LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
1999-yilda davlat zaxirasi, maxsus iste’molchilar va davlat ta’minotidagi muassasalar uchun oziq-ovqatlar xarid qilishning samarali tizimini ta’minlash maqsadida Vazirlar Mahkamasi qaror qiladi:
1. Davlat ta’minotidagi muassasalarni, maxsus iste’molchilarni va davlat zaxirasini asosiy oziq-ovqat mahsulotlari bilan ta’minlashning O‘zbekiston Respublikasi Vazirlar Mahkamasining 1997-yil 14-avgustdagi 397-son qarori bilan tasdiqlangan tartibining amal qilishi 1999-yil uchun saqlab qolinsin.
2. 1999-yilda davlat ta’minotidagi muassasalar uchun oziq-ovqatlar xarid qilishni mablag‘ bilan ta’minlashning cheklangan limitlari 1-ilovaga* muvofiq tasdiqlansin.
4. Asosiy oziq-ovqat mahsulotlari xarid qilish bo‘yicha tendyerlar o‘tkazishni muvofiqlashtiruvchi Respublika komissiyasi tarkibi 6-ilovaga* muvofiq tasdiqlansin.
Belgilab qo‘yilsinki, komissiya a’zolari boshqa ishga o‘tishgan taqdirda ularning lavozimiga yangi tayinlangan shaxslar komissiya tarkibiga kiritiladi.
Keyingi tahrirga qarang.
5. O‘zbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Oliy va o‘rta maxsus ta’lim vazirligi, Xalq ta’limi vazirligi, Sog‘liqni saqlash vazirligi, Ijtimoiy ta’minot vazirligi, Milliy xavfsizlik xizmati, Davlat soliq qo‘mitasi, Davlat bojxona qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari respublika tovar ishlab chiqaruvchilari tomonidan, davlat ehtiyojlari uchun oziq-ovqatlar xarid qilishni mablag‘ bilan ta’minlashning cheklangan limitlariga muvofiq miqdorda, oziq-ovqatlar yetkazib berish yuzasidan shartnomalar tuzishni ikki hafta muddatda tugallasinlar.
Qishloq xo‘jaligi mahsulotlari yetkazib berish yuzasidan shartnomalar tuzishda qishloq xo‘jaligi mahsulotlari yetishtiruvchilari bilan fyuchers bitishuvlari tuzish amaliyotga joriy etilsin.
7. “O‘zulgurjibirjasavdo” uyushmasi oziq-ovqat mahsulotlari sotish bo‘yicha birja va yarmarka savdolarida davlat ta’minotidagi muassasalar hamda maxsus iste’molchilarning vositachilik yig‘imlari undirilmasdan qatnashishi uchun shart-sharoitlar yaratsin.
8. O‘zbekiston Respublikasi Makroiqtisodiyot va statistika vazirligi O‘zbekiston Respublikasi bo‘yicha 1999-yil uchun asosiy oziq-ovqat mahsulotlari resurslari balansini shakllantirishda ularning davlat ehtiyojlari uchun yetkazib beriladigan miqdorlarini nazarda tutsin.
10. O‘zbekiston Respublikasi Moliya vazirligi respublikada ishlab chiqarilmaydigan yoki cheklangan miqdorda ishlab chiqariladigan oziq-ovqat mahsulotlarini import bo‘yicha xarid qilish uchun valyuta mablag‘lari limiti bo‘yicha takliflarni ikki hafta muddatda Vazirlar Mahkamasiga kiritsin.
11. Oziq-ovqat mahsulotlarini import bo‘yicha xarid qilish yuzasidan tendyerlar o‘tkazishni muvofiqlashtiruvchi Respublika komissiyasi 1999-yilda davlat ehtiyojlari uchun ichki bozorda xarid qilishda yetishmagan asosiy oziq-ovqat turlarini import bo‘yicha sotib olish yuzasidan bir oy muddatda tendyerlar o‘tkazilishini ta’minlasin.
12. Belgilab qo‘yilsinki, vazirliklar va idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, mahalliy hokimiyat organlari, budjet muassasalari va budjetdan mablag‘ bilan ta’minlanadigan tashkilotlar rahbarlari tegishli kontingentlarning oziq-ovqat mahsulotlari bilan uzluksiz ta’minlanishi, davlat mablag‘laridan belgilangan maqsadda foydalanilishi va kreditorlik qarzlari hosil bo‘lishi uchun amaldagi qonunchilikka muvofiq shaxsan javob beradilar.
14. O‘zbekiston Respublikasi Vazirlar Mahkamasining 1997-yil 14-avgustdagi 397-son qarori 2-bandining uchinchi xatboshi o‘z kuchini yo‘qotgan deb hisoblansin.