LexUZ sharhi
Mazkur qaror O‘zbekiston Respublikasi Vazirlar Mahkamasining 2018-yil 18-iyuldagi 553-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish hamda ba’zilarini o‘z kuchini yo‘qotgan deb hisoblash haqida (O‘zbekiston Respublikasi Prezidentining “O‘zbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari to‘g‘risida” 2018-yil 12-apreldagi PF-5414-son Farmoni, O‘zbekiston Respublikasi Prezidentining “O‘zbekiston Respublikasi Davlat bojxona xizmati organlarining faoliyatini tashkil etish to‘g‘risida” 2018-yil 12-apreldagi PQ-3665-son qarori)”gi qaroriga asosan o‘z kuchini yo‘qotgan.
Vazirlar Mahkamasining “O‘zbekiston Respublikasi Davlat bojxona qo‘mitasi faoliyatini tashkil etish masalalari to‘g‘risida” 1997-yil 30-iyuldagi 374-son qaroriga muvofiq hamda kadrlarni tanlash va joy-joyiga qo‘yishni yaxshilash va bojxona organlari xodimlarining intizomini mustahkamlash masalalari bo‘yicha O‘zbekiston Respublikasi Hukumati tomonidan qo‘yilgan vazifalarni to‘liq va og‘ishmay bajarish maqsadida Vazirlar Mahkamasi qaror qiladi:
2. O‘zbekiston Respublikasi Davlat bojxona qo‘mitasiga O‘zbekiston Respublikasi bojxona organlarining Intizomiy ustavi talablariga rioya etilishini nazorat qilish yuklansin.
1. Bojxona organlari mansabdor shaxslarining intizomi ular tomonidan O‘zbekiston Respublikasi qonun hujjatlarida, mazkur Ustavda belgilangan normalarga rioya qilishdan, shuningdek qasamyodni, O‘zbekiston Respublikasi Davlat bojxona qo‘mitasi raisining buyruqlarini bajarishdan iboratdir.
Bojxona organlaridagi intizom har bir mansabdor shaxsning yuksak ongliligiga, qat’iy e’tiqodiga va o‘z xizmat burchini chuqur tushunishiga hamda topshirilgan ish uchun shaxsiy javobgarligiga asoslanadi.
O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Prezidentining farmonlariga, respublika Hukumatining qarorlari va farmoyishlariga so‘zsiz rioya qilish, qasamyod, ustavlar talablariga va boshliqlarning buyruqlarini aniq bajarish, qonuniylikka qat’iy rioya qilish;
O‘zbekiston Respublikasining iqtisodiy manfaatlarini, iqtisodiy xavfsizligini himoya qilish, shuningdek qonun tomonidan muhofaza qilinadigan huquq va manfaatlarni himoya qilish bo‘yicha xizmatni fidokorona o‘tash;
sofdil va haqiqatgo‘y bo‘lish, o‘z malakasini doimiy ravishda takomillashtirib borish, ish madaniyatini oshirish;
intizomni mustahkamlashda va ustav tartibini ta’minlashda boshliqlarga ko‘maklashish, boshliqlarni, xizmat va unvon bo‘yicha kattalarni hurmat qilish, odobli bo‘lish harbiy salom berish va belgilangan shakldagi kiyim-bosh kiyish qoidalariga rioya etish;
xizmatdan tashqari vaqtlarda o‘zini munosib tutish va izzatini saqlash, jamoat tartibiga va umuminsoniy axloq normalariga rioya qilishda namuna ko‘rsatish, boshqalarni huquq-tartibotni buzishdan to‘xtatish, jamiyat va fuqarolarning qonuniy manfaatlarini fidokorona himoya qilish majburiyatini yuklaydi.
bojxona organlari shaxsiy tarkibini vatanparvarlik, yuksak ma’naviy-ruhiy va ishchanlik fazilatlari, insonparvarlik va xizmat burchini bajarishga ongli munosabatda bo‘lish ruhida tarbiyalash, qasamyodga rioya qilish;
boshliqlarning o‘zlariga bo‘ysunuvchilarga nisbatan kundalik talabchanligi, ular to‘g‘risida doimiy ravishda g‘amxo‘rlik qilishi, ularning shaxsiy qadr-qimmatini hurmat qilishi, ishontirish va majbur qilish chora-tadbirlarini mohirlik bilan qo‘shib olib borish va to‘g‘ri qo‘llash orqali erishiladi.
4. Boshliq o‘ziga bo‘ysunuvchilar o‘rtasida intizomning ahvoli uchun javob beradi. U O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Prezidentining farmonlariga, respublika Hukumatining qarorlari va farmoyishlariga, qasamyod va mazkur Ustav talablariga, axloq normalariga rioya qilishda ularga doimiy ravishda namuna bo‘lishi, bo‘ysunuvchilarda xizmat burchini, sha’n va qadr-qimmatni anglashni rivojlantirish va qo‘llab-quvvatlash, tashabbusni, xizmatda tirishqoqlik va o‘zini ko‘rsatishni rag‘batlantirishi hamda dangasa va ishyoqmaslarni qattiq jazolashi kerak.
Boshliqlarning asosiy e’tibori bo‘ysunuvchilarning individual sifatlarini o‘rganishga, ular o‘rtasidagi Ustavga oid o‘zaro munosabatlarni qo‘llab-quvvatlashga, jamoani jipslashtirishga, bo‘ysunuvchilarning qilmishlari sabablarini o‘z vaqtida aniqlash va ularning oldini olishga, intizomni buzuvchilarga nisbatan murosasizlik munosabatini yaratishga qaratilishi kerak. Bunda u jamoaning ta’sir kuchidan har tomonlama foydalanishi shart.
5. Bo‘ysunuvchi tomonidan intizom buzilgan taqdirda boshliq bunday harakatlarga yo‘l qo‘yilmasligi to‘g‘risida ogohlantirishi, sodir etilgan qilmishning og‘irligiga va aybdorlik darajasiga ko‘ra esa aybdorni intizomiy jazoga tortishga yoki xodimning qilmishi to‘g‘risidagi materiallarni ko‘rib chiqish uchun or-nomus o‘rtoqlik sudiga berishga haqlidir.
Bojxona organlarining intizomiy jazoga tortilgan xodimlari, basharti ularning harakatlarida huquqni buzish tarkibiga kiruvchi belgilar mavjud bo‘lsa, ma’muriy va jinoiy javobgarlikka tortishdan ozod qilinmaydi.
6. Rag‘batlantirishni va intizomiy jazoni faqat to‘g‘ridan to‘g‘ri boshliqlargina qo‘llashlari mumkin, mazkur Ustavning 25-bandida nazarda tutilgan hollar bundan mustasno.
Bojxona organlari mansabdor shaxslari xizmat bo‘yicha bo‘ysunadigan boshliqlar to‘g‘ridan to‘g‘ri boshliqlar hisoblanadi.
7. Bojxona organlarining xizmat bo‘yicha bir-biriga bo‘ysunmaydigan mansabdor shaxslari katta yoki kichik mansabdor shaxslar bo‘lishi mumkin. Katta boshliqlik maxsus unvonlar bilan belgilanadi.
8. Bojxona organlarining bir-biriga bo‘ysunmaydigan mansabdor shaxslari tomonidan xizmat birgalikda amalga oshirilgan taqdirda, ularning xizmat bo‘yicha o‘zaro munosabatlari boshliq tomonidan belgilab qo‘yilmaganda ulardan lavozim bo‘yicha yuqori turadigani, lavozimlari teng bo‘lganda esa — yuqori unvonlisi boshliq hisoblanadi va egallab turgan lavozimi bo‘yicha o‘ziga berilgan intizomiy hokimiyatdan foydalanadi.
9. Lavozim vaqtinchalik bajarib turilgan taqdirda, bu haqda buyruqda e’lon qilinganda boshliq intizomiy hokimiyatdan vaqtinchalik bajarayotgan lavozimi bo‘yicha foydalanadi.
11. Bojxona organlarining mansabdor shaxslari uchrashganida (yonidan o‘tib ketishayotganda) bir-birlari bilan, shuningdek Qurolli Kuchlarning, MXX, IIV, Favqulodda vaziyatlar vazirligi organlarining harbiy xizmatchilari bilan O‘zbekiston Respublikasi Qurolli Kuchlarining safda yurish ustavida belgilangan qoidaga qat’iy amal qilgan holda salomlashadilar.
