилган даволаш-олдини олиш муассасаларида» деган сўзлар билан алмаштирилсин;
«т) сурункали алкоголизм ёки гиёҳвандликка мубтало бўлган беморларни даволашга ихтисослаштирилган даволаш-олдини олиш муассасаларининг ва тарбия-меҳнат профилакторийларининг фаолиятини назорат қилиш».
Кейинги таҳрирга қаранг.
9. Ўзбекистон Республикаси Олий Совети Президиумининг 1967 йил 31 майдаги Фармони билан тасдиқланган Ўзбекистон Республикасининг вояга етмаганлар иши билан шуғулланувчи комиссиялари тўғрисидаги Низомнинг Ўзбекистон Республикаси Олий Совети Президиумининг 1985 йил 31 октябрдаги Фармони асосидаги таҳрирда — (Ўзбекистон Республикаси Олий Совети Ведомостлари, 1985 йил, № 31, 363-модда):
а) 1-моддасидан, 10-моддасининг биринчи қисмидан, 12-моддасидан, 13-моддасининг биринчи қисмидан, 24-моддасининг еттинчи қисмидан «ва даволаш-тарбия» деган сўзлар чиқариб ташлансин;
«и» бандидан «даволаш-тарбия профилакторийсининг маъмурияти билан биргаликда даволаш-тарбия профилакторийсидан муддатидан илгари озод қилиш тўғрисида судга тақдимнома билан кирадилар; ўн саккиз ёшга тўлган, гиёҳвандликка мубтало бўлган беморларни даволаш-тарбия профилакторийсидан даволаш-меҳнат профилакторийсига кўчириш тўғрисидаги тақдимнома билан судга мурожаат қилиш хусусида даволаш-тарбия профилакторийси маъмуриятига розилик берадилар» деган жумла чиқариб ташлансин.
«н» бандидан «шунингдек ўн саккиз ёшга тўлган гиёҳвандликка мубтало бўлган беморларни профилакторийда қолдириш хусусида даволаш-тарбия профилакторийси маъмуриятига розилик берадилар» деган сўзлар чиқариб ташлансин;
«Вояга етмаганлар махсус ўқув-тарбия муассасаларига ота-оналари ёки уларнинг ўрнини босувчи шахслар розилигисиз ҳам вояга етмаганлар ишлари бўйича комиссиянинг қарорига биноан юборилиш мумкин. Махсус ўқув-тарбия муассасаларига юбориш тўғрисидаги ишлар фақат прокурор иштирокидагина қараб чиқарилади»;
д) «26-модданинг биринчи қисмидан ёки даволаш-тарбия», «наркомания касаллигига йўлиққанлар учун даволаш-тарбия профилакторийлари бундан мустаснодир» деган сўзлар чиқариб ташлансин;
Кейинги таҳрирга қаранг.
10. Ўзбекистон Республикаси Олий Совети Президиумининг 1967 йил 31 майдаги Фармони билан тасдиқланган (Ўзбекистон Республикаси Олий Совети Президиумининг 1985 йил 31 октябрдаги Фармони таҳририда) Ўзбекистон Республикасининг вояга етмаганлар билан иш олиб борувчи жамоат тарбиячилари тўғрисидаги Низом (Ўзбекистон Республикаси Олий Совети Ведомостлари, 1985 йил, № 31, 363-модда);
3-моддасининг биринчи қисми «д» бандидаги ва 7-моддасининг биринчи қисмидаги «даволаш-тарбия» деган сўзлар «ихтисослаштирилган даволаш-олдини олиш» деган сўзлар билан алмаштирилсин.
Кейинги таҳрирга қаранг.
