LexUZ шарҳи
Мазкур қарор Ўзбекистон Республикаси Ташқи савдо вазирлиги, Молия вазирлиги, Давлат божхона қўмитасининг 2017 йил 14 ноябрдаги 2017/09-16, 150, 01-02/19-42-сонли «Ўзбекистон Республикаси Ташқи иқтисодий алоқалар, инвестициялар ва савдо вазирлигида Ўзбекистон Республикаси хўжалик субъектлари томонидан тузиладиган экспорт контрактлари (шартнома ва битимлар)ни рўйхатга олиш ва импорт контрактлари (шартнома ва битимлар)ни экспертизадан ўтказиш тартиби тўғрисидаги низомни тасдиқлаш ҳақида»ги қарорни ўз кучини йўқотган деб топиш ҳақида»ги қарорига (рўйхат рақами 1588-1 23.11.2017 й.) асосан ўз кучини йўқотган.
Ўзбекистон Республикаси Президентининг 2003 йил 26 сентябрдаги ПФ-3321-сонли «Ўзбекистон Республикасида ташқи савдо фаолиятини янада эркинлаштириш бўйича чора-тадбирлар тўғрисида»ги Фармони, Ўзбекистон Республикаси Вазирлар Маҳкамасининг 1998 йил 31 мартдаги 137-сонли «Ўзбекистон Республикасида ташқи савдо фаолиятини янада эркинлаштириш бўйича қўшимча чора-тадбирлар тўғрисида»ги қарори ва Ўзбекистон Республикаси Вазирлар Маҳкамасининг 2003 йил 30 сентябрдаги 416-сонли «Экспорт-импорт операциялари мониторингини янада такомиллаштириш чора-тадбирлари тўғрисида»ги қарорига мувофиқ, Ўзбекистон Республикаси Ташқи иқтисодий алоқалар, инвестициялар ва савдо вазирлиги, Ўзбекистон Республикаси Молия вазирлиги, Ўзбекистон Республикаси Давлат божхона қўмитаси қарор қилади:
1. Ўзбекистон Республикаси Ташқи иқтисодий алоқалар, инвестициялар ва савдо вазирлигида Ўзбекистон Республикаси хўжалик субъектлари томонидан тузиладиган экспорт контрактлари (шартнома ва битимлар)ни рўйхатга олиш ва импорт контрактлари (шартнома ва битимлар)ни экспертизадан ўтказиш тартиби тўғрисидаги низом иловага* мувофиқ тасдиқлансин.
*Илова рус тилидаги матнда берилган.
2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб 10 кун ўтганидан сўнг кучга киради.
Ўзбекистон Республикаси Ташқи иқтисодий алоқалар вазири томонидан 2000 йил 30 июнда ЭГ-01/12/3410-сон билан, Ўзбекистон Республикаси Молия вазири томонидан 2000 йил 20 июнда 78-сон билан, Ўзбекистон Республикаси Давлат божхона қўмитаси раиси томонидан 2000 йил 30 июнда 02/20-35-сон билан тасдиқланган Ўзбекистон Республикаси Ташқи иқтисодий алоқалар вазирлигида Ўзбекистон Республикаси хўжалик субъектлари томонидан тузиладиган экспорт-импорт контрактлари (шартнома ва битимлар)ни рўйхатга олиш тартиби тўғрисидаги низом (2000 йил 2 декабрь, рўйхат рақами 988 — Меъёрий ҳужжатлар ахборотномаси 2000 йил 23-сон);
Ташқи иқтисодий алоқалар вазирлигининг, Молия вазирлигининг, Давлат божхона қўмитасининг ЭГ-01/12-2548-сонли, 68-сонли, 02/19-16-сонли 2002 йил 20 июндаги қарори (2002 йил 20 июнь, рўйхат рақами 988-1 — Меъёрий ҳужжатлар ахборотномаси 2002 йил 11-12 сон) ўз кучини йўқотган деб ҳисоблансин.