LexUZ sharhi
Mazkur qaror O‘zbekiston Respublikasi Vazirlar Mahkamasining 2019-yil 23-fevraldagi 161-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “Idoralararo kollegial organlarni tubdan qisqartirish va yanada optimallashtirish chora-tadbirlari to‘g‘risida” 2018-yil 28-avgustdagi PF-5527-son Farmoni)”gi qaroriga asosan o‘z kuchini yo‘qotgan.
Amerika kompaniyalarining ishtirokida va AQSh hukumati ko‘magi bilan amalga oshirilayotgan mudofaa sanoati korxonalarini konversiya qilish qo‘shma dasturini ro‘yobga chiqarishga oid ishlarni faollashtirish maqsadida Vazirlar Mahkamasi qaror qiladi:
1. Siyosiy, iqtisodiy va texnologik hamkorlik qilish bo‘yicha O‘zbekiston — AQSh qo‘shma komissiyasining Savdo, investitsiyalar, moliya qo‘mitasi huzurida mudofaa sanoati korxonalarini konversiya qilish masalalari bo‘yicha doimiy ishlovchi ishchi komissiyasi 1-ilovaga* muvofiq tashkil etilsin.
2. O‘zbekiston Respublikasi mudofaa sanoatini konversiya qilish sohasida Amerika kompaniyalari bilan birgalikda amalga oshirish taklif etilayotgan loyihalar ro‘yxatiga 2-ilovaga* muvofiq rozilik berilsin.
Vazirlar Mahkamasi komplekslari, manfaatdor vazirliklar va idoralar ko‘rsatib o‘tilgan loyihalarning belgilangan muddatlarda ishlab chiqilishini va ularning amalga oshirilishini ta’minlasinlar.
3. Ishchi komissiya mudofaa sanoatini konversiya qilish bo‘yicha birgalikda hamkorlik qilish qo‘shimcha loyihalari ro‘yxatini aniqlasin, ikki hafta muddatda ishlarni faollashtirish tadbirlari rejasini ishlab chiqsin va tasdiqlasin.
4. O‘zbekiston Respublikasi Tashqi iqtisodiy aloqalar vazirligi Amerika tomoni bilan kelishgan holda 1998-yilning III choragida mudofaa sanoatini konversiya qilish masalalari bo‘yicha qo‘shma yig‘ilish o‘tkazish masalasini ishlab chiqsin.
5. Vazirlar Mahkamasining 1997-yil 8-sentabrdagi 430-son qaroriga 1-ilovaning Savdo, investitsiyalar, moliya qo‘mitasi tarkibiga oid qismiga 3-ilovaga* muvofiq o‘zgartirish kiritilsin.