11. Ўзбекистон Республикаси Олий Совети Президиумининг 1972 йил 26 октябрдаги Фармони билан тасдиқланган «Ичкиликбозликка қарши кураш олиб борувчи комиссиялар тўғрисидаги Низом» (Ўзбекистон Республикаси Олий Совети Ведомостлари, 1985 йил,№ 31, 361-модда — Ўзбекистон Республикаси Олий Совети Президиумининг 1985 йил 31 октябрдаги Фармони таҳририда):
в) корхоналарда, муассасаларда, ташкилотларда алкоголни ёки гиёванд моддаларни суиистеъмол қилувчи шахслар ўртасида зарур тарбиявий ишлар олиб боришни ташкил этишда қатнашадилар, бу ишга меҳнат жамоаларини, жамоат ташкилотлари ва ташаббускор жамоат идоралари вакилларини кенг жалб этадилар; алкоголни ёки гиёванд моддаларни суиистеъмол қилувчи шахсларни қайта тарбиялашда жамоат ташкилотларига ва меҳнат жамоаларига ёрдам берадилар, алкоголни суиистеъмол қилувчи шахсларга жамоат таъсири ва маъмурий таъсир кўрсатиш қанчалик самарали эканлигини текшириб турадилар;
г) ичкиликбозлик ёки гиёвандлик учун илгари маъмурий жазога тортилган ёки жамоат таъсири кўрсатиш чораси қўлланилган, алкоголни ёки гиёванд моддаларни мунтазам суиистеъмол қилиб, бир неча бор медицина ҳушёрхонасига тушган шахсларни аниқлаб топиш ва ҳисобга олишда ички ишлар ва соғлиқни сақлаш идоралари олиб борадиган ишларни назорат қилиб турадилар, бундай шахслар турмушда ва ишлаб чиқаришда ўзларини қандай тутаётганликлари устидан доимий жамоат назорати олиб борилишини уюштирадилар; сурункали алкоголизм ёки гиёвандликка мубтало бўлган беморларни тегишли медицина муассасаларига мажбурий юбориш юзасидан зарур чоралар кўрадилар, шунингдек ичкиликбозлик, алкоголизм ва гиёвандликка барҳам беришга қаратилган бошқа огоҳлантирувчи чораларни кўрадилар;
д) Ўзбекистон Республикаси Соғлиқни сақлаш вазирлиги тармоғининг медицина ҳушёрхоналари ва ихтисослаштирилган даволаш-олдини олиш профилакторийларнинг ишларини текшириб турадилар, шунингдек мазкур профилакторийларда бўлган шахсларни қайта тарбиялаш ва ахлоқни тузатиш ишларида шу профилакторийлар маъмуриятига ёрдам берадилар;
е) даволаш профилакторийсидан мажбурий даволаниб қайтган шахсларнинг хулқ-атвори устидан жамоат ташкилотлари ва меҳнат жамоалари назорат қилиб боришини ташкил этадилар ва уларга ишга жойлашишда ёрдам кўрсатадилар»;
«ж) жамоат тартибини бузаётган, бошқа шахсларнинг ҳуқуқларини бузаётган, ёхуд аҳолининг осойишталиги, соғлиғи ва маънавиятини хавф остида қолдираётган сурункали алкоголизм ва гиёвандликка мубтало бўлганларни мажбурий даволаш ва меҳнатда қайта тарбиялаш учун Ўзбекистон Республикаси Соғлиқни сақлаш вазирлиги тармоғининг ихтисослаштирилган даволаш-олдини олиш муассасаларига юбориш тўғрисидаги ариза билан судга мурожаат этиш».
12. Ўзбекистон Республикаси Олий Совети Президиумининг 1985 йил З1 октябрдаги Фармони билан тасдиқланган «Корхоналар, муассасалар, ташкилотларда ва уларнинг структуравий бўлинмаларида тузиладиган ичкиликбозликка қарши кураш олиб борувчи комиссиялар тўғрисидаги Низом» (Ўзбекистон Республикаси Олий Советининг Ведомостлари, 1985 йил, № З1, З62-модда):
«4) меҳнат жамоасининг ихтисослаштирилган даволаш-олдини олиш муассасаларида мажбурий даволаниш курсини ўтган аъзолари хулқ-атворини назорат қилиб боради».
б) 6-моддасининг 5-бандидан «ихтиёрий даволанишдан бош тортиб келаётган» деган сўзлар чиқариб ташлансин.
