LexUZ sharhi
Mazkur buyruq O‘zbekiston Respublikasi adliya vazirining 2021-yil 2-dekabrdagi 21-mh-sonli “Ayrim idoraviy normativ-huquqiy hujjatlarni Idoraviy normativ-huquqiy hujjatlarning davlat reyestridan chiqarish to‘g‘risida”gi buyrug‘iga (ro‘yxat raqami 3340, 03.12.2021-y.) asosan davlat reyestridan chiqarilgan.
O‘zbekiston Respublikasining “Radiochastotalar spektri to‘g‘risida”gi Qonuni va O‘zbekiston Respublikasi Vazirlar Mahkamasining 2004-yil 7-maydagi “O‘zbekiston aloqa va axborotlashtirish agentligi faoliyatini takomillashtirish chora-tadbirlari to‘g‘risida”gi 215-son qarorlariga muvofiq buyuraman:
1. Berilgan radiochastotalar to‘g‘risidagi axborotni hisobga olish, tizimlashtirish va saqlash tartibi to‘g‘risidagi nizom ilovaga* muvofiq tasdiqlansin.
* Ilova rus tilidagi matnda berilgan.
2. Mazkur buyruq O‘zbekiston Respublikasi Adliya vazirligida davlat ro‘yxatidan o‘tganidan o‘n kun keyin kuchga kirgan deb hisoblansin.
3. Mazkur buyruq kuchga kirgan kundan boshlab amaldagi RChDKning 2001-yil 15-noyabr 3-son qarori bilan tasdiqlangan hamda (2001-yil 22-noyabr, ro‘yxat raqami 1086) berilgan radiochastotalar to‘g‘risidagi axborotni hisobga olish, tizimlashtirish va saqlash to‘g‘risidagi nizom o‘z kuchini yo‘qotgan deb hisoblansin.
4. Mazkur buyruqning bajarilishini nazorat qilish Bosh direktor o‘rinbosari M.M. Sangilov zimmasiga yuklansin.