LexUZ sharhi
Mazkur buyruq O‘zbekiston Respublikasi Parvozlar xavfsizligini nazorat qilish davlat inspeksiyasi boshlig‘ining 2016-yil 9-martdagi 72-n-sonli “O‘zbekiston Respublikasi Parvozlar xavfsizligini nazorat qilish davlat inspeksiyasi tomonidan qabul qilingan ayrim normativ-huquqiy hujjatlarni o‘z kuchini yo‘qotgan deb topish to‘g‘risida”gi buyrug‘iga (ro‘yxat raqami 2768, 11.03.2016-y.) asosan o‘z kuchini yo‘qotgan.
O‘zbekiston Respublikasining Havo kodeksi, xalqaro aviatsiyada tavsiya qilingan amaliyot va standartlar talablariga muvofiq Davavianazorat tomonidan “O‘zbekiston Respublikasi fuqaro havo kemalarining radiojihozlariga sertifikat berish bo‘yicha yo‘riqnoma” ishlab chiqildi. Buyuraman:
1. “O‘zbekiston Respublikasi fuqaro havo kemalarining radiojihozlariga sertifikat berish bo‘yicha yo‘riqnoma*” tasdiqlansin.
* Yo‘riqnoma rus tilidagi matnda berilgan.
2. Adliya vazirligida ro‘yxatga olingan kundan boshlab o‘n kun ichida yo‘riqnoma ko‘paytirilib barcha aviakompaniyalar va manfaatdor shaxslarga tarqatilishi ta’minlansin.
3. O‘zbekiston Respublikasi Adliya vazirligida ro‘yxatga olingan kundan o‘n kun o‘tgach, mazkur Yo‘riqnoma amalga kiritilsin.
4. Mazkur buyruqning bajarilishi ustidan nazorat sertifikatlash, litsenziyalash va parvozlar xavfsizligi ustidan nazorat boshqarmasi boshlig‘i zimmasiga yuklatilsin.