13. Ўзбекистон Республикаси Олий Совети Президиуми 1985 йил 25 майда қабул қилган «Ичкиликбозликка ва алкоголизмга қарши курашни кучайтириш, самогон тайёрлашга барҳам бериш тадбирлари тўғрисида»ги Фармоннинг (Ўзбекистон Республикаси Олий Совети Ведомостлари, 1985 йил, № 16, 169-модда) 26-моддаси қуйидаги таҳрирда баён этилсин:
«26-модда. Жамоат тартибини бузаётган, бошқа шахсларнинг ҳуқуқларини бузаётган, ёхуд аҳолининг осойишталигини, соғлиғини ва маънавиятини хавф остида қолдираётган сурункали алкоголизмга мубтало бўлган беморлар суднинг қарорига мувофиқ мажбурий даволаш учун Ўзбекистон Республикаси Соғлиқни сақлаш вазирлиги тармоғининг махсус даволаш-олдини олиш муассасаларига жўнатилиши керак.
Қайд этилган тоифадаги шахсларни мажбурий даволашга жўнатиш тўғрисидаги масала суд томонидан очиқ суд мажлисида, медицина хулосаси мавжуд бўлган ҳолда ҳамда ички ишлар идоралари ўз ташаббусига кўра ёки бемор оила аъзоларининг ёхуд қариндошларининг, меҳнат жамоаларининг, соғлиқни сақлаш муассасаларининг, шунингдек ичкиликбозликка ва гиёвандликка қарши кураш бўйича туман, шаҳар, шаҳардаги туман комиссияларининг аризасига асосан тайёрланадиган ва жўнатиладиган материаллар асосида ҳал этилади.
Мажбурий даво муддати даволаш муассасаси томонидан бемор даволанишга ётқизилган кундан бошлаб, беш кунлик муддат ичида комиссия хоҳиш-иродасига кўра белгиланади».
1992 йил 9 декабрда қабул қилинган «Сурункали алкоголизм ёки гиёвандликка мубтало бўлган беморларни мажбурий даволаш тўғрисида»ги Ўзбекистон Республикаси Қонунига
2-ИЛОВА
2-ИЛОВА
1. Ўзбекистон Республикаси Олий Совети Президиумининг 197З йил 22 февралдаги «Хроник алкоголиклар ва гиёвандлик (наркомания) касалига йўлиққанлар учун даволаш — меҳнат профилакторийлари тўғрисидаги Низомни тасдиқлаш тўғрисида»ги Фармон (Ўзбекистон Республикаси Олий Совети Ведомостлари, 197З йил, № 6, 96-модда).
2. Ўзбекистон Республикаси Олий Совети Президиумининг 1982 йил 27 майдаги «Ўзбекистон Республикасининг ҳуқуқ-тартиботни сақлаш масалаларига оид баъзи қонун актларига ўзгартишлар киритиш тўғрисида»ги Фармонининг (Ўзбекистон Республикаси Олий Совети Ведомостлари, 1982 йил, № 16, 278-модда) 3-моддаси ва 6-моддасидаги йигирма бешинчи хатбоши.
3. Ўзбекистон Республикаси Олий Совети Президиумининг «Хроник алкоголиклар ва наркомания касалига йўлиққанларни мажбурий даволаш ва меҳнатда қайта тарбиялаш тўғрисида»ги Фармонига ўзгартиришлар ва қўшимчалар киритиш ҳақида» Ўзбекистон Республикаси Олий Совети Президиуми 1984 йил 2 декабрда қабул қилган Фармон (Ўзбекистон Республикаси Олий Совети Ведомостлари, 1984 йил, № 34, 474-модда).
4. Ўзбекистон Республикаси Олий Совети Президиумининг «Ўзбекистон Республикасининг айрим қонун актларига ўзгартиришлар ва қўшимчалар киритиш тўғрисида»ги Фармонларини тасдиқлаш ҳақида» 1984 йилнинг 3 декабрида қабул қилинган Ўзбекистон Республикаси Қонунининг (Ўзбекистон Республикаси Олий Совети Ведомостлари, 1984 йил, № 34, 485-модда) Ўзбекистон Республикаси Олий Совети Президиумининг «Хроник алкоголиклар ва гиёвандлик (наркомания) касалига йўлиққанларни мажбурий даволаш ва меҳнатда қайта тарбиялаш тўғрисида»ги Фармонига ўзгартиришлар ва қўшимчалар киритиш ҳақидаги 1984 йил 2 декабрь Фармони»га оид қисми.
