Qayd etilsinki, tashqi savdo faoliyatini erkinlashtirish borasidagi chora-tadbirlarni izchillik bilan amalga oshirish natijasida eksport tarkibida ijobiy o‘zgarishlar ro‘y bermoqda — tayyor mahsulot va xizmatlar ulushi ko‘paydi, tashqi savdo aylanmasida barqaror ijobiy saldo ta’minlanmoqda.
Shu bilan bir qatorda tashqi savdo faoliyatini tashkil etish va bojxona rasmiylashtiruvi tizimida jiddiy kamchiliklar va amaldagi qonun hujjatlarini buzish hollari mavjud. Bojxona organlari tomonidan past sifatli, sertifikatlanmagan iste’mol mahsulotlarini respublikaga noqonuniy olib kirishning oldini olish bo‘yicha zarur nazorat ta’minlanmayapti. Importyorlar tomonidan olib kelinayotgan mahsulotlarni bojxona rasmiylashtiruvidan o‘tkazish tartibini qo‘pol ravishda buzish, bayon etilayotgan qiymatni sun’iy ravishda pasaytirish, bojxona to‘lovlarini to‘lashdan bo‘yin tovlash kabi faktlar mavjud.
Ishlab chiqaruvchi korxonalar ishlab chiqarishda import qilinadigan xomashyo, materiallar va butlovchi buyumlardan foydalanish o‘rniga ularni mahalliylashtirish, o‘zining valyuta mablag‘lari oqimini ta’minlovchi raqobatbardosh mahsulotlar ishlab chiqarishni kengaytirishga yo‘naltirish jarayoni sust bormoqda.
Tashqi savdo aylanmasi balansini oshirish, eksport-import operatsiyalarini boj-tarif bilan tartibga solishni tobora takomillashtirish, korxonalarni modernizatsiyalash va texnologik qayta jihozlash uchun qulay shart-sharoitlar yaratish, eksportga mo‘ljallangan raqobatbardosh mahsulotlar ishlab chiqarishni kengaytirish maqsadida:
* 1-ilova rus tilidagi matnda berilgan.
Keyingi tahrirga qarang.
Oldingi tahrirga qarang.
(1-bandning uchinchi xatboshisi O‘zbekiston Respublikasi Prezidentining 2006-yil 24-fevraldagi PQ–288-son qarori bilan o‘z kuchini yo‘qotgan — O‘zbekiston Respublikasi qonun hujjatlari to‘plami, 2006-y., 8-son, 50-modda)
un import qiluvchi jismoniy shaxslardan undiriladigan yagona boj to‘lovlari stavkasi 2a-ilovaga* muvofiq belgilansin.
Keyingi tahrirga qarang.
* 2a-ilova rus tilidagi matnda berilgan.
2. Belgilab qo‘yilsinki, 2005-yil 1-noyabrgacha “vaqtincha saqlash” bojxona rejimiga joylashtirilgan mahsulotlarni erkin muomalaga chiqarishda Vazirlar Mahkamasining 2004-yil 7-yanvardagi “Boj-tarif bilan tartibga solishni yanada takomillashtirish chora-tadbirlari to‘g‘risida”gi 4-sonli hamda 2004-yil 28-dekabrdagi “O‘zbekiston Respublikasining 2005-yilgi Davlat budjeti parametrlari to‘g‘risida”gi 610-sonli qarorlari bilan tasdiqlangan stavkalar 2005-yilning 1-dekabrigacha qo‘llaniladi.
2005-yilning 1-dekabridan boshlab “vaqtincha saqlash” rejimidan erkin muomalaga chiqariladigan barcha mahsulotlarga nisbatan ushbu qaror bilan tasdiqlangan import boj to‘lovlari va aksiz solig‘i stavkalari qo‘llaniladi.
Keyingi tahrirga qarang.
3. Belgilab qo‘yilsinki, yagona yer solig‘i to‘laydigan va QQS to‘lashdan ozod qilingan qishloq xo‘jalik ishlab chiqaruvchilariga berilgan imtiyozlar tovarlarni import qilishga emas, balki faqat ularning asosiy faoliyatiga daxldordir.
O‘zbekiston Respublikasi Davlat bojxona qo‘mitasi, Davlat soliq qo‘mitasi, Oliy xo‘jalik sudi bu boradagi qonunbuzarliklarga qat’iyan chek qo‘ysin va amaldagi qonun hujjatlarining qoidalari to‘g‘ri bajarilishini ta’minlasin.
Keyingi tahrirga qarang.
import shartnomalarining bojxona rasmiylashtiruvi ustidan ta’sirchan nazorat o‘rnatsin, import qilinayotgan tovarlarning amaldagi miqdori va ro‘yxati bojxona deklaratsiyasida keltirilgan ma’lumotlar bilan to‘la mos bo‘lishiga hamda tovarning ko‘rsatilgan qiymati asosliligiga alohida e’tibor qaratsin;
tovarlarning O‘zbekiston Respublikasi bojxona hududi orqali o‘tishi ustidan nazoratni kuchaytirsin, tovarlarning noqonuniy yo‘l bilan olib kirilishi faktlariga qat’iyan chek qo‘ysin, bojxona qonunchiligi buzilgan taqdirda huquqbuzarlik predmetlarini belgilangan tartibda davlat foydasiga musodara qilsin.
Oldingi tahrirga qarang.
5. Idoralararo bojxona-tarif kengashi o‘ziga yuklatilgan vazifalarga muvofiq tashqi savdo aylanmasi hajmi va tarkibi mutanosibligi ustidan doimiy monitoring olib borilishini ta’minlasin hamda zarur hollarda eksport-import operatsiyalarini boj-tarif bilan tartibga solish bo‘yicha qo‘shimcha chora-tadbirlar qabul qilish to‘g‘risida Vazirlar Mahkamasiga takliflar kiritsin.
(5-bandning birinchi xatboshisi O‘zbekiston Respublikasi Prezidentining 2006-yil 21-iyuldagi PQ–423-son qarori tahririda — O‘zbekiston Respublikasi qonun hujjatlari to‘plami, 2006-y., 30-son, 289-modda)
6. O‘zbekiston Respublikasi Prezidentining hamda O‘zbekiston Respublikasi Hukumatining ayrim qarorlari 4-ilovaga* muvofiq 2005-yilning 1-noyabridan boshlab o‘z kuchini yo‘qotgan deb hisoblansin.
* 4-ilova rus tilidagi matnda berilgan.
7. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risidagi takliflarni Vazirlar Mahkamasiga kiritsin.
8. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari V.A. Golishev zimmasiga yuklansin.