1. Қуйидагилар:

Ўзбекистон Республикаси Ҳукумати ва Қозоғистон Республикаси Ҳукумати ўртасида 2006 йилнинг 20 мартида Тошкент шаҳрида имзоланган халқаро автомобиль қатнови тўғрисидаги Битим;

Ўзбекистон Республикаси Ҳукумати ва Қозоғистон Республикаси Ҳукумати ўртасида 2006 йилнинг 20 мартида Тошкент шаҳрида имзоланган чегараолди ҳудудларда фуқаролик мақсадида Ўзбекистон Республикаси ва Қозоғистон Республикаси радиохизматлари томонидан фойдаланиладиган 30.0—1000.0 МГц радиочастота полосасидаги радиочастота ўзлаштирувини мувофиқлаштириш тўғрисидаги Битим;

Ўзбекистон Республикаси Ҳукумати ва Қозоғистон Республикаси Ҳукумати ўртасида 2006 йилнинг 20 мартида Тошкент шаҳрида имзоланган фан ва технологиялар соҳаларида ҳамкорлик қилиш тўғрисидаги Битим;

Ўзбекистон Республикаси Ҳукумати ва Қозоғистон Республикаси Ҳукумати ўртасида 2006 йилнинг 20 мартида Тошкент шаҳрида имзоланган интеллектуал мулк ҳуқуқларини муҳофаза қилиш жабҳаларида ҳамкорлик тўғрисидаги Битим;

Ўзбекистон Республикаси Ҳукумати ва Қозоғистон Республикаси Ҳукумати ўртасида 2006 йилнинг 20 мартида Тошкент шаҳрида имзоланган эркин савдо тўғрисида 1997 йил 2 июнда имзоланган Битимга эркин савдо тартибидан истиснолар тўғрисидаги Протокол тасдиқлансин.

2. Ўзбекистон Республикаси Ташқи ишлар вазирлиги Ўзбекистон Республикаси мазкур халқаро шартномалар кучга кириши учун зарур бўлган ички давлат тартиб-қоидаларини бажаргани тўғрисида тегишли билдиришнома йўлласин.

3. Ўзбекистон Республикаси Бош вазирининг ўринбосарлари ҳамда тегишли вазирликлар ва идоралар раҳбарлари ушбу халқаро шартномалар кучга киргандан кейин белгиланган тартибда Ўзбекистон Республикаси мажбуриятлари ижроси устидан назоратни таъминласинлар.

4. Мазкур қарорнинг ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклансин.