LexUZ sharhi
Mazkur qaror O‘zbekiston Respublikasi Vazirlar Mahkamasining 2012-yil 26-iyundagi 183-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasining “Davlat statistikasi to‘g‘risida”gi O‘zbekiston Respublikasi Qonuniga o‘zgartish va qo‘shimchalar kiritish haqida” 2012-yil 3-yanvardagi O‘RQ-315-son Qonuni)”ga qaroriga asosan o‘z kuchini yo‘qotgan.
Vazirlar Mahkamasining “Respublika korxonalari, tashkilotlari va muassasalarining statistika hisoboti bilan qamrab olinishining ahvoli va uning ishonchliligi to‘g‘risida” 1993-yil 2-dekabrdagi 588-son qaroriga muvofiq Vazirlar Mahkamasi qaror qiladi:
1. “O‘zistiqbolstat” davlat qo‘mitasida davlat statistika hisobotini topshirish tartibini buzganlik uchun undiriladigan jarimalar hisobiga shakllanadigan Maxsus jamg‘arma tashkil etilsin va undan statistika organlarining moddiy-texnika negizini mustahkamlashda foydalanilsin.
2. “O‘zistiqbolstat” davlat qo‘mitasining Maxsus jamg‘armasi to‘g‘risidagi Nizom ilovaga muvofiq tasdiqlansin.
Ushbu Nizom Vazirlar Mahkamasining “Respublika korxonalari, tashkilotlari va muassasalarining statistika hisoboti bilan qamrab olinishining ahvoli va uning ishonchliligi to‘g‘risida” 1993-yil 2-dekabrdagi 588-son qaroriga muvofiq ishlab chiqilgan.
Nizom Maxsus jamg‘armaning maqsadi va vazifalarini belgilaydi, jamg‘armani shakllantirish va undan foydalanishning “O‘zistiqbolstat” davlat qo‘mitasi barcha bo‘linmalari uchun majburiy bo‘lgan tartibini nazarda tutadi.
Maxsus jamg‘arma statistika organlarining moddiy-texnika negizini mustahkamlashga doir tadbirlarni amalga oshirish maqsadida tashkil etiladi.
Quyidagi vositalar orqali statistika organlarining moddiy-texnika negizini mustahkamlashni ta’minlash “O‘zistiqbolstat” davlat qo‘mitasi Maxsus jamg‘armasining asosiy maqsadi hisoblanadi:
statistika mahalliy organlarini texnika bilan ta’minlash masalalarini hal etish uchun mablag‘larni Maxsus jamg‘armada jamlash;
statistika organlari xodimlarining statistika axborotlari sifatini ta’minlashdan moddiy manfaatdorligini oshirish.
Maxsus jamg‘arma statistika hisobotlarini o‘z vaqtida, to‘liq va to‘g‘ri topshirmaganlik uchun xo‘jalik yurituvchi subyektlarga respublikada amalda bo‘lgan qonun hujjatlariga muvofiq solinadigan iqtisodiy sanksiyalar va jarimalardan tushadigan mablag‘lardan shakllanadi.
Maxsus jamg‘armalarga tushgan mablag‘lar “O‘zistiqbolstat” davlat qo‘mitasining hamda istiqbolni belgilash va statistika hududiy boshqarmalarining budjetdan tashqari maxsus schyotlarida jamlanadi.
Maxsus jamg‘armalarga mablag‘larning to‘liq, to‘g‘ri va o‘z vaqtida o‘tkazilishini nazorat qilish “O‘zistiqbolstat” davlat qo‘mitasi tomonidan amalga oshiriladi. Maxsus jamg‘armaga mablag‘larni o‘z vaqtida o‘tkazish tartibini buzganlik uchun mansabdor shaxslar O‘zbekiston Respublikasi qonunchiligiga muvofiq javob beradilar.
statistika organlari mutaxassislarining statistik axborotlarining to‘liqligi va to‘g‘riligini ta’minlashdan moddiy manfaatdor qilish;
xalq xo‘jaligi tarmoqlarida hisobot ma’lumotlarining to‘g‘riligini, hisobga olish va hisobot ishlarining ahvolini tekshirishni tashkil etish hamda o‘tkazish.
Maxsus jamg‘armaning joriy yilda foydalanilmagan mablag‘lari keyingi yilga o‘tadi va musodara qilinmaydi.
1. Maxsus jamg‘armalarning moliya resurslari bank bo‘limlarida alohida joriy schyotlarda hisobga olib boriladi.
2. Jamg‘armalarning sarflanishini joriy hisobga olib borish “Budjetdan tashqari mablag‘larni hisobga olish” daftari bo‘yicha yuritiladi.
3. Jamg‘arma bo‘yicha oylik hisobotlar yig‘ma vedomostda aks ettiriladi, unda mazkur schyot bo‘yicha barcha operatsiyalar mablag‘ bilan ta’minlanadi va memorial orderda o‘z aksini topadi.