Bojxona organlarining mansabdor shaxslari nomi rag‘batlantirish tartibida Hurmat taxtasiga, Davlat bojxona qo‘mitasining Solnoma kitobiga yozib qo‘yilishi, shuningdek bojxona organlarining ko‘krak nishoni bilan mukofotlanishi mumkin.
Bojxona organlarining mansabdor shaxslari alohida xizmatlari uchun Davlat bojxona qo‘mitasi raisi tomonidan davlat mukofotlariga taqdim etilishi mumkin.
Rag‘batlantirish tadbirlari sifatida ushbu Ustav 14-bandining “a”, “b” va “v” kichik bandlarida nazarda tutilgan ilgari berilgan intizomiy jazoni muddatidan oldin olib tashlash ham qo‘llanishi mumkin.
13. Davlat bojxona qo‘mitasi o‘quv yurtlarida, ushbu Ustavning 12-bandida nazarda tutilgan rag‘batlantirishlardan tashqari, o‘qish kursini a’lo baholar bilan tugallashgan kursantlar va tinglovchilar nomini Hurmat taxtasiga yozib qo‘yish tarzidagi rag‘batlantirishlar qo‘llanadi.
14. Bojxona organlarining kichik boshliqlar tarkibiga kiruvchi shaxslarga quyidagi jazolar qo‘llanilishi mumkin:
15. Davlat bojxona qo‘mitasi o‘quv yurtlarida mazkur ustavning 14-bandida sanab o‘tilgan jazolardan tashqari bir oy muddatgacha o‘quv yurtidan tashqariga chiqishdan mahrum etish va xizmat bo‘yicha navbatdan tashqari naryadga tayinlash sifatida jazolar qo‘llaniladi.
18. Bojxona organlarining bojxona organlari ko‘krak nishoni bilan mukofotlangan, nomi Hurmat taxtasiga va Davlat bojxona qo‘mitasining Solnoma kitobiga yozib qo‘yilgan mansabdor shaxslariga ko‘krak nishonidan mahrum qilish, Hurmat taxtasidan olib qo‘yish va Davlat bojxona qo‘mitasining Solnoma kitobidan o‘chirish kabi jazolar qo‘llanilishi mumkin.
19. Boshliqlar tomonidan rag‘batlantirishlar va intizomiy jazolar ularga berilgan huquqlar doirasida qo‘llaniladi. Rag‘batlantirishlar va intizomiy jazolarni qo‘llash bo‘yicha boshliqlar ro‘yxati va ularning huquqlari mazkur Ustavga ilovada belgilangan.
20. Agar bojxona organlari mansabdor shaxsiga mazkur boshliq fikricha, uning huquq doirasidan tashqari rag‘batlantirish choralarini qo‘llash zarurati tug‘ilsa, u bu to‘g‘rida to‘g‘ridan to‘g‘ri katta boshlig‘iga iltimosnoma kiritadi.
21. Agar boshliq bo‘ysunuvchi tomonidan sodir etilgan qilmishning og‘irligi munosabati bilan o‘ziga berilgan intizomiy huquqlarini yetarli emas deb hisoblasa, u holda u to‘g‘ridan to‘g‘ri katta boshliq huquq bilan aybdorga jazo qo‘llash to‘g‘risida taklif kiritadi.
22. O‘ziga berilgan intizomiy huquqlarni oshirib yuborgan yoki mazkur Ustavda nazarda tutilmagan jazoni qo‘llagan boshliq buning uchun javob beradi, berilgan jazo esa bu jazoni bergan boshliq tomonidan yoki to‘g‘ridan to‘g‘ri katta boshliq tomonidan bekor qilinadi.
23. Katta boshliq jazoning qattiqligi sababli kichik boshliq tomonidan berilgan intizomiy jazoni bekor qilish yoki yengillashtirish huquqiga ega emas, agar jazo bergan boshliq o‘ziga berilgan huquqlarni oshirib yubormasa.
Katta boshliq kichik boshliq tomonidan berilgan intizomiy jazo yengilligi sababli sodir etilgan qilmishning og‘irligiga to‘g‘ri kelmaydi deb hisoblasa, uni bekor qilishi va qattiqroq jazo berishi mumkin.
