LexUZ sharhi
Mazkur qaror O‘zbekiston Respublikasi Prezidentining 2018-yil 11-iyuldagi PF-5475-sonli “O‘zbekiston Respublikasi Prezidentining ayrim qonun hujjatlariga o‘zgartirish va qo‘shimchalar kiritish hamda kuchini yo‘qotgan deb hisoblash to‘g‘risida”gi Farmoniga asosan o‘z kuchini yo‘qotgan.
Respublika bojxona organlari faoliyati samaradorligini oshirish, bojxona komplekslari va postlarida bojxonaga oid qonun hujjatlariga rioya etish ustidan nazoratni kuchaytirish, shuningdek bojxona organlari xizmatiga qabul qilish va uni o‘tash tizimini takomillashtirish maqsadida:
Oldingi tahrirga qarang.
(1-band O‘zbekiston Respublikasi Prezidentining 2011-yil 10-avgustdagi PQ-1595-sonli Qaroriga asosan o‘z kuchini yo‘qotgan)
2. O‘zbekiston Respublikasi Davlat bojxona qo‘mitasi markaziy apparatining kadrlar bosh boshqarmasi tarkibida shtatlar soni 15 kishidan iborat bo‘lgan bojxona komplekslari va postlarini inspeksiya qilish boshqarmasi tashkil etilsin.
Quyidagilar bojxona komplekslari va postlarini inspeksiya qilish boshqarmasi faoliyatining asosiy vazifalari va yo‘nalishlari etib belgilansin:
bojxona komplekslari va postlari shaxsiy tarkibi tomonidan yo‘l qo‘yilishi mumkin bo‘lgan qoidabuzarliklarning oldini olishga, o‘z xizmat vazifalarini bajarish uchun har bir xodimning shaxsiy javobgarligini oshirishga qaratilgan chora-tadbirlar kompleksini amalga oshirish;
O‘zbekiston Respublikasi bojxona chegarasidan olib o‘tiladigan yuklar va transport vositalarini ro‘yxatga olish, ko‘zdan kechirish, bojxonada rasmiylashtirish hamda bojxona nazorati ostida yetkazib berish tartib-qoidalariga rioya etish bo‘yicha bojxona komplekslari va postlari zimmasiga yuklangan vazifalar so‘zsiz bajarilishini nazorat qilish;
bojxona komplekslari va postlari xodimlarining kasbiy bilim saviyasini baholash, ularning malakasini oshirish choralarini ko‘rish;
bojxona komplekslari va postlarining malakali hamda halol mutaxassislar bilan to‘ldirilganligini o‘rganish va buning uchun nomzodlarni tanlash.
3. Bojxona organlari boshliqlar tarkibining mansabdor shaxslarini attestatsiyadan o‘tkazish bo‘yicha Attestatsiya komissiyasi 2-ilovaga* muvofiq tarkibda tuzilsin.
*2-ilova rus tilidagi matnda berilgan.
Attestatsiya komissiyasi 2006-yilning 1-mayiga qadar muddatda, keyinchalik esa har yili markaziy apparat bosh boshqarmalari, boshqarmalari boshliqlari hamda ularning o‘rinbosarlari, bo‘lim boshliqlari, hududiy bojxona boshqarmalari boshliqlari va ularning o‘rinbosarlari attestatsiyadan o‘tkazilishini ta’minlasin.
O‘zbekiston Respublikasi bojxona organlarining boshliqlar tarkibiga kiruvchi shaxslarini teng lavozimlarga o‘tkazish (almashtirish) to‘g‘risidagi nizom 3-ilovaga* muvofiq;
*3-ilova rus tilidagi matnda berilgan.
O‘zbekiston Respublikasi Davlat bojxona qo‘mitasining lavozimlar nomenklaturasi 4-ilovaga* muvofiq tasdiqlansin.
*4-ilova rus tilidagi matnda berilgan.