5. Ўзбекистон Республикаси Олий Совети Президиумининг 1984 йил 2 декабрдаги Ўзбекистон Республикаси Олий Совети Президиумининг «Хроник алкоголиклар ва гиёвандликлар (наркомания) касалига йўлиққанларни мажбурий даволаш ва меҳнатда қайта тарбиялаш тўғрисида»ги Фармонини қўлланиш тартиби ҳақида»ги Ўзбекистон Республикаси Олий Совети Президиумининг Қарорига ўзгартиришлар киритиш тўғрисида»ги Қарори (Ўзбекистон Республикаси Олий Совети Ведомостлари, 1984 йил, № 34, 476-модда).
6. Ўзбекистон Республикаси Олий Совети Президиумининг 1985 йил 31 октябрдаги «Ўзбекистон Республикасининг баъзи бир қонун актларига ўзгартириш ва қўшимчалар киритиш тўғрисида»ги Фармони (Ўзбекистон Республикаси Олий Совети Ведомостлари, 1985 йил, № 31, 360-модда).
7. «Ўзбекистон Республикаси Олий Совети Президиумининг баъзи қонунбузарликлар учун жавобгарлик тўғрисидаги Ўзбекистон Республикасининг айрим кодексларига ва бошқа қонун актларига ўзгартириш ва қўшимчалар киритиш тўғрисидаги фармонларини тасдиқлаш ҳақида» 1985 йилнинг 13 декабрида қабул қилинган Ўзбекистон Республикаси Қонунининг (Ўзбекистон Республикаси Олий Совети Ведомостлари 1985 йил, № 35, 414-модда) «Ўзбекистон Республикасининг баъзи қонун актларига ўзгартириш ва қўшимчалар киритиш тўғрисидаги 1985 йил 31 октябрь Фармони»га оид қисми.
8. Ўзбекистон Республикаси Олий Совети Президиумининг 1986 йил 17 ноябрдаги «Ўзбекистон Республикасининг баъзи қонун актларига ўзгартириш ва қўшимчалар киритиш тўғрисида ҳамда наркомания касаллигига йўлиққанлар учун даволаш-тарбия профилакторийси тўғрисидаги низомни тасдиқлаш ҳақида»ги Фармони (Ўзбекистон Республикаси Олий Совети Ведомостлари, 1986 йил, № 33, 387-модда).
9. «Ўзбекистон Республикаси Олий Совети Президиумининг Ўзбекистон Республикасининг баъзи қонун актларига ўзгартиш ва қўшимчалар киритиш тўғрисидаги фармонларини тасдиқлаш ҳақида» 1986 йилнинг 6 декабрида қабул қилинган Ўзбекистон Республикаси Қонунининг (Ўзбекистон Республикаси Олий Совети Ведомостлари, 1986 йил, № 34, 417-модда) «Ўзбекистон Республикаси Олий Совети Президиумининг Ўзбекистон Республикасининг баъзи қонун актларига ўзгартириш ва қўшимчалар киритиш тўғрисида ҳамда наркомания касаллигига йўлиққанлар учун даволаш-тарбия профилакторийси тўғрисидаги Низомни тасдиқлаш ҳақида»ги 1986 йил 17 ноябрь Фармонига оид қисми.
10. Ўзбекистон Республикаси Олий Совети Президиумининг 1987 йил 7 августидаги «Ўзбекистон Республикаси Жиноят кодексига, Ўзбекистон Республикасининг Маъмурий ҳуқуқбузарлик тўғрисидаги кодексига ва Ўзбекистон Республикасининг бошқа Қонун актларига ўзгартиришлар ҳамда қўшимчалар киритиш ҳақида»ги Фармони (Ўзбекистон Республикаси Олий Совети Ведомостлари, 1987 йил № 23, 250-модда) 1-бўлимининг 1-моддаси, IV ва V бўлимлари.