24. Lavozimni pasaytirish yoki bojxona organlaridan bo‘shatish sifatidagi intizomiy jazo mansabga tayinlash huquqi, berilgan boshliqlar tomonidan qo‘llaniladi.
25. Bojxona organlari mansabdor shaxsi tomonidan temir yo‘l, havo, suv yoki boshqa aloqa yo‘llarida ketayotganda, shuningdek ta’tilda, xizmat safarida yoki davolanishda bo‘lgan paytida intizom buzilgan taqdirda, intizom buzilganligi haqida xabardor bo‘lgan mahalliy bojxona organi boshlig‘i intizom buzilishini to‘xtatish choralarini ko‘radi va bu haqda intizomni buzgan shaxsining xizmat joyiga xabar beradi.
Bojxona organlarining mansabdor shaxsi xizmat joyiga qaytib kelgandan so‘ng intizomni buzganligi haqida o‘zining bevosita boshlig‘iga axborot berishga majburdir. Axborot bermagan shaxs intizomiy tartibda javob beradi.
26. Rag‘batlantirishlar buyruqlar bilan e’lon qilinadi. Tashakkur bildirish va og‘zaki tanbeh ham buyruqda, ham og‘zaki e’lon qilinishi mumkin.
Rag‘batlantirishlar to‘g‘risida bojxona organlarining mansabdor shaxsiga shaxsan, saf oldida yoki yig‘ilishda e’lon qilinadi.
Bir marta o‘rnak ko‘rsatganlik uchun bojxona organlari mansabdor shaxsiga faqat bitta rag‘batlantirish e’lon qilinishi mumkin.
Rag‘batlantirish turini aniqlashda mansabdor shaxsning xizmatlari xususiyati yoki ko‘rsatgan o‘rnagi, shuningdek uning xizmatga munosabati e’tiborga olinadi.
Bojxona organlarining intizomiy jazosi bo‘lgan mansabdor shaxslariga rag‘batlantirish, odatda, ilgari qo‘llanilgan jazoni olib tashlash sifatida qo‘llanilishi mumkin.
27. Intizomiy jazo sodir etilgan qilmishning og‘irligiga va aybdorlik darajasiga muvofiq kelishi kerak. Jazo turini va chorasini belgilashda sodir etilgan qilmishning xususiyati, vaziyatlari, uning oqibatlari, aybdorning oldingi xulq-atvori, uning o‘ziga yuklangan xizmat vazifalarini bajarishga munosabati e’tiborga olinadi.
Aybdor bir necha marta qilmish sodir etgan yoki guruh tarkibida intizomni buzgan, qilmishni xizmat vazifalarini bajarish paytida, mast holda sodir etgan yoki qilmish oqibatida tartib jiddiy ravishda buzilgan taqdirda unga qattiqroq jazo chorasi qo‘llanilishi mumkin.
Jazoni qo‘llashda boshliq o‘ziga bo‘ysunuvchining shaxsini kamsitmasligi va qo‘pollik qilmasligi kerak.
Intizom bir necha shaxs bilan birgalikda sodir etilgan taqdirda jazo har bir aybdorga alohida qo‘llaniladi.
29. Lavozimini yoki unvonini pasaytirish sifatidagi jazo chorasi, odatda, aybdorga ilgari qo‘llanilgan jazo choralari zarur darajada ta’sir etmagan taqdirda qo‘llaniladi.
30. Mansabdor shaxslarni bojxona organlaridan bo‘shatish eng so‘nggi intizomiy jazo hisoblanadi va intizomni muntazam ravishda buzganlik yoki bojxona organlarida xizmatda bo‘lishga to‘g‘ri kelmaydigan qilmish uchun qo‘llanilishi mumkin.
31. Intizomiy jazo sodir etilgan qilmish haqida boshliqqa ma’lum bo‘lgan kundan boshlab 10 sutka mobaynida, xizmat tekshiruvi o‘tkazilgan yoki jinoiy ish qo‘zg‘atilgan taqdirda — xizmat tekshiruvi tugagan yoki jinoiy ish to‘xtatilgan kundan 10 sutkadan kechiktirmay e’lon qilinishi kerak, aybdorning kasal bo‘lgan yoki ta’tilda bo‘lgan vaqti bunga kirmaydi.