6. O‘zbekiston Respublikasi Davlat bojxona qo‘mitasi bir hafta muddatda O‘zbekiston bojxona organlari xodimlarini attestatsiyadan o‘tkazish tartibi to‘g‘risidagi nizomni tasdiqlasin va:
bojxona organlarining xodimlari yuqori lavozimga tayinlanganida va navbatdagi maxsus unvonlar berilganida ularning muddatidan ilgari attestatsiyadan o‘tkazilishini ta’minlasin.
bojxona komplekslari va postlarining boshliqlari lavozimga Davlat bojxona qo‘mitasi raisi tomonidan tayinlanadi;
8. O‘zbekiston Respublikasi Davlat bojxona qo‘mitasi 2006-yilning 15-apreligacha muddatda yagona axborot tizimidan, shuningdek bojxona identifikatsiyasi vositalaridan foydalangan holda, tovarlar va transport vositalarining tranzit bo‘yicha bojxona posti orqali olib kirilishini nazorat qilish hamda olib chiqib ketilishini bojxona postida takroran tekshirish tizimini joriy etishni ta’minlasin.
Respublika hududidan chiqib ketish chog‘ida tranzit tovarlarning yetishmayotganligi aniqlangan hollarda bojxona organlarining aybdor bo‘lgan mansabdor shaxslari amaldagi qonunlarga muvofiq javobgarlikka tortilsin.
10. O‘zbekiston aloqa va axborotlashtirish agentligi O‘zbekiston Respublikasi Davlat bojxona qo‘mitasi bilan birgalikda 2006-yilning 1-iyunidan boshlab bojxona komplekslari va postlari yagona axborot tizimi rejimida faoliyat ko‘rsatishini ta’minlasin, bunda bojxona nazorati ostida bo‘lgan tovarlar bo‘yicha axborotni yig‘ish, saqlash, ishlab chiqish texnologik jarayonlarining avtomatlashtirilishi, shuningdek real vaqt miqyosida ma’lumotlar yagona bazasiga tezkorlik bilan kirilishi e’tiborga olinsin.
bir hafta muddatda bojxona komplekslari va postlarini inspeksiya qilish boshqarmasi to‘g‘risidagi nizomni, shuningdek bojxona komplekslari va postlari xodimlariga nisbatan qo‘yiladigan yangi lavozim talablarini tasdiqlasin;
bojxona komplekslari va postlarini inspeksiya qilish boshqarmasining shaxsiy tarkibini kasb mahorati yuqori darajada va ishga halol munosabatda bo‘ladigan malakali va bilimli mutaxassislar bilan ta’minlasin.
12. O‘zbekiston Respublikasi Vazirlar Mahkamasi bir oy muddatda O‘zbekiston Respublikasining bojxona chegarasi orqali olib o‘tilayotganda ko‘zdan kechirish majburiy bo‘lgan tovarlar ro‘yxatini tasdiqlasin, bunda barcha turdagi tovarlarning kamidan 50 foizini qamrab olish nazarda tutilsin.
Vazirlar Mahkamasining “O‘zbekiston Respublikasi Davlat bojxona qo‘mitasi faoliyatini tashkil etish masalalari to‘g‘risida” 1997-yil 30-iyuldagi 374-son qarorining 1a-ilovasi;
Vazirlar Mahkamasining “O‘zbekiston Respublikasi bojxona organlarining boshliqlar tarkibiga kiruvchi shaxslarini teng lavozimlarga o‘tkazish to‘g‘risidagi nizomni tasdiqlash haqida” 2003-yil 21-iyuldagi 321-son qarori o‘z kuchini yo‘qotgan deb hisoblansin.
14. Mazkur qarorning ijrosini nazorat qilish O‘zbekiston Respublikasi Bosh vaziri Sh.M. Mirziyoyev va O‘zbekiston Respublikasi Prezidentining Davlat maslahatchisi R.Sh. Shamshiyev zimmalariga yuklansin.