Ўзбекистон Республикаси Солиқ кодекси, Ўзбекистон Республикаси «Давлат солиқ қўмитаси тўғрисида»ги Қонунининг 7-моддаси ва Ўзбекистон Республикаси Президентининг 2006 йил 11 январдаги ПҚ-255-сонли «Мева-сабзавотчилик ва узумчилик соҳасини ислоҳ қилиш бўйича ташкилий чора-тадбирлар тўғрисида»ги қарорига мувофиқ Ўзбекистон Республикаси Молия вазирлиги ва Давлат солиқ қўмитаси қарор қилади:

1. Ўзбекистон Республикаси Молия вазирлиги ва Давлат солиқ қўмитасининг 2005 йил 6 ноябрдаги 103 ва 2005-65-сонли «Алкоголли маҳсулотга тўланадиган акциз солиғининг бир қисмини ҳисоблаб чиқариш ва «Ўзмевасабзавотузумсаноат-холдинг» Холдинг компаниясининг реконструкциялаш ва ривожлантириш жамғармасига йўналтириш тўғрисидаги низомни тасдиқлаш ҳақида»ги қарор ва ушбу қарор билан тасдиқланган низомнинг (2005 йил 30 ноябрь, рўйхат рақами 1526 — Ўзбекистон Республикаси Қонун ҳужжатлари тўплами, 2005 й., 47-48-сон, 361-модда) номланиши ва матнида «Ўзмевасабзавотузумсаноат-холдинг» жумласи «Ўзвиносаноат» жумласига алмаштирилсин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киритилсин.