Qilmish sodir etilgan kundan bir yildan ortiq vaqt o‘tgan bo‘lsa intizomiy jazo qo‘llanilishi mumkin emas.
Bojxona organlarining mansabdor shaxslariga xizmatni o‘tash paytida sodir etilgan qilmishlar uchun intizomiy jazo smenadan so‘ng yoki ular boshqa shaxslar bilan almashtirilgandan so‘ng qo‘llaniladi.
32. Eng zarur, kechiktirib bo‘lmaydigan hollarda qilmish sodir etgan bojxona organlarining mansabdor shaxslari xizmat yuzasidan u bo‘ysunadigan boshliq tomonidan xizmat vazifalarini bajarishdan chetlashtirib qo‘yilishi mumkin.
33. Mast holda bo‘lgan aybdorga intizomiy jazo berish, shuningdek undan har qanday tushuntirishlar olish uning hushyor bo‘lguniga qadar qoldiriladi.
34. Intizomiy jazolar: tanbeh, hayfsan, navbatdan tashqari naryadga tayinlash, o‘quv yurti, bo‘linma hududidan tashqariga chiqishdan mahrum etish — og‘zaki yoki buyruqda e’lon qilinishi mumkin. Qolgan jazolar buyruqda e’lon qilinadi.
Intizomiy jazo berilganligi to‘g‘risida bojxona organlari mansabdor shaxsiga shaxsan, saf oldida yoki yig‘ilishda e’lon qilinadi.
35. Intizomiy jazo darhol, ayrim hollarda — berilgan kundan boshlab bir oydan kechiktirmay ijro etiladi. Bir oy muddat o‘tgandan so‘ng jazo ijro etilmaydi, ammo hisobga olinadi.
37. Bojxona organlari xodimiga buyruq bilan berilgan intizomiy jazo, agar jazo berilgan kundan boshlab yil mobaynida u yangi intizomiy jazoga tortilmasa, olib tashlangan deb hisoblanadi. Taqdirlash tartibida jazo bir yil tugamasdan olib tashlanishi mumkin.
38. Intizomiy jazoni rag‘batlantirish tartibida muddatidan oldin olib tashlash uni bergan boshliq tomonidan, unga teng bo‘lgan yoki to‘g‘ridan to‘g‘ri katta boshliq tomonidan amalga oshiriladi.
Katta boshliq tomonidan berilgan intizomiy jazoni olib tashlash uchun bevosita boshliq instansiya bo‘yicha iltimosnoma yuboradi.
Og‘zaki berilgan jazodan boshqa intizomiy jazoni olib tashlash buyruq bilan amalga oshiriladi, u haqda manfaatdor shaxsga shaxsan, saf oldida yoki yig‘ilishda e’lon qilinadi.
39. Lavozimni pasaytirish sifatidagi intizomiy jazo olgan shaxsni xizmatda yuqori lavozimga ko‘tarish masalasi har biri alohida holda umumiy asoslarda hal etiladi.
40. Maxsus unvonni pasaytirish sifatida intizomiy jazo qo‘llangan hollarda ilgarigi unvon, agar jazolangan shaxs namunali xizmati va benuqson xulqi bilan o‘zining tuzalayotganligini ko‘rsatsa, unvon pasaytirilgandan so‘ng kamida bir yildan so‘ng tiklanishi mumkin.
41. Barcha rag‘batlantirishlar va intizomiy jazolar hisobga olib borilishi kerak, og‘zaki e’lon qilinganlari bundan mustasno.
Rag‘batlantirishlar va intizomiy jazolar hisobi Davlat bojxona qo‘mitasi tomonidan belgilangan tartibda olib boriladi.
42. Bojxona organlarining har bir mansabdor shaxsi subordinatsiyaga rioya qilgan holda yuqori turuvchi boshliqqa, shuningdek bevosita boshliqlar tomonidan xizmat bo‘yicha belgilangan huquqlarni buzganlik to‘g‘risida unga nisbatan qilingan noqonuniy xatti-harakat yoki nohaqlik uchun tegishli davlat instansiyalariga yozma holda ariza berish yoki shikoyatnoma yozish huquqiga egadir.
43. Arizalarda yoki shikoyatlarda bayon qilingan masalalarni hal qilish vakolatiga kirmaydigan boshliq ularni kechi bilan besh kun muddatda tegishli organ (muassasa)ga jo‘natadi, bu haqda arizachini xabardor qiladi.
