O‘zbekiston Respublikasi Prezidentining “O‘zbektelekom” aksiyadorlik kompaniyasining ma’lumotlar uzatish xizmatlarini rivojlantirish va xususiylashtirishga tayyorlash chora-tadbirlari to‘g‘risida” 2005-yil 8-avgustdagi PQ-149-son qarorini bajarish yuzasidan Vazirlar Mahkamasi qaror qiladi:
1. Vazirlar Mahkamasining 1994-yil 16-martdagi 140-son qarori (O‘zbekiston Respublikasi QT, 1994-y., 3-son, 16-modda) bilan tasdiqlangan O‘zbekiston Respublikasi Tashqi ishlar vazirligi to‘g‘risidagi nizomning 4-bandi o‘n to‘qqizinchi xatboshidan “va “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasi” so‘zlari chiqarib tashlansin.
2. Vazirlar Mahkamasining “Ma’lumotlar uzatish milliy tarmog‘ini tashkil etish va jahon axborot tarmoqlaridan foydalanishni tartibga solish to‘g‘risida” 1999-yil 5-fevraldagi 52-son qarorida:
“2. Belgilab qo‘yilsinki, Ma’lumotlarni uzatish milliy tarmog‘idan, shu jumladan, Internetdan foydalanish va uni rivojlantirish milliy operatori (provayder) funksiyalari “O‘zbektelekom” aksiyadorlik kompaniyasiga yuklanadi”;
“3. Quyidagilar milliy operator (provayder) sifatida “O‘zbektelekom” aksiyadorlik kompaniyasining asosiy vazifalari etib belgilansin:”;
v) 3-bandning uchinchi xatboshida “UzPAK” so‘zi “O‘zbektelekom” aksiyadorlik kompaniyasi” so‘zlari bilan almashtirilsin;
g) 8-bandda “UzPAK” ma’lumotlarni uzatish davlat tarmog‘ini rivojlantirish va undan foydalanish korxonasi” so‘zlari “O‘zbektelekom” aksiyadorlik kompaniyasi” so‘zlari bilan almashtirilsin.
3. Vazirlar Mahkamasining “O‘zbektelekom” aksiyadorlik kompaniyasi faoliyatini tashkil etish masalalari to‘g‘risida” 2000-yil 30-iyundagi 253-son qaroriga 4-ilovaning I bo‘limi birinchi xatboshi chiqarib tashlansin.