Shikoyatlarning xatti-harakatlari ustidan shikoyat qilinayotgan boshliqlarning ko‘rib chiqishlari uchun yuborilishi taqiqlanadi.
44. O‘ziga bo‘ysunuvchilarga nisbatan ular tomonidan berilgan ariza yoki shikoyat uchun noqonuniy xatti-harakat qilishga yoki nohaqlikka yo‘l qo‘ygan boshliq, agar uning xatti-harakati jinoiy javobgarlikka olib bormasa, intizomiy tartibda javobgarlikka tortilishi kerak.
45. Arizalar yoki shikoyatlar bir oygacha bo‘lgan muddatda, qo‘shimcha o‘rganib chiqishni va tekshirishni talab qilmaydiganlari esa — asosiy masalani hal qilishi shart bo‘lgan organga kelib tushgan kundan boshlab ko‘pi bilan 15 kunda hal etiladi.
Arizalarni yoki shikoyatlarni hal etish uchun maxsus tekshirishlar, qo‘shimcha materiallar talab qilish yoxud boshqa chora-tadbirlar ko‘rish zarur bo‘lgan hollarda arizalar yoki shikoyatlarni hal qilish muddatlari, istisno tariqasida, ariza bergan yoki shikoyat yozgan shaxsga bu haqda xabar bergan holda, ko‘pi bilan bir oyga uzaytirilishi mumkin.
46. Qasddan yolg‘on ariza bergan yoki shikoyat yozgan bojxona organlarining mansabdor shaxslari belgilangan tartibda javobgarlikka tortiladilar.
47. Bojxona organlarining mansabdor shaxslari o‘zlarining fuqarolik huquqlari cheklangan va buzilgan, izzat-nafslari va qadr-qimmatlari kamsitilgan hollarda qonunchilik bilan belgilangan tartibda sudga murojaat qilish huquqiga egadirlar.
T/r | Lavozimlarning nomi | Boshliqlarning huquqlari | |
rag‘batlantirishlarni qo‘llash bo‘yicha | intizomiy jazolar berish bo‘yicha | ||
1. | Bojxona posti, bojxona kompleksi boshlig‘i, DBQB (MBK) hududiy organlari va DBQ markaziy apparati bo‘lim boshliqlari | Tashakkur bildirish Ular tomonidan ilgari berilgan jazolarni olib tashlash | Og‘zaki: Tanbeh berish va hayfsan e’lon qilish |
2. | DBQB (MKB) boshliqlarining o‘rinbosarlari, DBQ markaziy apparati boshqarmalari boshliqlari va o‘quv bo‘linmalari boshliqlari | Tashakkur bildirish Ular tomonidan ilgari berilgan intizomiy jazolarni olib tashlash | Og‘zaki: Tanbeh berish, hayfsan va qattiq hayfsan e’lon qilish |
3. | DBQB (MKB) boshliqlari | Tashakkur bildirish Qimmatbaho sovg‘alar yoki pul bilan mukofotlash Hurmat taxtasiga qo‘yish Ular tomon�dan ilgari berilgan jazolarni olib tashlash | Tanbeh berish Hayfsan e’lon qilish Qattiq hayfsan e’lon qilish Xizmatga to‘liq munosib emasligi to‘g‘risida ogohlantirish Kichik boshliqlar tarkibidagi shaxslarni bojxona organlaridan bo‘shatish |
4. | O‘zbekiston Respublikasi Davlat bojxona qo‘mitasi raisining o‘rinbosari | Bojxona organlarining mansabdor shaxslariga nisbatan rag‘batlantirish huquqidan foydalanadi, o‘rta va katta boshliqlar tarkibiga muddatidan ilgari navbatdagi maxsus unvonlar berish, shuningdek o‘rta va katta boshliqlar tarkibidagi shaxslar maxsus unvonini bir pog‘onaga pasaytirish huquqi bundan mustasno. | |
5. | O‘zbekiston Respublikasi Davlat bojxona qo‘mitasi raisi | Bojxona organlarining mansabdor shaxslariga nisbatan Intizomiy ustavning to‘la hajmda rag‘batlantirish va jazolash huquqidan foydalanadi. |